CAL CODE HELP CLICK HERE
click on the file description for more information

51007: TgJ Ju

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:11 וְיִפתָח גִלעְדָאָה הְוָה גִבָר חֵילָא וְהֻוא בַר אִתְתָא פֻנדְקֵיתָא וְאֹולֵיד גִלעָד יָת יִפתָח׃
(5) 10:11 דא היא נימוסא הות בישראל מלקדמין דלא מסתחרא אחסנתא משבטא לשבטא ובכן לא הוה יכיל גבר למיסב איתתא דלא הות משבטיה וכד הות אתתא דרחימת גברא נפקת מבית נשא בלא אחסנתא והוו אנשי קרן יתה פונדקיתא דרחימת גברא דלא משבטא וכן הות ליה לאמיה דיפתח
(1) 20:11 וִילֵידַת אִתַת גִלעָד לֵיה בְנִין וֻרבִיאֻו בְנֵי אִתְתָא וְתָרִיכֻו יָת יִפתָח וַאְמַרֻו לֵיה לָא תַחסֵין בְבֵית אְבֻונָא אְרֵי בַר אִתְתָא/איתא#3#/אתתא משבטא#3#/ אָחֳרִי אַת׃
(1) 30:11 וַעְרַק יִפתָח מִן קֳדָם אְחֹוהִי וִיתֵיב בַאְרַע טָב וְאִתכְנִישֻו לְוָת יִפתָח גֻברִין סְרִיקִין וֻנפַקֻו/והוו#3#/ עִמֵיה׃
(1) 40:11 וַהְוָה לִזמַן יֹומִין וַאְגִיחֻו קְרָבָא בְנֵי עַמֹון עִם יִשׂרָאֵל׃
(1) 50:11 וַהְוָה כַד אְגִיחֻו קְרָבָא בְנֵי עַמֹון עִם יִשׂרָאֵל וַאְזַלֻו סָבֵי גִלעָד לְמִדבַר יָת יִפתָח מֵאְרַע טָב׃
(1) 60:11 וַאְמַרֻו לְיִפתָח אֵיתַא וֻתהֵי לַנָא לְרַבָא וֻנגִיחַ קְרָבָא בִבנֵי עַמֹון׃
(1) 70:11 וַאְמַר יִפתָח לְסָבֵי גִלעָד הְלָא אַתֻון סְנֵיתֹון יָתִי וְתָרֵיכתֻונִי מִבֵית אַבָא וֻמָדֵין אְתֵיתֹון לְוָתִי כְעַן כַד עַקַת לְכֹון׃
(1) 80:11 וַאְמַרֻו סָבֵי גִלעָד לְיִפתָח בְכֵין כְעַן תַבנָא לְוָתָך וֻתהָך עִמַנָא וֻתגִיחַ קְרָבָא בִבנֵי עַמֹון וֻתהֵי לַנָא לְרֵיש לְכֹל יָתְבֵי גִלעָד׃
(1) 90:11 וַאְמַר יִפתָח לְסָבֵי גִלעָד אִם מְתִיבִין אַתֻון יָתִי לְאָגָחָא קְרָבָא בִבנֵי עַמֹון וְיִמסַר יְיָ יָתְהֹון קֳדָמַי אְנָא אַהוֵי לְכֹון לְרֵיש׃
(1) 01:11 וַאְמַרֻו סָבֵי גִלעָד לְיִפתָח מֵימְרָא דַיְיָ יְהֵי סָהִיד בֵינַנָא אִם לָא כְפִתגָמָך כֵין נַעְבֵיד׃
(1) 11:11 וַאְזַל יִפתָח עִם סָבֵי גִלעָד וֻמַנִיאֻו/וְשַוִיֻו#3#/ עַמָא יָתֵיה עְלֵיהֹון לְרֵיש וֻלרַבָא וְסַדַר יִפתָח יָת כָל פִתגָמֹוהִי קֳדָם יְיָ בְמִצפְיָא׃
(1) 21:11 וֻשלַח יִפתָח אִזגַדִין לְוָת מַלכָא דִבנֵי עַמֹון לְמֵימַר מָא לִי וָלָך אְרֵי אְתֵיתָא לְוָתִי לְאָגָחָא קְרָבָא בְאַרעִי׃
(1) 31:11 וַאְמַר מַלכָא דִבנֵי עַמֹון לְאִזגַדֵי יִפתָח אְרֵי נְסֵיב יִשׂרָאֵל יָת אַרעִי בְמִסְקֵיה/במפקיה#3#/ מִמִצרַיִם מֵאַרנֹונָא וְעַד יֻבקָא וְעַד יַרדְנָא וכעַן אְתֵיב יָתְהֹון בִשלָם׃
(1) 41:11 וְאֹוסֵיף עֹוד יִפתָח וֻשלַח אִזגַדִין לְוָת מַלכָא דִבנֵי עַמֹון׃
(1) 51:11 וַאְמַר לֵיה כִדנָן אְמַר יִפתָח לָא נְסֵיב יִשׂרָאֵל יָת אְרַע מֹואָב וְיָת אְרַע בְנֵי עַמֹון׃
(1) 61:11 אְרֵי בְמִסַקהֹון מִמִצרָיִם וַאְזַל יִשׂרָאֵל בְמַדבְרָא עַד יַמָא דְסֻוף וַאְתָא לִרקַם׃
(1) 71:11 וֻשלַח יִשׂרָאֵל אִזגַדִין לְוָת מַלכָא דַאְדֹום לְמֵימַר אַעבַר כְעַן בְאַרעָך וְלָא קַבֵיל מַלכָא דַאְדֹום וְאַף לְוָת מַלכָא דְמֹואָב שְלַח וְלָא אְבָא/קבל#3#/ וִיתֵיב יִשׂרָאֵל בִרקַם׃
(1) 81:11 וַאְזַל בְמַדבְרָא וְאַקֵיף יָת אְרַע אְדֹום וְיָת אְרַע מֹואָב וַאְתֹו מִמַדנַח שִמשָא לְאַרעָא דְמֹואָב וֻשרֹו בְעִברָא דְאַרנֹון וְלָא עָלֻו בִתחֻום מֹואָב אְרֵי אַרנֹון תְחֻום מֹואָב׃
(1) 91:11 וֻשלַח יִשׂרָאֵל אִזגַדִין לְוָת סִיחֹון מַלכָא אְמֹורָאָה מַלכָא דְחַשבֹון וַאְמַר לֵיה יִשׂרָאֵל נִעבַר כְעַן בְאַרעָך/בְאַתרָך#3#/ עַד אַתרִי׃
(1) 02:11 וְלָא הֵימֵין סִיחֹון יָת יִשׂרָאֵל לְמִעבַר בִתחֻומֵיה וֻכנַש סִיחֹון יָת כָל עַמֵיה וֻשרֹו בְיָהַץ וַאְגִיחַ קְרָבָא עִם יִשׂרָאֵל׃
(1) 12:11 וֻמסַר יְיָ אְלָהָא דְיִשׂרָאֵל יָת סִיחֹון וְיָת כָל עַמֵיה בִידָא דְיִשׂרָאֵל וֻמחֹונֻון וִירֵית יִשׂרָאֵל יָת כָל אְרַע אְמֹורָאָה יָתֵיב אַרעָא הַהִיא׃
(1) 22:11 וִירִיתֻו יָת כָל תְחֻום <ארע#3#> אְמֹורָאָה מֵאַרנֹונָא וְעַד יֻבקָא ומִן מַדבְרָא וְעַד יַרדְנָא׃
(1) 32:11 וֻכעַן יְיָ אְלָהָא דְיִשׂרָאֵל תָרֵיך יָת אְמֹורָאָה מִן קֳדָם עַמֵיה יִשׂרָאֵל וְאַתְ מְדַמֵי לְמֵירְתַה׃
(1) 42:11 הְלָא יָת דְיַחסְנִנָך כְמֹוש טָעֻותָך יָתֵיה תַחסֵין וְיָת כָל דִיתָרֵיך יְיָ אְלָהַנָא מִן קֳדָמַנָא יָתֵיה נֵירַת׃
(1) 52:11 וֻכעַן הְטָב טָב אַתְ מִבָלָק בַר צִפֹור מַלכָא דְמֹואָב הַמְדָן דָן עִם יִשׂרָאֵל אִם קְרָבָא אְגִיחַ בְהֹון׃
(1) 62:11 כַד יְתֵיב יִשׂרָאֵל בְחַשבֹון וֻבכַפרָנַהָא וֻבעַרעֹור וֻבכַפרָנַהָא וֻבכָל קִרוַיָא דְעַל תְחֻומֵי אַרנֹון תְלָת מְאָה שְנִין וֻמָדֵין לָא שֵיזֵיבתֻון בְעִדָנָא הַהֻוא׃
(1) 72:11 וַאְנָא לָא חְטֵית/חבית#3#/ לָך וְאַתְ עָבֵיד עִמִי בִישָא לְאָגָחָא קְרָבָא בִי/עמי#3#/ יְדִין יְיָ דְעָבֵיד דִינָא יֹומָא דֵין בֵין בְנֵי יִשׂרָאֵל וֻבֵין בְנֵי עַמֹון׃
(1) 82:11 וְלָא קַבֵיל מַלכָא דִבנֵי עַמֹון לְפִתגָמֵי יִפתָח דִשלַח לְוָתֵיה׃
(1) 92:11 וֻשרָת עַל יִפתָח רֻוחַ גְבֻורָא/נבואה#3#/ מִן קֳדָם יְיָ וַעְבַר יָת גִלעָד וְיָת מְנַשַה וַעְבַר יָת מִצפְיָא דְגִלעָד וֻמִמִצפְיָא דְגִלעָד עְבַר לְוָת/ית#3#/ בְנֵי עַמֹון׃
(1) 03:11 וְקַיֵים יִפתָח קְיָם קֳדָם יְיָ וַאְמַר אִם מִמסָר תִמסַר יָת בְנֵי עַמֹון בִידִי׃
(1) 13:11 וִיהֵי <"מי"#3#> דְיִפֹוק מִפָק בָר בֵיתִי לְקַדָמֻותִי כַד אְתֻוב בִשלָם מִבְנֵי עַמֹון וִיהֵי קֳדָם יְיָ וְאַסְקִנֵיה עְלָתָא׃
(1) 23:11 וַעְבַר יִפתָח לְוָת בְנֵי עַמֹון לְאָגָחָא קְרָבָא בְהֹון וֻמסַרִנֻון יְיָ בִידֵיה׃
(1) 33:11 וֻמחָנֻון מֵעְרֹועֵר וְעַד מַעְלַנָא דְמִנִית עַסרִין קִרוִין וְעַד מֵישַר כַרמַיָא מַחְתָא רַבְתָא/סגי#3#/ לַחדָא וְאִתְבַרֻו בְנֵי עַמֹון מִן קֳדָם בְנֵי יִשׂרָאֵל׃
(1) 43:11 וַאְתָא יִפתָח לְמִצפְיָא לְבֵיתֵיה וְהָא בְרַתֵיה נָפְקָא לְקַדָמֻותֵיה בְתֻפִין וֻבחִנגִין וֻלחֹוד הִיא יְחִידָא <לאימהא#3#> לֵית לֵיה מִנַה בַר אֹו בְרָת׃
(1) 53:11 וַהְוָה כַד חְזָא יָתַה וֻבַזַע יָת לְבֻושֹוהִי וַאְמַר וָי בְרַתִי אַכרָעָא אַכרַעתִינִי וְאַתְ הְוֵית בְעָכְרַי וַאְנָא פְתַחִית פֻומִי בִנדַר קֳדָם יְיָ וְלָא אִכֹול לִמתָב׃
(1) 63:11 וַאְמַרַת לֵיה אַבָא פְתַחתָא יָת פֻומָך בִנדַר קֳדָם יְיָ עְבֵיד לִי כְמָא דִנפַק מִפֻומָך בָתַר דַעְבַד לָך יְיָ <יָת#3#> פֹורעָנֻותָא מִבַעְלֵי דְבָבָך מִבְנֵי עַמֹון׃
(1) 73:11 וַאְמַרַת לַאְבֻוהָא יִתעְבֵיד לִי פִתגָמָא הָדֵין שְבֹוק מִנִי תְרֵין יַרחִין וַאְהָך וְאִתנְגִיד עַל טֻורַיָא וְאַבכֵי עַל בְתֻולַי אְנָא וְחַברָתָי׃
(1) 83:11 וַאְמַר אִיזִילִי וְשַלַח יָתַה תְרֵין יַרחִין וַאְזַלַת הִיא וְחַברָתַהָא וֻבכָת עַל בְתֻולַהָא עַל טֻורַיָא׃
(1) 93:11 וַהְוָה מִסֹוף תְרֵין יַרחִין וְתַבַת לְוָת אְבֻוהָא וַעְבַד לַה יָת נִדרֵיה דִנדַר וְהִיא לָא יָדְעָא גְבַר וַהְוָת לִגזֵירָא בְיִשׂרָאֵל/בישא#3#/ בְדִיל דְלָא לְאַסָקָא גְבַר יָת בְרֵיה וְיָת בְרַתֵיה לַעְלָתָא כְמָא דַעְבַד יִפתָח גִלעְדָאָה דְלָא שַאֵיל לְפִנחָס כָהְנָא וְאִלֻו שְאֵיל לְפִנחָס כָהְנָא הְוָה פָרֵיק יָתַה בִדמִין׃
(1) 04:11 מִזְמָן לִזמָן אָזְלָן בְנָת יִשׂרָאֵל לְאַלָאָה לְבַת יִפתָח גִלעְדָאָה אַרבְעָה יֹומִין בְשַתָא׃

next chapter