CAL CODE HELP CLICK HERE
click on the file description for more information

51002: TgO Ex

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:70 וַאְמַר יוי למשה חְזִי דְמַנִיתָך רָב לְפַרעֹה וְאַהְרֹן אְחֻוך יְהֵי מְתֻורגְמָנָך׃
(1) 20:70 אַת תְמַלֵיל יָת כֹל דַאְפַקְדִינָך ואהרן אְחֻוך יְמַלֵיל עִם פרעה וִישַלַח יָת בְנֵי ישראל מֵאַרעֵיה׃
(1) 30:70 וַאְנָא אַקשֵי יָת לִיבָא דְפַרעֹה וְאַסגֵי יָת אָתְוָתִי וְיָת מֹופְתַי בְאַרעָא דְמִצרָיִם׃
(1) 40:70 וְלָא יְקַבֵיל מִנְכֹון פרעה וְאִיתֵין יָת מַחַת גְבֻורְתִי בְמִצרַיִם וְאַפֵיק יָת חֵילַי יָת עַמִי בְנֵי ישראל מארעא דמצרים בְדִינִין רַברְבִין׃
(1) 50:70 וְיִדְעֻון מִצרָאֵי אְרֵי אְנָא יוי כַד אְרֵים יָת מַחַת גְבֻורְתִי עַל מִצרַיִם וְאַפֵיק יָת בְנֵי ישראל מִבֵינֵיהֹון׃
(1) 60:70 וַעְבַד מֹשַה וְאַהְרֹן כְמָא דְפַקֵיד יוי יָתְהֹון כֵין עְבַדֻו׃
(1) 70:70 וֻמֹשַה בַר תְמָנַן/תמנין#3#/ שְנִין ואהרן בַר תְמָנַן/תמנין#3#/ וֻתלָת שְנִין בְמַלָלֻותְהֹון עִם פרעה׃
(1) 80:70 וַאְמַר יוי לְמֹשַה וֻלאַהְרֹן לְמֵימַר׃
(1) 90:70 אְרֵי יְמַלֵיל עִמְכֹון פַרעֹה לְמֵימַר הַבֻו לְכֹון אָתָא/מופת#3#/ וְתֵימַר לאהרן סַב יָת חֻוטרָך וֻרמֵי/וֻרמִי#3#/ קְדָם פרעה יְהֵי לְתַנִינָא׃
(1) 01:70 וְעָל/וַאְתָא#3#/ מֹשַה ואהרן לְוָת פרעה וַעְבַדֻו כֵין כְמָא דְפַקֵיד יוי וֻרמָא אהרן יָת חֻוטרֵיה קְדָם פרעה וֻקדָם/ולקדם#3#/ עַבדֹוהִי וַהְוָה לְתַנִינָא׃
(1) 11:70 וֻקרָא אַף פַרעֹה לְחַכִימַיָא וֻלחָרָשַיָא וַעְבַדֻו אַף אִינֻון חָרָשֵי מִצרַיִם בְלַחשֵיהֹון כֵין׃
(1) 21:70 וֻרמֹו גְבַר חֻוטרֵיה וַהוֹו לְתַנִינִין וֻבלַע חֻוטרָא דאהרן יָת חֻוטרֵיהֹון׃
(1) 31:70 וְאִיתַקַף לִיבָא דפרעה וְלָא קַבֵיל מִנְהֹון כְמָא דְמַלֵיל יוי׃
(1) 41:70 וַאְמַר יוי לְמֹשַה אִתיַקַר/יַקִיר#3#/ לִיבָא דפרעה סָרֵיב לְשַלָחָא עַמָא׃
(1) 51:70 אִיזֵיל לְוָת פַרעֹה בְצַפרָא הָא נָפֵיק לְמַיָא וְתִתעַתַד לְקַדָמֻותֵיה עַל כֵיף נַהרָא וְחֻוטרָא דְאִתהְפֵיך לְחִוֵי/לְחִויָא#3#/ תִסַב בִידָך׃
(1) 61:70 וְתֵימַר לֵיה יוי אְלָהָא דִיהֻודָאֵי שַלחַנִי לְוָתָך לְמֵימַר שַלַח יָת עַמִי וְיִפלְחֻון קְדָמַי בְמַדבְרָא וְהָא לָא קַבֵילתָא עַד כְעַן׃
(1) 71:70 כִדנָן אְמַר יוי בְדָא תִדַע אְרֵי אְנָא יוי הָאְנָא מָחֵי בְחֻוטרָא דִביְדִי עַל מַיָא דִבנַהרָא וְיִתהַפכֻון לִדמָא׃
(1) 81:70 וְנֻונֵי דִבנַהרָא יְמֻותֻון וְיִסרֵי נַהרָא וְיִלאֹון מִצרָאֵי לְמִשתֵי מַיָא מִן נַהרָא׃
(1) 91:70 וַאְמַר יוי לְמֹשַה אֵימַר לאהרן סַב חֻוטרָך וַאְרֵים יְדָך עַל מַיָא דְמִצרַיִם עַל נַהרֵיהֹון וְעַל אְרִיתֵיהֹון וְעַל אְגְמֵיהֹון/אַגמֵיהֹון#3#/ וְעַל כֹל בֵית כְנֵישַת/כְנֵישָת#3#/ מֵימֵיהֹון וִיהֹון דְמָא וִיהֵי דְמָא בְכֹל ארעא דמצרים וֻבמָנֵי אָעָא וֻבמָנֵי אַבנָא׃
(1) 02:70 וַעְבַדֻו כֵין מֹשַה וְאַהְרֹן כְמָא דְפַקֵיד יוי וַאְרֵים בְחֻוטרָא וֻמחָא יָת מַיָא דִבנַהרָא לְעֵינֵי פַרעֹה וֻלעֵינֵי עַבדֹוהִי וְאִתהְפִיכֻו כֹל מַיָא דִבנַהרָא לִדמָא׃
(1) 12:70 וְנֻונֵי דִבנַהרָא מִיתֻו וֻסרִי נַהרָא וְלָא יְכִילֻו מִצרָאֵי לְמִשתֵי מַיָא מִן נַהרָא וַהְוָה דְמָא בְכֹל ארעא דמצרים׃
(1) 22:70 וְעַבַדֻו כֵין חָרָשֵי מצרים בְלַחשֵיהֹון וְאִיתַקַף לִיבָא דפרעה וְלָא קַבֵיל מִינְהֹון כְמָא דְמַלֵיל יוי׃
(1) 32:70 וְאִתפְנִי פרעה וְעָל לְבֵיתֵיה וְלָא שַוִי לִבֵיה אַף לְדָא׃
(1) 42:70 וַחפַרֻו כֹל מִצרָאֵי סַחרָנֻות/סוחרנות#3#/ נַהרָא מַיָא לְמִשתֵי אְרֵי לָא יְכִילֻו לְמִשתֵי מִמַיָא דִבנַהרָא׃
(1) 52:70 וֻשלִימֻו שִבעָה יֹומִין בָתַר דִמחָא יוי יָת נַהרָא׃
(1) 62:70 וַאְמַר יוי לְמֹשַה עֹול לְוָת פַרעֹה וְתֵימַר לֵיה כִדנָן אְמַר יוי שַלַח יָת עַמִי וְיִפלְחֻון קְדָמָי׃
(1) 72:70 וְאִם מְסָרֵיב אַת לְשַלָחָא הָאְנָא מָחֵי יָת כֹל תְחֻומָך בְעֻורדְעָנַיָא׃
(1) 82:70 וִירַבֵי נַהרָא עֻורדְעָנַיָא וְיִסְקֻון וְיֵיעְלֻון בְבֵתָך וֻבאִידְרֹון בֵית מִשכְבָך וְעַל עַרסָתָך/ערסך#3#/ וֻבבֵית עַבדָך וֻבעַמָך וֻבתַנֻורָך וֻבאָצְוָתָך׃
(1) 92:70 וֻבָך וֻבעַמָך וֻבכָל עַבדָך יִסְקֻון עֻורדְעָנַיָא׃

next chapter