CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:62 וַהֲוָה כַפנָא בארעא בָר מִכַפנָא קַדמָאָה דַהוָה בְיֹומֵי אברָהָם וַאֲזַל יִצחָק לְוָת אֲבִימַלַך מַלכָא דִפלִשתָאֵי לִגרָר׃
(1) 20:62 וְאִתגְלִי לֵיה יוי וַאֲמַר לָא תֵיחֹות לְמִצרַיִם שְרִי בארעא דְאֵימַר לָך׃
(1) 30:62 דֻור בארעא הָדָא וִיהֵי מֵימְרִי בְסַעֲדָך וַאֲבָרְכִינָך אֲרֵי לָך וְלִבנָך אַתֵין יָת כֹל אַרעָתָא הָאִלֵין וַאֲקַיֵים יָת קְיָמָא דְקַיֵימִית לאברהם אֲבֻוך׃
(1) 40:62 וְאַסגֵי יָת בְנָך כְכֹוכְבֵי שְמַיָא וְאִיתֵין לִבנָך יָת כֹל אַרעָתָא הָאִלֵין וְיִתבָרְכֻון בְדִיל בְנָך כֹל עַמְמֵי ארעא׃
(1) 50:62 חֲלָף דְקַבֵיל אברהם לְמֵימְרִי/במימרי#3#/ וֻנטַר מַטְרַת מֵימְרִי פִקֹודַי קְיָמַי וְאֹורָיָתִי׃
(1) 60:62 וִיתֵיב יִצחָק בִגרָר׃
(1) 70:62 וֻשאִילֻו אֲנָשֵי אַתרָא \עַל עֵיסַק אִיתְתֵיה /לאיתתיה#3#/ וַאֲמַר אֲחָת הִיא אֲרֵי דְחֵיל לְמֵימַר אִיתְתִי דִלמָא יִקטְלֻונַנִי אֲנָשֵי אַתרָא עַל רִבקָה אֲרֵי שַפִירַת חֵיזֻו הִיא׃
(1) 80:62 וַהֲוָה כַד סְגִיאֻו לֵיה תַמָן יֹומַיָא וְאִסתַכִי אֲבִימַלַך מַלכָא דִפלִשתָאֵי מִן חֲרַכָא וַחזָא וְהָא יִצחָק מְחָאִיך עִים/ית#3#/ רִבקָה אִיתְתֵיה׃
(1) 90:62 וֻקרָא אֲבִימַלַך ליצחק וַאֲמַר בְרַם הָא אִיתְתָך הִיא וְאֵיכְדֵין אֲמַרת אֲחָת הִיא וַאֲמַר לֵיה יִצחָק אֲרֵי אֲמַרִית דִלמָא אִתקְטִיל/אימות#3#/ עֲלַה׃
(1) 01:62 וַאֲמַר אִבִימַלַך מָא דָא עֲבַדת לַנָא כִזעֵיר פֹון שְכֵיב דִמיַחַד/חד דמיתאחד#3#/ בְעַמָא יָת/עִם#3#/ אִיתְתָך וְאֵיתִיתָא/ותהא מייתי#3#/ עֲלַנָא חֹובָא׃
(1) 11:62 וֻפַקֵיד אֲבִימַלַך יָת כֹל עַמָא לְמֵימַר דְיַנזֵיק לְגַברָא/בגברא#3#/ הָדֵין וֻלאִיתְתֵיה/ובאיתתיה#3#/ אִתקְטָלָא יִתקְטִיל׃
(1) 21:62 וֻזרַע יִצחָק בארעא הַהִיא/ההוא#3#/ וְאַשכַח בְשַתָא הַהִיא עַל חַד מְאָה בִדשַעֲרֻוהִי/בשערוהי#3#/ וֻבָרְכֵיה יוי׃
(1) 31:62 וֻרבָא גֻברָא אָזֵיל סָגֵי וֻרָבֵי עַד דִרבָא לַחדָא׃
(1) 41:62 וַהֲוָה לֵיה גֵיתֵי עָנָא וְגֵיתֵי תֹורֵי וַעֲבֻודָה/וֻפֻלחָנָא#3#/ סַגִי וְקַנִיֻו בֵיה פְלִשתָאֵי׃
(1) 51:62 וְכֹל בֵירֵי דַחפַרֻו עַבדֵי אֲבֻוהִי בְיֹומֵי אברהם אֲבֻוהִי טָמֻונִין פְלִשתָאֵי וֻמלֹונִין עַפרָא׃
(1) 61:62 וַאֲמַר אֲבִימַלַך לְיִצחָק אִיזֵיל מֵעִמַנָא/מלותנא#3#/ אֲרֵי תַקֵיפַת מִנַנָא לַחדָא׃
(1) 71:62 וַאֲזַל מִתַמָן יִצחָק וֻשרָא בְנַחלָא דִגרָר וִיתֵיב תַמָן׃
(1) 81:62 וְתָב יִצחָק וַחפַר יָת בֵירֵי דְמַיָא דַחפַרֻו בְיֹומֵי אַברָהָם אֲבֻוהִי וְטָמֻונִין פְלִשתָאֵי בָתַר דְמִית אברהם וֻקרָא לְהֹון שְמָהָן כִשמָהָן \דַהוָה קָרֵי /דִקרֹו#3#/די קרא#3#/ לְהֹון אֲבֻוהִי׃
(1) 91:62 וַחפַרֻו עַבדֵי יִצחָק בְנַחלָא וְאַשכַחֻו תַמָן בֵיר דְמַיִין נָבְעִין׃
(1) 02:62 וֻנצֹו רָעֲוָתָא דִגרָר עִם רָעֲוָתָא דְיִצחָק לְמֵימַר דִילַנָא מַיָא וֻקרָא שְמַה דְבֵירָא עֵיסַק אֲרֵי אִתעַסַקֻו עִימֵיה׃
(1) 12:62 וַחפַרֻו בֵיר אֻוחרִי וֻנצֹו אַף עֲלַה וֻקרָא שְמַה שִׂטנָה׃
(1) 22:62 וְאִסתַלַק מִתַמָן וַחפַר בֵיר אֻוחרִי וְלָא נְצֹו עֲלַה וֻקרָא שְמַה רְחֹבֹות וַאֲמַר אֲרֵי כְעַן אַפתִי יוי לַנָא וְיַפְשִינַנָא/וְנִפֹוש#3#/ בארעא׃
(1) 32:62 וֻסלֵיק מִתַמָן לִבאֵר שָבַע׃
(1) 42:62 וְאִתגְלִי לֵיה יוי בְלֵיליָא הַהֻוא וַאֲמַר אֲנָא אֲלָהֵיה דְאברהם אֲבֻוך לָא תִדחַל אֲרֵי בְסַעֲדָך מֵימְרִי וַאֲבָרְכִינָך וְאַסגֵי יָת בְנָך בְדִיל אברהם עַבדִי׃
(1) 52:62 וֻבנָא תַמָן מַדבְחָא וְצַלִי בִשמָא דַיוי וֻפרַסֵיה תַמָן לְמַשכְנֵיה וֻכרֹו תַמָן עַבדֵי יִצחָק בֵירָא׃
(1) 62:62 וַאֲבִימַלַך אֲתָא/אזל#3#/ לְוָתֵיה מִגרָר וְסִיעַת רָחֲמֹוהִי/מִרָחְמֹוהִי#3#/ וְפִיכֹל רַב חֵילֵיה׃
(1) 72:62 וַאֲמַר לְהֹון יִצחָק מָדֵין אֲתֵיתֹון לְוָתִי וְאַתֻון סְנֵיתֹון יָתִי וְשַלַחתֻונִי מִלְוָתְכֹון׃
(1) 82:62 וַאֲמַרֻו מִחזָא חֲזֵינָא אֲרֵי הֲוָה מֵימְרָא דַיוי בְסַעֲדָך וַאֲמַרנָא תִתקַייַם כְעַן מֹומָתָא דַהוָת בֵין אֲבָהָתַנָא בֵינַנָא וֻבֵינָך וְנִגזַר קְיָם עִמָך׃
(1) 92:62 אִם תַעֲבֵיד עִימַנָא בִישָא כְמָא דְלָא אַנזֵיקנָך וֻכמָא דַעֲבַדנָא עִימָך לְחֹוד טָב וְשַלַחנָך בִשלָם אַת כְעַן בְרִיכָא דַיוי׃
(1) 03:62 וַעֲבַד לְהֹון מִשתִיָא וַאֲכַלֻו וֻשתִיֻו׃
(1) 13:62 וְאַקדִימֻו בְצַפרָא וְקַיִימֻו גְבַר לַאֲחֻוהִי וְשַלַחִינֻון יצחק וַאֲזַלֻו מִלְוָתֵיה בִשלָם׃
(1) 23:62 וַהֲוָה בְיֹומָא הַהֻוא וַאֲתֹו עַבדֵי יִצחָק וְחַוִיאֻו לֵיה עַל עֵיסַק בֵירָא דַחפַרֻו וַאֲמַרֻו לֵיה אַשכַחנָא מַיָא׃
(1) 33:62 וֻקרָא יָתַה שִבעָה עַל כֵין שְמַה דְקַרתָא בְאֵר שָבַע עַד יֹומָא הָדֵין׃
(1) 43:62 וַהֲוָה עֵשָׂו בַר אַרבְעִין שְנִין וֻנסֵיב אִיתְתָא יָת יְהֻודִית בַת בְאֵירִי חִיתָאָה וְיָת בָשְמַת בַת אֵילֹון חִתָאָה׃
(1) 53:62 וַהוַאָה מְסָרְבָן וֻמַרגְזָן עַל מֵימַר יִצחָק וְרִבקָה׃

next chapter