CAL CODE HELP CLICK HERE
click on the file description for more information

51002: TgO Ex

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:22 אִם בְמַחתַרתָא יִשתְכַח גַנָבָא וְיִתִימחֵי וִימֻות לֵית לֵיה דַם׃
(1) 20:22 אִם עֵינָא דְסָהְדַיָא נְפַלַת עְלֹוהִי דְמָא לֵיה שַלָמָא יְשַלֵים אִם לֵית לֵיה וְיִזדַבַן בִגנֻובתֵיה׃
(1) 30:22 אִם אִשתְכָחָא תִשתְכַח בִידֵיה גְנֻובתָא/גניבתא#3#/ מִתֹור עַד חְמָר עַד אִימַר אִינֻון חַיִין עַל חַד תְרֵין יְשַלֵים׃
(1) 40:22 אְרֵי יֵיכֹול/יוכיל#3#/ גְבַר חַקַל/חְקַל#3#/ אֹו כְרַם וִישַלַח יָת בְעִירֵיה וְיֵיכֹול בַחקַל אָחָרָן/אוחרן#3#/ שְפַר חַקלֵיה וֻשפַר כַרמֵיה יְשַלֵים׃
(1) 50:22 אְרֵי יִתַפַק/תיפוק#3#/ נֻור וְיַשכַח כֻובִין וְיֵיכֹול/ויתאכלון#3#/ גְדִישִין אֹו קָמָא אֹו חְקַל שַלָמָא יְשַלֵים דְאַדלֵיק יָת דְלֵיקְתָא׃
(1) 60:22 אְרֵי יִתֵין גְבַר לְחַברֵיה כְסַף אֹו מָנִין לְמִיטַר וְיִתגַנבֻון מִבֵית גַברָא/גֻברָא#3#/ אִם יִשתְכַח גַנָבָא יְשַלֵים עַל חַד תְרֵין׃
(1) 70:22 אִם לָא יִשתְכַח גַנָבָא וְיִתקָרַב/ויתקריב#3#/ויקרב#3#/ מָרֵיה דְבֵיתָא לִקדָם דַיָנַייָא אִם לָא אֹושֵיט יְדֵיה בְמָא דִמסַר לֵיה חַברֵיה׃
(1) 80:22 עַל כֹל פִתגָם דְחֹוב עַל תֹור עַל חְמָר עַל אִימַר עַל כְסֻו עַל כֹל אְבֵידְתָא דְיֵימַר אְרֵי הֻוא דֵין לִקדָם/עד#3#/ דַיָנַייָא יֵיעֹול דִין תַרוֵיהֹון דִיחַייְבֻון דַיָנַיָא יְשַלֵים עַל חַד תְרֵין לְחַברֵיה׃
(1) 90:22 אְרֵי יִתֵין גְבַר לְחַברֵיה חְמָר אֹו תֹור אֹו אִימַר וְכֹל בְעִירָא לְמִיטַר וִימֻות אֹו אִיתְבַר אֹו אִשתְבִי לֵית דְחָזֵי׃
(1) 01:22 מֹומָתָא דַיוי תְהֵי בֵין תַרוֵיהֹון אִם לָא אֹושֵיט יְדֵיה בְמָא דִמסַר לֵיה חַברֵיה וִיקַבֵיל מָרֵיה מִנֵיה מֹומָתָא וְלָא יְשַלֵים׃
(1) 11:22 וְאִם אִתגְנָבָא יִתגְנֵיב מֵעִמֵיה יְשַלֵם לְמָרֹוהִי׃
(1) 21:22 אִם אִיתְבָרָא יִתְבַר יַיתֵי סָהְדִין דִתבִיר לָא יְשַלֵים׃
(1) 31:22 וַאְרֵי יִשאַל גְבַר מִן חַברֵיה וְיִתְבַר אֹו יְמֻות מָרֵיה/מרוהי#3#/ לֵית עִמֵיה שַלָמָא יְשַלֵים׃
(1) 41:22 אִם מָרֵיה/מרוהי#3#/ עִמֵיה לָא יְשַלֵים אִם אַגִירָא/אְגִירָא#3#/ הֻוא עָל/ייעול#3#/ בְאַגרֵיה׃
(1) 51:22 וַארי יְשַדֵיל/ישתדל#3#/ גְבַר בְתֻולְתָא דְלָא מְאָרְסָא וְיִשכֹוב עִמַה קַיָימָא יְקַיְימִינַה לֵיה לְאִיתֻו/לאינתו#3#/׃
(1) 61:22 אִם מִצבָא לָא יִצבֵי אְבֻוהָא לְמִתַן לֵיה כַספָא יִתקֹול/יִתקֻול#3#/ישקול#3#/ כְמֻוהרֵי בְתֻולָתָא׃
(1) 71:22 חָרָשָא לָא תַחֵי/תיחי#3#/׃
(1) 81:22 כֹל דְיִשכֹוב עִם בְעִירָא אִתקְטָלָא יִתקְטִיל׃
(1) 91:22 דִידַבַח לְטָעְוָת עַמְמַיָא יִתקְטִיל אְלָהֵין לִשמָא דַיוי בִלחֹודֹוהִי׃
(1) 02:22 וֻלגִיֹורָא לָא תֹונֹון/תֵינֹון#3#/ וְלָא תָעִיקֻון אְרֵי דַיָירִין הְוֵיתֹון בארעא דמצרים׃
(1) 12:22 כֹל אַרמְלָא וִיתַם/וְיִתַם#3#/ לָא תְעַנֹון׃
(1) 22:22 אִם עַנָאָה תְעַנֵי יָתֵיה אְרֵי אִם מִקבַל יִקבַל/יקבול#3#/ קְדָמַי קַבָלָא אְקַבֵיל קְבִילְתֵיה׃
(1) 32:22 וְיִתקַף/ויתקוף#3#/ויתקיף#3#/ רֻוגזִי וַאְקַטֵיל/וְאַקטֹול#3#/ יָתְכֹון בְחַרבָא וְיִהוְיָן נְשֵיכֹון אַרמְלָן וֻבנֵיכֹון יַתמִין׃
(1) 42:22 אִם כַספָא תֹוזֵיף/תֵיזֹוף#3#/ בְעַמִי לְעַניָא דְעִמָך לָא תְהֵי לֵיה כְרָשיָא לָא תְשַוֹון עְלֹוהִי חִובֻוליָא׃
(1) 52:22 אִם מַשכֹונָא/מִשכֹונָא#3#/ תִיסַב כְסֻותָא דְחַברָך עַד מֵיעַל שִמשָא תָתִיבִינֵיה לֵיה׃
(1) 62:22 אְרֵי הִיא כְסֻותֵיה בִלחֹודַה הִיא תֻותבֵיה לְמַשכֵיה/למושכיה#3#/ בְמָא יִשכֻוב וִיהֵי אְרֵי יִקבַל/יקבול#3#/ קְדָמַי וַאְקַבֵיל/ואשמע#3#/ קְבִילְתֵיה/קבילותיה#3#/ אְרֵי חַנָנָא אְנָא׃
(1) 72:22 דַיָינָא לָא תַקִיל וְרַבָא בְעַמָך לָא תְלֻוט׃
(1) 82:22 בִכֻורָך/מלייך#3#/ וְדִמעָך לָא תְאַחַר בֻוכרָא דִבנָך תַפרֵיש קְדָמָי׃
(1) 92:22 כֵין תַעְבֵיד לְתֹורָך לְעָנָך שִבעָה יֹומִין יְהֵי עִם אִימֵיה בְיֹומָא תְמִינָאָה תַפרְשִינֵיה קְדָמָי׃
(1) 03:22 וַאְנָשִין קַדִישִין תְהֹון קְדָמַי וֻבסַר תְלִיש מִן חֵיוָא/חיות ברא#3#/ לָא תֵיכְלֻון לְכַלבָא תִרמֹון יָתֵיה׃

next chapter