CAL CODE HELP CLICK HERE
click on the file description for more information

51002: TgO Ex

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:60 וַאְמַר יוי לְמֹשַה כְעַן תִחזֵי דְאַעְבֵיד לְפַרעֹה אְרֵי בְיַד תַקִיפָא יְשַלַחִינֻון וֻביַד תַקִיפָא יְתָרֵיכִינֻון מֵאַרעֵיה׃
(1) 20:60 וֻמַלֵיל יוי עִם מֹשַה וַאְמַר לֵיה אְנָא יוי׃
(1) 30:60 וְאִתגְלִיתִי לְאברהם ליצחק וֻליעקב בְאֵל שַדָי וֻשמִי יוי לָא הֹודַעִית/אודעית#3#/ לְהֹון׃
(1) 40:60 וְאַף אְקֵימִית יָת קִיָמִי/קְיָמִי#3#/ עִמְהֹון לְמִתַן לְהֹון יָת ארעא דִכנַעַן יָת אְרַע תֹותָבֻותְהֹון דְאִתֹותַבֻו בַה׃
(1) 50:60 וְאַף קְדָמַי שְמִיַע יָת קְבִילַת בְנֵי יִשרָאֵל דְמִצרָאֵי מַפלְחִין/מפילחין#3#/ בְהֹון וֻדכִירנָא יָת קִיָמִי/קְיָמִי#3#/׃
(1) 60:60 בְכֵין אֵימַר לִבנֵי יִשרָאֵל אְנָא יוי וְאַפֵיק יָתְכֹון מִגֹו דְחֹוק פֻולחַן מִצרָאֵי וַאְשֵיזֵיב יָתְכֹון מִפֻולחָנְהֹון וְאִפרֹוק יָתְכֹון בִדרָע מְרָמַם וֻבדִינִין רַברְבִין׃
(1) 70:60 וַאְקָרֵיב יָתְכֹון קְדָמַי לְעַם וְאִהוֵי/וְאַהוֵי#3#/ואהא#3#/ לְכֹון לַאְלָה וְתִידְעֻון אְרֵי אְנָא יוי אְלָהְכֹון דְאַפֵיק יָתְכֹון מִגֹו דְחֹוק פֻולחַן מִצרָאֵי׃
(1) 80:60 וַאְעֵיל יָתְכֹון לְארעא דְקַיֵימִית בְמֵימְרִי לְמִתַן יָתַה לאברהם ליצחק וליעקב וְאִיתֵין יָתַה לְכֹון יְרֻותָא אְנָא יוי׃
(1) 90:60 וֻמַלֵיל מֹשַה כֵין עִם בְנֵי ישראל וְלָא קַבִילֻו מִן מֹשַה מֵעְיָק רֻוחַ וֻמִפֻולחָנָא דַהוָה/דהות#3#/ קְשֵי/קשיא#3#/ עְלֵיהֹון׃
(1) 01:60 וֻמַלֵיל יוי עִם מֹשַה לְמֵימַר׃
(1) 11:60 עֹול מַלֵיל עִם פַרעֹה מַלכָא דמצרים וִישַלַח יָת בְנֵי ישראל מֵאַרעֵיה׃
(1) 21:60 וֻמַלֵיל מֹשַה קדם יוי לְמֵימַר הָא בְנֵי ישראל לָא קַבִילֻו מִנִי וְאֵיכְדֵין יְקַבֵיל מִנִי פרעה וַאְנָא יַקִיר מַמלַל׃
(1) 31:60 וֻמַלֵיל יוי עִם משה ולאהרן וֻפַקֵידִינֻון לְוָת/על#3#/ בְנֵי ישראל וֻלוָת/ועל#3#/ פרעה מַלכָא דמצרים לְאַפָקָא יָת בְנֵי ישראל מארעא דמצרים׃
(1) 41:60 אִלֵין רֵישֵי בֵית אְבָהָתְהֹון בְנֵי רְאֻובֵין בֻוכרָא דְישראל חְנֹוך וֻפַלֻוא חַצרֹן וְכַרמִי אִלֵין זַרעְיָת רְאֻובֵן׃
(1) 51:60 וֻבנֵי שמעון יְמואל וימין ואהד ויכין וצחר ושאול בַר כְנַעְנֵיתָא אִלֵין זַרעְיָת שִמעֹון׃
(1) 61:60 וְאִלֵין שְמָהָת בְנֵי לֵוִי לְתֹולְדָתְהֹון גֵרְשֹון וֻקהָת וֻמרָרִי וֻשנֵי חַיֵי לֵוִי מְאָה וֻתלָתִין וֻשבַע שְנִין׃
(1) 71:60 בני גרשון לבני ושמעי לזרעיתהון׃
(1) 81:60 וֻבנֵי קְהָת עַמרָם ויצהר וחברון ועוזיאל וֻשנֵי חַיֵי קְהָת מְאָה וֻתלָתִין וֻתלָת שְנִין׃
(1) 91:60 וֻבנֵי מְרָרִי מַחלִי וְמֻושִי אִלֵין זַרעְיָת לֵוִי/לֵיוָאֵי#3#/ לְתֹולְדָתְהֹון׃
(1) 02:60 וֻנסֵיב/ודבר#3#/ עַמרָם יָת יֹוכַבַד אַחַת/אְחָת#3#/ אְבֻוהִי לֵיה לְאִיתֻו/לאנתו#3#/ וִילֵידַת לֵיה יָת אהרן וְיָת משה וֻשנֵי חַיֵי עַמרָם מְאָה וֻתלָתִין וֻשבַע שְנִין׃
(1) 12:60 ובני יצהר קרח ונפג וזכרי׃
(1) 22:60 וֻבני עזיאל מישאל ואלצפן וסתרי׃
(1) 32:60 וֻנסֵיב אהרן יָת אְלִישַבַע בַת עַמִינָדָב אְחָתֵיה דְנַחשֹון לֵיה לְאִיתֻו/לאנתו#3#/ וִילֵידַת לֵיה יָת נָדָב וְיָת אְבִיהֻוא יָת אלעזר וְיָת אִיתָמָר׃
(1) 42:60 וֻבנֵי קֹרַח אסיר ואלקנה ואביאסף אִלֵין זַרעְיָת קֹרַח׃
(1) 52:60 ואלעזר בַר אהרן נְסֵיב לֵיה מִבְנָת פֻוטִיאָל לֵיה לְאִיתֻו/לאנתו#3#/ וִילֵידַת לֵיה יָת פִנחָס אִלֵין רֵישֵי אְבָהָת לֵיוָאֵי לְזַרעְיָתְהֹון׃
(1) 62:60 הֻוא אהרן ומשה דַאְמַר יוי לְהֹון אַפִיקֻו יָת בְנֵי ישראל מארעא דמצרים עַל חֵילֵיהֹון׃
(1) 72:60 אִנֻון דִממַלְלִין עִם פַרעֹה מַלכָא דמצרים לְאַפָקָא יָת בְנֵי ישראל ממצרים הֻוא מֹשַה וְאַהְרֹן׃
(1) 82:60 וַהְוָה בְיֹומָא דְמַלֵיל יוי עִם מֹשַה בארעא דְמִצרָיִם׃
(1) 92:60 וֻמַלֵיל יוי עִם מֹשַה לְמֵימַר אְנָא יוי מַלֵיל עִם פַרעֹה מַלכָא דמצרים יָת כֹל דַאְנָא מְמַלֵיל עִימָך/לך#3#/׃
(1) 03:60 וַאְמַר מֹשַה קדם יוי הָאְנָא יַקִיר מַמלַל וְאֵיכְדֵין יְקַבֵיל מִנִי פַרעֹה׃

next chapter