CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:83 וַהֲוָה בְעִדָנָא הַהֻוא/ההיא#3#/ וֻנחַת יְהֻודָה מִלְוָת/מעם#3#/ אֲחֹוהִי וֻסטָא לְוָת/עד#3#/ גֻברָא עֲדֻולמָאָה וֻשמֵיה חִירָה׃
(1) 20:83 וַחזָא תַמָן יְהֻודָה בַת גְבַר כְנַעֲנִי/תַגָר#3#/ וֻשמֵיה שֻועַ וְנַסבַה וְעָל לְוָתַה׃
(1) 30:83 וְעַדִיאַת וִילֵידַת בַר וֻקרָא יָת שְמֵה עֵר׃
(1) 40:83 וְעַדִיאַת עֹוד וִילֵידַת בַר וֻקרָת יָת שְמֵיה אֹונָן׃
(1) 50:83 וְאֹוסֵיפַת עֹוד וִילֵידַת בַר וֻקרָת יָת שְמֵיה שֵלָה והוה בִכזֵיב כַד יְלֵידַת יָתֵיה׃
(1) 60:83 וֻנסֵיב יְהֻודָה אִיתְתָא לְעֵר בֻוכרֵיה וֻשמַה תָמָר׃
(1) 70:83 וַהוָה עֵר בֻוכרֵיה דִיהֻודָה בִיש קדם יוי וַאֲמִיתֵיה יוי׃
(1) 80:83 וַאֲמַר יְהֻודָה לְאֹונָן עֹול לְוָת אִיתַת אֲחֻוך וְיַבֵים יָתַה וַאֲקֵים זַרעָא לַאֲחֻוך׃
(1) 90:83 וִידַע אֹונָן אֲרֵי לָא עַל שְמֵיה מִתקְרֵי זַרעָא וְהָוֵי כַד עָלֵיל לְוָת אִיתַת אֲחֻוהִי וֻמחַבֵיל אֹורחֵיה עַל ארעא בְדִיל דְלָא לְקַיָימָא זַרעָא לַאֲחֻוהִי׃
(1) 01:83 וֻבאֵיש קדם יוי דַעֲבַד וַאֲמִית אַף יָתֵיה׃
(1) 11:83 וַאֲמַר יְהֻודָה לְתָמָר כַלְתֵיה תִיבִי אַרמְלָא בֵית אֲבֻויִיך עַד דְיִרבֵי שֵלָה בְרִי אֲרֵי אֲמַר דִלמָא יְמֻות אַף הֻוא כַאֲחֻוהִי וַאֲזַלַת תָמָר וִיתֵיבַת בֵית אֲבֻוהָא׃
(1) 21:83 וֻסגִיאֻו יֹומַיָא וֻמִיתַת בַת שֻועַ אִיתַת יְהֻודָה וְאִתנַחַם יְהֻודָה וֻסלֵיק עַל/לות#3#/ גָזְזֵי עָנֵיה הֻוא וחירָה רָחֲמֵיה/חבריה#3#/ עֲדֻולמָאָה לְתִמנָת׃
(1) 31:83 וְאִתחַוַה לְתָמָר לְמֵימַר הָא חֲמֻויִיך סָלֵיק לְתִמנָת לְמִגַז עָנֵיה׃
(1) 41:83 וְאַעֲדִיאַת <ית#3#> לְבֻושֵי אַרמְלֻותַה מִנַה וְאִתכַסִיאַת בְעִיפָא וְאִתַקַנַת וִיתֵיבַת בְפָרָשֻות עֵינַיִם דְעַל אֹורַח תִמנָת אֲרֵי חֲזָת אֲרֵי רֲבָא שֵלָה וְהִיא לָא אִתיְהֵיבַת לֵיה לְאִיתֻו/לאינתו#3#/׃
(1) 51:83 וַחזַה יְהֻודָה וְחַשבַה כְנָפְקַת בָרָא/לנפקת ברא#3#/ אֲרֵי כַסִיאַת אַפַהָא׃
(1) 61:83 וֻסטָא לְוָתַה לְאֹורחָא וַאֲמַר הַבִי כְעַן אֵיעֹול לְוָתִיך אֲרֵי לָא יְדַע אֲרֵי כַלְתֵיה הִיא וַאֲמַרַת מָא תִתֵין לִי אֲרֵי תֵיעֹול לְוָתִי׃
(1) 71:83 וַאֲמַר אֲנָא אֲשַדַר/אשלח#3#/ גַדיָא בַר עִיזֵי מִן עָנָא וַאֲמַרַת אִם תִתֵין מַשכֹונָא עַד דְתִשלַח׃
(1) 81:83 וַאֲמַר מָא מַשכֹונָא דְאִיתֵין לִיך וַאֲמַרַת עִזקְתָך וְשֹושִיפָך וְחֹוטרָך דִביְדָך וִיהַב לַה וְעָל לְוָתַה וְעַדִיאַת לֵיה׃
(1) 91:83 וְקַמַת וַאֲזַלַת ואַעֲדִיאַת עִיפַה מִינַה וֻלבֵישַת לְבֻושֵי אַרמְלֻותַה׃
(1) 02:83 וֻשלַח/וְשַדַר#3#/ יְהֻודָה יָת גַדיָא בַר עיִזֵי \בְיַד רָחֲמֵיה /בידא דרחמוהי#3#/ עֲדֻולמָאָה לְמִסַב מַשכֹונָא מִידָא דְאִיתָתָא וְלָא אַשכְחַה׃
(1) 12:83 וֻשאֵיל יָת אֲנָשֵי אַתרַה לְמֵימַר אָן מְקַדַשתָא דְהִיא בְעֵינַיִם/בפרשות עינין#3#/ עַל אֹורחָא וַאֲמַרֻו לֵית/לא הות#3#/ הָכָא מְקַדַשתָא׃
(1) 22:83 וְתָב לְוָת יְהֻודָה וַאֲמַר לָא אַשכַחתַה וְאַף אֲנָשֵי אַתרָא אֲמַרֻו לֵית הָכָא מְקַדַשתָא׃
(1) 32:83 וַאֲמַר יְהֻודָה תִסַב לַה דִלמָא נְהֵי חֹוך/לחוך#3#/ הָא שַדַרִית גַדיָא הָדֵין וְאַת לָא אַשכַחתַה׃
(1) 42:83 וַהֲוָה כְתַלָתֻות יַרחַיָא וְאִתחַוַה לִיהֻודָה לְמֵימַר זְנִיאַת תָמָר כַלְתָך וְאַף הָא מְעַדְיָא מִזְנֻותַה/לזנותה#3#/ וַאֲמַר יְהֻודָה אַפְקֻוהָא וְתִיתֹוקַד׃
(1) 52:83 הִיא מִתַפקָא וְהִיא שְלַחַת לִחמֻוהָא/לות חמוהא#3#/ לְמֵימַר לִגבַר דְאִלֵין דִילֵיה מִנֵיה אֲנָא מְעַדְיָא וַאֲמַרַת אִשתְמֹודַע כְעַן דְמַן/למאן#3#/ עִזקְתָא וְשֹושִיפַיָא וְחֻוטרָא הָאִלֵין׃
(1) 62:83 וְאִשתְמֹודַע יְהֻודָה וַאֲמַר זַכָאָה מִנִי <היא#3#> מְעַדְיָא אֲרֵי עַל כֵין לָא יְהַבתַה לְשֵלָה בְרִי וְלָא אֹוסֵיף עֹוד לְמִדְעַה׃
(1) 72:83 וַהֲוָה בְעִידָן מֵילְדַה וְהָא תִיֹומִין בִמעַהָא׃
(1) 82:83 וַהֲוָה בְמֵילְדַה וִיהַב יְדָא וֻנסֵיבַת חָיְתָא וֻקטַרַת/וקשרת#3#/ עַל יְדֵיה זְהֹורִיתָא לְמֵימַר דֵין נְפַק קַדמֻותָא/קדמיתא#3#/בקדמיתא#3#/׃
(1) 92:83 וַהֲוָה כַד אֲתֵיב יְדֵיה וְהָא נְפַק אֲחֻוהִי וַאֲמַרַת מָא תְקֹוף סַגִי עֲלָך לְמִתקַף וֻקרָא שְמֵיה פָרַץ׃
(1) 03:83 וְבָתַר כֵין נְפַק אֲחֻוהִי דְעַל יְדֵיה זְהֹורִיתָא וֻקרָא <ית#3#> שְמֵיה זָרַח׃

next chapter