CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:12 וַיוי דְכִיר יָת שָׂרָה כְמָא דַאֲמַר וַעֲבַד יוי לְשָׂרָה כְמָא דְמַלֵיל׃
(1) 20:12 וְעַדִיאַת וִילֵידַת שָׂרָה לאברהם בַר לְסֵיבְתֹוהִי לְזִמנָא דְמַלֵיל יָתֵיה/עימיה#3#/ יוי׃
(1) 30:12 וֻקרָא אברהם יָת שֵם בְרֵיה דְאִתִילֵיד לֵיה דִילֵידַת לֵיה שָׂרָה יִצחָק׃
(1) 40:12 וֻגזַר אברהם יָת יִצחָק בְרֵיה בַר תְמָניָה יֹומִין כְמָא דְפַקֵיד \יָתֵיה יוי /ייי יתיה#3#/׃
(1) 50:12 ואברהם בַר מְאָה שְנִין כַד אִיתִילֵיד לֵיה יָת יִצחָק בְרֵיה׃
(1) 60:12 וַאֲמַרַת שָׂרָה חַדוָא עֲבַד לִי יוי כֹל דְשָמַע יִחדֵי לִי׃
(1) 70:12 וַאֲמַרַת <מאן#3#> מְהֵימָן דַאֲמַר/דמליל#3#/ לְאַברָהָם וְקַיֵים דְתֹונִיק בְנִין שָׂרָה אֲרֵי יְלֵידִית בַר לְסֵיבְתֹוהִי׃
(1) 80:12 וֻרבָא רָביָא וְאִתחֲסִיל וַעֲבַד אברהם מִשתִיָא רַבָא בְיֹומָא דְאִתחֲסִיל <ית#3#> יִצחָק׃
(1) 90:12 וַחזָת שָׂרָה יָת בַר הָגָר מִצרֵיתָא דִילֵידַת לאברהם מְחָאִיך׃
(1) 01:12 וַאֲמַרַת לאברהם תָרֵיך <ית#3#> אַמתָא הָדָא וְיָת בְרַה אֲרֵי לָא יֵירַת בַר אַמתָא הָדָא עִם בְרִי עִם יִצחָק׃
(1) 11:12 וֻבאֵיש פִתגָמָא לַחדָא בְעֵינֵי אברהם עַל עֵיסַק בְרֵיה׃
(1) 21:12 וַאֲמַר יוי לאברהם לָא יִבאַש בְעֵינָך עַל עֻולֵימָא וְעַל אַמתָך כֹל דְתֵימַר לָך שָׂרָה קַבֵיל מִינַה/למימרה#3#/ אֲרֵי בְיִצחָק יִתקְרֹון לָך בְנִין׃
(1) 31:12 וְאַף יָת בַר אַמתָא לְעַמָא אֲשַוֵינֵיה אֲרֵי בְרָך הֻוא׃
(1) 41:12 וְאַקדֵים אברהם בְצַפרָא וֻנסֵיב לַחמָא וְרֻוקבָא דְמַיָא וִיהַב לְהָגָר שַוִי עַל כִתפַה/כַתפַה#3#/ וְיָת רָביָא וְשַלְחַה וַאֲזַלַת וֻטעָת בְמַדבַר בְאֵר שָבַע׃
(1) 51:12 וֻשלִימֻו מַיָא מִן רֻוקבָא וֻרמָת/וטלקת#3#/ יָת רָביָא/טליא#3#/ תְחֹות חַד מִן אִילָנַיָא׃
(1) 61:12 וַאֲזַלַת וִיתֵיבַת לַה מִקְבַל/מלקביל#3#/ אַרחֵיקַת כְמִגַד בְקַשתָא אֲרֵי אֲמַרַת לָא אִחזֵי בְמֹותֵיה דְרָביָא וִיתֵיבַת מִקְבַל וַאֲרֵימַת יָת קָלַה וֻבכָת׃
(1) 71:12 וֻשמִיַע קדם יוי יָת קָלֵיה דְרָביָא וֻקרָא מַלאֲכָא דַיוי לְהָגָר מִן שְמַיָא וַאֲמַר לַה מָא לִיך הָגָר לָא תִדחֲלִין אֲרֵי שְמִיַע קדם יוי <ית#3#> קָלֵיה/לקליה#3#/ דְרָביָא בַאֲתַר דְהֻוא תַמָן׃
(1) 81:12 קֻומִי טֻולִי יָת רָביָא וְאַתקִיפִי יָת יְדִיך בֵיה אֲרֵי לְעַם <רב#3#> סַגִי אֲשַוֵינֵיה׃
(1) 91:12 וֻגלָא יוי יָת עֵינַהָא וַחזָת בֵירָא דְמַיָא וַאֲזַלַת וֻמלָת יָת רֻוקבָא מַיָא וְאַשקִיאַת יָת רָביָא׃
(1) 02:12 וַהֲוָה מֵימְרָא דַיוי בְסַעֲדֵיה דְרָביָא וֻרבָא וִיתֵיב בְמַדבְרָא וַהֲוָה רָביָא/רָבֵי#3#/ קַשָתָא׃
(1) 12:12 וִיתֵיב בְמַדבְרָא דְפָראָן וֻנסֵיבַת לֵיה אִימֵיה אִיתְתָא מארעא דמצרים׃
(1) 22:12 וַהֲוָה בְעִידָנָא הַהֻוא/ההיא#3#/ וַאֲמַר אבִימַלַך וְפִיכֹל רַב חֵילֵיה לְאַברָהָם לְמֵימַר מֵימְרָא דַיוי בְסַעֲדָך בְכֹל דְאַת עָבֵיד׃
(1) 32:12 וֻכעַן קַיָים לִי בְמֵימְרָא דַיוי הָכָא דְלָא/אם#3#/ תְשַקַר בִי/לי#3#/ וֻבִברִי/וֻלִברִי#3#/ וֻבבַר בְרִי/וֻלבַר בְרִי#3#/ כְטֵיבֻותָא דַעֲבַדִית עִמָך תַעֲבֵיד עִמִי וְעִם ארעא דְאִתֹותבַת בַה׃
(1) 42:12 וַאֲמַר אַברָהָם אֲנָא אֲקַיֵים׃
(1) 52:12 וְאֹוכַח/והוחך#3#/ אַברָהָם יָת/עם#3#/ אֲבִימַלַך עַל עֵיסַק בֵירָא דְמַיָא דַאֲנַסֻו עַבדֵי אֲבִימַלַך׃
(1) 62:12 וַאֲמַר אֲבִימַלַך לָא יְדַעִית מַן עֲבַד יָת פִתגָמָא הָדֵין וְאַף אַת לָא חַוֵית לִי וְאָף אֲנָא לָא שְמַעִית אֲלָהֵין יֹומָא דֵין׃
(1) 72:12 וֻדבַר אַברָהָם עָן וְתֹורִין וִיהַב לַאֲבִימָלָך וֻגזַרֻו תַרוֵיהֹון קְיָם׃
(1) 82:12 וַאֲקֵים אברהם יָת שְבַע חֻורפָן דְעָן בִלחֹודֵיהֹון׃
(1) 92:12 וַאֲמַר אבִימַלַך לאברהם מָא אִינִין שְבַע חֻורפַן אִלֵין/האלין#3#/ דַאֲקֵימתָא בִלחֹודֵיהֹון׃
(1) 03:12 וַאֲמַר אֲרֵי יָת שְבַע חֻורפָן תְקַבֵיל/תיסב#3#/ מִן יְדִי בְדִיל דִתהֵי לִי לְסָהֲדֻו/לסהיד#3#/ אֲרֵי חֲפַרִית יָת בֵירָא הָדָא/הדין#3#/׃
(1) 13:12 עַל כֵין קְרָא לְאַתרָא הַהֻוא בְאֵר שָבַע אֲרֵי תַמָן קַיִימֻו תַרוֵיהֹון׃
(1) 23:12 וֻגזַרֻו קְיָם בִבאֵר שָבַע וְקָם אֲבִימַלַך וֻפִיכֹל רַב חֵילֵיה וְתָבֻו לַאֲרַע פְלִשתָאֵי׃
(1) 33:12 וֻנצַב אִילָנָא בִבאֵר שָבַע וְצַלִי תַמָן בִשמָא דַיוי אֲלָה עָלְמָא׃
(1) 43:12 וְאִתֹותַב אברהם בְאַרַע פְלִשתָאֵי יֹומִין סַגִיאִין׃

next chapter