CAL CODE HELP CLICK HERE
click on the file description for more information

51001: TgO Gn

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:03 וַחזָת רָחֵל אֲרֵי לָא יְלֵידַת לְיַעֲקֹב וְקַנִיאַת רָחֵל בַאֲחָתַה וַאֲמַרַת לְיַעֲקֹב הַב לִי בְנִין וְאִם לָא מָיְתָא אֲנָא׃
(1) 20:03 וֻתקֵיף רֻוגזָא דְיַעֲקֹב ברחל וַאֲמַר הְמִנִי אַת בָעיָא הֲלָא מִן קדם יוי תִבעַן דִמנָע מִנִיך וַלדָא דִמעִי׃
(1) 30:03 וַאֲמַרַת הָא אַמתִי בִלהָה עֹול לְוָתַה תְלִיד וַאֲנָא אֲרַבֵי וְאַתבְנֵי אַף אֲנָא מִנַה׃
(1) 40:03 וִיהַבַת לֵיה יָת בִלהָה אַמתַה לְאִיתֻו/לאנתו#3#/ וְעָל לְוָתַה יַעֲקֹב׃
(1) 50:03 וְעַדִיאַת בִלהָה וִילֵידַת לְיַעֲקֹב בַר׃
(1) 60:03 וַאֲמַרַת רָחֵל דָנַנִי/דן לי#3#/ יוי וְאָף קַבֵיל צְלֹותִי וִיהַב לִי בַר עַל כֵין קְרָת שְמֵיה דָן׃
(1) 70:03 וְעַדִיאַת עֹוד וִילֵידַת בִלהָה אַמתַה דְרָחֵל בַר תִניָן לְיַעֲקֹב׃
(1) 80:03 וַאֲמַרַת רָחֵל \קַבֵיל בָעֻותִי יוי /קביל ייי בעותי#3#/ בְאִתחַנָנֻותִי בִצלֹותי חַמֵידִית דִיהֵי לִי וְלַד כַאֲחָתִי אַף אִתיְהֵיב לִי וֻקרָת שְמֵה נַפתַלִי׃
(1) 90:03 וַחֲזַת לֵאָה אֲרֵי קַמַת מִלְמֵילַד וֻדבַרַת/ונסיבת#3#/ יָת זִלפָה אַמתַה וִיהַבַת יָתַה לְיַעֲקֹב לְאִתֻו/לאינתו#3#/׃
(1) 01:03 וִילֵידַת זִלפָה אַמתַה דְלֵאָה לְיַעֲקֹב בַר׃
(1) 11:03 וַאֲמַרַת לֵאָה אֲתָא גָד וֻקרָת יָת שְמֵיה גָד׃
(1) 21:03 וִילֵידַת זִלפָה אַמתַה דְלֵאָה בַר תִניָן לְיַעֲקֹב׃
(1) 31:03 וַאֲמַרַת לֵאָה תֻשבְחָא הֲוָת לִי אֲרֵי בְכֵין יְשַבְחֻנַנִי נְשַיָא וֻקרָת יָת שְמֵיה אָשֵר׃
(1) 41:03 וַאֲזַל רְאֻובֵן בְיֹומֵי חֲצָד חִטִין וְאַשכַח יַברֻוחִין בְחַקלָא וְאַיתִי יָתְהֹון לְלֵאָה אִמֵיה וַאֲמַרת רָחֵל לְלֵאָה הַבִי כְעַן לִי מִיַברֻוחֵי דִברִיך׃
(1) 51:03 וַאֲמַרת לַה הַזְעֵיר דִדבַרת יָת בַעלִי וֻלמִסַב אַף יָת יַברֻוחֵי דִברִי וַאֲמַרַת רָחֵל בְכֵין יִשכַב עִמִיך בְלֵיליָא חֲלָף יַברֻוחֵי דִברִיך׃
(1) 61:03 וְעָל יַעֲקֹב מִן חַקלָא בְרַמשָא וֻנפַקַת לֵאָה לְקַדָמֻותֵיה וַאֲמַרַת לְוָתִי תֵיעֹול אֲרֵי מֵיגָר אֲגַרתָך בְיַברֻוחֵי דִברִי וֻשכֵיב עִמַה בְלֵיליָא הֻוא׃
(1) 71:03 וְקַבֵיל/ושמיע קדם#3#/ יוי צְלֹותַה דְלֵאָה וְעַדִיאַת וִילֵידַת לְיַעֲקֹב בַר חֲמִישָי׃
(1) 81:03 וַאֲמַרַת לֵאָה יְהַב יוי אַגרִי דִיהַבִית/ארי יהבית#3#/ אַמתִי לְבַעלִי וֻקרָת שְמֵיה יִשָׂשׂכָר׃
(1) 91:03 וְעַדִיאַת עֹוד לֵאָה וִילֵידַת בַר שְתִיתָי לְיַעֲקֹב׃
(1) 02:03 וַאֲמַרַת לֵאָה יְהַב יוי \יָתֵיה לִי /יתי#3#/ חֻולָק טָב הָדָא זִמנָא יְהֵי מְדֹורֵיה דְבַעלִי לְוָתִי אֲרֵי יְלֵידִית לֵיה שִתָה בְנִין וֻקרָת יָת שְמֵיה זְבֻולֻון׃
(1) 12:03 וֻבָתַר כֵין יְלֵידַת בְרַתָא וֻקרָת יָת שְמַה דִינָה׃
(1) 22:03 וְעָל דֻכרָנַה דְרָחֵל קדם יוי וְקַבֵיל צְלֹותַה יוי וִיהַב לַה עִדֻוי׃
(1) 32:03 וְעַדִיאַת וִילֵידַת בַר וַאֲמַרַת כְנַש יוי יָת חִסדָי׃
(1) 42:03 וֻקרָת יָת שְמֵיה יֹוסֵף לְמֵימַר יֹוסֵף יוי לִי בַר אֲחֳרָן׃
(1) 52:03 וַהֲוָה כַד יְלֵידַת רָחֵל יָת יֹוסֵף וַאֲמַר יַעֲקֹב לְלָבָן שַלְחַנִי וַאֲהָך לְאַתרִי וֻלאַרעִי׃
(1) 62:03 הַב יָת נְשַי וְיָת בְנַי דִפלַחִית יָתָך בְהֹון וְאִיזֵיל/ואיהך#3#/ אֲרֵי אַת יָדַעת יָת פֻלחָנִי דִפלַחתָך׃
(1) 72:03 וַאֲמַר לֵיה לָבָן אִם כְעַן אַשכַחִית רַחֲמִין בְעֵינָך נַסִיתִי וֻבָרֵיכנִי יוי בְדִילָך׃
(1) 82:03 וַאֲמַר פָרֵיש אַגרָך עֲלַי וְאַתֵין׃
(1) 92:03 וַאֲמַר לֵיה אַת יָדַעת יָת דִפלַחתָך וְיָת דַהֲוָה בְעִירָך עִמִי׃
(1) 03:03 אֲרֵי זְעֵיר דַהֲוָה לָך קדמי וֻתקֵיף לִסגֵי/למסגי#3#/ וֻבָרֵיך יוי יָתָך בְדִילִי וֻכעַן אִמַתִי אַעֲבֵיד אַף אֲנָא לְבֵיתִי׃
(1) 13:03 וַאֲמַר מָא אַתֵין לָך וַאֲמַר יַעֲקֹב לָא תִתֵין לִי <ית#3#> מִדָעַם אִם תַעֲבֵיד לִי פִתגָמָא הָדֵין אֲתֻוב אַרעֵי עָנָך אַטַר׃
(1) 23:03 אַעבַר בְכָל עָנָך יֹומָא דֵין אַעדִי מִתַמָן כָל אִמַר נְמֹור וֻרקֹוע וְכָל אִמַר שְחֹום בְאִמרַיָא וֻרקֹוע וֻנמֹור בְעִזַיָא וִיהֵי אַגרִי׃
(1) 33:03 וְתַסהֵיד עֲלַי/בי#3#/ זָכֻותִי בְיֹום מְחַר אֲרֵי תֵיעֹול/תהך#3#/ עַל אַגרִי קדמך כָל דְלָיְתֹוהִי נְמֹור וֻרקֹוע בְעִזַיָא וֻשחֹום בְאִמְרַיָא גָנֹובָא הֻוא עִמִי׃
(1) 43:03 וַאֲמַר לָבָן בְרַם/הן#3#/ לְוִי יְהֵי כְפִתגָמָך׃
(1) 53:03 וְאַעדִי בְיֹומָא הַהֻוא יָת תֵיָשַיָא רְגֹולַיָא וֻרקֹועַיָא וְיָת כָל עִזַיָא נְמֹורָתָא וֻרקֹועָתָא <וית#3#> כָל דְחִיוָר בֵיה וְכָל דְשחֹום בְאִמְרַיָא וִיהַב בְיַד בְנֹוהִי׃
(1) 63:03 וְשַוִי מַהלַך תְלָתָה יֹומִין בֵינֹוהִי וֻבֵין יַעֲקֹב וְיַעֲקֹב רָעֵי יָת עָנָא דְלָבָן דְאִשתְאַרָא׃
(1) 73:03 וֻנסֵיב לֵיה יַעֲקֹב חֻוטרִין דִלבַן רַטִיבָן וֻדלֻוז וְדִדלֻוב וְקַלֵיף בְהֹון קִלפִין חִיוָרִין קִלֻוף חִיוָר דְעַל חֻטרַיָא׃
(1) 83:03 וְדַעֵיץ יָת חֻוטרַיָא דְקַלִיף/דְקַלֵיף#3#/ בְרָטַיָא/ברהטיא#3#/ אֲתַר בֵית שִקיָא דְמַיָא אֲתַר דְאָתיָן עָנָא לְמִשתֵי לְקִבלְהֹון דְעָנָא וֻמִתיַחֲמָן בְמֵיתֵיהֹון לְמִשתֵי׃
(1) 93:03 וְאִתיַחֲמָא עָנָא בְחֻוטרַיָא וִילִידָא עָנָא רְגֹולִין נְמֹורִין וֻרקֹועִין׃
(1) 04:03 וְאִמְרַיָא אַפרֵיש יעקב וִיהַב בְרֵיש עָנָא כֹל דִרגֹול וְכֹל דִשחֹום בְעָנָא דְלָבָן וְשַוִי לֵיה עַדרִין בִלחֹודֹוהִי וְלָא עָרֵיבִינֻון עִם עָנָא דְלָבָן׃
(1) 14:03 וְהָוֵי בְכֹל עִידָן דְמִיתיַחְמָן עָנָא מְבַכרָתָא וֻמשַוֵי יַעֲקֹב יָת חֻוטרַיָא \לְעֵינֵי עָנָא /לקבליהון דענא#3#/ בְרָטַיָא/ברהטיא#3#/ לְיַחֲמֻותְהֹון בְחֻוטרַיָא׃
(1) 24:03 וֻבלַקִישֻות עָנָא לָא מְשַוֵי וְהָוַן לַקִישַיָא לְלָבָן וֻבַכִירַיָא לְיַעֲקֹב׃
(1) 34:03 וֻתקֵיף גֻברַא לַחדָא לַחדָא וַהֲוָה לֵיה עָן סַגִיאָן וְאַמהָן וְעַבדִין וְגַמלִין וֻחמָרִין׃

next chapter