CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:52 וְאֹוסֵיף אברהם וֻנסֵיב אִיתְתָא וֻשמַה קְטֻורָה׃
(1) 20:52 וִילֵידַת לֵיה יָת זִמרָן וְיָת יָקשָן וְיָת מְדָן וְיָת מִדיָן וְיָת מִשבָק וְיָת שֻוחַ׃
(1) 30:52 וְיָקשָן אֹולֵיד יָת שְבָא וְיָת דְדָן וֻבנֵי דְדָן הֲוֹו לְמַשִריָן וְלִשכֻונִין וְלִנגָוָן׃
(1) 40:52 וֻבנֵי מִדיָן עֵיפָא וְעֵיפַר וַחֲנֹוך וַאֲבִידָע וְאַלדָעָה כָל אִלֵין בְנֵי קְטֻורָה׃
(1) 50:52 וִיהַב אברהם יָת כֹל דְלֵיה לְיִצחָק׃
(1) 60:52 וְלִבנֵי לְחֵינָתָא דִלאברהם יְהַב אַברָהָם מַתְנָן וְשַלְחִינֻון מֵעַל יִצחָק בְרֵיה עַד/בְעֹוד#3#/ דְהֻוא קַיָם לְקִדֻומָא לַאֲרַע מַדִנחָא׃
(1) 70:52 וְאִלֵין יֹומֵי שְנֵי חַיֵי אברהם דַחיָא מְאָה וְשִבעִין וְחַמֵיש שְנִין׃
(1) 80:52 וְאִתנְגִיִד וֻמִית אַברָהָם בְסֵיבֻו טָבָא סִיב וֻסבַע <יֹומִין#3#> וְאִתכְנֵיש לְעַמֵיה׃
(1) 90:52 וֻקבַרֻו יָתֵיה יִצחָק וְיִשמָעֵאל בְנֹוהִי בִמעָרַת כָפֵילתָא דְבַחקַל עַפרֹון בַר צֹחַר חִיתָאָה דְעַל אַפֵי מַמרֵא׃
(1) 01:52 חַקלָא דִזבַן אברהם מִן בְנֵי חִתָאָה תַמָן אִתקְבַר אברהם וְשָׂרָה אִיתְתֵיה׃
(1) 11:52 וַהֲוָה בָתַר דְמִית אברהם וֻבָרֵיך יוי יָת יצחק בְרֵיה וִיתֵיב יצחק עִם בֵירָא דְמַלאַך קַייָמָא אִתַחזִי עֲלַה׃
(1) 21:52 וְאִלֵין תֹולְדָת יִשמָעֵאל בַר אַברָהָם דִילֵידַת הָגָר מִצרֵיתָא אַמתָא דְשָׂרָה לְאַברָהָם׃
(1) 31:52 וְאִלֵין שְמָהָת בְנֵי ישמעאל בִשמָהָתְהֹון לְתֹולְדָתְהֹון בֻוכרָא דישמעאל נְבָיֹות וְקֵדָר וְאַדבְאֵל וֻמִבשָם׃
(1) 41:52 וֻמִשמָע וְדֻומָה וֻמַשָא׃
(1) 51:52 חֲדַד וְתֵימָא יְטֻור נָפִיש וָקֵדמָה׃
(1) 61:52 אִלֵין אִנֻון בְנֵי ישמעאל וְאִלֵין שְמָהָתְהֹון בָפַצחֵיהֹון וֻבכַרכֵיהֹון תְרֵי עֲסַר רַברְבִין לְאֻומֵיהֹון׃
(1) 71:52 וְאִלֵין שְנֵי חַיֵי ישמעאל מְאָה וֻתלָתִין וֻשבַע שְנִין וְאִתנְגִיד וְמִית וְאִתכְנֵיש לְעַמֵיה׃
(1) 81:52 וֻשרֹו מֵחֲוִילָה עַד חַגרָא דְעַל אַפֵי מצרים \מָטֵי לְאַתֻור /למטי אתור#3#/ עַל אַפֵי כֹל אֲחֹוהִי שְרָא׃
(1) 91:52 וְאִלֵין תֹולְדָת יִצחָק בַר אברהם אברהם אֹולֵיד יָת יִצחָק׃
(1) 02:52 וַהֲוָה יִצחָק בַר אַרבְעִין שְנִין כַד נְסֵיב יָת רִבקָה בַת בְתֻואֵל אֲרַמָאָה מִפַדַן דַאֲרָם אֲחָתֵיה דְלָבָן אֲרַמָאָה לֵיה לְאִיתֻו/לאנתו#3#/׃
(1) 12:52 וְצַלִי יִצחָק קדם יוי לִקבֵיל אִיתְתֵיה אֲרֵי עַקרָא הִיא וְקַבֵיל \יוי צְלֹותֵיה /צלותיה יוי#3#/ וְעַדִיאַת רִבקָה אִיתְתֵיה׃
(1) 22:52 וְדָחֲקִין בְנַיָא בְמעַהָא וַאֲמַרַת אִם כֵין לְמָא דְנָן אֲנָא וַאֲזַלַת לְמִתבַע אֻולפָן מִן קדם יוי׃
(1) 32:52 וַאֲמַר יוי לַה תְרֵין עַמְמִין בְמעַכִי וְתַרתֵין מַלכְוָן מִמְעַכִי יִתפָרְשָן וֻמַלכֻו מִמַלכֻו תִתַקַף וְרַבָא יִשתַעֲבַד לִזעֵירָא׃
(1) 42:52 ושלִימֻו יֹומַהָא לְמֵילַד וְהָא תִיֹומִין בִמעַהָא׃
(1) 52:52 וֻנפַק קַדמָאָה סִמֹוק כֻולֵיה כָכְלָן/כִגלִים#3#/ דִסעַר וֻקרֹו שְמֵיה עֵשָׂו׃
(1) 62:52 וֻבָתַר כֵין נְפַק אֲחֻוהִי וִידֵיה אֲחִידָא בְעִקבָא דְעֵשָׂו וֻקרָא שְמֵיה יַעֲקֹב וְיִצחָק בַר שִתִין שְנִין כַד יְלֵידַת יָתְהֹון׃
(1) 72:52 וֻרבִיֻו עֻולֵימַיָא וַהֲוָה עֵשָׂו גְבַר נְחַשִירכָן גְבַר נָפֵיק חֲקַל וְיַעֲקֹב גְבַר שְלִים מְשַמֵיש בֵית אֻולפָנָא׃
(1) 82:52 וֻרחֵים יצחק יָת עֵשָׂו אֲרֵי מִצֵידֵיה הֲוָה אָכֵיל וְרִבקָה רְחֵמַת יָת יַעֲקֹב׃
(1) 92:52 וֻבַשֵיל יַעֲקֹב תַבשִילָא וְעָל/ואתא#3#/ עֵשָׂו מִן חַקלָא וְהֻוא מְשַלהֵי׃
(1) 03:52 וַאֲמַר עֵשָׂו לְיַעֲקֹב אַטעֵימנִי כְעַן מִן סִמֹוקָא סָמְקָא הָדֵין אֲרֵי מְשַלהֵי אֲנָא עַל כֵין קְרָא שְמֵיה אֲדֹום׃
(1) 13:52 וַאֲמַר יַעֲקֹב זַבֵין <כען#3#/לי#3#/> כְיֹום דִלהֵי יָת בְכֵירֻותָך לִי׃
(1) 23:52 וַאֲמַר עֵשָׂו הָא אֲנָא אָזֵיל לִמָמָת וֻלמָא דְנָן לִי בְכֹורֻותָא׃
(1) 33:52 וַאֲמַר יעקב קַיָים לִי כְיֹום דִלהֵי וְקַיֵים לֵיה וְזַבֵין יָת בְכֵירֻותֵיה לְיַעֲקֹב׃
(1) 43:52 וְיַעֲקֹב יְהַב לְעֵשָׂו לְחֵים וְתַבשִיל דִטלֹופְחִין וַאֲכַל וֻשתִי וְקָם וַאֲזַל וְשָט עֵשָׂו יָת בְכֵירֻותָא׃

next chapter