The Comprehensive Aramaic Lexicon

(1) 10:64	וֻנטַל ישראל וְכָל דְלֵיה וַאֲתָא לִבאֵר שָבַע וְדַבַח/ונכיס#3#/ דִבחִין/ניכסין#3#/ לַאֲלָהָא דַאֲבֻוהִי יִצחָק׃
(1) 20:64	וַאֲמַר יוי לישראל \בְחַזוָא דְלֵיליָא /בחזוי ליליא#3#/ וַאֲמַר יַעֲקֹב יַעֲקֹב וַאֲמַר הָאֲנָא׃
(1) 30:64	וַאֲמַר אֲנָא אֵל אֲלָהָא דַאֲבֻוך לָא תִדחַל מִלְמֵיחַת לְמִצרַיִם אֲרֵי לְעַם סַגִי אֲשַוֵינָך תַמָן׃
(1) 40:64	אֲנָא אֵיחֹות עִימָך לְמִצרַיִם וַאֲנָא אַסקִינָך אַף אַסָקָא וְיֹוסֵף יְשַוֵי יְדֹוהִי עַל עֵינָך׃
(1) 50:64	וְקָם יַעֲקֹב מִבְאֵר שַבַע וְנטַלֻו בְנֵי ישראל יָת יַעֲקֹב אֲבֻוהֹון וְיָת טַפלְהֹון וְיָת נְשֵיהֹון בְעַגַלתָא דִשלַח פרעֹה לְמִיטַל יָתֵיה׃
(1) 60:64	וֻדבַרֻו יָת גֵיתֵיהֹון וְיָת <כל#3#> קִניָנְהֹון דִקנֹו בְאַרעָא דִכנָעַן וַאֲתֹו למצרים יַעֲקֹב וְכֹל בְנֹוהִי עִמֵיה׃
(1) 70:64	בְנֹוהִי/זרעיה#3#/ וֻבנֵי בְנֹוהִי עִמֵיה בְנָתֵיה וֻבנָת בְנֹוהִי וְכֹל בְנֹוהִי אֵיתִי עִמֵיה לְמִצרָיִם׃
(1) 80:64	וְאִלֵין שְמָהָת בְנֵי ישראל דְעָלֻו לְמִצרַיִם יַעֲקֹב וֻבנֹוהִי בֻוכרֵיה דיעקב רְאֻובֵן׃
(1) 90:64	וֻבנֵי רְאֻובֵן חֲנֹוך וֻפַלֻוא וְחַצרֹון וְכַרמִי׃
(1) 01:64	וֻבנֵי שִמעֹון יְמֻואֵל וְיָמִין וְאֹוהַד וְיָכִין וְצֹוחַר וְשָאֻול בַר כְנַעֲנֵיתָא׃
(1) 11:64	וֻבנֵי לֵוִי גֵרְשֹון קְהָת וֻמרָרִי׃
(1) 21:64	וֻבנֵי יְהֻודָה עֵר וְאֹונָן וְשֵלָה וָפַרַץ וָזָרַח וֻמִית עֵר וְאֹונָן בארעא דִכנָעַן וַהוֹו בְנֵי פַרַץ חַצרֹן וְחָמֻול׃
(1) 31:64	וֻבנֵי יִשׂשָׂכָר תֹולָע וֻפֻוָה וְיֹוב וְשִמרֹון׃
(1) 41:64	וֻבנֵי זְבֻולֻון סַרַד וְאֵילֹון וְיַחלְאֵל׃
(1) 51:64	אִלֵין בְנֵי לְאָה דִילֵידַת לְיַעֲקֹב בְפַדַן דַאֲרָם וְיָת דִינָה בְרַתֵיה כָל נְפַש בְנֹוהִי וֻבנָתֵיה תְלָתִין וֻתלָת׃
(1) 61:64	וֻבנֵי גָד צִפיֹון וְחַגִי שֻונִי וְאַצבֹל עֵרִי וַאֲרֹודִי וְאַראֵלִי׃
(1) 71:64	וֻבנֵי אָשֵר יִמנָה וְיִשוָה וְיִשוִי וֻברִיעָה וְשַרַח אֲחָתְהֹון וֻבנֵי בְרִיעָה חַבַר וֻמַלכִיאֵל׃
(1) 81:64	אִלֵין בְנֵי זִלפָה דִיהַב לָבָן לְלֵאָה בְרַתֵיה וִילֵידַת יָת אִלֵין לְיַעֲקֹב שֵית עַסרֵי נַפשָן׃
(1) 91:64	בְנֵי רָחֵל אִיתַת יעקב יֹוסֵף וֻבִניָמִן׃
(1) 02:64	וְאִיתִילִידֻו לְיֹוסֵף בארעא דמצרים דִילֵידַת לֵיה אָסְנַת בַת פֹוטִיפַרַע רַבָא דְאֹון יָת מְנַשַה וְיָת אַפרָיִם׃
(1) 12:64	וֻבנֵי בִניָמִין בַלַע וֻבַכַר וְאַשבֵיל גֵרָא וְנַעֲמָן אֵחִי וָרֹאש מֻופִין וְחֻופִים וָאָרד׃
(1) 22:64	אִלֵין בְנֵי רָחֵל דְאִיתִילֵיד/די אתלידו#3#/ לְיַעֲקֹב כֹל נַפשָתָא אַרבַע עַסרֵי׃
(1) 32:64	וֻבנֵי דָן חֻושִים׃
(1) 42:64	וֻבנֵי נַפתָלִי יַחצְאֵל וְגֻונִי וְיֵצַר וְשִלָם׃
(1) 52:64	אִלֵין בְנֵי בִלהָה דִיהַב לָבָן לְרָחֵל בְרַתֵיה וִילֵידַת יָת אִלֵין לְיַעֲקֹב כֹל נַפשָתָא שְבַע׃
(1) 62:64	כָל נַפשָתָא דַעֲלָא \עִם יעקב /ליעקב#3#/ לְמִצרַיִם נָפְקֵי יִרכֵיה בָר מִנְשֵי בְנֵי יעקב כֹל נַפשָתָא שִתִין וְשֵית׃
(1) 72:64	וֻבנֵי יֹוסֵף דְאִיתיְלִידֻו/די איתלידו#3#/ לֵיה בְמִצרַיִם נַפשָתָא תַרתֵין כֹל נַפשָתָא לְבֵית/דבית#3#/ יַעֲקֹב דְעַלָא לְמִצרַיִם שִבעִין׃
(1) 82:64	וְיָת יְהֻודָה שְלַח קְדָמֹוהִי לְוָת יֹוסֵף לְפַנָאָה קְדָמֹוהִי לְגֹושַן וַאֲתֹו לְאַרעָא דְגֹושַן׃
(1) 92:64	וְטַקֵיס/ותקיס#3#/ יֹוסֵף רְתִיכֹוהִי וֻסלֵיק לְקַדָמֻות ישראל אֲבֻוהִי לְגֹושַן וְאִתַחזִי לֵיה וֻנפַל עַל צַורֵיה וֻבכָא עַל צַורֵיה עֹוד׃
(1) 03:64	וַאֲמַר ישראל ליוסף אִילֻו אֲנָא מָאִית <ברם#3#> זִמנָא/בזמנא#3#/ הָדָא מְנַחַם אֲנָא בָתַר דַחזֵיתִינֻון לְאַפָך אֲרֵי עַד כְעַן \קַיָים אַת /את קיים#3#/׃
(1) 13:64	וַאֲמַר יֹוסֵף לַאֲחֹוהִי וֻלבֵית אֲבֻוהִי אִיסַק וַאֲחַוֵי לְפַרעֹה וְאֵימַר לֵיה אַחַי וֻבֵית אַבָא דבארעא דִכנָעַן אֲתֹו לְוָתִי׃
(1) 23:64	וְגַברַיָא רָעַן עָנָא אֲרֵי גֻברֵי מָרֵי גֵיתֵי הֲוֹו וְעָנְהֹון וְתֹורֵיהֹון וְכֹל דִילְהֹון אֵיתִיֻו׃
(1) 33:64	וִיהֵי אֲרֵי/כד#3#/ יִקרֵי לְכֹון פַרעֹה וְיֵימַר מָא עֻובָדְכֹון׃
(1) 43:64	וְתֵימְרֻון גֻברֵי מָרֵי גֵיתֵי הְוֹו עַבדָך מִזְעֻורַנָא/מעולימנא#3#/ וְעַד כְעַן אַף אְנַחנָא אַף אֲבָהָתַנָא בְדִיל דְתִיתְבֻון בארעא דְגֹושַן אֲרֵי מְרַחֲקִין/בעירא#3#/ מִצרָאֵי כֹל רָעֵי עָנָא׃

next chapter