CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:42 וְאַברָהָם סִיב עָל בְיֹומִין וַיוי בָרֵיך יָת אַברָהָם בְכֹולָא׃
(1) 20:42 וַאֲמַר אַברָהָם לְעַבדֵיה סָבָא דְבֵיתֵיה דְשַלִיט בְכָל דְלֵיה שַו כְעַן יְדָך תְחֹות יִרכִי׃
(1) 30:42 וַאֲקַיֵים עֲלָך בְמֵימְרָא דַיוי אֲלָהָא דִשמַיָא וַאֲלָהָא דְאַרעָא דְלָא תִסַב אִתְתָא לִברִי מִבְנָת כְנַעֲנָאָה דַאֲנָא יָתֵיב בֵינֵיהֹון׃
(1) 40:42 אֲלָהֵין לְאַרעִי וֻליַלָדֻותִי תֵיזֵיל וְתִיסַב אִתְתָא לִברִי לְיִצחָק׃
(1) 50:42 וַאֲמַר לֵיה עַבדָא מָא אִם לָא תֵיבֵי אִתְתָא לְמֵיתֵי בָתְרַי לְאַרעָא הָדָא הַאָתָבָא אָתִיב יָת בְרָך לְאַרעָא דִנפַקתָא מִתַמָן׃
(1) 60:42 וַאֲמַר לֵיה אַברָהָם אִסתְמַר לָך דִלמָא תָתִיב יָת בְרִי לְתַמָן׃
(1) 70:42 יוי אֲלָהָא דִשמַיָא דְדַברַנִי מִבֵית אַבָא וֻמֵאֲרַע יַלָדֻותִי וֻדמַלֵיל לִי וֻדקַיֵים לִי לְמֵימַר לִבנָך אַתֵין יָת אַרעָא הָדָא הֻוא יִשלַח מַלאֲכֵיה קדמך וְתִסַב אִתְתָא לִברִי מִתַמָן׃
(1) 80:42 וְאִם לָא תֵיבֵי אִתְתָא לְמֵיתֵי בָתְרָך וֻתהֵי זָכָא מִמֹומָתִי דָא לְחֹוד/לחות#3#/ יָת בְרִי לָא תָתִיב לְתַמָן׃
(1) 90:42 וְשַוִי עַבדָא יָת יְדֵיה תְחֹות יִרכָא דְאַברָהָם רִבֹונֵיה וְקַיֵים לֵיה עַל פִתגָמָא הָדֵין׃
(1) 01:42 וֻדבַר עַבדָא עַסרָא גַמלִין מִגַמלֵי רִיבֹונֵיה וַאֲזַל וְכֹל טֻוב/שפר#3#/ רִבֹונֵיה בִידֵיה וְקָם וַאֲזַל לַאֲרָם דְעַל פְרָת לְקַרתָא דְנָחֹור׃
(1) 11:42 וְאֲשרִי גַמלַיָא מִבַרָא לְקַרתָא \עִם בֵירָא /לבאירא#3#/ דְמַיָא לְעִדָן רַמשָא לְעִדָן דְנָפְקָן מַליָתָא׃
(1) 21:42 וַאֲמַר יוי אֲלָהֵיה דְרִבֹונִי אברהם זָמֵין כְעַן קדמי יֹומָא דֵין וַעֲבֵיד טֵיבֻו עִם רִבֹונִי אברהם׃
(1) 31:42 הָא אֲנָא קָאֵים עַל עֵינָא דְמַיָא וֻבנָת אֲנָשֵי קַרתָא נָפְקָן לְמִמלֵי מַיָא׃
(1) 41:42 וֻתהֵי עֻולֵימְתָא דְאֵימַר לַה אַרכַנִי כְעַן קֻלְתִיך וְאַשתֵי וְתֵימַר אֵישת וְאַף גַמלָך אַשקֵי יָתַה זָמֵינתָא לְעַבדָך לְיִצחָק וֻבַה אִידַע אֲרֵי עֲבַדת טֵיבֻו עִם רִיבֹונִי׃
(1) 51:42 וַהֲוָה הֻוא עַד לָא שֵיצִי לְמַלָלָא וְהָא רִבקָה נְפַקַת דְאִיתיְלֵידַת/די איתלידת#3#/ לִבתֻואֵל בַר מִלכָה אִיתַת נָחֹור אָחֻוהִי דאברהם וְקֻולְתַה עַל כִתפַה/כַתפַה#3#/׃
(1) 61:42 וְעֻולֵימְתָא \שַפִירָא לְמִחזֵי /שפירת חיזו#3#/ לַחדָא בְתֻולְתָא וֻגבַר לָא יַדעַה וֻנחַתַת לְעֵינָא וֻמלָת קֻולְתַה וֻסלֵיקַת׃
(1) 71:42 וֻרהַט עַבדָא לְקַדָמֻותַה וַאֲמַר אַשקַנִי/אטעמני#3#/ כְעַן זְעֵיר מַיָא מִקֻולְתִיך׃
(1) 81:42 וַאֲמַרַת אֵישת רִבֹונִי וְאֹוחִיאַת וַאֲחֵיתַת קֻולְתַה עַל יְדַה וְאַשקִיתֵיה׃
(1) 91:42 וְשֵיצִיאַת לְאַשקָיֻותֵיה וַאֲמַרַת אַף לְגִמלָך אִמלֵי עַד דִיסַפְקֻון לְמִשתֵי׃
(1) 02:42 וְאֹוחִיאַת וֻנפַצַת קֻולְתַה לְבֵית שִקיָא וֻרהַטַת עֹוד לְבֵירָא לְמִמלֵי וֻמלָת לְכֹל גַמלֹוהִי׃
(1) 12:42 וְגֻברָא שָהֵי/שָתֵי#3#/ בַה מִסתַכַל שָתִיק לְמִדַע הֲאַצלַח יוי אֹורחֵיה אִם לָא׃
(1) 22:42 וַהֲוָה כַד סְפִיקֻו גַמלַיָא לְמִשתֵי וֻנסֵיב גַברָא קְדָשָא דְדַהבָא תִקלָא מַתקָלֵיה וֻתרֵין שֵירִין עַל יְדַהָא מַתקַל עֲסַר סִלעִין דַהבָא/דדהבא#3#/ <הוה#3#> מַתקָלְהֹון׃
(1) 32:42 וַאֲמַר בַת מַן אַת חַוַא כְעַן לִי הֲאִית בֵית אֲבֻויִיך אֲתַר כָשַר לַנָא לִמבָת׃
(1) 42:42 וַאֲמַרַת לֵיה בַת בְתֻואֵל אֲנָא בַר מִלכָה דִילֵידַת לְנָחֹור׃
(1) 52:42 וַאֲמַרַת לֵיה אַף תִבנָא אַף כִסְתָא סַגִי עִמַנָא אַף אֲתַר כָשַר לִמבָת׃
(1) 62:42 וֻכרַע גֻברָא וֻסגֵיד קדם יוי׃
(1) 72:42 וַאֲמַר בְרִיך יוי אֲלָהֵיה דְרִיבֹונִי אברהם דְלָא מְנַע/שבק#3#/ טֵיבֻותֵיה וְקֻושטֵיה מִן רִבֹונִי אֲנָא בְאֹורַח תָקְנָא דַבְרַנִי יוי לְבֵית אֲחֻוהִי דְרִיבֹונִי׃
(1) 82:42 וֻרהַטַת עֻולֵימְתָא וְחַוִיאַת לְבֵית אִמַה כְפִתגָמַיָא הָאִלֵין׃
(1) 92:42 וֻלרִבקָה אַחָא וֻשמֵיה לָבָן וֻרהַט לָבָן לְוָת גֻברָא לְבָרָא לְעֵינָא/לות עינא#3#/׃
(1) 03:42 וַהֲוָה כַד חֲזָא יָת קְדָשָא וְיָת שֵירַיָא עַל יְדֵי אֲחָתֵיה וְכַד שְמַע יָת פִתגָמֵי רִבקָה אֲחָתֵיה לְמֵימַר כְדֵין מַלֵיל עִמִי גֻברָא וַאֲתָא לְוָת גֻברָא וְהָא קָאֵים עִלָוֵי/על#3#/ גַמלַיָא עַל עֵינָא׃
(1) 13:42 וַאֲמַר עֹול בְרִיכָא דַיוי לְמָא אַת קָאֵים בְבָרָא וַאֲנָא פַנִיתִי בֵיתָא וַאֲתַר כָשַר לְגַמלַיָא׃
(1) 23:42 וְעָל גֻברָא לְבֵיתָא וֻשרָא {מִן}<זממי> גַמלַיָא וִיהַב תִבנָא וְכִסְתָא לְגַמלַיָא וֻמַיָא לְאַסחָאָה רַגלֹוהִי וְרַגלֵי גֻברַיָא דְעִמֵיה׃
(1) 33:42 ושַוִיאֻו קְדָמֹוהִי לְמֵיכַל וַאֲמַר לָא אֵיכֹול עַד דַאֲמַלֵיל פִתגָמַי וַאֲמַר מַלֵיל׃
(1) 43:42 וַאֲמַר עַבדָא דאברהם אֲנָא׃
(1) 53:42 וַיוי בָרֵיך יָת רִיבֹונִי לַחדָא וֻרבָא וִיהַב לֵיה עָן וְתֹורִין וְכַספָא וְדַהבָא וְעַבדִין וְאַמהָן וְגַמלִין וֻחמָרִין׃
(1) 63:42 וִילֵידַת שָׂרָה אִיתַת רִיבֹונִי בַר לְרִיבֹונִי בָתַר דְסֵיבַת וִיהַב לֵיה יָת כֹל דְלֵיה׃
(1) 73:42 וְקַיֵים עֲלַי רִבֹונִי לְמֵימַר לָא תִסַב אִיתְתָא לִברִי מִבְנָת כְנַעֲנָאָה דַאֲנָא יָתֵיב בַאֲרַעהֹון׃
(1) 83:42 אֲלָהֵין לְבֵית אַבָא תֵיזִיל וֻלזַרעִיתִי וְתִיסַב אִיתְתָא לִברִי׃
(1) 93:42 וַאֲמַרִית לְרִבֹונִי מָא אִם לָא תֵיתֵי/תֵיזֵל#3#/ אִתְתָא בָתְרַי׃
(1) 04:42 וַאֲמַר <לי#3#> יוי דִפלַחִית קְדָמֹוהִי יִשלַח מַלאֲכֵיה עִמָך וְיַצלַח אֹורחָך וְתִסַב אִתְתָא לִברִי מִזַרעִיתִי וֻמִבֵית אַבָא׃
(1) 14:42 בְכֵין תְהֵי זָכָא מִמֹומָתִי אֲרֵי תְהָך/תעול#3#/ לְזַרעִיתִי וְאִם לָא יִתְנֻון לָך וֻתהֵי זָכָא מִמֹומָתִי׃
(1) 24:42 וַאֲתֵית יֹומָא דֵין לְעֵינָא וַאֲמַרִית יוי אֲלָהֵיה דְרִבֹונִי אַברָהָם אִם אִית כְעַן רַעֲוָא קְדָמָך לְאַצלָחָא אֹורחִי דַאֲנָא אָזֵיל עֲלַה׃
(1) 34:42 הָא אֲנָא קָאֵים עַל עֵינָא דְמַיָא וֻתהֵי עֻולֵימְתָא דְתִפֹוק לְמִמלֵי וְאֵימַר לַה אַשקַנִי כְעַן זְעֵיר מַיָא מִקֻולְתִיך׃
(1) 44:42 וְתֵימַר לִי אַף אַת אֵישת וְאַף לְגַמלָך אִמלֵי הִיא אִיתְתָא דְזָמֵין יוי לְבַר רִיבֹונִי׃
(1) 54:42 אֲנָא עַד לָא שֵיצִיתִי לְמַלָלָא בְלִיבִי/עם לבי#3#/ וְהָא רִבקָה נְפַקַת וְקֻולְתַה עַל כַתפַה/כִתפַה#3#/ וֻנחַתַת לְעֵינָא וֻמלָת וַאֲמַרִית לַה אַשקַנִי כְעַן׃
(1) 64:42 וְאֹוחִיאַת וַאֲחֵיתַת קֻולְתַה מִינַה/מעלה#3#/ וַאֲמַרַת אֵישתְ וְאַף גַמלָך אַשקֵי וֻשתִיתִי וְאַף <ית#3#> גַמלַיָא אַשקִיאַת׃
(1) 74:42 וֻשאֵילִית יָתַה וַאֲמַרִית בַת מַן אַת וַאֲמַרַת בַת בְתֻואֵל בַר נָחֹור דִילֵידַת לֵיה מִלכָה וְשַוֵיתִי קְדָשָא עַל אַפַה וְשֵירַיָא עַל יְדַהָא׃
(1) 84:42 וֻכרַעִית וֻסגֵידִית קְדָם יוי וֻבָרֵיכִית יָת יוי אֲלָהֵיה דְרִבֹונִי אַברָהָם דְדַבְרַנִי בְאֹורַח קְשֹוט לְמִסַב יָת בַת אֲחֻוהִי דְרִיבֹונִי לִברֵיה׃
(1) 94:42 וֻכעַן אִם אִיתֵיכֹון עָבְדִין טֵיבֻו וֻקשֹוט עִם רִבֹונִי חַוֹו לִי וְאִם לָא חַוֹו לִי וְאִתפְנֵי עַל יַמִינָא אֹו עַל סְמָלָא׃
(1) 05:42 וַאֲתֵיב לָבָן וֻבתֻואֵל וַאֲמַרֻו מִן קדם יוי נְפַק פִתגָמָא לֵית אֲנַחנָא יָכְלִין לְמַלָלָא עִימָך בִיש אֹו טָב׃
(1) 15:42 הָא רִבקָה קְדָמָך דְבַר וְאִיזֵיל וֻתהֵי אִתְתָא לְבַר רִבֹונָך כְמָא דְמַלֵיל יוי׃
(1) 25:42 וַהֲוָה כַד שְמַע עַבדָא דְאַברָהָם יָת פִתגָמֵיהֹון וֻסגֵיד עַל ארעא קדם יוי׃
(1) 35:42 וְאַפֵיק עַבדָא מָנִין דִכסַף וֻמָנִין דִדהַב וֻלבֻושִין וִיהַב לְרִבקָה וֻמַגדָנִין יְהַב לַאֲחֻוהָא וֻלאִימַה׃
(1) 45:42 וַאֲכַלֻו וֻשתִיֻו הֻוא וְגַברַיָא דְעִמֵיה וֻבָתֻו וְקַמֻו בְצַפרָא וַאֲמַר שַלחֻונִי לְוָת רִיבֹונִי׃
(1) 55:42 וַאֲמַר אֲחֻוהָא וְאִימַה תִתֵיב/תִסַב#3#/ עֻולֵימְתָא עִימַנָא עֲידָן בְעִידָן אֹו עַסרָה יַרחִין בָתַר כֵין תֵיזִיל׃
(1) 65:42 וַאֲמַר לְהֹון לָא תְאַחֲרֻון יָתִי וַיוי/ומן קדם ייי#3#/ אַצלַח אֹורחִי שַלחֻונִי וַאֲהָך \לְוָת רִבֹונִי /לריבוני#3#/׃
(1) 75:42 וַאֲמַרֻו נִקרֵי לְעֻולֵימְתָא וְנִשמַע מָא דְהִיא אָמְרָה׃
(1) 85:42 וֻקרֹו לְרִבקָה וַאֲמַרֻו לַה הֲתֵיזְלִין עִם גֻברָא הָדֵין וַאֲמַרַת אֵיזֵיל׃
(1) 95:42 וְשַלַחֻו יָת רִבקָה אֲחָתְהֹון וְיָת מֵינֵיקתַה וְיָת עַבדָא דְאַברָהָם וְיָת גַברֹוהִי׃
(1) 06:42 וֻבָרִיכֻו יָת רִבקָה וַאֲמַרֻו לַה אֲחָתַנָא אַת הִוַא לְאַלפִין וֻלרִבְוָן וְיֵירְתֻון בְנַכִי יָת קִרוֵי סָנְאֵיהֹון׃
(1) 16:42 וְקַמַת רבקה וְעֻולֵימָתַהָא וֻרכִיבָא עַל גַמלַיָא וַאֲזַלָא בָתַר גֻברָא וֻדבַר עַבדָא יָת רִבקָה וַאֲזַל׃
(1) 26:42 וְיִצחָק עָל בְמֵיתֹוהִי/מימתוהי#3#/ מִבֵירָא דְמַלאַך קַייָמָא אִיתַחזִי עֲלַה וְהֻוא יָתֵיב בַאֲרַע דָרֹומָא׃
(1) 36:42 וֻנפַק יִצחָק לְצַלָאָה בְחַקלָא לְמִפנֵי/לעידן#3#/לעדן מפני#3#/ רַמשָא וֻזקַף עֵינֹוהִי וַחזָא וְהָא גַמלַיָא אָתַן׃
(1) 46:42 וֻזקַפַת רבקה יָת עֵינַהָא וַחזָת יָת יצחק וְאִתרְכֵינַת מֵעַל גַמלָא׃
(1) 56:42 וַאֲמַרַת לְעַבדָא מַן גֻברָא דֵיכִי דִמהַלֵיך בְחַקלָא לְקַדָמֻותַנָא וַאֲמַר עַבדָא הֻוא רִבֹונִי וֻנסֵיבַת עִיפָא וְאִתכַסִיאַת׃
(1) 66:42 וְאִשתַעִי עַבדָא לְיִצחָק יָת כֹל פִתגָמַיָא דַעֲבַד׃
(1) 76:42 וְאַעֲלַה יצחק לְמַשכְנָא וַחזָא וְהָא תָקְנִין עֹובָדַהָא כְעֹובָדֵי שָׂרָה אִימֵיה וֻנסֵיב יָת רבקה וַהוָת לֵיה לְאִיתֻו/לאנתו#3#/ וְרִחמַה וְאִתנַחַם יִצחָק בָתַר <דמיתת#3#> אִמֵיה׃

next chapter