CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:11 וַהוָת כֹל אַרעָא לִישָן חַד וֻמַמלַל חַד׃
(1) 20:11 וַהֲוָה בְמִיטַלהֹון בְקַדמֵיתָא/ממדינחא#3#/ וְאַשכַחֻו בִקעֲתָא בארעא דְבָבַל וִיתִיבֻו תַמָן׃
(1) 30:11 וַאֲמַרֻו גְבַר לְחַברֵיה הַבֻו נִרמֵי לִבנִין וְנִשׂרֹופִינֻון/וְנֹוקֵידִינֻון#3#/ בְנֻורָא/יֹוקֵידתָא#3#/ וַהוָת לְהֹון לְבֵנְתָא לְאַבנָא וְחֵימָרָא הֲוָה לְהֹון לִשיָע׃
(1) 40:11 וַאֲמַרֻו הַבֻו נִבנֵי לַנָא קַרתָא וֻמַגדְלָא וְרֵישֵיה מָטֵי עַד צֵית שְמַיָא וְנַעֲבֵיד לַנָא שֹום דִלמָא נִתבַדַר עַל אַפֵי כֹל אַרעָא׃
(1) 50:11 וְאִתגְלִי יוי <לְאִתפְרָעָא#3#> עַל עֹובָד קַרתָא וֻמִגדְלָא/ועל מגדלא#3#/וית מגדלא#3#/ דִבנֹו בְנֵי אֲנָשָא׃
(1) 60:11 וַאֲמַר יוי הָא עַמָא חַד וְלִישָן חַד לְכֻולְהֹון וְדֵין דְשָרִיֻו לְמַעֲבַד וֻכעַן לָא יִתְמנַע מִינְהֹון כֹל דְחַשִיבֻו/דְשָרִיאֻו#3#/ לְמַעֲבַד׃
(1) 70:11 הַבֻו נִתגְלֵי וֻנבַלבֵיל תַמָן לִישָנְהֹון דְלָא יִשמְעֻון אֲנָש/גְבַר#3#/ לִישָן חַברֵיה׃
(1) 80:11 וֻבַדַר יוי יָתְהֹון מִתַמָן עַל אַפֵי כֹל ארעא וְאִתמְנַעֻו מִלְמִבנֵי קַרתָא׃
(1) 90:11 עַל כֵין קְרָא שְמַה בָבַל אֲרֵי תַמָן בַלבֵל יוי לִישָן כֹל אַרעָא וֻמִיתַמָן בַדרִינֻון יוי עַל אַפֵי כֹל אַרעָא׃
(1) 01:11 אִלֵין תֹולְדָת שֵם שֵם בַר מְאָה שְנִין וְאֹולֵיד יָת אַרפַכשַד תַרתֵין שְנִן בָתַר טֹופָנָא׃
(1) 11:11 וַחיָא שֵם בָתַר דְאֹולֵיד יָת אַרפַכשַד חַמֵיש מְאָה שְנִין וְאֹולֵיד בְנִין וֻבנָן׃
(1) 21:11 וְאַרפַכשַד חֲיָא תְלָתִין וְחַמֵיש שְנִין וְאֹולֵיד יָת שָלַח׃
(1) 31:11 וַחיָא אַרפַכשַד בָתַר דְאֹולֵיד יָת שַלַח אַרבַע מְאָה וֻתלָת/ותלתין#3#/ שְנִין וְאֹולֵיד בְנִין וֻבנָן׃
(1) 41:11 וְשַלַח חֲיָה תְלָתִין שְנִין וְאֹולֵיד יָת עֵבַר׃
(1) 51:11 וַחיָא שַלַח בָתַר דְאֹולֵיד יָת עֵבַר אַרבַע מְאָה וֻתלָת שְנִין וְאֹולֵיד בְנִין וֻבנָן׃
(1) 61:11 וַחיָא עֵבַר תְלָתִין וְאַרבָע שְנִין וְאֹולֵיד יָת פָלַג׃
(1) 71:11 וַחיָא עֵבַר בָתַר דְאֹולֵיד יָת פַלַג אַרבַע מְאָה וֻתלָתִין שְנִין וְאֹולֵיד בְנִין וֻבנָן׃
(1) 81:11 וַחיָא פַלַג תְלָתִין שְנִין וְאֹולֵיד יָת רְעֻו׃
(1) 91:11 וַחיָא פַלַג בָתַר דְאֹולֵיד יָת רְעֻו מָאתַן וֻתשעַ/וְתִשעִין#3#/ שְנִין וְאֹולֵיד בְנִין וֻבנָן׃
(1) 02:11 וַחיָא רְעֻו תְלָתִין וְתַרתֵין שְנִין וְאֹולֵיד יָת שְרֻוג׃
(1) 12:11 וַחיָא רְעֻו בָתַר דְאֹולֵיד יָת שְרֻוג מָאתַן וֻשבַע שְנִין וְאֹולֵיד בְנִין וֻבנָן׃
(1) 22:11 וַחיָא שְרֻוג תְלָתִין שְנִין וְאֹולֵיד יָת נָחֹור׃
(1) 32:11 וַחיָא שְרֻוג בָתַר דְאֹולֵיד יָת נָחֹור מָאתַן שְנִין וְאֹולֵיד בְנִין וֻבנָן׃
(1) 42:11 וַחיָא נָחֹור עַסרִין וְתִישַע שְנִין וְאֹולֵיד יָת תָרַח׃
(1) 52:11 וַחיָא נָחֹור בָתַר דְאֹולֵיד יָת תַרַח מְאָה וְתִישַע עַסרֵי שְנִין וְאֹולֵיד בְנִין וֻבנָן׃
(1) 62:11 וַחיָא תַרַח שִבעִין שְנִין וְאֹולֵיד יָת אַברָם יָת נָחֹור וְיָת הָרָן׃
(1) 72:11 וְאִלֵין תֹולְדָת תַרַח תַרַח אֹולֵיד יָת אַברָם יָת נָחֹור וְיָת הָרָן וְהָרָן אֹולֵיד יָת לֹוט׃
(1) 82:11 וֻמִית הָרָן עַל אַפֵי/בחיי#3#/ תַרַח אֲבֻוהִי בַאֲרָע יַלָדֻותֵיה בְאֻור דְכַסדָאֵי׃
(1) 92:11 וֻנסֵיב אַברָם וְנָחֹור לְהֹון נְשִין שֵם אִיתַת אַברָם שָׂרָי וְשֵם אִיתַת נָחֹור מִלכָה בַת הָרָן אֲבֻוהָא דְמִלכָה וַאֲבֻוהָא דְיִסכָה׃
(1) 03:11 וַהוָת שָׂרַי עַקרָא לֵית לַה וְלַד/בנין#3#/׃
(1) 13:11 וֻדבַר תַרַח יָת אַברָם בְרֵיה וְיָת לֹוט בַר הָרָן בַר בְרֵיה וְיָת שָׂרַי כַלְתֵיה אִיתַת אַברָם בְרֵיה וֻנפַקֻו עִמְהֹון מֵיאֻור דְכַסדָאֵי לְמֵיזַל לארעא דִכנָעַן וַאֲתֹו עַד חָרָן וִיתִיבֻו תַמָן׃
(1) 23:11 וַהוֹו יֹומֵי תַרַח מָאתַן וְחַמֵיש שְנִין וֻמִית תַרַח בְחָרָן׃

next chapter