The Comprehensive Aramaic Lexicon

(1) 10:23	וְאַקדֵים לָבָן בְצַפרָא וְנַשֵיק לִבנֹוהִי וְלִבנָתֵיה וֻבָרֵיך יָתְהֹון וַאֲזַל וְתָב לָבָן לְאַתרֵיה׃
(1) 20:23	ויעקב אֲזַל לְאֹורחֵיה וְעָרַעֻו בֵיה מַלאֲכַיָא דַיוי׃
(1) 30:23	וַאֲמַר יעקב כַד חֲזַנֻון מַשרִי \מִן קדם יוי /דייי#3#/ דָא/דין#3#/ וֻקרָא שְמֵיה דְאַתרָא הַהֻוא מַחֲנָים׃
(1) 40:23	וֻשלַח יַעֲקֹב אִזגַדִין קְדָמֹוהִי לְוָת עֵשָׂו אֲחֻוהִי לְאַרעָא דְסֵעִיר לְחַקלֵי אֲדֹום׃
(1) 50:23	וֻפַקֵיד יָתְהֹון לְמֵימַר כְדֵין/כדנן#3#/ תֵימְרֻון לְרִבֹונִי לְעֵשָׂו כִדנָן אֲמַר עַבדָך יעקב עִם לָבָן דַרִית וְאֹוחַרִית עַד כְעַן׃
(1) 60:23	וַהוֹו לִי תֹורִין וֻחמָרִין עָן וְעַבדִין וְאַמהָן וֻשלַחִית לְחַוָאָה לְרִבֹונִי לְאַשכָחָא רַחמִין בְעֵינָך׃
(1) 70:23	וְתָבֻו אִזגַדַיָא לְוָת יעקב לְמֵימַר אֲתֵינָא לְוָת אֲחֻוך לְוָת עֵשָׂו וְאַף אָתֵי/אזיל#3#/ לְקַדָמֻותָך וְאַרבַע מְאָה גֻברָא עִמֵיה׃
(1) 80:23	וֻדחֵיל יַעֲקֹב לַחדָא וְעַקַת לֵיה וֻפַלֵיג יָת עַמָא דְעִמֵיה וְיָת עָנָא וְיָת תֹורֵי וְגַמלַיָא לְתַרתֵין מַשרִין׃
(1) 90:23	וַאֲמַר אִם יֵיתֵי עֵשָׂו לְמַשרִיתָא חֲדָא וְיִמחֵינַה וֻתהֵי מַשרִיתָא דְיִשתְאַר לְשֵיזָבָא/לשיזבותא#3#/׃
(1) 01:23	וַאֲמַר יַעֲקֹב אֲלָהֵיה דְאַבָא אברהם וַאֲלָהֵיה דְאַבָא יצחק יוי דַאֲמַר לִי תֻוב לְאַרעָך וֻליַלָדֻותָך וְאֹוטֵיב עִמָך׃
(1) 11:23	זְעֵירָן זָכְוָתִי מִכֹל חִסדִין וֻמִכֹל טָבוָן דַעַבַדת עִם עַבדָך אֲרֵי יְחִידַי עֲבַרִית יָת יַרדְנָא הָדֵין וֻכעַן הֲוֵיתִי לְתַרתֵין מַשרְיָן׃
(1) 21:23	שֵיזֵיבנִי כְעַן מִידָא דֲאַחִי מִידָא דְעֵשָׂו אֲרֵי דָחֵיל אֲנָא מִנֵיה/יתיה#3#/ דִלמָא יֵיתֵי וְיִמחֵינַנִי/ויקטלינני#3#/ אִמָא עַל בְנַיָא׃
(1) 31:23	וְאַת אֲמַרת אֹוטָבָא אֹוטֵיב עִמָך וַאֲשַוֵי יָת בְנָך סַגִיאִין כְחָלָא דְיַמָא דְלָא יִתמְנֹון מִסְגֵי/מלמיסגי#3#/׃
(1) 41:23	וֻבָת תַמָן בְלֵיליָא הַהֻוא וֻנסֵיב \מִן דְאֵיתִי /מדאיתי#3#/ בִידֵיה תִקרֻובתָא לְעֵשָׂו אֲחֻוהִי׃
(1) 51:23	עִיזֵי מָאתַן וְתֵישַיָא עַסרִין רַחלֵי מָאתַן וְדִכרֵי עַסרִין׃
(1) 61:23	גַמלֵי מֵינְקָתָא וֻבנֵיהֹון תְלָתִין תֹורָתָא אַרבְעִין וְתֹורֵי עַסרָה אֲתָנֵי עַסרִין וְעִלֵי עַסרָא׃
(1) 71:23	וִיהַב בְיַד עַבדֹוהִי עַדרָא עַדרָא בִלחֹודֹוהִי וַאֲמַר לְעַבדֹוהִי עֵיבַרֻו קְדָמַי וְרַוחָא תְשַוֹון בֵין עַדרָא וֻבֵין עַדרָא׃
(1) 81:23	וֻפַקֵיד יָת קַדמָאָה לְמֵימַר אֲרֵי יְעָרְעִינָך עשׂו אַחִי וְיִשאֲלִינָך לְמֵימַר דְמַן/וֻלמַן#3#/ אַת וֻלאָן אַת אָזֵיל וֻדמַן אִלֵין דִקדָמָך׃
(1) 91:23	וְתֵימַר דְעַבדָך/לעבדך#3#/ דיעקב/ליעקב#3#/ תִקרֻובתָא הִיא דִמשַלחָא לְרִבֹונִי לְעֵשָׂו וְאַף/וְהָא אַף#3#/ הֻוא אָתֵי בָתְרַנָא׃
(1) 02:23	וֻפַקֵיד אַף יָת תִניָנָא אַף יָת תְלִיתָאָה אַף יָת כֹל דְאָזְלִין בָתַר עַדרַיָא לְמֵימַר כְפִתגָמָא הָדֵין תְמַלְלֻון עִם עֵשָׂו כַד תַשכְחֻון יָתֵיה׃
(1) 12:23	וְתֵימְרֻון אַף הָא עַבדָך יַעֲקֹב אָתֵי בָתְרַנָא אֲרֵי אֲמַר אֲנִיחִינֵיה לְרֻוגזֵיה בְתִקרֻובתָא דְאָזְלָא/דמהלכא#3#/ קְדָמַי/לקדמי#3#/ וֻבָתַר כֵין אִחזֵי אַפֹוהִי מָא אִם יִסַב אַפָי׃
(1) 22:23	וַעֲבַרת תִקרֻובתָא עַל אַפֹוהִי וְהֻוא בָת בְלֵיליָא הַהֻוא בְמַשרִיתָא׃
(1) 32:23	וְקָם בְלֵיליָא הֻוא וֻנסֵיב/וֻדבַר#3#/ יָת תַרתֵין נְשֹוהִי וְיָת תַרתֵין לְחֵינָתֵיה וְיָת חַד עֲסַר בְנֹוהִי וַעֲבַר יָת מַעבַר יֻובקָא׃
(1) 42:23	וֻדבַרִינֻון וְאַעֲבַרִינֻון יָת נַחלָא וְאַעֲבַר יָת דְלֵיה׃
(1) 52:23	וְאִשתְאַר יעקב בִלחֹודֹוהִי וְאִשתַדַל גֻברָא עִמֵיה עַד דִסלֵיק/מיסק#3#/ צַפרָא׃
(1) 62:23	וַחזָא אֲרֵי לָא יָכֵיל לֵיה וֻקרֵיב בִפתֵי יִרכֵיה וְזָע פְתֵי יִרכָא דיעקב בְאִשתַדָלֻותֵיה עִמֵיה׃
(1) 72:23	וַאֲמַר שַלחַנִי אֲרֵי סְלֵיק צַפרָא וַאֲמַר לָא אֲשַלְחִינָך אֲלָהֵין בָרֵיכתָנִי/ברכת לי#3#/׃
(1) 82:23	וַאֲמַר לֵיה מַן/מה#3#/ שְמָך וַאֲמַר יַעֲקֹב׃
(1) 92:23	וַאֲמַר לָא יַעֲקֹב יִתאֲמַר עֹוד שְמָך אֲלָהֵין ישראל אֲרֵי רָב אַת \קְדָם יוי /עם מלאכיא דייי#3#/ וְעִם גֻברַיָא וִיכֵילתָא׃
(1) 03:23	וֻשאֵיל יעקב וַאֲמַר חַו כְעַן שְמָך וַאֲמַר לְמָא דְנָן אַת שָאֵיל לִשמִי וֻבָרֵיך יָתֵיה תַמָן׃
(1) 13:23	וֻקרָא יַעֲקֹב שְמֵיה דְאַתרָא פְנִיאֵל אֲרֵי חֲזֵיתִי מַלאֲכָא דַיוי אַפִין בְאַפִין וְאִשתֵיזַבַת נַפשִי׃
(1) 23:23	וֻדנַח לֵיה שִמשָא \כַד עֲבַר /כמא דעבר#3#/ יָת פְנֻואֵל וְהֻוא מַטלַע עַל יִרכֵיה׃
(1) 33:23	עַל כֵין לָא אָכְלִין בְנֵי ישראל יָת גִידָא נַשיָא דְעַל פְתֵי יִרכָא עַד יֹומָא הָדֵין אֲרֵי קְרֵיב בִפתֵי יִרכָא דְיַעֲקֹב בְגִידָא נַשיָא׃

next chapter