CAL CODE HELP CLICK HERE
click on the file description for more information

51002: TgO Ex

Click on a word for lexical analysis.
Click on a red-colored coordinate for comments and/or translations of the line

(1) 10:10 וְאִלֵין שְמָהָת בְנֵי יִשרָאֵל דְעָלֻו לְמִצרָיִם עִם יַעְקֹב גְבַר וַאְנָש בֵיתֵיה עָלֻו׃
(1) 20:10 רְאֻובֵן שִמעֹון לֵוִי וִיהֻודָה׃
(1) 30:10 יִששָכָר זְבֻולֻון וֻבִניָמִין׃
(1) 40:10 דָן וְנַפתָלִי גָד וְאָשֵר׃
(1) 50:10 וַהוַאָה/והוה#3#/ כֹל נַפשָתָא נָפְקֵי יִרכָא דְיַעְקֹב שִבעִין נַפשָן/נפש#3#/ וְיֹוסֵף/עם יוסף#3#/ דַהוָה בְמִצרָיִם׃
(1) 60:10 וֻמִית יֹוסֵף וְכֹל אְחֹוהִי וְכֹל דָרָא הַהֻוא׃
(1) 70:10 וֻבנֵי יִשרָאֵל נְפִישֻו וְאִתיַלַדֻו/ואיתילידו#3#/ וֻסגִיֻו וֻתקִיפֻו לַחדָא לַחדָא וְאִתמְלִיאַת אַרעָא מִנְהֹון׃
(1) 80:10 וְקָם מַלכָא חְדַתָא עַל מִצרָיִם דְלָא מְקַיֵים גְזֵירַת יֹוסֵף׃
(1) 90:10 וַאְמַר לְעַמֵיה הָא עַמָא בְנֵי יִשרָאֵל סָגַן וְתָקְפִין/ותקיפין#3#/ מִנַנָא׃
(1) 01:10 הַבֻו נִתחַכַם לְהֹון דִלמָא יִסגֹון וִיהֵי אְרֵי יְעָרְעִינַנָא/תערעינני#3#/ קְרָב וְיִתֹוסְפֻון אַף אִינֻון עַל סָנְאַנָא/בעלי דבבנא#3#/ וִיגִיחֻון בַנָא קְרָב וְיִסקֻון מִן אַרעָא׃
(1) 11:10 וֻמַנִיֻו/וֻמַנִיאֻו#3#/ עְלֵיהֹון שִלטֹונִין מַבאְשִין בְדִיל לְעַנֹואֵיהֹון בְפֻולחָנְהֹון וֻבנֹו קִרוֵי בֵית אֹוצְרֵי לְפַרעֹה יָת פִיתֹום וְיָת רַעמְסֵס׃
(1) 21:10 וֻכמָא דְמעַנַן לְהֹון/יתהון#3#/ כֵין סָגַן וְכֵין תָקְפִין וְעַקַת לְמִצרָאֵי מִן קְדָם בְנֵי יִשרָאֵל׃
(1) 31:10 וֻאַפלַחֻו מִצרָאֵי יָת בְנֵי יִשרָאֵל בְקַשיֻו׃
(1) 41:10 וְאַמַרֻו/ואמררו#3#/ יָת חַיֵיהֹון בְפֻולחָנָא קַשיָא בְטִינָא וֻבלִבנֵי/ובליבנין#3#/ וֻבכֹל פֻולחָנָא בְחַקלָא יָת כֹל פֻולחָנְהֹון דְאַפלַחֻו בְהֹון בְקַשיֻו׃
(1) 51:10 וַאְמַר מַלכָא דְמִצרַיִם לַחָיָתָא יְהֻודַיָתָא דְשֵם/דְשֹום#3#/ חְדָא שִפרָה וְשֹום תִניֵיתָא פֻועָה׃
(1) 61:10 וַאְמַר כַד תִהוְיָן מְיַלְדָן יָת יְהֻודַיָתָא וְתִחזְיָן עַל מַתבְרָא אִם בְרָא הֻוא וְתִקטְלָן יָתֵיה וְאִם בְרַתָא הִיא תְקַיְימִינַה׃
(1) 71:10 וֻדחִילָא חָיָתָא מִן קדם יוי וְלָא עְבַדָא כְמָא דְמַלֵיל עִמְהֹון מַלכָא דְמִצרָיִם וְקַיִימָא יָת בְנַיָא׃
(1) 81:10 וֻקרָא מַלכָא דְמִצרַיִם לְחָיָתָא וַאְמַר לְהֹון/להין#3#/ מָדֵין עְבַדתִין פִתגָמָא הָדֵין וְקַיֵימתִין יָת בְנַיָא׃
(1) 91:10 וַאְמַרָא חָיָתָא לְפַרעֹה אְרֵי לָא כִנשַיָא מִצרַיָתָא יְהֻודַיָתָא אְרֵי חַכִימָן אִינִין עַד לָא עְלָא/עַלַת#3#/ לְוָתְהֹון/לותהין#3#/ חָיָתָא וְיָלְדָן/וילידן#3#/׃
(1) 02:10 וְאֹוטֵיב יוי לְחָיָתָא וֻסגִי עַמָא וֻתקִיפֻו לַחדָא׃
(1) 12:10 וַהְוָה כַד דְחִילָא חָיָתָא מִן קדם יוי וַעְבַד לְהֹון בָתִין׃
(1) 22:10 וֻפַקֵיד פַרעֹה לְכֹל עַמֵיה לְמֵימַר כֹל {בְרָו}<בְרָא> דְיִתִילֵיד לִיהֻודָאֵי בְנַהרָא תִרמֹונֵיה וְכֹל בְרַתָא תְקַיְמֻון׃

next chapter