CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:92 וֻנטַל יעקב רַגלֹוהִי וַאֲזַל לְאֲרַע בְנֵי מַדִינחָא׃
(1) 20:92 וַחזָא וְהָא בֵירָא בְחַקלָא וְהָא תַמָן תְלָתָה עַדרִין דְעָן רְבִיעִין עֲלַה אֲרֵי מִן בֵירָא הַהִיא/ההוא#3#/ מַשקַן עַדרַיָא וְאַבנָא רַבתָא עַל פֻומָא דְבֵירָא׃
(1) 30:92 וֻמִתכַנשִין תַמָן כֹל עַדרַיָא וֻמנַדרִין/וֻמגַנדְרִין#3#/ יָת אַבנָא מֵעַל פֻומָא דְבֵירָא וֻמַשקַן יָת עָנָא וֻמתִיבִין יָת אַבנָא עַל פֻומָא דְבֵירָא לְאַתרַה׃
(1) 40:92 וַאֲמַר לְהֹון יַעֲקֹב אַחַי מְנָן אַתֻון וַאֲמַרֻו מֵחָרָן אֲנַחנָא׃
(1) 50:92 וַאֲמַר לְהֹון הֲיָדֲעִיתֻון יָת לָבָן בַר נָחֹור וַאֲמַרֻו יָדְעִנָא׃
(1) 60:92 וַאֲמַר לְהֹון הַשְלָם לֵיה וַאֲמַרֻו שְלָם וְהָא רָחֵל בְרַתֵיה אָתיָא עִים עָנָא׃
(1) 70:92 וַאֲמַר הָא עֹוד <כען#3#> יֹומָא סַגִי/רבא#3#/ לָא עִידָן לְמִכנַש בְעִיר אַשקֹו/השקו#3#/ עָנָא וְאִיזִילֻו רְעֹו׃
(1) 80:92 וַאֲמַרֻו לָא נִיכֹול עַד דְיִתכַנשֻון כֹל עַדרַיָא וִינַדְרֻון/וִיגַנדְרֻון#3#/ יָת אַבנָא מֵעַל פֻומָא דְבֵירא וְנַשקֵי <ית#3#> עָנָא׃
(1) 90:92 עַד דְהֻוא מְמַלֵיל עִמְהֹון וְרָחֵל אֲתָת עִים עָנָא דִלאֲבֻוהָא אֲרֵי רָעִיתָא הִיא׃
(1) 01:92 וַהֲוָה כַד חֲזָא יַעֲקֹב יָת רָחֵל בַת לָבָן אֲחֻוהָא דְאִימֵיה וְיָת עָנָא דְלָבָן אֲחֻוהָא דְאִימֵיה וֻקרִיב יַעֲקֹב וְנַדַר/וְגַנדַר#3#/ יָת אַבנָא מֵעַל פֻומָא דְבֵירָא וְאַשקִי יָת עָנָא דְלָבָן אֲחֻוהָא דְאִימֵיה׃
(1) 11:92 וְנַשֵיק יעקב לְרָחֵל וַאֲרֵים יָת קָלֵיה וֻבכָא׃
(1) 21:92 וְחַוִי יַעֲקֹב לרחל אֲרֵי בַר אַחַת אֲבוהָא הֻוא וַאֲרֵי בַר רִבקָה הֻוא וֻרהַטַת וְחַוִיאַת לְאַבֻוהָא׃
(1) 31:92 וַהֲוָה כַד שְמַע לָבָן יָת שֵימַע יַעֲקֹב בַר אֲחָתֵיה וֻרהַט לְקַדָמֻותֵיה וְגָפֵיף לֵיה וְנַשֵיק לֵיה וְאַעֲלֵיה לְבֵיתֵיה וְאִשתַעִי לְלָבָן יָת כֹל פִתגָמַיָא הָאִלֵין׃
(1) 41:92 וַאֲמַר לֵיה לָבָן בְרַם קָרִיבִי וֻבִסרִי אַת וִיתֵיב עִמֵיה יְרַח יֹומִין׃
(1) 51:92 וַאֲמַר לָבָן לְיַעֲקֹב הֲמִדְאַחִי אַת וְתִפלְחִינַנִי מַגָן חַו לִי מָא אַגרָך׃
(1) 61:92 וֻללָבָן תַרתֵין בְנָן שֹום רַבְתָא לֵאָה וְשֹום זְעֵירתָא רָחֵל׃
(1) 71:92 וְעֵינֵי לֵאָה יָאֲיָן וְרָחֵל הְוָת שַפִירָא בְרֵיוָא וְיָאֲיָא בְחַזוָא׃
(1) 81:92 וֻרחֵים יַעֲקֹב ית רָחֵל וַאֲמַר אִפלְחִינָך שְבַע שְנִין בְרָחֵל בְרַתָך זְעֵירְתָא׃
(1) 91:92 וַאֲמַר לָבָן טָב דְאִיתֵין יָתַה לָך מִדְאַתֵין יָתַה לִגבַר אֻוחרָן תִיב עִמִי׃
(1) 02:92 וֻפלַח יעקב בְרָחֵל שְבַע שְנִין וַהוֹו בְעֵינֹוהִי כְיֹומִין זְעֵירִין בִדרָחֵים <ליה#3#> יָתַה׃
(1) 12:92 וַאֲמַר יַעֲקֹב לְלָבָן הַב יָת אִתְתִי אֲרֵי שְלִימֻו יֹומֵי פֻולחָנִי וְאֵיעֹול לְוָתַה׃
(1) 22:92 וֻכנַש לָבָן יָת כֹל אֲנָשֵי אַתרָא וַעֲבַד מִשתִיָא׃
(1) 32:92 וַהֲוָה בְרַמשָא וֻדבַר יָת לֵאָה בְרַתֵיה וְאֲעֵיל יָתַה לְוָתֵיה וְעָל לְוָתַה׃
(1) 42:92 וִיהַב לָבָן לַה יָת זִלפָה אַמתֵיה לְלֵאָה בְרַתֵיה לְאַמהֻו׃
(1) 52:92 וַהֲוָה בְצַפרָא וְהָא הִיא לֵאָה וַאֲמַר לְלָבָן מָא דָא עֲבַדת לִי הֲלָא בְרָחֵל פְלַחִית עִמָך וֻלמָא שַקַרת בִי׃
(1) 62:92 וַאֲמַר לָבָן לָא מִתעֲבֵיד כֵין/כדין#3#/ בְאַתרַנָא לְמִיתַן זְעֵירְתָא קְדָם רַבְתָא׃
(1) 72:92 אַשלֵים שְבֻועֲתָא דְדָא/דא#3#/ וְנִתֵין לָך אַף יָת דָא בְפֻולחָנָא דְתִפלַח עִמִי עֹוד שְבַע שְנִין אֻוחרָנִין׃
(1) 82:92 וַעֲבַד יַעֲקֹב כֵין/כדין#3#/ וְאַשלֵים שְבֻועֲתָא דְדָא/דא#3#/ וִיהַב לֵיה יָת רָחֵל בְרַתֵיה לֵיה לְאִיתֻו/לאנתו#3#/׃
(1) 92:92 וִיהַב לָבָן לְרָחֵל בְרַתֵיה יָת בִלהָה לַה לְאַמהֻו׃
(1) 03:92 וְעָל אַף לְוָת רָחֵל וֻרחֵים אַף יָת רָחֵל מִלֵאָה וֻפלַח עִימֵיה עֹוד שְבַע שְנִין אֻוחרָנִין׃
(1) 13:92 וַחזָא/וגלי קדם#3#/ יוי אֲרֵי סְנֻואֲתָא לֵאָה וִיהַב לַה עִדֻוי וְרָחֵל עַקרָא׃
(1) 23:92 וְעַדִיאַת לֵאָה וִילֵידַת בַר וֻקרָת שְמֵיה רְאֻובֵן אֲרֵי אֲמַרַת אֲרֵי גְלִי קדם יוי עֻולבָנִי אֲרֵי כְעַן יִרחֲמִינַנִי בַעלִי׃
(1) 33:92 וְעַדִיאַת עֹוד/לאה#3#/ וִילֵידַת בַר וַאֲמַרַת אֲרֵי שְמִיַע קדם יוי אֲרֵי סְנֻואֲתָה אֲנָא וִיהַב לִי אַף יָת דֵין וֻקרָת <ית#3#> שְמֵיה שִמעֹון׃
(1) 43:92 וְעַדִיאַת עֹוד וִילֵידַת בַר וַאֲמַרַת \זִמנָא הָדָא /הדא זמנא#3#/כען זימנא#3#/ יִתחַבַר לִי בַעלִי אֲרֵי יְלֵידִית לֵיה תְלָתָה בְנִין עַל כֵין קְרָא שְמֵה לֵוִי׃
(1) 53:92 וְעַדִיאַת עֹוד וִילֵידַת בַר וַאֲמַרַת הָדָא זִמנָא אֹודֵי קדם יוי עַל כֵין קְרָת שְמֵיה יְהֻודָה וְקַמַת מִלְמֵילַד/מלמילת#3#/׃

next chapter