CAL CODE HELP CLICK HERE
click on the file description for more information

51002: TgO Ex

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:53 וֻכנַש/וְאַכנֵיש#3#/ מֹשַה יָת כֹל כְנִשתָא דִבנֵי ישראל וַאְמַר לְהֹון אִלֵין פִתגָמַיָא דְפַקֵיד יוי לְמַעְבַד יָתְהֹון׃
(1) 20:53 שִיתָה יֹומִין תִתעְבֵיד עְבִידְתָא/עיבידתא#3#/ וֻביֹומָא שְבִיעָאָה יְהֵי לְכֹון קֻדשָא שַבָא שְבָתָא קדם יוי כֹל דְיַעְבֵיד בֵיה עְבִידְתָא/עיבידתא#3#/ יִתקְטִיל׃
(1) 30:53 לָא תְבַעְרֻון אִישָתָא בְכֹל מֹותְבָנֵיכֹון בְיֹומָא דְשַבתָא/דְשַבְתָא#3#/׃
(1) 40:53 וַאְמַר משה לְכֹל כְנִשתָא דִבנֵי ישראל לְמֵימַר דֵין פִתגָמָא דְפַקֵיד יוי לְמֵימַר׃
(1) 50:53 סַבֻו/סיבו#3#/ מִנְכֹון אַפרָשֻותָא קדם/לקדם#3#/ יוי כֹל דְיִתרְעֵי לִבֵיה יַיתֵי יָת אַפרָשֻותָא קדם יוי דַהבָא וְכַספָא וֻנחָשָא׃
(1) 60:53 וְתַכלָא/ותיכלא#3#/ וְאַרגְוָנָא וֻצבַע זְהֹורִי/זהורין#3#/ וְבֻוץ וֻמַעְזֵי׃
(1) 70:53 וֻמַשכֵי דְדִכרֵי מְסַמְקֵי/מְסֻמְקֵי#3#/ וֻמַשכֵי סָסְגֹונָא וְאָעֵי שִטִין׃
(1) 80:53 וֻמִשחָא לְאַנהָרֻותָא וְבֻוסמַיָא לִמשַח רְבֻותָא וְלִקטֹרַת בֻוסמַיָא׃
(1) 90:53 וְאַבנֵי בֻורלָא וְאַבנֵי אַשלָמֻותָא לְשַקָעָה בְאֵיפֹודָא וֻבחֻושנָא׃
(1) 01:53 וְכֹל חַכִימֵי לִיבָא דִבכֹון יֵיתֹון וְיַעבְדֻון יָת כֹל דְפַקֵיד יוי׃
(1) 11:53 יָת מַשכְנָא יָת פְרָסֵיה וְיָת חֻופָאֵיה פֻורפֹוהִי דַפֹוהִי עָבְרֹוהִי עַמֻודֹוהִי וְסָמְכֹוהִי׃
(1) 21:53 יָת אְרֹונָא וְיָת אְרִיחֹוהִי יָת כְפֻורתָא וְיָת פָרֻוכתָא דִפרָסָא׃
(1) 31:53 יָת פָתֻורָא וְיָת אְרִיחֹוהִי וְיָת כֹל מָנֹוהִי וְיָת לְחֵים אַפַיָא׃
(1) 41:53 וְיָת מְנָרְתָא דְאַנהֹורֵי וְיָת מָנַהָא וְיָת בֹוצִינַהָא וְיָת מִשחָא דְאַנהָרֻותָא׃
(1) 51:53 וְיָת מַדבְחָא דִקטֹורַת בֻוסמַיָא וְיָת אְרִיחֹוהִי וְיָת מִשחָא דִרבֻותָא וְיָת קְטֹורַת בֻוסמַיָא וְיָת פְרָסָא דְתַרעָא לִתרַע מַשכְנָא׃
(1) 61:53 יָת מַדבְחָא דַעְלָתָא וְיָת סְרָדָא דִנחָשָא דִילֵיה יָת אְרִיחֹוהִי וְיָת כֹל מָנֹוהִי יָת כִיֹורָא וְיָת בְסִיסֵיה׃
(1) 71:53 יָת סְרָדֵי דָרְתָא יָת עַמֻודֹוהִי וְיָת סָמְכַהָא וְיָת פְרָסָא דִתרַע דָרְתָא׃
(1) 81:53 יָת סִיכֵי מַשכְנָא וְיָת סִיכֵי דָרְתָא וְיָת אְטֻונֵיהֹון׃
(1) 91:53 יָת לְבֻושֵי שִמֻושָא לְשַמָשָא בְקֻודשָא יָת לְבֻושֵי קֻדשָא לְאַהְרֹן כהנא וְיָת לְבֻושֵי בְנֹוהִי לְשַמָשָא׃
(1) 02:53 וֻנפַקֻו כֹל כְנִשתָא דִבנֵי ישראל מִן קְדָם מֹשַה׃
(1) 12:53 וַאְתֹו כֹל גְבַר דְאִתרְעִי לִיבֵיה וְכֹל דְאַשלֵימַת רֻוחֵיה עִמֵיה/יתיה#3#/ אֵיתִיֻו/אייתיאו#3#/ יָת אַפרְשֻותָא קדם יוי לְעִיבִידַת מַשכַן זִמנָא וֻלכָל פֻולחָנֵיה וְלִלבֻושֵי קֻודשָא׃
(1) 22:53 וֻמֵיתַן/ומייתן#3#/ גֻברַיָא עַל/עם#3#/ נְשַיָא כֹל דְאִתרְעִי לִבֵיה אֵיתִיֻו/אייתיו#3#/ שֵירִין וְשַבבִין/ושיבבין#3#/ וְעִזקָן וֻמָחֹוך כֹל מָן דִדהַב וְכֹל גְבַר דַאְרֵים אְרָמֻות דַהבָא קדם יוי׃
(1) 32:53 וְכֹל גְבַר דְאִשתְכַח עִמֵיה תַכלָא/תיכלא#3#/ וְאַרגְוָנָא וֻצבַע זְהֹורִי וְבֻוץ וֻמַעְזֵי וֻמַשכֵי דְדִכרֵי מְסַמְקֵי/מְסֻמְקֵי#3#/ וֻמַשכֵי סָסְגֹונָא אֵיתִיֻו/אייתיו#3#/׃
(1) 42:53 כָל דַאְרֵים אְרָמֻות/אפרשות#3#/ כְסַף וֻנחָש אֵיתִיאֻו יָת אַפרָשֻותָא קדם יוי וְכֹל דְאִשתְכַח עִמֵיה אָעֵי שִטִין לְכֹל עְבִידַת פֻולחָנָא אֵיתִיֻו׃
(1) 52:53 וְכֹל אִיתְתָא חַכִימַת לִיבָא בִידַהָא עָזְלָן/מעזלן#3#/ וֻמֵיתִיָן/וֻמֵיתיָן#3#/ כִיד עַזִיל/עְזִיל#3#/ יָת תַכלָא/תיכלא#3#/ וְיָת אַרְגוָנָא וְיָת צְבַע זְהֹורִי/זהורין#3#/ וְיָת בֻוצָא׃
(1) 62:53 וְכֹל נְשַיָא דְאִתרְעֵי לִבְהֹון/ליבהין#3#/ עִמְהֹון/עימהין#3#/ בְחֻכמָא/בְחָכמָא#3#/ עָזְלָן/מעזלן#3#/ יָת מַעַזיָא׃
(1) 72:53 וְרַברְבַיָא אֵיתִיֻו יָת אַבנֵי בֻורלָא וְיָת אַבנֵי אַשלָמֻותָא לְשַקָעָא בְאֵיפֹודָא וֻבחֻושנָא׃
(1) 82:53 וְיָת בֻוסמָא וְיָת מִשחָא לְאַנהָרֻותָא וְלִמשַח רְבֻותָא וְלִקטֹורַת בֻוסמַיָא׃
(1) 92:53 כֹל גְבַר וְאִיתְתָא דְאִתרְעִי לִיבְהֹון עִמְהֹון/יתהון#3#/ לְאֵיתָאָה לְכֹל עְבִידְתָא/עיבידתא#3#/ דְפַקֵיד יוי לְמַעְבַד בִידָא דְמֹשַה אֵיתִיֻו בְנֵי ישראל נְדַבתָא קדם יוי׃
(1) 03:53 וַאְמַר מֹשַה לִבנֵי ישראל חְזֹו דְרַבִי יוי בְשֻום/בְשֹום#3#/ בְצַלאֵל בַר אֻורִי בַר חֻור לְשִבטָא דִיהֻודָה׃
(1) 13:53 וְאַשלֵים עִמֵיה רֻוחַ <נבואה#3#> מִן קדם יוי בְחֻוכמָא/בְחָכמָא#3#/ וֻבסֻוכלְתָנֻו וֻבמַדַע וֻבכָל עְבִידָא׃
(1) 23:53 וֻלאַלָפָא אֻומנָוָן/אֻומָנְוָן#3#/ לְמַעְבַר בְדַהבָא וֻבכַספָא וְבִנחָשָא׃
(1) 33:53 וֻבאֻומָנֻות אַבַן טָבָא לְאַשלָמָא וֻבנַגָרֻות אָעָא לְמַעְבַד בְכָל עְבִידַת אֻומנָוָן/אֻומָנְוָן#3#/׃
(1) 43:53 וֻלאַלָפָא יְהַב בְלִבֵיה הֻוא וְאָהָלִיאָב בַר אְחִיסָמָך לְשִבטָא דְדָן׃
(1) 53:53 אַשלֵים עִמְהֹון חַכִימֻות/חַכִימַת#3#/ לִיבָא לְמַעְבַד כֹל עְבִידַת נַגָר וְאֻומָן וְצַיָיר/וציור#3#/ בְתַכלָא/בתיכלא#3#/ וֻבאַרגְוָנָא בִצבַע זְהֹורִי וֻבבֻוצָא וֻמָחֵי עָבְדֵי כֹל עְבִידְתָא וֻמַלְפֵי/ומאלפי#3#/ אֻומנָוָן/אֻומָנְוָן#3#/׃

next chapter