The Comprehensive Aramaic Lexicon

(1) 10:60	וַעְבַדֻו בְנֵי יִשׂרָאֵל דְבִיש קֳדָם יְיָ וֻמסַרִנֻון יְיָ בְיַד מִדיָן שְבַע שְנִין׃
(1) 20:60	וֻתקֵיפַת יַד מִדיַנָאֵי עַל יִשׂרָאֵל מִן קֳדָם מִדיַנָאֵי עְבַדֻו לְהֹון בְנֵי יִשׂרָאֵל יָת מַטמֹוריָתָא דִבטֻורַיָא וְיָת מְעָרָתָא וְיָת מְצָדָתָא׃
(1) 30:60	וְהָוֵי כַד זָרַע יִשׂרָאֵל וְסָלְקִין מִדיַנָאֵי וַעְמָלְקָאֵי וֻבנֵי מַדנְחָא וְסָלְקִין עְלֵיהֹון׃
(1) 40:60	וְשָרַן עְלֵיהֹון וֻמחַבְלִין יָת עְלַלתָא דְאַרעָא עַד מַעְלַנָא דְעַזָה וְלָא מַשאְרִין מָזֹון לְקַיָמָא נְפַש בְיִשׂרָאֵל וְאִמַר וְתֹור וַחְמָר׃
(1) 50:60	אְרֵי אִנֻון וְגֵיתֵיהֹון סָלְקִין וֻמַשכְנֵיהֹון וְאָתַן כְמִסַת גֹובָא לִסגֵי וֻלהֹון וֻלגַמלֵיהֹון לֵית מִניָן וְעָלִין בְאַרעָא לְחַבָלֻותַה׃
(1) 60:60	וֻמאַך יִשׂרָאֵל לַחדָא מִן קֳדָם מִדיַנָאֵי וֻזעִיקֻו בְנֵי יִשׂרָאֵל קֳדָם יְיָ׃
(1) 70:60	וַהְוָה כַד זְעִיקֻו בְנֵי יִשׂרָאֵל קֳדָם יְיָ עַל עֵיסַק מִדיַנָאֵי׃
(1) 80:60	וֻשלַח יְיָ גֻברָא נְבִיָא לְוָת בְנֵי יִשׂרָאֵל וַאְמַר לְהֹון כִדנָן אְמַר יְיָ אְלָהָא דְיִשׂרָאֵל אְנָא אַסֵיקִית יָתְכֹון מִמִצרַיִם/מארעא דמחרים#3#/ וְאַפֵיקִית יָתְכֹון מִבֵית עַבדֻותָא׃
(1) 90:60	וְשֵיזֵיבִית יָתְכֹון מִיְדָא דְמִצרָאֵי וֻמִיַד כָל דָחְקֵיכֹון וְתָרֵיכִית יָתְהֹון מִן קֳדָמֵיכֹון וִיהַבִית לְכֹון יָת אְרַעהֹון׃
(1) 01:60	וַאְמַרִית לְכֹון אְנָא יְיָ אְלָהְכֹון לָא תִדחְלֻון יָת טָעְוָת <עממיא#3#> אְמֹורָאֵי דְאַתֻון יָתְבִין בַאְרַעהֹון וְלָא קַבֵילתֻון לְמֵימְרִי׃
(1) 11:60	וַאְתָא מַלאְכָא דַיְיָ וִיתֵיב תְחֹות בֻטמָא דִבעָפרָה דִליֹואָש אְבֻוהִי דְעָזַר וְגִדעֹון בְרֵיה חָבֵיט חִטִין בְמַעְצַרתָא לְעָרָקָא מִן קֳדָם מִדיַנָאֵי׃
(1) 21:60	וְאִתחַזִי/ואיתגלי#3#/ לֵיה מַלאְכָא דַיְיָ וַאְמַר לֵיה מֵימְרָא דַיְיָ בְסַעְדָך גִבָר חֵילָא׃
(1) 31:60	וַאְמַר לֵיה גִדעֹון בְבָעֻו רִבֹונִי וְאִית שְכִינְתָא/מימרא#3#/ דַיְיָ <עִמַנָא#3#> בְסַעְדַנָא/ביננא#3#/ וֻלמָא עָרְעַנָא <ית#3#> כָל אִלֵין/דא#3#/ וְאָן כָל פְרִישָתֵיה דְאִשתַעִיאֻו לַנָא אְבָהָתַנָא לְמֵימַר הְלָא מִמִצרַיִם אַסְקַנָא יְיָ וֻכעַן רַטשַנָא יְיָ וֻמַסרַנָא בְיַד מִדיַנָאֵי׃
(1) 41:60	וְאִתפְנִי לֵיה/לְוָתֵיה#3#/ יְיָ/מלאכא דייי#3#/ וַאְמַר אִיזֵיל בְחֵילָך דֵין וְתִפרֹוק יָת <בני#3#> יִשׂרָאֵל מִיְדָא דְמִדיַנָאֵי הְלָא שְלַחתָך׃
(1) 51:60	וַאְמַר לֵיה בְבָעֻו יְיָ/ריבוני#3#/אדני#3#/ בְמָא אַפרֹוק יָת יִשׂרָאֵל <הלא#3#> הָא זַרעִיתִי זְעֵירָא בְשִבטָא דִמנַשַה וַאְנָא חַלָש בְבֵית אַבָא׃
(1) 61:60	וַאְמַר לֵיה יְיָ אְרֵי יְהֵי מֵימְרִי בְסַעְדָך וֻתקַטֵיל/וְתִקטֹול#2#/ יָת מִדיַנָאֵי כְגֻברָא חַד׃
(1) 71:60	וַאְמַר לֵיה אִם כְעַן אַשכַחִית רַחְמִין בְעֵינָך/קדמך#3#/ וְתַעְבֵיד לִי אָת דְאַתְ מְמַלֵיל/מתמלל#3#/ עִמִי׃
(1) 81:60	לָא כְעַן תִעדֵי מִכָא עַד מֵיתַא לְוָתָך וְאַפֵיק/ואסיק#3#/ יָת תִקרֻובתִי וַאְנִיחַ קֳדָמָך וַאְמַר אְנָא אֹורֵיך עַד דִתתֻוב׃
(1) 91:60	וְגִדעֹון אְתָא וַעְבַד גַדיָא בַר עִזֵי וֻמכִילְתָא דְקַמחָא אְפָא פַטִיר בִסרָא שַוִי בְסַלָא וְתַבשִילָא שַוִי בְקִדרָא/בבורמא#3#/באילפיסא#3#/ וְאַפֵיק לְוָתֵיה לִתחֹות בֻטמָא/אילנא#3#/ וְקָרֵיב׃
(1) 02:60	וַאְמַר לֵיה מַלאְכָא דַיְיָ סַב יָת בִסרָא וְיָת פַטִירָא וְאַחֵית לְכֵיפָא דֵיכִי וְיָת תַבשִילָא שְפֹוך/שדי#3#/ וַעְבַד כֵן׃
(1) 12:60	וְאֹושֵיט מַלאְכָא דַיְיָ יָת רֵיש שֹוטִיתָא דְבִידֵיה וֻקָרֵיב בְבִסרָא וֻבפַטִירָא וֻסלֵיקַת אִישָתָא מִן טִנָרָא וַאְכַלַת יָת בִסרָא וְיָת פַטִירָא וֻמַלאְכָא דַיְיָ אִסתַלַק מִלָקֳבֵיל עֵינֹוהִי׃
(1) 22:60	וַחְזָא גִדעֹון אְרֵי מַלאְכָא דַיְיָ הֻוא וַאְמַר גִדעֹון בְבָעו/קבל בעותי#3#/ יְיָ אְלֹהִים אְרֵי עַל כֵין חְזֵיתִי מַלאְכָא דַיְיָ אַפִין בְאַפִין׃
(1) 32:60	וַאְמַר לֵיה יְיָ שְלָם לָך לָא תִדחַל לָא תְמֻות׃
(1) 42:60	וֻבנָא תַמָן גִדעֹון מַדבְחָא קֳדָם יְיָ וֻפלַח עְלֹוהִי קֳדָם יְיָ דַעְבַד לֵיה שְלָמָא עַד יֹומָא הָדֵין עַד כְעַן אִיתֹוהִי בְעָפרָת אְבֻוהִי דְעָזַר׃
(1) 52:60	וַהְוָה בְלֵיליָא הַהֻוא וַאְמַר לֵיה יְיָ סַב יָת תֹור בַר תֹורֵי דִלאְבֻוך וְתֹורָא תִניָנָא דְאִתפַטֵים שְבַע שְנִין וֻתפַגַר/ותפכר#3#/ יָת אֵיגֹורָא דְבַעלָא דִלאְבֻוך וְיָת אְשֵירְתָא דַעְלֹוהִי תְקֻוץ׃
(1) 62:60	וְתִבנֵי מַדבְחָא קֳדָם יְיָ אְלָהָך עַל רֵיש תֻקפָא הָדֵין בְסִדרָא וְתִסַב יָת תֹורָא תִניָנָא וְתַסֵיק עְלָתָא בְאָעֵי אְשֵירְתָא דִתקֻוץ׃
(1) 72:60	וֻדבַר גִדעֹון עַסרָא גֻברִין מֵעַבדֹוהִי וַעְבַד כְמָא דְמַלֵיל עִמֵיה יְיָ וַהְוָה מִדְדָחֵיל מִבֵית אְבֻוהִי וֻמִן אְנָשֵי קַרתָא מִלְמַעְבַד בִימָמָא וַעְבַד בְלֵילְיָא׃
(1) 82:60	וְאַקדִימֻו אְנָשֵי קַרתָא בְצַפרָא וְהָא מִתָרַע אֵיגֹורָא דְבַעלָא וַאְשֵירְתָא דַעְלֹוהִי קְצִיצָא וְיָת תֹורָא תִניָנָא מַסַק עַל מַדבְחָא דִבנֵי׃
(1) 92:60	וַאְמַרֻו גְבַר לְחַברֵיה מַן עְבַד <ית#3#> פִתגָמָא הָדֵין וֻתבַעֻו וֻבעֹו וַאְמַרֻו גִדעֹון בַר יֹואָש עְבַד <ית#3#> פִתגָמָא הָדֵין׃
(1) 03:60	וַאְמַרֻו אְנָשֵי קַרתָא לְיֹואָש אַפֵיק יָת בְרָך וְיִתקְטִיל אְרֵי תָרַע יָת אֵיגֹורָא דְבַעלָא וַאְרֵי קָץ אְשֵירְתָא דַעְלֹוהִי׃
(1) 13:60	וַאְמַר יֹואָש לְכָל דְקָמֻו עְלֹוהִי הַאַתֻון תִתפַרעֻון לְבַעלָא אִם אַתֻון תִפרְקֻון יָתֵיה דְיִתפְרַע לְבַעלָא יִתקְטִיל בְרַם אַרכָא יְהִיב לֵיה/לְבַעלָא#3#/ עַד צַפרָא אִם צְרֹוך אִית בֵיה יִתפְרַע לֵיה בַעלָא אְרֵי תָרַע יָת אֵיגֹורֵיה׃
(1) 23:60	וֻקרָא לֵיה בְיֹומָא הַהֻוא יְרֻבַעַל לְמֵימַר יִתפְרַע לֵיה בַעלָא אְרֵי תָרַע יָת אֵיגֹורֵיה׃
(1) 33:60	וְכָל מִדיַנָאֵי וַעְמָלְקָאֵי וֻבנֵי מַדנְחָא אִתכְנִישֻו כַחדָא וַעְבַרֻו וֻשרֹו בְמֵישַר יִזרְעַאל׃
(1) 43:60	וְרֻוחַ גְבֻורָא מִן קֳדָם יְיָ לְבֵישַת יָת גִדעֹון וֻתקַע בְשֹופָרָא וְאִתכְנֵיש אְנָש אְבִיעַזַר בָתְרֹוהִי׃
(1) 53:60	וְאִזגַדִין שְלַח בְכָל \שִבטָא דִמנַשַה /תחום מנשה#3#/ וְאִתכְנִישֻו אַף אִנֻון בָתְרֹוהִי וְאִזגַדִין שְלַח בְשֵיבַט אָשֵר וֻבשֵיבַט זְבֻולֻון וֻבשֵיבַט נַפתָלִי וֻסלִיקֻו לְקַדָמֻותְהֹון׃
(1) 63:60	וַאְמַר גִדעֹון קֳדָם יְיָ אִם אִיתָך פָרֵיק בִידִי/על ידי#3#/ יָת יִשׂרָאֵל כְמָא דְמַלֵילתָא׃
(1) 73:60	הָאְנָא מַחֵית יָת גִזְתָא דְעַמרָא בְבֵית אִדְרֵי אִם טַלַא יְהִי עַל גִזְתָא בִלחֹודַה וְעַל כָל אַרעָא יֻובשָא וְאִדַע אְרֵי תִפרֹוק בִידִי יָת יִשׂרָאֵל כְמָא דְמַלֵילתָא׃
(1) 83:60	וַהְוָה כֵן וְאַקדֵים בְיֹומָא דְבָתְרֹוהִי וַעְצַר יָת גִזְתָא וֻנפַץ/וֻנפַק#3#/ טַלָא מִן גִזְתָא מְלֵי לִקנָא/לגינא#3#/ מַיָא׃
(1) 93:60	וַאְמַר גִדעֹון קֳדָם יְיָ לָא יִתקַף רֻגזָך בִי/עלי#3#/ וַאְמַלֵיל בְרַם זִמנָא הָדָא אְנַסֵי כְעַן לְחֹוד זִמנָא <הדא#3#> בְגִזְתָא יְהֵי כְעַן יֻבשָא עַל גִזְתָא בִלחֹודַה וְעַל כָל אַרעָא יְהֵי טַלָא׃
(1) 04:60	וַעְבַד יְיָ כֵן בְלֵיליָא הַהֻוא וַהְוָה יֻובשָא עַל/אל#3#/ גִזְתָא בִלחֹודַה וְעַל כָל אַרעָא הְוָה טַלָא׃

next chapter