CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:41 וַהֲוָה בְיֹומֵי אַמרָפַל מַלכָא דְבָבַל אַריֹוך מַלכָא דְאַלָסָר כְדָר לָעֹמַר מַלכָא דְעֵילָם וְתִדעָל מַלכָא דְעַמְמֵי׃
(1) 20:41 עֲבַדֻו/סַדַרֻו#3#/ קְרָבָא עִם בַרַע מַלכָא דִסדֹום וְעִם בִרשַע מַלכָא דְעֲמֹרָה שִנאָב מַלכָא דְאַדמָה וְשַמאֵבַר מַלכָא דְצבֹויִים וֻמַלכָא דְבַלַע הִיא צֹועַר׃
(1) 30:41 כֹל אִילֵין אִתכַנַשֻו לְמֵישַר חַקלַיָא הֻוא אֲתַר יַמָא דְמִלחָא׃
(1) 40:41 תַרתַא עַסרֵי שְנִין פְלַחֻו יָת כְדָר לַעֹמַר וֻתלָת עַסרֵי שְנִין מְרַדֻו׃
(1) 50:41 וֻבאַרבַע עַסרֵי שְנִין אֲתָא כְדָר לָעֹמַר וֻמַלכַיָא דְעִמֵיה וֻמחֹו יָת גִיבָרַיָא דִבעַשתְרֹות קַרנַיִם וְיָת תַקִיפַיָא/חושבני#3#/ דִבהָמְתָא/דבהם#3#/ וְיָת אֵימְתָנֵי דִבשָוֵיה קִריָתָיִם׃
(1) 60:41 וְיָת חֹורָאֵי דִבטֻורַיָא דִסֵעִיר עַד מֵישַר פָארָן דִסמִיך עַל מַדבְרָא׃
(1) 70:41 וְתָבֻו וַאֲתֹו לְמֵישַר פִילֻוג/פילוך#3#/ דִינָא עַד/הִיא#3#/ רְקַם וֻמחֹו יָת כֹל חַקלֵי עֲמָלְקָאָה וְאַף יָת אֲמֹורָאָה דְיָתֵיב בְעֵין גַדִי׃
(1) 80:41 וֻנפַקֻו מַלכָא דִסדֹום וֻמַלכָא דַעֲמֹרָה וֻמַלכָא דְאַדמָה וֻמַלכָא דִצבֹויִם וֻמַלכָא דְבַלַע הִיא צֹעַר וְסַדַרֻו עִמְהֹון קְרָבָא בְמֵישַר חַקלַיָא׃
(1) 90:41 עִם/יָת#3#/ כְדָר לָעֹמַר מַלכָא דְעֵילָם וְתִדעָל מַלכָא דְעַמְמֵי וְאַמרָפַל מַלכָא דְבָבַל וְאַריֹוך מַלכָא דְאַלָסָר אַרבְעָה מַלכִין לִקבֵיל חַמשָה׃
(1) 01:41 וֻמֵישַר חַקלַיָא בֵירָן בֵירָן מַסְקָן חֵימָרָא וַעֲרַקֻו מַלכָא דִסדֹום וַעֲמֹורָה וֻנפַלֻו תַמָן וֻדאִשתְאַרֻו לְטֻורָא עֲרַקֻו׃
(1) 11:41 וֻשבֹו יָת כֹל קִניָנָא דִסדֹם וַעֲמֹרָה וְיָת כֹל מֵיכַלהֹון וַאֲזַלֻו׃
(1) 21:41 וֻשבֹו יָת לֹוט וְיָת כֹל קִניָנֵיה בַר אֲחֻוהִי דְאַברָם וַאֲזַלֻו וְהֻוא יָתֵיב בִסדֹום׃
(1) 31:41 וַאֲתָא מְשֵיזְבָא וְחַוֵי לְאַברָם עִברָאָה וְהֻוא שְרֵי בְמֵישְרֵי מַמרֵא אֲמֹורָאָה אֲחֻוהִי דְאַשכֹל וַאֲחֻוהִי דְעָנֵר וְאִינֻון אֲנָש/אינשי#3#/מארי#3#/ קְיָמֵיה דְאַברָם׃
(1) 41:41 וֻשמַע אַברָם אֲרֵי אִשתְבִי אֲחֻוהִי/בר אֲחֻוהִי#3#/ וְזָרֵיז יָת עֻולֵימֹוהִי יְלִידֵי בֵיתֵיה תְלָת מְאָה וֻתמָנַת עֲסַר וֻרדַף עַד דָן׃
(1) 51:41 וְאִתפְלַג עֲלֵיהֹון בְלֵיליָא הֻוא וְעַבדֹוהִי וֻמחָנֻון וֻרדַפִינֻון עַד חֹובָה דְמִצִיפֻונָא לְדָמָשַק׃
(1) 61:41 וַאֲתֵיב יָת כֹל קִניָנָא וְאַף יָת לֹוט אֲחֻוהִי/בר אֲחֻוהִי#3#/ וְקִניָנֵיה אֲתֵיב וְאַף יָת נְשַיָא וְיָת עַמָא׃
(1) 71:41 וֻנפַק מַלכָא דִסדֹם לְקַדָמֻותֵיה בָתַר דְתָב מִלְמִמחֵי יָת כְדָר לָעֹמַר וְיָת מַלכַיָא דְעִימֵיה לְמֵישַר מְפַנַא/מפנק#3#/ הֻוא <אתר#3#> בֵית רֵיסָא דְמַלכָא׃
(1) 81:41 וֻמַלכִי צַדַק מַלכָא דִירֻושלַם אַפֵיק לְחֵים וַחמַר וְהֻוא מְשַמֵיש קֳדָם אֵל עִילָאָה׃
(1) 91:41 וֻבָרְכֵיה וַאֲמַר בְרִיך אַברָם לְאֵל/קדם אל#3#/ עִילָאָה דְקִניָנֵיה שְמַיָא וארעא׃
(1) 02:41 וֻברִיך אֵל עִילָאָה דִמסַר סָנֲאָך בִידָך וִיהַב לֵיה חַד מִן עַסרָא מִכֹולָא׃
(1) 12:41 וַאֲמַר מַלכָא דִסדֹום לְאַברָם הַב לִי נַפשָתָא וְקִניָנָא סַב/דבר#3#/ לָך׃
(1) 22:41 וַאֲמַר אַברָם לְמַלכָא דִסדֹום אֲרֵימִית יְדִי בִצלֹו/בשבועה#3#/ קדם יוי אֵל עִילָאָה דְקִניָנֵיה שְמַיָא וארעא׃
(1) 32:41 אִם מִחֻוטָא וְעַד עַרקַת מְסָנָא וְאִם אִסַב מִכֹל דְלָך וְלָא תֵימַר אֲנָא עַתַרִית יָת אַברָם׃
(1) 42:41 בָר מִדאַכַלֻו עֻולֵימַיָא וְחֻולָק גֻברַיָא דַאֲזַלֻו עִמִי עָנֵר אַשכֹל וֻמַמרֵי אִינֻון יְקַבְלֻון חֻולָקְהֹון׃

next chapter