CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:72 וַהֲוָה כַד סִיב יִצחָק וֻכהַיָא עֵינֹוהִי מִלְמִחזֵי וֻקרָא יָת עֵשָׂו בְרֵיה רַבָא וַאֲמַר לֵיה בְרִי וַאֲמַר <ליה#3#> הָאֲנָא׃
(1) 20:72 וַאֲמַר הָא כְעַן סֵיבִית \לֵית אֲנָא יָדַע /לָא יְדַעִית#3#/ \יֹום מֹותִי /יֹומָא דַאְמֻות#3#/׃
(1) 30:72 וֻכעַן סַב כְעַן זֵינָך סֵיפָך וְקַשתָך וְפֹוק לְחַקלָא וְצֻוד לִי צֵידָא׃
(1) 40:72 וְעִיבֵיד לִי תַבשִילִין כְמָא דִרחֵימִית וַאֲעֵיל לִי וְאֵיכֻול בְדִיל דִתבָרְכִינָך נַפשִי עַד לָא אֲימֻות׃
(1) 50:72 וְרִבקָה שְמַעַת כַד מַלֵיל יִצחָק \עִם עֵשָׂו /לעשׂו#3#/ בְרֵיה וַאֲזַל עֵשָׂו לְחַקלָא לִמצָד צֵידָא לְאֵיתָאָה׃
(1) 60:72 וְרִבקָה אֲמַרַת לְיַעֲקֹב בְרַה לְמֵימַר הָא שְמַעִית מִן/ית#3#/ אֲבֻוך מְמַלֵיל עִים עֵשָׂו אֲחֻוך לְמֵימַר׃
(1) 70:72 אֵיתַא/אעיל#3#/ לִי צֵידָא וְעִיבֵיד לִי תַבשִילִין וְאֵיכֻול וַאֲבָרְכִינְך קדם יוי קְדָם מֹותִי׃
(1) 80:72 וֻכעַן בְרִי קַבֵיל מִנִי/במימרי#3#/ \לְמָא דַאֲנָא /לדי אנא#3#/ מְפַקְדָא יָתָך׃
(1) 90:72 אִיזֵיל כְעַן לְעָנָא/לות ענא#3#/ וְסַב לִי מִתַמָן תְרֵין גְדָיֵי <בר#3#> עִזִין טָבִין וְאַעֲבֵיד יָתְהֹון תַבשִילִין לַאֲבֻוך כְמָא דְרָחֵים׃
(1) 01:72 וְתַעֵיל/ותייתי#3#/ לַאֲבֻוך וְיֵיכֹול בְדִיל דִיבָרכִינָך קְדָם מֹותֵיה׃
(1) 11:72 וַאֲמַר יַעֲקֹב לְרִבקָה אִימֵיה הָא עֵשָׂו אֲחִי גְבַר סַעֲרָן וַאֲנָא גְבַר שְעִיַע׃
(1) 21:72 מָא אִם יְמֻושִינַנִי אַבָא וְאֵיהֵי בְעֵינֹוהִי כְמִתלָעַב וְאַיתֵי/ואיהי מייתי#3#/ עֲלַי לְוָטִין וְלָא בִרכָן׃
(1) 31:72 וַאֲמַרת לֵיה אִימֵיה עֲלַי אִתאֲמַר בִנבֻואָה דְלָא יֵיתֹון לְוָטַיָא עֲלָך <אלהין ברכן#3#> בְרִי בְרַם קַבֵיל מִנִי וְאִיזֵיל סַב לִי׃
(1) 41:72 וַאֲזַל וֻנסֵיב וְאֵיתִי לְאִימֵיה וַעֲבַדַת אִימֵיה תַבשִילִין כְמָא דְרָחֵים אֲבֻוהִי׃
(1) 51:72 וֻנסֵיבַת רבקה יָת לְבֻושֵי עֵשָׂו בְרַה רַבָא דָכיָיתָא דְעִמַה בְבֵיתָא וְאַלבֵישַת יָת יַעֲקֹב בְרַה זְעֵירָא׃
(1) 61:72 וְיָת מַשכֵי דִגדֵי בְנֵי עִזֵי אַלבֵישַת עַל יְדֹוהִי וְעַל שְעִיעֻות צַורֵיה׃
(1) 71:72 וִיהַבַת יָת תַבשִילַיָא וְיָת לַחמָא דַעֲבַדַת בִידָא דְיַעֲקֹב בְרַה׃
(1) 81:72 וְעָל לְוָת אֲבֻוהִי וַאֲמַר אַבָא וַאֲמַר הָא אֲנָא מַן אַת בְרִי׃
(1) 91:72 וַאֲמַר יַעֲקֹב לַאֲבֻוהִי אֲנָא עֵשָׂו בֻוכרָך עֲבַדִית כְמָא דְמַלֵילתָא עִמִי/לי#3#/ קֻום כְעַן אִסתְחַר וְאֵיכֻול מִצֵידִי בְדִיל דִתבָרְכִינַנִי נַפשָך׃
(1) 02:72 וַאֲמַר יִצחָק לִברֵיה מָא דֵין אֹוחִיתָא לְאַשכָחָא בְרִי וַאֲמַר אֲרֵי זָמֵין יוי אֲלָהָך קְדָמָי׃
(1) 12:72 וַאֲמַר יִצחָק לְיַעֲקֹב קְרַב כְעַן וַאֲמֻושִינָך בְרִי הֲאַת דֵין בְרִי עֵשָׂו אִם לָא׃
(1) 22:72 וֻקרֵיב יעקב לְוָת יִצחָק אֲבֻוהִי וֻמָשֵיה וַאֲמַר קָלָא קָלֵיה דיעקב וִידַיָא \יְדֵי עֵשָׂו /ידוהי דעשׂו#3#/׃
(1) 32:72 וְלָא אִשתְמֹודְעֵיה/חכים#3#/ אֲרֵי הֲוַאָה יְדֹוהִי כִידֵי עֵשָׂו אֲחֻוהִי סַעֲרָניָן וֻבָרְכֵיה׃
(1) 42:72 וַאֲמַר אַת דֵין בְרִי עֵשָׂו וַאֲמַר אֲנָא׃
(1) 52:72 וַאֲמַר קָרֵיב לִי/קדמי#3#/ וְאֵיכֻול מִצֵידָא דִברִי בְדִיל דִתבָרְכִינָך נַפשִי וְקָרֵיב לֵיה וַאֲכַל וַאֲעֵיל/ואייתי#3#/ לֵיה חַמרָא וֻשתִי׃
(1) 62:72 וַאֲמַר לֵיה יִצחָק אֲבֻוהִי קְרַב כְעַן וְשַק לִי בְרִי׃
(1) 72:72 וֻקרֵיב וְנַשֵיק לֵיה וַאֲרֵיַח יָת רֵיַח לְבֻושֹוהִי וֻבָרְכֵיה וַאֲמַר חְזִי רֵיחָה דִברִי כְרֵיח חַקלָא דְבָרְכֵיה יוי׃
(1) 82:72 וְיִתֵן/ויהב#3#/ לָך יוי מִטַלָא דִשמַיָא וֻמִיטֻובָא דארעא וְסַגיֻות עִיבֻור וַחמַר׃
(1) 92:72 יִפלְחֻונָך עַמְמִין וְיִשתַעַבדָן לָך מַלכְוָן הְוִי רָב לַאֲחָך וְיִסגְדֻון לָך בְנֵי אִמָך לִיטָך יְהֹון לִיטִין וֻברִיכָך/מברכך#3#/ יְהֹון בְרִיכִין׃
(1) 03:72 וַהֲוָה כַד שֵיצִי יִצחָק לְבָרָכָא יָת יַעֲקֹב וַהֲוָה בְרַם מִיפַק נְפַק יַעֲקֹב מִן קְדָם <אפי#3#> יִצחָק אֲבֻוהִי וְעֵשָׂו אֲחֻוהִי עָל/אתא#3#/ מִצֵידֵיה׃
(1) 13:72 וַעֲבַד אַף הֻוא תַבשִילִין וַאֲעֵיל/ואייתי#3#/ לַאֲבֻוהִי וַאֲמַר לַאֲבֻוהִי יְקֻום אַבָא וְיֵיכֹול מִצֵידָא דִברֵיה בְדִיל דִתבָרְכִינַנִי נַפשָך׃
(1) 23:72 וַאֲמַר לֵיה יִצחָק אֲבֻוהִי מַן אַת וַאֲמַר אֲנָא בְרָך בֻוכרָך עֵשָׂו׃
(1) 33:72 וֻתוַה יִצחָק תִיוהָא רַבָא עַד לַחדָא וַאֲמַר מַן הֻוא דֵיכִי דְצָד צֵידָא וְאֲעֵיל לִי וַאֲכַלִית מִכֹולָא עַד לָא תֵיעֹול וֻבָרֵיכתֵיה אַף בְרִיך יְהֵי׃
(1) 43:72 כַד שְמַע עֵשָׂו יָת פִתגָמֵי אֲבֻוהִי וֻצוַח צִיוחָא רַבָא וֻמָרִירָא עַד לַחדָא וַאֲמַר לַאֲבֻוהִי בָרְכֵינִי אַף לִי/אנא#3#/ אַבָא׃
(1) 53:72 וַאֲמַר עַל אֲחֻוך בְחֻוכמָא וְקַבֵיל בִרכְתָך׃
(1) 63:72 וַאֲמַר יָאֻות קְרָא שְמֵיה יַעֲקֹב וְחַכמַנִי/ואכמני#3#/ דְנָן תַרתֵין זִמנִין יָת בְכֵירֻותִי נְסֵיב וְהָא כְעַן קַבֵיל בִרכְתִי וַאֲמַר הֲלָא שְבַקת לִי בִרכָא׃
(1) 73:72 וַאֲתֵיב יִצחַק וַאֲמַר לְעֵשָׂו הָא רָב שְוִיתֵיה/שַוִיתֵיה#3#/ <לך#3#> עִילָווָך/לך#3#/ וְיָת כֹל אֲחֹוהִי יְהַבִית לֵיה לְעַבדִין וֻבעִיבֻור/ועיבור#3#/ וֻבחַמַר/וחמר#3#/ סְעַדתֵיה וְלָך כְעַן/הכא#3#/ מָא אַעֲבֵיד בְרִי׃
(1) 83:72 וַאֲמַר עֵשָׂו לַאֲבֻוהִי הֲבִרכְתָא חֲדָא הִיא לָך אַבָא בָרכֵינִי אַף לִי/אנא#3#/ אַבָא וַאֲרֵים עֵשָׂו קָלֵיה וֻבכָא׃
(1) 93:72 וַאֲתֵיב יִצחָק אֲבֻוהִי וַאֲמַר לֵיה הָא מִטֻובָא דארעא יְהֵי מֹותְבָך וֻמִטַלָא דִשמַיָא מִלְעֵילָא׃
(1) 04:72 וְעַל חַרבָך תֵיחֵי וְיָת אֲחֻוך תִפלַח וִיהֵי כַד יִעִברֻון בְנֹוהִי עַל פִתגָמֵי אֹורָיתָא וְתַעֲדֵי נִירֵיה מֵעַל צַורָך׃
(1) 14:72 וֻנטַר עֵשָׂו דְבָבֻו ליעקב/ית יעקב#3#/ עַל בִרכְתָא דְבָרְכֵיה אֲבֻוהִי וַאֲמַר עֵשָׂו בְלִיבֵיה יִקרְבֻון יֹומֵי אִבלֵיה דְאַבָה וְאִקטֹול יָת יעקב אֲחִי׃
(1) 24:72 וְאִתחַוַה לְרִבקָה יָת פִתגָמֵי עֵשָׂו בְרַה רַבָא וֻשלַחַת וֻקרָת ליעקב בְרַה זְעֵירָא וַאֲמַרַת לֵיה הָא עֵשָׂו אֲחֻוך כָמֵין לָך לְמִקטָלָך׃
(1) 34:72 וֻכעַן בְרִי קַבֵיל מִנִי וְקֻום אִיזֵיל לָך לְוָת לָבָן אַחִי לְחָרָן׃
(1) 44:72 וְתִתֵיב עִמֵיה יֹומִין זְעֵירִין עַד דְתִתֻוב חִמתָא/רוגזא#3#/ דַאֲחֻוך׃
(1) 54:72 עַד דִיתֻוב רֻוגזָא דַאֲחֻוך מִינָך וְיִתנְשֵי יָת דַעֲבַדת לֵיה וְאִשלַח וְאִדבְרִינָך מִתַמָן לְמָא/דילמא#3#/ אִתכֻול \אַף תַרוֵיכֹון /מתרויכון#3#/ יֹומָא חַד׃
(1) 64:72 וַאֲמַרַת רִבקָה לְיִצחָק עַקִית בְחַיַי מִן קְדָם בְנָת חִיתָאָה אִם נָסֵיב יַעֲקֹב אִיתְתָא מִיבְנָת/מִן בְנָת#3#/ חִיתָאָה כְאִלֵין מִבְנָת ארעא לְמָא <דנן#3#> לִי חַיִין׃

next chapter