CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:80 וֻדכִיר יוי יָת נֹחַ וְיָת כֹל חַיתָא וְיָת כֹל בְעִירָא דְעִימֵיה בְתֵיבֹותָא וְאַעֲבַר יוי רֻוחָא עַל אַרעָא וְנַחֻו מַיָא׃
(1) 20:80 וְאִסתַכַרֻו מַבֻועֵי תְהֹומָא וְכַוֵי דִשמַיָא וְאִתכְלִי מִטרָא מִן שְמַיָא׃
(1) 30:80 וְתָבֻו מַיָא מֵעַל ארעא אָזְלִין וְתָיְבִין וַחסַרֻו מַיָא מִסֹוף מְאָה וְחַמשִין יֹומִין׃
(1) 40:80 וְנַחַת תֵיבֹותָא בְיַרחָא שְבִיעָאָה בְשִבעָת עַסרָא יֹומָא לְיַרחָא עַל טֻורֵי קַרדֻו׃
(1) 50:80 וֻמַיָא הֲוֹו אָזְלִין וְחָסְרִין עַד יַרחָא עֲסִירָאָה בַעסִירָאָה בְחַד לְיַרחָא אִיתַחזִיֻו רֵישֵי טֻורַיָא׃
(1) 60:80 וַהֲוָה מִסֹוף אַרבְעִין יֹומִין/יממין#3#/ וֻפתַח נֹחַ יָת כַוַת תֵיבֹותָא דַעֲבַד׃
(1) 70:80 וְשַלַח יָת עֹורְבָא וְנָפֵיק מִיפַק וְתָאִיב/וְתָאֵיב#3#/ עַד דִיבִישֻו מַיָא מֵעַל ארעא׃
(1) 80:80 וְשַלַח יָת יֹונָה מִלְוָתֵיה לְמִחזֵי \אִם קַלֻו /הקלו#3#/ מַיָא מֵעַל אַפֵי ארעא׃
(1) 90:80 וְלָא אַשכַחַת יֹונָה מְנָח לְפַרסַת רַגלַה וְתַבַת לְוָתֵיה לְתֵיבֹותָא אְרֵי מַיָא עַל אַפֵי כֹל ארעא וְאֹושֵיט יְדֵיה וְנִסבַת וַאְעֵיל יָתַה לְוָתֵיה לְתֵיבֹותָא׃
(1) 01:80 וְאֹורֵיך/ושרי#3#/ עֹוד שִבעָה יֹומִין אֻוחרָנִין וְאֹוסֵיף שַלַח/למשלח#3#/ יָת יֹונָה מִן תֵיבֹותָא׃
(1) 11:80 וַאֲתַת/ועלת#3#/ לְוָתֵיה יֹונָה לְעִידָן רַמשָא וְהָא טְרַף זֵיתָא תְבִיר מַחַת/נחית#3#/ בְפֻומַה וִידַע נֹחַ אֲרֵי קַלֻו מַיָא מֵעַל ארעא׃
(1) 21:80 וְאֹורֵיך עֹוד שִבעָה יֹומִין אֻוחרָנִין וְשַלַח יָת יֹונָה וְלָא אֹוסֵיפַת לִמתָב לְוָתֵיה עֹוד׃
(1) 31:80 וַהֲוָה בְשֵית מְאָה וֻחדַא שְנִין בְקַדמָאָה/בקדמיתא#3#/ בְחַד לְיַרחָא נְגֻובֻו מַיָא מֵעַל ארעא וְאָעֲדִי/ועדי#3#/ נֹחַ יָת חֻופָאָה דְתֵיבֹותָא וַחזָא וְהָא נְגֻובֻו אַפֵי ארעא׃
(1) 41:80 וֻביַרחָא תִניָנָא בְעַסרִין וְשִבעָה יֹומָא לְיַרחָא יְבֵישַת אַרעָא׃
(1) 51:80 וֻמַלֵיל יוי עִם נֹחַ לְמֵימַר׃
(1) 61:80 פֹוק מִן תֵיבֹותָא אַת וְאִיתְתָך וֻבנָך וֻנשֵי בְנָך עִימָך׃
(1) 71:80 כֹל חַיתָא דְעִמָך מִכֹל בִסרָא בְעֹופָא וֻבִבעִירָא וֻבכָל רִחשָא דְרָחֵיש עַל ארעא אַפֵיק עִימָך וְיִתיַלְדֻון בארעא וְיִפְשֻון וְיִסגֹון עַל ארעא׃
(1) 81:80 וֻנפַק נֹחַ וֻבנֹוהִי וְאִיתְתֵיה וֻנשֵי בְנֹוהִי עִימֵיה׃
(1) 91:80 כֹל חַיתָא כֹל רִחשָא וְכֹל עֹופָא כֹל דרָחֵיש עַל ארעא לְזַרעֲיָתְהֹון נְפַקֻו מִן תֵיבֹותָא׃
(1) 02:80 וֻבנָא נֹחַ מַדבְחָא קדם יוי וֻנסֵיב מִכֹל בְעִירָא דַכיָא וֻמִכֹל עֹופָא דַכיָא וְאַסֵיק עֲלָוָן \עַל מַדבְחָא /במדבחא#3#/׃
(1) 12:80 וְקַבֵיל יוי בְרַעֲוָא יָת קֻורבָנֵיה וַאֲמַר יוי בְמֵימְרֵיה לָא אֹוסֵיף לִמלָט עֹוד יָת ארעא בְדִיל חֹובֵי אֲנָשָא אֲרֵי יִצרָא לִבָא דַאֲנָשָא בִיש מִיזְעֻורֵיה/מעולימוהי#3#/מזעורוהי#3#/ לָא אֹוסֵיף עֹוד לְמִמחֵי יָת כֹל דְחַי/חיא#3#/ כְמָא דַעֲבַדִית׃
(1) 22:80 עֹוד כֹל יֹומֵי ארעא זְרֻועָא וֻחצָדָא וְקֻורָא וְחֹומָא וְקֵיטָא וְסִתוָא וְיֵמָם וְלֵילֵי לָא יִבטְלֻון׃

next chapter