CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:81 וְאִתגְלֵי לֵיה יוי בְמֵישְרֵי מַמרֵא וְהֻוא יָתֵיב בִתרַע מַשכְנָא כְמֵיחַם יֹומָא׃
(1) 20:81 וֻזקַף עֵינֹוהִי וַחזָא וְהָא תְלָתָה גֻברִין קָיְמִין עִלָוֹוהִי וַחזָא וֻרהַט לְקַדָמֻותְהֹון מִתְרַע מַשכְנָא וֻסגֵיד עַל ארעא׃
(1) 30:81 וַאֲמַר יוי אִם כְעַן אַשכַחִית רַחמִין בְעֵינָך/קֳדָמָך#3#/ לָא כְעַן תְעִיבַר מֵעַל עַבדָך׃
(1) 40:81 יִסְבֻון כְעַן זְעֵיר מַיָא וְאַסחֹו רַגלֵיכֹון וְאִסתְמִיכֻו תְחֹות אִילָנָא׃
(1) 50:81 וְאִסַב פִתָא דְלַחמָא וֻסעֻודֻו לִבְכֹון בָתַר כֵין תִעבְרֻון אֲרֵי עַל כֵין עֲבַרתֻון עַל עַבדְכֹון וַאֲמַרֻו כֵין תַעֲבֵיד כְמָא דְמַלֵילתָא׃
(1) 60:81 וְאֹוחִי אַברָהָם לְמַשכְנָא לְוָת שָׂרָה וַאֲמַר אֹוחַא תְלָת סָאוָן קַמחָא סֻולתָא לֻושִי וַעֲבִידִי גְרִיצָן/גריסן#3#/׃
(1) 70:81 \וֻלבֵית תֹורֵי /ולבקרותא#3#/ רְהַט אַברָהָם וֻנסֵיב בַר תֹורֵי רַכִיך וְטָב וִיהַב לְעֻולֵימָא וְאֹוחִי לְמַעֲבַד יָתֵיה׃
(1) 80:81 וֻנסֵיב שְמַן וַחלַב וֻבַר תֹורֵי דַעֲבַד וִיהַב קְדָמֵיהֹון וְהֻוא מְשַמֵיש עִלָוֵיהֹון תְחֹות אִילָנָא וַאֲכַלֻו׃
(1) 90:81 וַאֲמַרֻו לֵיה אָן שָׂרָה אִיתְתָך וַאֲמַר הָא בְמשַכְנָא׃
(1) 01:81 וַאֲמַר מְתָב אֵיתֻוב לְוָתָך כְעִדָן דְאַתֻון קַיָימִין וְהָא בְרָא לְשָׂרָה אִיתְתָך וְשָׂרָה שְמַעַת בִתרַע מַשכְנָא וְהֻוא אֲחֹורֹוהִי׃
(1) 11:81 וְאַברָהָם וְשָׂרָה סִיבֻו עָלֻו בְיֹומִין פְסַק מִלְמִהוֵי לְשָׂרָה אֹורַח כְנשַיָא׃
(1) 21:81 וְחַיִיִכַת שָׂרָה בְמעַהָא לְמֵימַר בָתַר דְסֵיבִית תְהֵי לִי עֻולֵימֻו וְרִבֹונִי סִיב׃
(1) 31:81 וַאֲמַר יוי לאברהם לְמָא דְנָן חַיֵיכַת שָׂרָה לְמֵימַר הַבְקֻושטָא/הברם בקושטא#3#/ אֹולֵיד וַאֲנָא סֵיבִית׃
(1) 41:81 הֲיִתכַסַא מִן קדם יוי פִתגָמָא לִזמַן אֵיתֻוב לְוָתָך כְעִידַן דְאַתֻון קַיָימִין וֻלשָׂרָה בַר׃
(1) 51:81 וְכַדֵיבַת שָׂרָה לְמֵימַר לָא חַיֵיכִית אֲרֵי דְחֵילִית וַאֲמַר לָא בְרַם/אלהין#3#/ חַיֵיכת׃
(1) 61:81 וְקָמֻו מִתַמָן גֻברַיָא וְאִסתַכִיֻו עַל אַפֵי סְדֹם וְאַברָהָם אָזֵיל עִמְהֹון לְאַלֹואֵיהֹון׃
(1) 71:81 ויוי/ומן קדם ייי#3#/ אֲמַר הַמְכַסֵי/היתכסי#3#/ אֲנָא מאברהם דַאֲנָא עָבֵיד׃
(1) 81:81 וְאַברָהָם מִהוָה יִהוֵי לְעַם סַגִי/רב#3#/ וְתַקִיף וְיִתבָרְכֻון בְדִילֵיה כֹל עַמְמֵי ארעא׃
(1) 91:81 אֲרֵי \גְלֵי קדמי /ידעתיניה#3#/ בְדִיל דִיפַקֵיד יָת בְנֹוהִי וְיָת אֲנָש בֵיתֵיה בָתְרֹוהִי וְיִטְרֻון אֹורחָן דְתָקְנָן <מן#3#> קְדָם יוי לְמַעֲבַד צְדַקתָא וְדִינָא בְדִין דְיֵיתֵי/לאייתאה#3#/ יוי עַל/עם#3#/ אברהם יָת דְמַלֵיל <לאיתאה#3#> עֲלֹוהִי׃
(1) 02:81 וַאֲמַר יוי קְבֵילַת/קְבִילַת#3#/ סְדֹם וַעֲמֹרָה אֲרֵי סְגִיאַת וְחֹובַתהֹון אֲרֵי תְקֵיפַת לַחדָא׃
(1) 12:81 אִתגְלִי/איתפני#3#/ כְעַן וַאֵידִין הֲכִקבִילתְהֹון דעלַת לִקדָמַי עֲבַדֻו אַעֲבֵיד עִמְהֹון גְמֵירָא אִם <לָא#3#> תָיְבִין וְאִם <תָיְבִין#3#> לָא אִתפָרַע׃
(1) 22:81 וְאִתפְנִיֻו מִתַמָן גֻברַיָא וַאֲזַלֻו לִסדֹום ואברהם עַד כְעַן <הוא#3#> מְשַמֵיש בִצלֹו קְדָם יוי׃
(1) 32:81 וֻקרֵיב אַברָהָם וַאֲמַר הֲבִרגַז תְשֵיצֵי זַכָאָה עִם חַיָיבָא׃
(1) 42:81 מָא אִם אִית חַמשִין זַכָאִין בְגֹו קַרתָא הֲבִרגַז תְשֵיצֵי וְלָא תִשבֹוק לְאַתרָא בְדִיל חַמשִין זַכָאִין דִבגַוַה׃
(1) 52:81 קֻושטָא אִינֻון דִינָך מִלְמַעֲבַד כְפִתגָמָא הָדֵין לְשֵיצָאָה/לקטלא#3#/ זַכָאָה עִם חַיָיבָא וִיהֵי זַכָאָה כְחַייָבָא קֻושטָא אִינֻון דִינָך דַיָין/הְדַיָין#3#/דדאין#3#/ כֹל/דכל#3#/ ארעא <לא#3#> בְרַם/לא#3#/ יַעֲבֵיד דִינָא׃
(1) 62:81 וַאֲמַר יוי אִם אַשכַח בִסדֹום חַמשִין זַכָאִין בְגֹו קַרתָא וְאִשבֹוק לְכֹל אַתרָא בְדִילְהֹון׃
(1) 72:81 וַאֲתֵיב אַברָהָם וַאֲמַר הָא כְעַן אַסגִיתִי/שריתי#3#/ לְמַלָלָא קְדָם יוי וַאֲנָא עֲפַר וֻקטַם׃
(1) 82:81 מָא אִם יַחסְרֻון חַמשִין/מחמשין#3#/ זַכָאִין חַמשָה הַתְחַבֵיל בְחַמשָה/בדיל חמשה#3#/ יָת כֹל קַרתָא וַאֲמַר לָא אֲחַבֵיל אִם אַשכַח תַמָן אַרבְעִין וְחַמשָה׃
(1) 92:81 וְאֹוסֵיף עֹוד לְמַלָלָא קְדָמֹוהִי/עמיה#3#/ וַאֲמַר מָא אִם יִשתַכחֻון תַמָן אַרבְעִין וַאֲמַר לָא אַעֲבֵיד גְמֵירָא בְדִיל אַרבְעִין׃
(1) 03:81 וַאֲמַר לָא כְעַן יִתקַף \רֻוגזָא דַיוי /קדם ייי#3#/ וַאֲמַלֵיל מָא אִם יִשתַכחֻון תַמָן תְלָתִין וַאֲמַר לָא אַעֲבֵיד <גְמֵירָא#3#> אִם אַשכַח תַמָן תְלָתִין׃
(1) 13:81 וַאֲמַר הָא כְעַן אַסגִיתִי לְמַלָלָא קדם יוי מָא אִם יִשתַכחֻון תַמָן עַסרִין וַאֲמַר לָא אֲחַבֵיל בְדִיל עַסרִין׃
(1) 23:81 וַאֲמַר לָא כְעַן יִתקַף \רֻוגזָא דַיוי /קדם ייי#3#/ וַאֲמַלֵיל בְרַם זִמנָא/בזימנא#3#/ הָדָא מָא אִם יִשתַכחֻון תַמָן עַסרָא וַאֲמַר לָא אֲחַבֵיל בְדִיל עַסרָה׃
(1) 33:81 וְאִסתַלַק יְקָרָא דַיוי כַד שֵיצִי לְמַלָלָא עִם אַברָהָם וְאַברָהָם תָב לְאַתרֵיה׃

next chapter