CAL CODE HELP CLICK HERE
click on the file description for more information

51007: TgJ Ju

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:51 וַהְוָה לִזמַן יֹומִין בְיֹומֵי חְצָד חִטִין וְאִדְכַר שִמשֹון יָת אִתְתֵיה בְגַדיָא בַר עִזֵי וַאְמַר אֵיעֹול לְוָת אִתְתִי לְאִדְרֹון בֵית מִשכְבָא וְלָא שַבקֵיה אְבֻוהָא לְמֵיעַל׃
(1) 20:51 וַאְמַר אְבֻוהָא מֵימָר אְמַרִית אְרֵי מִסנָא סְנֵיתַה וִיהַבתַה לְחַברָך הְלָא אְחָתַה זְעֵירְתָא שַפִירָא/טבתא#3#/ מִנַה תְהֵי כְעַן לָך חִלֻופַהָא׃
(1) 30:51 וַאְמַר לְהֹון שִמשֹון זַכַי אְנָא זִמנָא הָדָא מִפְלִשתָאֵי אְרֵי עָבֵיד אְנָא עִמְהֹון בִישָא׃
(1) 40:51 וַאְזַל שִמשֹון וַאְחַד תְלָת מְאָה תַעלִין וֻנסֵיב בָעֹורַיָא וֻקטַר דַנבָא בְרֵיש דַנבָא וְשַוִי בָעֹורָא חַד בֵין תְרֵי דַנבַיָא בִמצִיעִין׃
(1) 50:51 וְאַדלֵיק אִישָתָא בְבָעֹורַיָא וְשַלַח בְקָמַת פְלִשתָאֵי וְאַדלֵיק מִגָדִישָא וְעַד קָמַיָא וְעַד כַרמַיָא וְעַד זֵיתַיָא׃
(1) 60:51 וַאְמַרֻו פְלִשתָאֵי מַן/מה#3#/ עְבַד דָא וַאְמַרֻו שִמשֹון חַתנֵיה דְתִמנִי אְרֵי נְסֵיב יָת אִתְתֵיה וְיַהבַה לְחַברֵיה וֻסלִיקֻו פְלִשתָאֵי וְאֹוקִידֻו יָתַה וְיָת אְבֻוהָא בְנֻורָא׃
(1) 70:51 וַאְמַר לְהֹון שִמשֹון אִם תַעבְדֻון כְהָדָא אְלָהֵין כַד אַתפְרַע מִנְכֹון וֻבָתַר כֵין אַתמְנַע׃
(1) 80:51 וֻמחָא יָתְהֹון פָרָשִין עִם רַגלָאִין מַחָא סַגִיאָה/רַבָא#3#/ וֻנחַת וִיתֵיב בִשקֵיף כֵיף/עין#3#/ עֵיטָם׃
(1) 90:51 וֻסלִיקֻו פְלִשתָאֵי וֻשרֹו בְאַרעָא דְבֵית יְהֻודָה וְאִתרְטִישֻו/וֻשרֻו#3#/ עַל לַחִי׃
(1) 01:51 וַאְמַרֻו אְנָש יְהֻודָה לְמָא סְלֵיקתֻון עְלַנָא וְאְמַרֻו לְמֵיסַר/למיכפת#3#/ יָת שִמשֹון סְלֵיקנָא לְמַעְבַד לֵיה כְמָא דַעְבַד לַנָא׃
(1) 11:51 וֻנחַתֻו תְלָתָא אַלפִין גֻברָא מִדְבֵית/משידט#3#/ יְהֻודָה לִשקֵיף כֵיף עֵיטָם וַאְמַרֻו לְשִמשֹון הְלָא יָדַעתְ אְרֵי שָלְטִין/משלין#3#/ בַנָא פְלִשתָאֵי וֻמָא דָא עְבַדתְ לַנָא וַאְמַר לְהֹון כְמָא דַעְבַדֻו לִי כֵין עְבַדִית לְהֹון׃
(1) 21:51 וַאְמַרֻו לֵיה לְמֵיסְרָך נְחַתנָא לְמִמסְרָך בִידָא דִפלִשתָאֵי וַאְמַר לְהֹון שִמשֹון קַיִימֻו לִי דִלמָא תִשלְטֻון בִי אַתֻון׃
(1) 31:51 וַאְמַרֻו לֵיה לְמֵימַר לָא אְרֵי מֵיסָר נֵיסְרִנָך וְנִמסְרִנָך בְיַדהֹון וֻמִקטָל לָא נִקטְלִנָך וְאַסרֻוהִי בְתַרתֵין גְדִילָן חְדַתָן וְאַסְקֻוהִי מִן כֵיפָא׃
(1) 41:51 הֻוא אְתָא עַד לַחִי וֻפלִשתָאֵי יַבִיבֻו לְקַדָמֻותֵיה וֻשרָת עְלֹוהִי רֻוחַ גְבֻורָא מִן קֳדָם יְיָ וַהְוַאָה גְדִילָתָא דְעַל דְרָעֹוהִי כְכִתָנָא דְאָרַח/דאחד#3#/ בֵיה נֻורָא וְאִתפְסַקֻו/איתמסיו#3#/ אְסֻורֹוהִי מֵעַל יְדֹוהִי׃
(1) 51:51 וְאַשכַח לֻועָא דִחמָרָא בְטִינְתָא וְאֹושֵיט יְדֵיה וְנַסבַה וקטַל בַה אַלַף גֻברָא׃
(4) 51:51 היא הות לועא דחמריה דאברהם ואיתעתדא למעבד נסא לשמשון צדיקא
(1) 61:51 וַאְמַר שִמשֹון בְלֻועָא דִחמָרָא רְמֵיתִנֻון דְגֹורִין בְלֻועָא דִחמָרָא קַטֵילִית/קְטַלִית#2#/ אַלַף גֻברָא׃
(1) 71:51 וַהְוָה כַד שֵיצִי לְמַלָלָא וֻרמָא לֻועָא מִן יְדֵיה וֻקרָא לְאַתרָא הַהֻוא רָמַת לַחִי׃
(1) 81:51 וֻצהִי לַחדָא וְצַלִי קֳדָם יְיָ וַאְמַר אַתְ עְבַדתָא עַל יְדָא דְעַבדָך יָת פֻרקָנָא רַבָא הָדֵין וֻכעַן אְמֻות בְצָהֻותָא וְאַתמְסַר בִידָא דְעַרלָאֵי׃
(1) 91:51 וֻבַזַע יְיָ/אלהים#3#/ יָת כַכָא/כיפא#3#/ דִבלֻועָא וֻנפַקֻו מִנֵיה מַיָא וֻשתִי וְתַבַת רֻוחֵיה וַחְיָא עַל כֵן קְרָא שְמַה עֵינָא דְאִתיְהֵיבַת בִצלֹותָא דְשִמשֹון הָא הִיא קָיְמָא בְלַחִי עַד יֹומָא הָדֵין׃
(1) 02:51 וְדָן יָת יִשׂרָאֵל בְיֹומֵי פְלִשתָאֵי עַסרִין שְנִין׃

next chapter