CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:53 וַאֲמַר יוי לְיַעֲקֹב קֻום סַק לְבֵית אֵל וְתִיב תַמָן וְעִיבֵיד תַמָן מַדבַח לְאֵל/קדם אלהא#3#/ דְאִתגְלִי לָך/עלך#3#/ בְמִערְקָך מִן קְדָם עֵשָׂו אֲחֻוך׃
(1) 20:53 וַאֲמַר יַעֲקֹב לַאֲנָש בֵיתֵיה וֻלכָל דְעִמֵיה אַעֲדֹו יָת טָעֲוָת עַמְמַיָא דְבֵינֵיכֹון וְאִידַכֹו וְשַנֹו כְסֻותְכֹון׃
(1) 30:53 וֻנקֻום וְנִסַק לְבֵית אֵל וְאַעֲבֵיד תַמָן מַדבַח לְאֵל/קדם אלהא#3#/ דְקַבֵיל צְלֹותִי \בְיֹומָא דְעָקְתִי /בעידן דעקתי#3#/ וַהֲוָה מֵימְרֵיה בְסַעֲדִי בְאֹורחָא דַאֲזַלֵית׃
(1) 40:53 וִיהַבֻו ליעקב/לות יעקב#3#/ יָת כֹל טָעֲוָת עַמְמַיָא דִביַדהֹון/דעמהון#3#/ וְיָת קְדָשַיָא דִבאֻודנֵיהֹון וְטַמַר יָתְהֹון יַעֲקֹב תְחֹות בֻוטמָא/אליתא#3#/ דְעִם שְכַם׃
(1) 50:53 וֻנטַלֻו וַהוָת דַחלָא \מִן קְדָם יוי /דייי#3#/ עַל עַמְמַיָא/קירויא#3#/ \דִבקִרוֵי סַחרָנֵיהֹון /די בסוחרניהון#3#/ וְלָא רְדַפֻו בָתַר בְנֵי יַעֲקֹב׃
(1) 60:53 וַאֲתָא יעקב לְלֻוז דִבאַרעָא דִכנָעַן הִיא בֵית אֵל הֻוא וְכָל עַמָא דְעִימֵיה׃
(1) 70:53 וֻבנָא תַמָן מַדבְחָא וֻקרָא לְאַתרָא אֵל בֵית אֵל אֲרֵי תַמָן אִתגְלִי לֵיה יוי/מלאכא דייי#3#/ בְמִערְקֵיה מִן קְדָם אֲחֻוהִי׃
(1) 80:53 וֻמֵיתַת דְבֹורָה מֵינִיקתַה דְרִבקָה וְאִתקְבַרַת מִלְרַע לְבֵית אֵל בְשִיפֹולֵי מֵישְרָא וֻקרָא שְמֵיה מֵישַר בְכִיתָא׃
(1) 90:53 וְאִתגְלִי יוי לְיַעֲקֹב עֹוד בְמֵיתֹוהִי מִפַדַן דַאֲרָם וֻבָרֵיך יָתֵיה׃
(1) 01:53 וַאֲמַר לֵיה יוי שְמָך יַעֲקֹב לָא יִתקְרֵי \שְמָך עֹוד /עוד שמך#3#/ יַעֲקֹב אֲלָהֵין יִשרָאֵל יְהֵי שְמָך וֻקרָא יָת שְמֵיה ישראל׃
(1) 11:53 וַאֲמַר לֵיה יוי אֲנָא אֵל שַדַי פֻוש וֻסגֵי עַם וְכִנשָת שִבטִין יְהֹון מִנָך וֻמַלכִין דְשָלְטִין/שליטין#3#/ בְעַמְמַיָא מִינָך יִפְקֻון׃
(1) 21:53 וְיָת אַרעָא דִיהַבִית לְאַברָהָם וליצחק לָך אִיתְנִינַה וְלִבנָך בָתְרָך אַתֵין יָת ארעא׃
(1) 31:53 וְאִסתַלַק מֵעִילָוֹוהִי יְקָרָא דַיוי בְאַתרָא דְמַלֵיל עִמֵיה׃
(1) 41:53 וַאֲקֵים יעקב קָמְתָא בְאַתרָא דְמַלֵיל עִמֵיה קָמַת אַבנָא וְנַסֵיך עֲלַה נִסכִין וַאֲרֵיק עֲלַה מִשחָא׃
(1) 51:53 וֻקרָא יַעֲקֹב יָת שְמֵיה דְאַתרָא דְמַלֵיל עִמֵיה תַמָן יוי בֵית אֵל׃
(1) 61:53 וֻנטַלֻו מִבֵית אֵל וַהֲוָה עֹוד כְרֹוב ארעא לְמֵיעַל לְאַפרָת וִילֵידַת רָחֵל וְקַשִיאַת בְמֵילְדַה׃
(1) 71:53 וַהֲוָה בְקַשָיֻותַה/במקשיותה#3#/ בְמֵילְדַה וַאֲמַרַת לַה חָיְתָא לָא תִדחֲלִין אֲרֵי אַף דֵין לִיך בַר׃
(1) 81:53 וַהֲוָה בְמִפַק נַפשַה אֲרֵי מָיְתָא וֻקרָת שְמֵיה בַר דְוַיִי וַאֲבֻוהִי קְרָא לֵיה בִניָמִין׃
(1) 91:53 וֻמֵיתַת רָחֵל וְאִתקְבַרַת בְאֹורַח אַפרָת הִיא בֵית לָחַם׃
(1) 02:53 וַאֲקֵים יעקב קָמְתָא עַל קְבֻורְתַה הִיא קָמַת קְבֻורְתָא דְרָחֵיל עַד יֹומָא הָדֵין/דֵין#3#/׃
(1) 12:53 וֻנטַל ישראל וֻפַרסֵיה לְמַשכְנֵיה מֵהָלאָה/מלהלאה#3#/ לְמִגדָלא דְעֵדַר׃
(1) 22:53 וַהֲוָה כַד שְרָא ישראל בארעא הַהִיא וַאֲזַל רְאֻובֵן וֻשכֵיב יָת/עם#3#/ בִלהָה לְחֵינְתָא דַאֲבֻוהִי וֻשמַע ישראל וַהוֹו בְנֵי יעקב תְרֵי עֲסַר׃
(1) 32:53 בְנֵי לֵאָה בֻוכרֵיה דיעקב רְאֻובֵן וְשִמעֹון וְלֵוִי וִיהֻודָה וְיִשָׂשׂכָר וֻזבֻלֻון׃
(1) 42:53 בְנֵי רָחֵל יֹוסֵף וֻבִניָמִין׃
(1) 52:53 וֻבנֵי בִלהָה אַמתָא דְרָחֵל דָן וְנַפתָלִי׃
(1) 62:53 וֻבנֵי זִלפָה אַמתָא דְלֵאָה גָד וְאֲשֵר אִלֵין בְנֵי יַעֲקֹב דְאִתִילִידֻו/די אתלידו#3#/ לֵיה בְפַדַן דַאֲרָם׃
(1) 72:53 וַאֲתָא יעקב לְוָת יִצחָק אֲבֻוהִי לְמַמרֵי קִריַת אַרבַע הִיא חַברֹון דְדָר תַמָן אברהם וְיִצחָק׃
(1) 82:53 וַהוֹו יֹומֵי יִצחָק מְאָה וֻתמָנַן שְנִין׃
(1) 92:53 וְאִתנְגִיד יִצחָק וֻמִית וְאִתכְנֵיש לְעַמֵיה סִיב וֻשבַע יֹומִין וֻקבַרֻו יָתֵיה עֵשָׂו וְיַעֲקֹב בְנֹוהִי׃

next chapter