CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:50 דֵין סְפַר תֹולְדָת אָדָם בְיֹומָא דִברָא יוי <ית#3#> אָדָם בִדמֻות אֲלֹהִים/ייי#3#/ עֲבַד יָתֵיה׃
(1) 20:50 דְכַר וְנֻוקבָא בְרָנֻון וֻבָרֵיך יָתְהֹון וֻקרָא יָת שֻומְהֹון אָדָם בְיֹומָא דְאִיתבְרִיֻו׃
(1) 30:50 וַחיָא אָדָם מְאָה וֻתלָתִין שְנִין וְאֹולֵיד בִדמֻותֵיה \דְדָמֵי לֵיה /כצלמיה#3#/בצלמיה#3#/ וֻקרָא יָת שְמֵיה שֵת׃
(1) 40:50 וַהוֹו יֹומֵי אָדָם בָתַר דְאֹולֵיד יָת שֵת תַמנֵי מְאָה שְנִין וְאֹולֵיד בְנִין וֻבנָן׃
(1) 50:50 וַהוֹו כֹל יֹומֵי אָדָם דַחיָא תְשַע מְאָה וֻתלָתִין שְנִין וֻמִית׃
(1) 60:50 וַחיָא שֵת מְאָה וְחַמֵש שְנִין וְאֹולֵיד יָת אֲנֹוש׃
(1) 70:50 וַחיָא שֵת בָתַר דְאֹולֵיד יָת אְנֹוש תַמנֵי מְאָה וֻשבַע שְנִין וְאֹולֵיד בְנִין וֻבנָן׃
(1) 80:50 וַהוֹו כֹל יֹומֵי שֵת תְשַע מְאָה וְתַרתַא עַסרֵי שְנִין וֻמִית׃
(1) 90:50 וַחיָא אֲנֹוש תִשעִין שְנִין וְאֹולֵיד יָת קֵינָן׃
(1) 01:50 וַחיָא אֲנֹוש בָתַר דְאֹולֵיד יָת קֵינָן תַמנֵי מְאָה וְחַמֵיש עַסרֵי שְנִין וְאֹולֵיד בְנִין וֻבנָן׃
(1) 11:50 וַהוֹו כֹל יֹומֵי אֲנֹוש תְשַע מְאָה וְחַמֵיש שְנִין וֻמִית׃
(1) 21:50 וַחיָא קֵינָן שִבעִין/שבע#3#/ שְנִין וְאֹולֵיד יָת מַהֲלַלאֵל׃
(1) 31:50 וַחיָא קֵינָן בָתַר דְאֹולֵיד יָת מַהֲלַלאֵל תַמנֵי מְאָה וְאַרבְעִין שְנִין וְאֹולֵיד בְנִין וֻבנָן׃
(1) 41:50 וַהוֹו כֹל יֹומֵי קֵינָן תְשַע מְאָה וְעַסַר שְנִין וֻמִית׃
(1) 51:50 וַחיָא מַהֲלַלאֵל שִתִין וְחַמֵיש שְנִין וְאֹולֵיד יָת יָרַד׃
(1) 61:50 וַחיָא מַהֲלַלאֵל בָתַר דְאֹולֵיד יָת יַרַד תַמנֵי מְאָה וֻתלָתִין שְנִין וְאֹולֵיד בְנִין וֻבנָן׃
(1) 71:50 וַהוֹו כֹל יֹומֵי מַהֲלַלאֵל תַמנֵי מְאָה וְתִשעִין וְחַמֵיש שְנִין וְמִית׃
(1) 81:50 וַחיָא יַרַד מְאָה וְשִתִין וְתַרתֵין שְנִין וְאֹולֵיד יָת חֲנֹוך׃
(1) 91:50 וַחיָא יַרַד בָתַר דְאֹולֵיד יָת חֲנֹוך תַמנֵי מְאָה שְנִין וְאֹולֵיד בְנִין וֻבנָן׃
(1) 02:50 וַהוֹו כֹל יֹומֵי יַרַד תְשַע מְאָה וְשִתִין וְתַרתֵין שְנִין וְמִית׃
(1) 12:50 וַחיָא חֲנֹוך שִתִין וְחַמֵיש שְנִין וְאֹולֵיד יָת מְתֻושָלַח׃
(1) 22:50 וְהַלֵיך חֲנֹוך בְדַחלְתָא/בתר דחלתא#3#/ דַיוי בָתַר דְאֹולֵיד יָת מְתֻושַלַח תְלָת מְאָה שְנִין וְאֹולֵיד בְנִין וֻבנָן׃
(1) 32:50 וַהוֹו כֹל יֹומֵי חֲנֹוך תְלָת מְאָה וְשִתִין וְחַמֵיש שְנִין׃
(1) 42:50 וְהַלֵיך/ואזל#3#/ חֲנֹוך בְדַחלְתָא/בתר דחלתא#3#/ דַיוי וְלָיְתֹוהִי/ואיתוהי#3#/ אֲרֵי <לָא#3#> אֲמִיתֵיה/אְמִית יָתֵיה#3#/ יוי׃
(1) 52:50 וַחיָא מְתֻושַלַח מְאָה וֻתמָנַן וֻשבַע שְנִין וְאֹולֵיד יָת לָמַך׃
(1) 62:50 וַחיָא מְתֻושַלַח בָתַר דְאֹולֵיד יָת לַמַך שְבַע מְאָה וֻתמָנַן וְתַרתֵין שְנִין וְאֹולֵיד בְנִין וֻבנָן׃
(1) 72:50 וַהוֹו כֹל יֹומֵי מְתֻושַלַח תְשַע מְאָה וְשִתִין וְתִישַע שְנִין וֻמִית׃
(1) 82:50 וַחיָא לַמַך מְאָה וְתמָנַן וְתַרתֵין שְנִין וְאֹולֵיד בַר׃
(1) 92:50 וֻקרָא יָת שְמֵיה נֹחַ לְמֵימַר דֵין יְנַחֲמִינַנָא מִעֻובָדַנָא וֻמִלֵיאֻות יְדַנָא מִן אַרעָא דְלָטַה יוי׃
(1) 03:50 וַחיָא לַמַך בְתַר דְאֹולֵיד יָת נֹחַ חַמֵיש מְאָה וְתִשעִין וְחַמֵיש שְנִין וְאֹולֵיד בְנִין וֻבנָן׃
(1) 13:50 וַהוֹו כֹל יֹומֵי לַמַך שְבַע מְאָה וְשִבעִין וְשבַע שְנִין וֻמִית׃
(1) 23:50 וַהֲוָה נֹחַ בַר חַמֵיש מְאָה שְנִין וְאֹולֵיד יָת שֵם יָת חָם וְיָת יָפַת׃

next chapter