The Comprehensive Aramaic Lexicon

(1) 10:82	וֻקרָא יצחק ליַעֲקֹב וֻבָרֵיך יָתֵיה וֻפַקְדֵיה וַאֲמַר לֵיה לָא תִיסַב אִיתְתָא מִבְנָת כְנָעַן׃
(1) 20:82	קֻום אִיזֵיל לְפַדַן דַאֲרָם לְבֵית בְתֻואֵל אֲבֻוהָא דְאִימָך וְסַב לָך מִתַמָן אִיתְתָא מִבְנָת לָבָן אֲחֻוהָא דְאִימָך׃
(1) 30:82	וְאֵל שַדַי יְבָרֵיך יָתָך וְיַפְשִינָך וְיַסגֵינָך וֻתהֵי לְכִנשָת שִבטִין׃
(1) 40:82	וְיִתַן לָך <יוי#3#> יָת בִרכָתָא דְאַברָהָם לָך וְלִבנָך עִמָך לְמֵירְתָך יָת אֲרַע תֹותָבֻותָך דִיהַב יוי לְאַברָהָם׃
(1) 50:82	וֻשלַח יִצחָק יָת יַעֲקֹב וַאֲזַל לְפַדַן דַאֲרָם לְוָת לָבָן בַר בְתֻואֵל אֲרַמָאָה אֲחֻוהָא דְרִבקָה אִמֵיה דְיַעֲקֹב וְעֵשָׂו׃
(1) 60:82	וַחזָא עֵשָׂו אֲרֵי בָרֵיך יִצחָק יָת יעקב וְשַלַח יָתֵיה לְפַדַן דַאֲרָם לְמִסַב לֵיה מִתַמָן אִיתְתָא בִדבָרֵיך/כד בריך#3#/ יָתֵיה וֻפַקֵיד עֲלֹוהִי לְמֵימַר לָא תִיסַב אִתְתָא מִבְנָת כְנָעַן׃
(1) 70:82	וְקַבֵיל יעקב מִן/למימר#3#/ אֲבֻוהִי \וֻמִן אִימֵיה /ואמיה#3#/ וַאֲזַל לְפַדַן דַאֲרָם׃
(1) 80:82	וַחזָא עֵשָׂו אֲרֵי בִישָן בְנָת כְנָעַן בְעֵינֵי יִצחָק אֲבֻוהִי׃
(1) 90:82	וַאֲזַל עֵשָׂו לְוָת יִשמָעאֵל וֻנסֵיב יָת מָחֲלַת בַת יִשמָעאֵל בַר אברהם אֲחָתֵיה דִנבָיֹות עַל נְשֹוהִי לֵיה לְאִיתֻו/לאנתו#3#/׃
(1) 01:82	וֻנפַק יעקב מִבְאֵר שָבַע וַאֲזַל לְחָרָן׃
(1) 11:82	וְעָרַע בְאַתרָא וֻבָת תַמָן אֲרֵי עָל שִמשָא וֻנסֵיב מֵאַבנֵי אַתרָא וֻשַוִי אִסָדֹוהִי/איסהדוהי#3#/ וֻשכֵיב בְאַתרָא הַהֻוא׃
(1) 21:82	וַחלַם וְהָא סֻולמָא נְעִיץ בארעא וְרֵישֵיה מָטֵי עַד צֵית שְמַיָא וְהָא מַלאֲכַיָא דַיוי סָלְקִין וְנָחֲתִין בֵיה׃
(1) 31:82	וְהָא יְקָרָא דַיוי מְעַתַד עִלָוֹוהִי וַאֲמַר אֲנָא יוי אֲלָהֵיה דְאַברָהָם אֲבֻוך וַאֲלָהֵיה דיצחק אַרעָא דְאַת שָכֵיב עֲלַה לָך אִתְנִינַה וְלִבנָך׃
(1) 41:82	וִיהֹון בְנָך סַגִיאִין כְעַפרָא דארעא וְתִתַקַף לְמַעַרבָא וֻלמַדִנחָא וֻלצִפֻונָא וֻלדָרֹומָא וְיִתבָרְכֻון בְדִילָך כֹל זַרעֲיָת ארעא וֻבדִיל בְנָך׃
(1) 51:82	וְהָא מֵימְרִי בְסַעֲדָך וְאִטְרִינָך בְכֹל אֲתַר דְתהָך וְאָתִיבִינָך לְארעא הָדָא אֲרֵי לָא אִשבְקִינָך עַד דְאַעֲבֵיד יָת דְמַלֵילִית לָך/עְלָך#3#/׃
(1) 61:82	וְאִתֲעַר יעקב מִשִנתֵיה וַאֲמַר <ברם#3#> בְקֻושטָא <אית#3#> יְקָרָא דַיוי שְרִי בְאַתרָא הָדֵין וַאֲנָא לָא הֲוֵיתִי יָדַע׃
(1) 71:82	וֻדחֵיל וַאֲמַר מָא דְחִילֻו אַתרָא הָדֵין לֵית דֵין אֲתַר הִדיֹוט אֲלָהֵין אֲתַר דְרַעֲוָא בֵיה מִן קדם יוי וְדֵין תְרַע קְבֵיל/לקביל#3#/ שְמַיָא׃
(1) 81:82	וְאַקדֵים יַעֲקֹב בְצַפרָא וֻנסֵיב יָת אַבנָא דְשַוִי אִיסָדֹוהִי/איסהדוהי#3#/ וְשַוִי יָתַה קָמָא וַאֲרֵיק מִשחָא עַל רֵישַה׃
(1) 91:82	וֻקרָא יָת שְמֵיה דְאַתרָא הַהֻוא בֵית אֵל וֻברַם לֻוז שְמַה דְקַרתָא מִלְקַדמִין/לקדמין#3#/בקדמיתא#3#/׃
(1) 02:82	וְקַיֵים יעקב קִיָם לְמֵימַר עִם יְהֵי מֵימְרָא דַיוי בְסַעֲדִי וְיִטְרִינַנִי בְאֹורחָא הָדָא/הדין#3#/ דַאֲנָא אָזֵיל וְיִתֵן לִי לְחֵים לְמֵיכַל וֻכסֻו לְמִלבַש׃
(1) 12:82	וַאֲתֻוב/ואיתותב#3#/ בִשלָם לְבֵית אַבָא וִיהֵי \מֵימְרָא דַיוי /ייי#3#/ לִי לַאֲלָה׃
(1) 22:82	וְאַבנָא הָדָא דְשַוִיתִי קָמָא \תְהֵי דְאֵיהֵי /אהא#3#/ פָלַח עֲלַה <עביד#3#> קדם יוי וְכֹל דְתִתֵין לִי חַד מִן עַסרָא אַפרְשִינֵיה קְדָמָך׃

next chapter