CAL CODE HELP CLICK HERE
click on the file description for more information

51014: TgJ Ez

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:20 וַאֲמַר לִי בַר אָדָם קֻום עַל רִגלָך וַאֲמַלֵיל עִמַך׃
(1) 20:20 וְעַלַת בִי רֻוחָא \כַד מַלֵיל /כמא דמליל#3#/ עִמִי וַאֲקֵימַתנִי עַל רַגלַי וֻשמַעִית יָת דְמִתמַלַל עִמִי׃
(1) 30:20 וַאֲמַר לִי בַר אָדָם שָלַח אֲנָא יָתָך לְוָת בְנֵי יִשרָאֵל לְוָת עַמְמַיָא סָרְבָנַיָא דְסָרִיבֻו עַל מֵימְרִי אִנֻון וַאֲבָהָתְהֹון מְרַדֻו בְמֵימְרִי עַד כְרַן יֹומָא הָדֵין׃
(1) 40:20 וֻמִתקְרַן בְנַיָ אִנֻון חַצִיפֵי אַפִין וְתַקִיפֵי לִבָא אֲנָא שָלַח יָתָך לְוָתְהֹון וְתֵימַר לְהֹון כִדנָן אֲמַר יוי אֲלֹהִים׃
(1) 50:20 וְאִנֻון אִם יְקַבְלֻון אֻלפָן וְאִם יִתמַנעֻון מִלְמִחטֵי אֲרֵי עַם סָרְבָן/מסרבן#3#/ אִנֻון וְיִדְעֻון דִנבִיָא/אְרֵי נְבִיָא#3#/ הֲוָה בֵינֵיהֹון׃
(1) 60:20 וְאַת בַר אָדָם לָא תִדחַל מִנְהֹון וְמִפִתגָמֵיהֹון לָא תִדחַל אֲרֵי מְסָרְבִין וֻמַקשַן לְקִבלָך וֻבגֹו עַמָא דְעֻובָדֵיהֹון דָמַן לְעַקרַבִין אַת יָתֵיב וֻמִפִתגָמֵיהֹון לָא תִדחַל וֻמִן קֳדָמֵיהֹון לָא תִתְבַר אֲרֵי עַם סָרבָן/מסרבן#3#/ אִנֻון׃
(1) 70:20 וְתִתנַבֵי יָת פִתגָמֵי נְבֻואֲתִי לְהֹון אִם יְקַבְלֻון אֻלפָן וְאִם יִתמַנעֻון מִלְמִחטֵי אֲרֵי עַם סָרְבָן אִנֻון׃
(1) 80:20 וְאַת בַר אָדָם שְמַע/קביל#3#/ יָת דַאֲנָא מְמַלֵיל עִמַך לָא תְהֵי סָרְבָן כְעַמָא סָרְבָנָא אַרכֵין נַפשָך וְקַבֵיל יָת דַאֲנָא יָהֵיב לָך׃
(1) 90:20 וַחֲזֵית וְהָא דְמֻות יָד מִתֹושְטָא לְצֵיד לְוָתִי וְהָא בֵיה מְגִלַת סִפרָא׃
(1) 01:20 וֻפרַס יָתַה קֳדָמַי וְהִיא כְתִיבָא מֵאַפַהָא וֻמֵאֲחֹורַהָא מָה דְהֲוָה מִן שֵירֻויָא וֻמָא דַעֲתִיד לְמִהוֵי/לְמֵיתֵי#3#/ בְסֹופָא וֻכתִיב בַה דְאִם יִעבְרֻון בֵית יִשרָאֵל עַל אֹורָיתָא יִשלְטֻון בְהֹון עַמְמַיָא וְאִם יַעבְדֻון יָת אֹורָיתָא יְסֻוף/יִעדֵי#3#/ מִנְהֹון אִליָא דָוֹונָא וְתִינַחתָא׃

next chapter