CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:04 וַהֲוָה בָתַר פִתגָמַיָא הָאִלֵין סְרַחֻו שָקיָא דְמַלכָא/די למלכא#3#/למלכא#3#/ דְמִצרַיִם/דמצראי#3#/ וְנַחתֻומָא לְרִבֹונְהֹון לְמַלכָא דְמִצרָיִם׃
(1) 20:04 וֻרגֵיז פַרעֹה עַל תְרֵין רַברְבָנֹוהִי עַל רַב שָקֵי וְעַל רַב נַחתֻומֵי׃
(1) 30:04 וִיהַב יָתְהֹון בְמַטְרַת בֵית רַב קָטֹולַיָא דִבבֵית אֲסִירֵי אַתרָא דְיֹוסֵף אַסִיר תַמָן׃
(1) 40:04 וֻמַנִי רַב קָטֹולַיָא יָת יֹוסֵף עִמְהֹון וְשַמֵיש יָתְהֹון וַהוֹו יֹומִין בְמַטְרָא׃
(1) 50:04 וַחלַמֻו חַלמָא תַרוֵיהֹון גְבַר <כפושרן#3#> חִלמֵיה בְלֵיליָא חַד גְבַר כְפֻושרַן חִלמֵיה שָקיָא וְנַחתֻומָא דִלמַלכָא דמצרים דַאֲסִירִין בְבֵית אֲסִירֵי׃
(1) 60:04 וַאֲתָא/ועאל#3#/ לְוָתְהֹון יֹוסֵף בְצַפרָא וַחזָא יָתְהֹון וְהָא אִינֻון נְסִיסִין׃
(1) 70:04 וֻשאֵיל יָת רַברְבֵי פַרעֹה דְעִמֵיה בְמַטְרַת בֵית רִבֹונֵיה לְמֵימַר מָדֵין אַפֵיכֹון בִישִין יֹומָא דֵין׃
(1) 80:04 וַאֲמַרֻו לֵיה חַלמָא חֲלַמנָא וֻפָשַר לֵית לֵיה וַאֲמַר לְהֹון יֹוסֵף הֲלָא מִן קדם יוי פֻושרַן חַלמַיָא אִשתַעֹו כְעַן לִי׃
(1) 90:04 וְאִשתַעִי רַב שָקֵי יָת חַלמֵיה לְיֹוסֵף וַאֲמַר לֵיה בְחַלמִי וְהָא גֻופנָא קְדָמָי׃
(1) 01:04 וֻבגֻופנָא תְלָתָה שִבשִין וְהִיא כַד אַפרַחַת אַפֵיקַת לַבלְבִין אֲנִיצַת נַץ בַשִילֻו אִתכָלַהָא הְוֹו עִנבִין׃
(1) 11:04 וְכָסָא דְפַרעֹה בִידִי וֻנסֵיבִית יָת עִנבַיָא וַעֲצַרִית יָתְהֹון לְכָסָא/על כסא#3#/בכסא#3#/ דְפַרעֹה וִיהַבִית יָת כָסָא עַל יְדָא דְפַרעֹה׃
(1) 21:04 וַאֲמַר לֵיה יֹוסֵף דֵין פֻושרָנֵיה תְלָתָה שִבשִין תְלָתָה יֹומִין אִינֻון׃
(1) 31:04 בְסֹוף תְלָתָה יֹומִין יִדכְרִינָך פַרעֹה וְיָתִיבִינָך עַל שִימֻושָך וְתִתֵין כָסָא דפרעה בִידֵיה כְהִלכְתָא קַדמֵיתָא דַהוֵיתָא מַשקֵי לֵיה׃
(1) 41:04 אֲלָהֵין תִדכְרִינַנִי/תתכרינני#3#/ עִמָך כַד/כדי#3#/ יִיטַב/יוטיב#3#/ לָך וְתַעֲבֵיד כְעַן עִמִי טֵיבֻו \וְתִדכַר עֲלַי /ותדכרינני#3#/ קְדָם/לות#3#/ פַרעֹה וְתַפְקִינַנִי מִן בֵית אֲסִירֵי הָדֵין׃
(1) 51:04 אֲרֵי מִגנָב גְנִיבנָא מֵאֲרַע עִברָאֵי וְאַף הָכָא לָא עֲבַדִית מִדָעַם אֲרֵי מַנִיאֻו/שויאו#3#/ יָתִי בְבֵית אֲסִירֵי׃
(1) 61:04 וַחזָא רַב נַחתֻומֵי אֲרֵי יָאֻות פַשַר וַאֲמַר לְיֹוסֵף אַף אֲנָא בְחַלמִי וְהָא תְלָתָה סַלִין דְחֵירֻו עַל רֵישִי׃
(1) 71:04 וֻבסַלָא עִילָאָה מִכֹל מֵיכְלָא דְפַרעֹה עֹובָד נַחתֹום וְעֹופָא אָכֵיל יָתְהֹון מִן סַלָא מֵעִלָוֵי/מעל#3#/ רֵישִי׃
(1) 81:04 וַאֲתֵיב יֹוסֵף וַאֲמַר דֵין פֻושרָנֵיה תְלָתָה סַלִין תְלָתָה יֹומִין אִינֻון׃
(1) 91:04 בְסֹוף תְלָתָה יֹומִין יַעדֵי פַרעֹה יָת רֵישָך מִינָך וְיִצלֹוב יָתָך עַל צְלִיבָא וְיֵיכֹול עֹופָא יָת בִסרָך מִינָך׃
(1) 02:04 וַהֲוָה בְיֹומָא תְלִיתָאָה יֹום בֵית וַלדָא דְפרעה וַעֲבַד מִשתִיָה לְכֹל עַבדֹוהִי וְאִידְכַר יָת רֵיש רַב שָקֵי וְיָת רֵיש רַב נַחתֻומֵי בְגֹו עַבדֹוהִי׃
(1) 12:04 וַאֲתֵיב יָת רַב שָקֵי עַל שָקיֻותֵיה וִיהַב כָסָא עַל יְדָא דְפַרעֹה׃
(1) 22:04 וְיָת רַב נַחתֻומֵי צְלַב כְמָא דְפַשַר לְהֹון יֹוסֵף׃
(1) 32:04 וְלָא אִידְכַר רַב שָקֵי יָת יֹוסֵף וַאֲנָשיֵיה׃

next chapter