CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:71 וַהֲוָה אַברָם בַר תִשעִין וְתִישַע שְנִין וְאִתגְלִי יוי לְאַברָם וַאֲמַר לֵיה אֲנָא אֵל שַדַי פְלַח קְדָמַי וִהוִי שְלִים׃
(1) 20:71 וְאִיתֵין קְיָמִי \בֵין מֵימְרִי /ביני#3#/ וֻבֵינָך וְאַסגֵי יָתָך לַחדָא לַחדָא׃
(1) 30:71 וֻנפַל אַברָם עַל אַפֹוהִי וֻמַלֵיל עִמֵיה יוי לְמֵימַר׃
(1) 40:71 אֲנָא הָא גָזַר קִיָמִי עִמָך וֻתהֵי לְאַב סְגֵי עַמְמִין׃
(1) 50:71 וְלָא יִתקְרֵי עֹוד יָת שְמָך אַברָם וִיהֵי שְמָך אַברָהָם אֲרֵי לְאַב/אב#3#/ סְגֵי עַמְמִין יְהַבתָך׃
(1) 60:71 וְאַפֵיש יָתָך לַחדָא לַחדָא וְאִיתְנִינָך לְכִנשָן וֻמַלכִין דְשָלְטִין/שלטין#3#/ בְעַמְמַיָא מִינָך יִפְקֻון׃
(1) 70:71 וַאֲקֵים יָת קְיָמִי בֵין מֵימְרִי וֻבֵינָך וֻבֵין בְנָך בָתְרָך לְדָרֵיהֹון לִקיָם עָלַם לְמִהוֵי לָך לַאֲלָה וְלִבנָך בָתְרָך׃
(1) 80:71 וְאִיתֵין לָך וְלִבנָך בָתְרָך יָת אֲרַע תֹותָבֻותָך יָת כֹל אַרעָא דִכנַעַן לְאַחסָנַת עָלַם וְאִהוֵי/וְאַהוֵי#3#/ לְהֹון לַאֲלָה׃
(1) 90:71 וַאֲמַר יוי לְאַברָהָם וְאַת יָת קְיָמִי תִטַר אַת וֻבנָך בָתְרָך לְדָרֵיהֹון׃
(1) 01:71 דֵין/דא#3#/ קְיָמִי דְתִיטְרֻון בֵין מֵימְרִי וֻבֵינֵיכֹון וֻבֵין בְנָך בָתְרָך לְמִגזַר/איתגזר#3#/ לְכֹון כֹל דְכֻורָא׃
(1) 11:71 וְתִגזְרֻון יָת בִסרָא דְעֻורלַתכֹון וִיהֵי לְאָת קְיָם בֵין מֵימְרִי וֻבֵינֵיכֹון׃
(1) 21:71 וֻבַר תְמָניָה יֹומִין יִגזַר/יתגזר#3#/ לְכֹון כֹל דְכֻורָא לְדָרֵיכֹון יְלִידֵי בֵיתָא וֻזבִין כַספָא מִכֹל/מן#3#/ בַר עַמְמִין דְלָא מִבְנָך הֻוא׃
(1) 31:71 \מִגזָר יִגזַר /איתגזרא יתגזרון#3#/ יְלִיד בֵיתָך וֻזבִין כַספָך וִיהֵי קְיָמִי בִבסַרכֹון לִקיָם עָלַם׃
(1) 41:71 וַעֲרַל דְכֻורָא דְלָא יִגזַר יָת בִסרָא דְעֻורלְתֵיה וְיִשתֵיצֵי אֲנָשָא הַהֻוא מֵעַמֵיה יָת קִיָמִי אַשנִי׃
(1) 51:71 וַאֲמַר יוי לְאַברָהָם שָׂרַי אִיתְתָך לָא תִקרֵי יָת שְמַה שָׂרָי אֲרֵי שָׂרָה שְמַה׃
(1) 61:71 וַאֲבָרֵיך יָתַה וְאַף אַתֵין/יהבית#3#/ מִנַה לָך בַר וַאֲבָרְכִינַך וֻתהֵי לְכִנשָן מַלכִין דְשָלְטִין/שליטין#3#/ בְעַמְמַיָא מִינַה יְהֹון׃
(1) 71:71 וֻנפַל אַברָהָם עַל אַפֹוהִי וַחדִי וַאֲמַר בְלִבֵיה הַלְבַר מְאָה שְנִין \יְהֵי וְלַד /יתיליד#3#/ <לי#3#> וְאִם שָׂרָה הֲבַת תִשעִין שְנִין תְלִיד׃
(1) 81:71 וַאֲמַר אַברָהָם קדם יוי לְוֵי יִשמָעֵאל יִתקַיַים קְדָמָך׃
(1) 91:71 וַאֲמַר יוי בְקֻושטָא שָׂרָה אִיתְתָך תְלִיד לָך בַר וְתִקרֵי יָת שְמֵיה יִצחָק וַאֲקֵים יָת קִיָמִי עִימֵיה לִקיָם עָלַם לִבנֹוהִי בָתְרֹוהִי׃
(1) 02:71 \וְעַל יִשמָעֵאל /ולישמעאל#3#/ קַבֵילִית צְלֹותָך הָא בָרֵיכִית יָתֵיה וְאַפֵישִית יָתֵיה וְאַסגִיתִי יָתֵיה לַחדָא לַחדָא תְרֵי עֲסַר רַברְבִין יֹולִיד וְאִתְנִינֵיה לְעַם סַגִי׃
(1) 12:71 וְיָת קְיָמִי אֲקִים עִים/ית#3#/ יִצחָק דִתלִיד לָך שָׂרָה לְזִמנָא הָדֵין/הדא#3#/ בְשַתָא אֻוחרָנְתָא׃
(1) 22:71 וְשֵיצִי לְמַלָלָא עִמֵיה וְאִסתַלַק יְקָרָא דַיוי מֵעִלָוֹהִי דְאַברָהָם׃
(1) 32:71 וֻדבַר אַברָהָם יָת יִשמָעֵאל בְרֵיה וְיָת כֹל יְלִידֵי בֵיתֵיה וְיָת כֹל זְבִינֵי כַספֵיה כֹל דְכֻורָא בַאֲנָשֵי בֵית אַברָהָם וֻגזַר יָת בִסרָא דְעֻורלַתהֹון בִכרַן יֹומָא הָדֵין כְמָא \דְמַלֵיל עִימֵיה /דפקיד יתיה#3#/ יוי׃
(1) 42:71 וְאַברָהָם בַר תִשעִין וְתִישַע שְנִין \כַד גְזַר /במיגזריה#3#/ בִסרָא דְעֻורלְתֵיה׃
(1) 52:71 וְיִשמָעֵאל בְרֵיה בַר תְלָת עַסרֵי שְנִין כַד גְזַר יָת בִסרָא דְעֻורלְתֵיה׃
(1) 62:71 בִכרַן יֹומָא הָדֵין אִתגְזַר אַברָהָם וְיִשמָעֵאל בְרֵיה׃
(1) 72:71 וְכֹל אֲנָשֵי בֵיתֵיה יְלִידֵי בֵיתָא וֻזבִינֵי כַספָא מִן בְנֵי עַמְמַיָא גְזַרֻו/אִתגְזַרֻו#3#/ עִמֵיה׃

next chapter