CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:32 וַהוֹו חַיֵי שָׂרָה מְאָה וְעַשרִין וֻשבַע שְנִין שְנֵי חַיֵי שָׂרָה׃
(1) 20:32 וֻמֵיתַת שָׂרָה בְקִריַת אַרבַע הִיא חַברֹון בארעא דִכנָעַן וַאֲתָא אברהם לְמִספְדַה דְשָׂרָה/לשׂרה#3#/ וֻלמִבכַה׃
(1) 30:32 וְקָם אברהם מֵעַל אַפֵי מִיתֵיה וֻמַלֵיל עִם בְנֵי חִיתָאָה לְמֵימַר׃
(1) 40:32 דַייָר וְתֹותָב אֲנָא עִימְכֹון הַבֻו לִי אַחסָנַת קְבֻורָא עִמְכֹון וְאִקבַר מִיתִי מִן קְדָמָי׃
(1) 50:32 וַאֲתִיבֻו בְנֵי חִתָאָה יָת אברהם לְמֵימַר לֵיה׃
(1) 60:32 קַבֵיל מִינַנָא רִבֹונַנָא רָב קְדָם יוי אַת בֵינַנָא בִשפַר קַברַנָא קְבַר יָת מִיתָך אֲנָש מִינַנָא יָת קִברֵיה לָא יכלי/ימנע#3#/ מִינָך מִלְמִקבַר מִיתָך׃
(1) 70:32 וְקָם אברהם וֻסגֵיד לְעַמָא דארעא לִבנֵי חִיתָאָה׃
(1) 80:32 וֻמַלֵיל עִמְהֹון לְמֵימַר אִם <אִית#3#> רַעֲוָא <עם#3#> נַפשְכֹון/בנפשכון#3#/לנפשכון#3#/ לְמִקבַר יָת מִיתִי מִן קְדָמַי קַבִילֻו מִנִי וֻבעֹו לִי \מִן עַפרֹון/בעפרון#3#/ בַר צֹחַר׃
(1) 90:32 וְיִתַן/ויהב#3#/ לִי יָת מְעָרַת כָפֵילתָא דְלֵיה דְבִסטַר חַקלֵיה בִכסַף שְלִים יִתְנַה לִי בֵינֵיכֹון לְאַחסָנַת קְבֻורָא׃
(1) 01:32 וְעַפרֹון יָתֵיב בְגֹו בְנֵי חִיתָאָה וַאֲתיב עַפרֹון חִיתָאָה יָת אברהם קְדָם בְנֵי חִיתָאָה לְכֹל עָלֵי/עליל#3#/ תְרַע קַרתֵיה לְמֵימַר׃
(1) 11:32 לָא רִיבֹונִי קַבֵיל מִנִי חַקלָא יְהַבִית לָך וֻמעָרְתָא דְבֵיה לָך יְהַבִיתַה לְעֵינֵי בְנֵי עַמִי יְהַבתַה לָך קְבַר מִיתָך׃
(1) 21:32 וֻסגֵיד אברהם קְדָם עַמָא דארעא׃
(1) 31:32 וֻמַלֵיל עִים עַפרֹון קְדָם עַמָא דארעא לְמֵימַר בְרַם אִם <את#3#> עֲבַדת לִי טֵיבֻו קַבֵיל מִנִי איתין <דמי#3#> כַספָא דְמֵי חַקלָא סַב/קביל#3#/ מִנִי וְאַקבַר יָת מִיתִי תַמָן/לתמן#3#/׃
(1) 41:32 וְאָתֵיב עַפרֹון יָת אברהם לְמֵימַר לֵיה׃
(1) 51:32 רִיבֹונִי קַבֵיל מִנִי אֲרַע שָויָא אַרבַע מְאָה סִלעִין דִכסַף בֵינַא וֻבֵינָך מָא הִיא וְיָת מִיתָך קְבַר׃
(1) 61:32 וְקַבֵיל/וֻשמַע#3#/ אברהם מִן עַפרֹון וֻתקַל אברהם לְעַפרֹון יָת כַספָא דְמַלֵיל קְדָם בְנֵי חִיתָאָה אַרבַע מְאָה סִלעִין דִכסַף מִתקַבַל/דמתקבל#3#/ סְחֹורָא/בסחורתא#3#/ בְכָל מְדִינָא׃
(1) 71:32 וְקָם חֲקַל עַפרֹון דִבכָפֵילתָא דִקדָם מַמרֵא חַקלָא וֻמעָרְתָא דְבֵיה וְכָל אִילָנֵי דִבחַקלָא דִבכָל תְחֻומֵיה סְחֹור סְחֹור׃
(1) 81:32 לאברהם לִזבִינֹוהִי לְעֵינֵי בְנֵי חִתָאָה בְכֹל/לכל#3#/ עָלֵי/עליל#3#/ תְרַע קַרתֵיה׃
(1) 91:32 וֻבָתַר כֵין קְבַר אברהם יָת שָׂרָה אִיתְתֵיה בִמעָרַת/לִמעָרַת#3#/ חֲקַל כָפֵילתָא עַל אַפֵי מַמרֵא הִיא חַברֹון בְאַרעָא דִכנָעַן׃
(1) 02:32 וְקָם חַקלָא וֻמעָרְתָא דְבֵיה לְאַברָהָם לְאַחסָנַת קְבֻורָא מִן בְנֵי חִתָאָה׃

next chapter