CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:54 וְלָא יְכֵיל יֹוסֵף לְאִתחַסָנָא/להתחסנא#3#/ לְכֹל דְקָיְמִין עֲלָוֹוהִי וֻקרָא אַפִיקֻו כֹל אֲנָש מֵעִלָוָי/מלותי#3#/ וְלָא קָם אֲנָש עִמֵיה כַד אִתיְדַע יֹוסֵף לַאֲחֹוהִי/ית אחוהי#3#/עם אחוהי#3#/׃
(1) 20:54 וִיהַב יָת קָלֵיה בִבכִיתָא וֻשמַעֻו מִצרָאֵי וֻשמַע אֲנָש בֵית פַרעֹה׃
(1) 30:54 וַאֲמַר יֹוסֵף לַאֲחֹוהִי אֲנָא יֹוסֵף הֲעַד כְעַן אַבָא קַיָים וְלָא יֲכִילֻו אֲחֹוהִי לְאָתָבָא יָתֵיה פִתגָם אֲרֵי אִתבְהִילֻו מִן קְדָמֹוהִי׃
(1) 40:54 וַאֲמַר יֹוסֵף לַאֲחֹוהִי קְרֻובֻו כְעַן לְוָתִי וֻקרִיבֻו וַאֲמַר אֲנָא יֹוסֵף אֲחֻוכֹון דְזַבֵינתֻון יָתִי לְמִצרָיִם/למצרימה#3#/׃
(1) 50:54 וֻכעַן לָא תִתנָסְסֻון וְלָא יִתקַף בְעֵינֵיכֹון \אֲרֵי זַבֵינתֻון /דזבנתון#3#/ יָתִי הָלְכָא/הָכָא#3#/ אֲרֵי לְקַיָימָא שַלחַנִי יוי קְדָמֵיכֹון/לקדמיכון#3#/׃
(1) 60:54 אֲרֵי דְנָן תַרתֵין שְנִין כַפנָא בְגֹו ארעא וְעֹוד חַמֵיש שְנִין דְלֵית זְרֻועָא וְחצָדָא׃
(1) 70:54 וְשַלחַנִי יוי קְדָמֵיכֹון/לִקדָמֵיכֹון#3#/ לְשַוָאָה לְכֹון שְאָרָא בארעא וֻלקַיָימָא לְכֹון לְשֵיזָבָא רַבָא׃
(1) 80:54 וֻכעַן לָא אַתֻון שְלַחתֻון יָתִי הָלְכָא/להלכא#3#/הָכָא#3#/ אֲלָהֵין מִן קְדָם יוי וְשַויַנִי אַבָא/לְאַבָא#3#/ לפרעה וְרִיבֹון/וֻלרִבֹון#3#/ לְכָל <אְנָש#3#> בֵיתֵיה וְשַלִיט בְכֹל ארעא דְמִצרָיִם׃
(1) 90:54 אֵיחֹו וְסַקֻו לְוָת אַבָא וְתֵימְרֻון לֵיה כִדנָן אֲמַר בְרָך יֹוסֵף שַויַנִי יוי לְרִבֹון/ריבון#3#/ לְכָל מִצרָאֵי חֹות לְוָתִי לָא תִתעַכַב׃
(1) 01:54 וְתִתֵיב בארעא דגֹושַן וֻתהֵי קָרִיב לִי/לותי#3#/ אַת וֻבנָך וֻבנֵי בְנָך וְעָנָך וְתֹורָך וְכֹל דְלָך׃
(1) 11:54 וְאֵיזֻון יָתָך תַמָן אֲרֵי עֹוד חַמֵיש שְנִין כַפנָא דִלמָא תִשתֵיצֵי/תִתמַסכַן#3#/ אַת וַאֲנָש בָיתָך וְכֹל דְלָך׃
(1) 21:54 וְהָא עֵינֵיכֹון חָזיָן וְעֵינֵי אַחִי בִניָמִן אֲרֵי בְלִישָנְכֹון/כְלִישָנְכֹון#3#/ אֲנָא מְמַלֵיל עִמְכֹון׃
(1) 31:54 וֻתחַוֹון לְאַבָא יָת כֹל יְקָרִי דִבמִצרַיִם וְיָת כֹל דַחזֵיתֹון וְתֵיחֹון וְתַחֲתֻון יָת אַבָא הָלְכָא/הכא#3#/׃
(1) 41:54 וֻנפַל עַל צַורָא דְבִניָמִן אֲחֻוהִי וֻבכָא וֻבִניָמִן בְכָא עַל צַורֵיה׃
(1) 51:54 וְנַשֵיק לְכֹל אַחֹוהִי וֻבכָא עֲלֵיהֹון וֻבָתַר כֵין מַלִילֻו אֲחֹוהִי עִמֵיה׃
(1) 61:54 וֻקָלָא אִשתְמַע בֵית פרעה לְמֵימַר אֲתֹו אֲחֵי יֹוסֵף וֻשפַר בְעֵינֵי פַרעֹה וֻבעֵינֵי עַבדֹוהִי׃
(1) 71:54 וַאֲמַר פרעה לְיֹוסֵף אֵימַר לַאֲחָך/לות אחך#3#/ דָא עִיבִידֻו טְעֻונֻו יָת בְעִירְכֹון/בְיָרְכֹון#3#/ וְאִיזִילֻו אֹובִילֻו לארעא דִכנַעַן׃
(1) 81:54 וֻדבֻרֻו יָת אֲבֻוכֹון וְיָת אֲנָש בָתֵיכֹון וְאֵיתֹו לְוָתִי וְאִתֵין לְכֹון יָת טֻוב/שפר#3#/ ארעא דמצרים וְתֵיכְלֻון יָת טֻובָא דארעא׃
(1) 91:54 וְאַת מְפַקַד דָא עִיבִידֻו סַבֻו לְכֹון מארעא דמצרים עַגלָן לְטַפלְכֹון וְלִנשֵיכֹון וְתִיטְלֻון יָת אֲבֻוכֹון וְתֵיתֹון׃
(1) 02:54 וְעֵינְכֹון לָא תְחֻוס עַל מָנֵיכֹון אֲרֵי טֻוב/שפר#3#/ כֹל ארעא דמצרים דִילְכֹון/לכון#3#/ הֻוא׃
(1) 12:54 וַעֲבַדֻו כֵין בְנֵי יִשרָאֵל וִיהַב לְהֹון יֹוסֵף עַגלָן עַל מֵימְרָא דפרעה וִיהַב לְהֹון זְוָדִין לְאֹורחָא׃
(1) 22:54 לְכֻולְהֹון יְהַב לִגבַר אֻסטְלָוָן/אֻצטְלָוָן#3#/ דִלבֻושָא וֻלבִניָמִן יְהַב תְלָת מְאָה סִלעִין דִכסַף וְחַמשָה אֻסטְלָוָן/אִצטְלָוָן#3#/ דִלבֻושָא׃
(1) 32:54 וֻלאֲבֻוהִי שְלַח כְדֵין/כדא#3#/ עַסרָא חֲמָרִין טְעִינִין מִטֻוב מִצרָיִם וְעַסַר אֲתַנָן טְעִינִין עִיבֻור וֻלחֵים וֻזוָדִין לַאֲבֻוהִי לְאֹורחָא׃
(1) 42:54 וְשַלַח יָת אֲחֹוהִי וַאֲזַלֻו וַאֲמַר לְהֹון לָא תִתנְצֹון/תתנוצצון#3#/ בְאֹורחָא׃
(1) 52:54 וֻסלִיקֻו מִמצרים וַאֲתֹו לְאַרעָא דכנען לְוָת יַעֲקֹב אֲבֻוהֹון׃
(1) 62:54 וְחַוִיאֻו לֵיה לְמֵימַר עַד כְעַן יֹוסֵף קַיָים וַאֲרֵי הֻוא שַלִיט בְכֹל ארעא דְמִצרים וַהוַאָה מִלַיָא פָיְגָן עַל לִיבֵיה אֲרֵי לָא הֵימֵין לְהֹון׃
(1) 72:54 וֻמַלִילֻו עִמֵיה יָת כֹל פִתגָמֵי יֹוסֵף דְמַלֵיל עִמְהֹון וַחזָא יָת עַגַלתָא דִשלַח יֹוסֵף לְמִיטַל יָתֵיה וֻשרָת רֻוחַ קֻודשָא עַל יַעֲקֹב אֲבֻוהֹון׃
(1) 82:54 וַאֲמַר ישראל סַגִי לִי חַדוָא עַד כְעַן יֹוסֵף בְרִי קַיָים אִיזֵיל וְאִחזֵינֵיה עַד לָא אֵימֻות׃

next chapter