CAL CODE HELP CLICK HERE
click on the file description for more information

51007: TgJ Ju

Click on a word for lexical analysis.
Click on a red-colored coordinate for comments and/or translations of the line

(1) 10:10 וַהְוָה בָתַר דְמִית יְהֹושֻעַ וֻשאִילֻו בְנֵי יִשׂרָאֵל בְמֵימְרָא דַיְיָ לְמֵימַר מַן יִסַק לַנָא לְוָת כְנַעְנָאָה בְקַדמֵיתָא לְאָגָחָא קְרָבָא בֵיה׃
(1) 20:10 וַאְמַר יְיָ יְהֻודָה יִסַק הָא מְסַרִית יָת יָתְבֵי אַרעָא בִידֵיה׃
(1) 30:10 וַאְמַר יְהֻודָה לְשִמעֹון אְחֻוהִי סַק עִמִי בְעַדבִי וֻנגִיחַ קְרָבָא בִכנַעְנָאָה/עם כנענאה#3#/ וַאְהָך אַף אְנָא עִמָך בְעַדבָך וַאְזַל עִמֵיה שִמעֹון׃
(1) 40:10 וֻסלִיקֻו דְבֵית יְהֻודָה וֻמסַר יְיָ יָת כְנַעְנָאֵי וֻפרִזָאֵי בְיַדהֹון וֻמחֹונֻון בְבַזַק עַסרָא אַלפִין גֻברָא׃
(1) 50:10 וְאַשכַחֻו יָת אְדֹנִי בַזַק בְבַזַק וַאְגִיחֻו קְרָבָא בֵיה וֻמחֹו יָת כְנַעְנָאֵי וְיָת פְרִזָאֵי׃
(1) 60:10 וַאְפַך/וערק#3#/ אְדֹנִי בַזַק וֻרדַפֻו בָתְרֹוהִי וַאְחַדֻו יָתֵיה וְקַצִיצֻו יָת קַרסֻולֵי/קַרצֻולֵי#2#/ יְדֹוהִי וְרַגלֹוהִי׃
(1) 70:10 וַאְמַר אְדֹנִי בַזַק שִבעִין מַלכִין קַרסֻולֵי/קַרצֻולֵי#2#/ יְדֵיהֹון וְרַגלֵיהֹון מְקֻצְצִין הְוֹו מְלַקְטִין לַחמָא תְחֹות פָתֻורִי כְמָא דַעְבַדִית כֵן שַלֵים לִי יְיָ וְאֵיתְיֻוהִי לִירֻושלַם וֻמִית תַמָן׃
(1) 80:10 וַאְגִיחֻו קְרָבָא בְנֵי יְהֻודָה בִירֻושלַם וֻכבַשֻו יָתַה וֻמחֻוהָא לְפִתגָם דְחָרַב וְיָת קַרתָא אֹוקִידֻו בְנֻורָא׃
(1) 90:10 וֻבָתַר כֵן נְחַתֻו בְנֵי יְהֻודָה לְאָגָחָא קְרָבָא בִכנַעְנָאָה יָתֵיב טֻורָא/בטורא#3#/ וְדָרֹומָא וְשָפֵילתָא׃
(1) 01:10 וַאְזַלֻו דְבֵית יְהֻודָה לְוָת כְנַעְנָאָה דְיָתֵב/דְיָתְבִין#3#/ בְחַברֹון וְשֻום חַברֹון מִלְקַדמִין קִריַת אַרבַע וֻמחֹו יָת שֵשַי וְיָת אְחִימַן וְיָת תַלמָי׃
(1) 11:10 וַאְזַל מִתַמָן לְוָת יָתְבֵי דְבִיר וְשֻום דְבִיר מִלְקַדמִין קִריַת אַרכֵי׃
(1) 21:10 וַאְמַר כָלֵב דְיִמחֵי יָת קִריַת אַרכֵי וְיִכבְשִנַה וְאַתֵין/"ונתתי"#3#/ לֵיה יָת עַכסָה בְרַתִי לְאִתֻו/לאנתו#3#/׃
(1) 31:10 וְכַבשַה עָתנִיאֵל בַר קְנַז אְחֻוהִי דְכָלֵב <מן אימיה#3#> דִזעֵיר מִנֵיה <דילידת אימיה לקנז#3#> וִיהַב לֵיה יָת עַכסָה בְרַתֵיה לְאִתֻו/לאנתו#3#/׃
(1) 41:10 וַהְוָה בְמֵיעְלַה וֻמלַכתֵיה/ואמלכתיה#3#/ לְמִשאַל מִן אְבֻוהָא אַחסָנְתָא וְאִתרְכֵינַת מֵעַל חְמָרָא וַאְמַר לַה כָלֵב/אבוהא#3#/ מָא לִיך׃
(1) 51:10 וַאְמַרַת לֵיה הַב לִי אַחסָנְתָא אְרֵי לַאְרַע דָרֹומָא יְהַבתָנִי וְתִתֵין לִי אְתַר/ארע#3#/ בֵית שִקיָא דְמַיָא וִיהַב לַה כָלֵב יָת בֵית שִקיָא עִלָאָה וְיָת בֵית שִקיָא תַחתָאָה/תתאה#3#/׃
(1) 61:10 וֻבנֵי שָלְמָאָה/קֵינִי#3#/ חְמֻוהִי דְמֹשַה סְלִיקֻו מִקַרתָא/מקרית#3#/ דִירִיחֹו/דדיקליא#3#/ עִם בְנֵי/בית#3#/ יְהֻודָה לְמִדבַר יְהֻודָה דִבדָרֹום עְרָד וַאְזַלֻו וִיתִיבֻו עִם עַמָא׃
(1) 71:10 וַאְזַל יְהֻודָה עִם שִמעֹון אְחֻוהִי וֻמחֹו יָת כְנַעְנָאָה יָתֵיב צְפַת וְגַמַרֻו יָתַה וֻקרָא יָת שְמַה דְקַרתָא חָרמָה׃
(1) 81:10 וֻכבַש יְהֻודָה יָת עַזָה וְיָת תְחֻומַה וְיָת אַשקְלֹון וְיָת תְחֻומַה וְיָת עַקרֹון וְיָת תְחֻומַה׃
(1) 91:10 וַהְוָה מֵימְרָא דַיְיָ בְסַעְדֵיה דְבֵית יְהֻודָה וְתָרִיכֻו יָת יָתְבֵי טֻורָא בָתַר כֵן דְחָבֻו לָא יְכִילֻו לְתָרָכָא יָת יָתְבֵי מֵישְרָא אְרֵי רְתִכִין דְבַרזְלָא לְהֹון׃
(1) 02:10 וִיהַבֻו לְכָלֵב יָת חַברֹון כְמָא דְמַלֵיל מֹשַה וְתָרֵיך מִתַמָן יָת תְלָתָה בְנֵי <עפרון#3#> גִבָרַיָא׃
(1) 12:10 וְיָת יְבֻוסָאֵי יָתְבֵי יְרֻושלַם לָא תָרִיכֻו בְנֵי בִניָמִין וִיתֵיב יְבֻוסָאָה עִם בְנֵי בִניָמִין בִירֻושלַם עַד יֹומָא הָדֵין׃
(1) 22:10 וֻסלִיקֻו דְבֵית יֹוסֵף אַף אִנֻון לְבֵית אֵל וֻמֵימְרָא דַיְיָ בְסַעדְהֹון׃
(1) 32:10 וֻשלַחֻו מְאַלְלִין דְבֵית יֹוסֵף לְבֵית אֵל וֻשמַה דְקַרתָא מִלְקַדמִין לֻוז׃
(1) 42:10 וַחְזֹו נָטְרַיָא גְבַר נָפֵיק מִן קַרתָא וַאְמַרֻו לֵיה אַחזְיַנָא כְעַן יָת מַעְלַנָא דְקַרתָא וְנַעְבֵיד עִמָך טֵיבֻו׃
(1) 52:10 וְאַחזִינֻון יָת מַעְלַנָא דְקַרתָא וֻמחֹו יָת קַרתָא לְפִתגָם דְחָרַב וְיָת גֻברָא וְיָת כָל זַרעִיתֵיה שֵיזִיבֻו׃
(1) 62:10 וַאְזַל גֻברָא לַאְרַע חִתָאֵי וֻבנָא קַרתָא וֻקרָא שְמַה לֻוז הֻוא שְמַה עַד יֹומָא הָדֵין׃
(1) 72:10 וְלָא תָרִיכֻו דְבֵית מְנַשַה יָת בֵית שְאָן וְיָת כַפרָנַהָא וְיָת <יָתְבֵי#3#> תַענַך וְיָת כַפרָנַהָא וְיָת יָתְבֵי דֹור וְיָת כַפרָנַהָא וְיָת יָתְבֵי יִבלְעָם וְיָת כַפרָנַהָא וְיָת יָתְבֵי מְגִדֹו וְיָת כַפרָנַהָא וְשָרִי כְנַעְנָאָה לְמִתַב בֵאַרעָא הָדָא׃
(1) 82:10 וַהְוָה כַד תְקֵיף יִשׂרָאֵל וֻמַנִי/ושוי#3#/ יָת כְנַעְנָאָה לְמַסְקֵי מִסִין וְתָרָכָא לָא תָרִיכֻונֻון׃
(1) 92:10 וֻדבֵית אַפרַיִם לָא תָרִיכַו יָת כְנַעְנָאֵי דְיָתְבִין בְגָזַר וִיתִיבֻו כְנַעְנָאֵי בֵינֵיהֹון בְגָזַר׃
(1) 03:10 דְבֵית זְבֻולֻון לָא תְרִיכֻו יָת יָתְבֵי קִטרֹון וְיָת יָתְבֵי נַהְלֹול וִיתִיבֻו כְנַעְנָאֵי בֵינֵיהֹון וַהְוֹו לְמַסְקֵי מִסִין׃
(1) 13:10 דְבֵית אָשֵר לָא תָרִיכֻו יָת יָתְבֵי עַכֹו וְיָת יָתְבֵי צִידֹון וְיָת <יתבי#3#> אַחלָב וְיָת אַכזִיב וְיָת חַלבָה וְיָת אְפִיק וְיָת רְחֹוב׃
(1) 23:10 וִיתִיבֻו דְבֵית/שיבט#3#/דבני#3#/ אָשֵר בְגֹו כְנַעְנָאֵי יָתְבֵי אַרעָא אְרֵי לָא תָרִיכֻונֻון׃
(1) 33:10 דְבֵית/דבני#3#/ נַפתָלִי לָא תָרִיכֻו יָת יָתְבֵי בֵית שַמַש וְיָת יָתְבֵי בֵית עְנָת וִיתִיבֻו בְגֹו כְנַעְנָאֵי יָתְבֵי אַרעָא וְיָתְבֵי בֵית שַמַש וֻבֵית עְנָת הְוֹו לְהֹון לְמַסְקֵי מִסִין׃
(1) 43:10 וֻדחַקֻו אְמֹורָאֵי יָת בְנֵי דָן לְטֻורָא אְרֵי לָא שְבַקֻונֻון לְמֵיחַת לְמֵישְרָא׃
(1) 53:10 וְשָרִי אְמֹורָאָה לְמִתַב בְטֻור חַרַס בְאַיָלֹון וֻבשַעַלבִים וֻתקֵיפַת יַד בֵית יֹוסֵף וַהְוֹו לְמַסְקֵי מִסִין׃
(1) 63:10 וֻתחֻום אְמֹורָאָה מִמַסְקַנָא דְעַקרַבִים מִכֵיפַא וֻלעֵילָא׃

next chapter