CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:90 וְבָרֵיך יוי יָת נֹחַ וְיָת בְנֹוהִי וַאֲמַר לְהֹון פֻושֻו וֻסגֹו וֻמלֹו יָת אַרעָא׃
(1) 20:90 וְדַחלַתכֹון וְאֵימַתְכֹון תְהֵי עַל כֹל חַיַת ארעא וְעַל כֹל עֹופָא דִשמַיָא בְכֹל דְתַרחֵיש אַרעָא/ברא#3#/ וֻבכֹל נֻונֵי יַמָא בְיַדכֹון <יְהֹון#3#> מְסִירִין׃
(1) 30:90 כֹל רִחשָא דְהֻוא חַי לְכֹון יְהֵי לְמֵיכַל כְיָרֹוק עִסבָא יְהַבִית לְכֹון יָת כֹולָא׃
(1) 40:90 בְרַם בִסרָא בְנַפשֵיה דְמֵיה לָא תֵיכְלֻון׃
(1) 50:90 וֻברַם יָת דַמכֹון לְנַפשָתְכֹון אִיתבַע מִיַד כֹל חַיתָא אִתבְעִינֵיה וֻמִיַד אֲנָשָא מִיַד גְבַר דְיֵשֹוד יָת דְמָא דַאֲחֻוהִי אִתבָע יָת נַפשָא דַאֲנָשָא׃
(1) 60:90 דְיֵישֹוד דְמָא דַאֲנָשָא בְסָהֲדִין מִימֵמַר/עַל מֵימַר#3#/ דַיָנַייָא דְמֵיה יִתאֲשַד אֲרֵי \בְצַלַם אֲלֹהִים /בצלמא דייי#3#/ עֲבַד יָת אֲנָשָא׃
(1) 70:90 וְאַתֻון פֻושֻו וֻסגֹו אִתיַלַדֻו בארעא וֻסגֹו בַה׃
(1) 80:90 וַאֲמַר יוי לְנֹחַ וְלִבנֹוהִי עִמֵיה לְמֵימַר׃
(1) 90:90 וַאֲנָא הָא אֲנָא מְקִים יָת קִיָמִי עִימְכֹון וְעִם/וית#3#/ בְנֵיכֹון בָתְרֵיכֹון׃
(1) 01:90 וְעִם/וְיָת#3#/ כֹל נַפשָא חַיתָא דְעִימְכֹון בְעֹופָא בִבעִירָא וֻבכֹל חַיַת ארעא עִימְכֹון/דעימכון#3#/ מִכֹל נָפְקֵי תֵיבֹותָא לְכֹל חַיַת אַרעָא׃
(1) 11:90 וַאֲקֵים יָת קִיָמִי עִימְכֹון וְלָא יִשתֵיצֵי כֹל בִסרָא עֹוד מִמֵי טֹופָנָא וְלָא יְהֵי עֹוד טֹופָנָא לְחַבָלָא <ית#3#> ארעא׃
(1) 21:90 וַאֲמַר יוי דָא אָת קְיָם דַאֲנָא יָהֵיב בֵין מֵימְרִי וֻבֵינֵיכֹון וֻבֵין כֹל נַפשָא חַיתָא דְעִימְכֹון לְדָרֵי עָלְמָא׃
(1) 31:90 יָת קַשתִי יְהַבִית בְעֲנָנָא וֻתהֵי לְאָת קְיָם בֵין מֵימְרִי וֻבֵין אַרעָא׃
(1) 41:90 וִיהֵי בְעַנָנֻותִי עֲנָנָא עַל ארעא וְתִתַחזֵי קַשתָא בַעֲנָנָא׃
(1) 51:90 וֻדכִירנָא/ואדכר#3#/ יָת קִיָמִי דְבֵין מֵימְרִי וֻבֵינֵיכֹון וֻבֵין כֹל נַפשָא חַיתָא בְכֹל בִסרָא וְלָא יְהֵי עֹוד מַיָא לְטֹופָנָא לְחַבָלָא כֹל בִסרָא׃
(1) 61:90 וֻתהֵי קַשתָא בַעֲנָנָא וְאִיחזֵינַה לְדֻוכרַן/למדכר#3#/ קִיָם עָלַם בֵין מֵימְרָא דַיוי וֻבֵין כֹל נַפשָא חַיתָא בְכֹל בִסרָא דְעַל אַרעָא׃
(1) 71:90 וַאֲמַר יוי לְנֹחַ דָא אַת קְיָם דַאֲקֵימִית בֵין מֵימְרִי וֻבֵין כָל בִסרָא דְעַל אַרעָא׃
(1) 81:90 וַהֲוֹו בְנֵי נֹחַ דִנפַקֻו מִן תֵיבְתָא שֵם וְחָם וְיַפַת וְחָם הֻוא אֲבֻוהִי דִכנָעַן׃
(1) 91:90 תְלָתָה אִלֵין בְנֵי נֹחַ וֻמֵאִלֵין אִתבַדַרֻו בְכָל אַרעָא׃
(1) 02:90 וְשָרִי נֹחַ גְבַר פַלַח בְאַרעָא וֻנצַב כַרמָא׃
(1) 12:90 וֻשתִי מִן חַמרָא וֻרוִי וְאִתַגלִי בְגֹו מַשכְנֵיה׃
(1) 22:90 וַחזָא חָם אֲבֻוהִי דִכנָעַן יָת עַריְתָא דַאֲבֻוהִי וְחַוִי לִתרֵין אֲחֹוהִי בְשֻוקָא׃
(1) 32:90 וֻנסֵיב שֵם וָיַפַת יָת כְסֻותָא וְשַוִיֻו עַל כְתַף תַרוֵיהֹון וַאֲזַלֻו מַחזְרִין וְכַסִיֻו יָת עִריְתָא דַאֲבֻוהֹון וְאַפֵיהֹון מַחזְרִין וְעִריְתָא דַאֲבֻוהֹון לָא חֲזֹו׃
(1) 42:90 וְאִתְעַר נֹחַ מֵיחַמרֵיה וִידַע יָת דַעֲבַד לֵיה בְרֵיה זְעֵירָא׃
(1) 52:90 וַאֲמַר לִיט כְנָעַן עַבַד פָלַח יְהֵי לַאֲחֹוהִי׃
(1) 62:90 וַאֲמַר בְרִיך יוי אֲלָהֵיה דְשֵם וִיהֵי כְנַעַן עַבדָא לְהֹון׃
(1) 72:90 יַפתֵי יוי לְיַפַת וְיַשרֵי שְכִינְתֵיה בְמַשכְנֵי שֵם וִיהֵי כְנַעַן עַבדָא לְהֹון׃
(1) 82:90 וַחיָא נֹחַ בָתַר טֹופָנָא תְלָת מְאָה וְחַמשִין שְנִין׃
(1) 92:90 וַהוֹו כֹל יֹומֵי נֹחַ תְשַע מְאָה וְחַמשִין שְנִין וֻמִית׃

next chapter