The Comprehensive Aramaic Lexicon

(1) 10:94	וֻקרָא יעקב לִבנֹוהִי וַאֲמַר אִתכְנַשֻו וַאֲחַוֵי לְכֹון יָת דִיעָרַע/די יערעא#3#/ יָתְכֹון בְסֹוף יֹומַיָא׃
(1) 20:94	אִתכַנַשֻו וֻשמַעֻו בְנֵי יַעֲקֹב וְקַבִילֻו אֻולפָן מִן יִשרָאֵל אֲבֻוכֹון׃
(1) 30:94	רְאֻובֵן בֻוכרִי אַת חֵילִי וְרֵיש תֻוקפִי לָך הֲוָה חָזֵי לְמִסַב תְלָתָה חֻולָקִין בְכֵירֻותָא כְהֻונְתָא וֻמַלכַותָא׃
(1) 40:94	עַל דַאֲזַלת לִקבֵיל אַפָך הָא כְמַיָא בְרַם לָא אַהנִיתָא חֻולָק יַתִיר לָא תִיסַב אֲרֵי סְלֵיקתָא בֵית מִשכְבֵי אֲבֻוך בְכֵין אַחֵילתָא לְשִיוָיִי בְרִי סְלֵיקתָא׃
(1) 50:94	שִמעֹון וְלֵוִי אַחִין גַברִין גִיבָרִין בַאֲרַע תֹותָבֻותְהֹון עֲבַדֻו גְבֻורָא׃
(1) 60:94	בְרָזְהֹון לָא הְוָת נַפשִי בְאִתכַנֵישֵיהֹון לִמהָך לָא נְחַתִית מִן יְקָרִי אֲרֵי בְרֻוגזְהֹון קְטַלֻו קְטֹול וְבִרעֻותְהֹון תָרַעֻו שֻור סָנְאָה׃
(1) 70:94	לִיט רֻוגזְהֹון אֲרֵי תַקִיף וְחֵימַתהֹון אֲרֵי קַשיָא אֲפַלֵיגִנֻון בְיַעֲקֹב וַאֲבַדְרִינֻון בְיִשרָאֵל׃
(1) 80:94	יְהֻודָה אַת אֹודִיתָא וְלָא בְהֵיתתָא בָך <לך#3#> יֹודֹון אֲחָך יְדָך תִתַקַף עַל בַעלֵי דְבָבָך יִתַברֻון/יתבדרון#3#/ סָנְאָך יְהֹון מַחזְרֵי קְדָל קְדָמָך יְהֹון מַקדְמִין מִשאַל בִשלָמָך בְנֵי אֲבֻוך׃
(1) 90:94	שִלטֹון יְהֵי בְשֵירֻויָא וֻבסֹופָא יִתרַבַא מַלכָא מִדבֵית יְהֻודָה אֲרֵי מִדִין קַטלָא בְרִי נַפשָך סַלֵיקתָא יְנֻוחַ יִשרֵי בִתקֹוף כְאַריָא וֻכלִיתָא וְלֵית מַלכֻו דִתזַעזְעִינֵיה׃
(1) 01:94	לָא יְעִידֵי עָבֵיד שֻולטָן מִדְבֵית יְהֻודָה וְסָפְרָא מִבְנֵי בְנֹוהִי עַד עָלְמָא עַד דְיֵיתֵי מְשִיחָא דְדִילֵיה/דיליה#3#/ הִיא מַלכֻותָא וְלֵיה יִשתַמעֻון עַמְמַיָא׃
(1) 11:94	יַסחַר ישראל לְקַרתֵיה עַמָא יִבנֹון הִיכְלֵיה יְהֹון צַדִיקַיָא סחור סחור לֵיה וְעָבְדֵי אֹורָיתָא בְאֻולפָן עִמֵיה/עַמֵיה#3#/ יְהֵי אַרגְוָן טָב לְבֻושֵיה וֻכסֻותֵיה מֵילָא מֵילָא צְבַע זְהֹורִי וְצִבעָנִין׃
(1) 21:94	יִסִמקֻון טֻורֹוהִי בְכַרמֹוהִי יְטֻופֻון נָעֲוֹוהִי בַחמַר יְחַורָן בַקעָתֵיה בְעִיבֻור וֻבעַדרֵי עָנֵיה׃
(1) 31:94	זְבֻולֻון עַל סְפַר יַמְמַיָא יִשרֵי וְהֻוא יְכַבֵיש מָחֹוזִין בִספִינָן וְטֻוב יַמָא יֵיכֹול וֻתחֻומֵיה יְהֵי מָטֵי עַד/עַל#3#/ צִידֹן׃
(1) 41:94	יִשָׂשׂכָר עַתִיר בְנִכסִין אַחסָנְתֵיה בֵין תְחֻומַיָא׃
(1) 51:94	וַחזָא חֻולָקָא אֲרֵי טָב וְיָת אַרעָא אֲרֵי מְעַבדָא פֵירִין וִיכַבִיש/ויהא מכביש#3#/ מָחֹוזֵי עַמְמַיָא וִישֵיצֵי יָת דָיְרֵיהֹון וְדיִשתְאַרֻון/ודי אשתארון#3#/ בְהֹון יְהֹון לֵיה פָלְחִין וֻמַסְקֵי מִסִין׃
(1) 61:94	מִדְבֵית דָן יִתבְחַר וִיקֻום גַברָא בְיֹומֹוהִי יִתפְרֵיק עַמֵיה וֻבִשנֹוהִי יְנֻוחֻון כַחֲדָא שִבטַיָא דְיִשראל׃
(1) 71:94	יְהֵי גַברָא דְיִתבְחַר/יתבחר#3#/ וִיקֻום מִדְבֵית דָן אֵימְתֵיה תִתרְמֵי עַל עַמְמַיָא וֻמַחתֵיה תִיתַקַף בִפלִשתָאֵי כְחִיוֵי חֻורמָן יִשרֵי עַל אֹורחָא וֻכפִתנָא יִכמֹון עַל שְבִילָא יְקַטֵיל גִיבָרֵי מַשרְיָת פְלשִתָאֵי פָרָשִין עִם רִגלָאִין יְעַקַר סֻוסָוָן וֻרתִכִין וְיִמַגַר רָכְבֵיהֹון לְאַחרָא׃
(1) 81:94	לְפֹורקָנָך סַבַרִית יוי׃
(1) 91:94	דְבֵית גָד מַשרְיָת מְזָיְנִין <כד#3#> יִעבְרֻון <בנוהי#3#> יָת יַרדְנָא קְדָם אֲחֵיהֹון לִקרָבָא וֻבנִכסִין סַגִיאִין יְתֻובֻון לַאֲרַעהֹון׃
(1) 02:94	דְאָשֵר טָבָא אַרעֵיה וְהִיא מְרַבְיָא/מרויא#3#/ תַפנֻוקֵי מַלכִין׃
(1) 12:94	נַפתַלִי בַאֲרַע טָבָא יִתרְמֵי עַדבֵיה וְאַחסָנְתֵיה תְהֵי מְעַבדָא/מַעבְדָא#3#/ פֵירִין יְהֹון מֹודַן וֻמבָרְכִין עֲלֵיהֹון׃
(1) 22:94	בְרִי דִסגִי יֹוסֵף בְרִי דְאִתבָרַך כְגֹופַן דִנצִיב/דנסיב#3#/ עַל עֵינָא דְמַיָא תְרֵין שִבטִין יִפְקֻון מִבְנֹוהִי יְקַבְלֻון חֻולָקָא וְאַחסָנְתָא׃
(1) 32:94	וְאִתמַרַרֻו עִמֵיה/יתיה#3#/ וְנַקמֻוהִי וַאֲעִיקֻו לֵיה גַברִין גִיבָרִין בַעֲלֵי/מרי#3#/ פַלגֻותֵיה׃
(1) 42:94	וְתַבַת/ויתיבת#3#/ בְהֹון נְבִיֻותֵיה עַל דְקַיֵים אֹורָיתָא בְסִתרָא וְשַוִי תֻוקפָא רֻוחצָנֵיה בְכֵין אִתרְמַא דְהַב עַל דְרָעֹוהִי אַחסֵין מַלכֻותָא וֻתקֵיף \דָא הֲוָתֵיה /דהות ליה#3#/ מִן קְדָם אֵל תַקִיפָא דְיַעֲקֹב דִבמֵימְרֵיה זָן אֲבָהָן וֻבנִין זַרעָא/שבטיא#3#/ דְישראל׃
(1) 52:94	מֵימַר אֲלָהָא דַאֲבֻוך יְהֵי בְסַעֲדָך וְיָת שַדַי וִיבָרְכִינָך בִרכָן דְנָחֲתָן מִטַלָא דִשמַיָא מִלְעֵילָא בִרכָן דְנָגְדָן מִמַעֲמַקֵי ארעא מִלְרַע בִרכָתָא דַאֲבֻוך וֻדאִימָך׃
(1) 62:94	בִרכָתָא דַאֲבֻוך יִתֹוסְפַן עַל בִרכָתָא דְלִי בָרִיכֻו אֲבָהָתִי דְחַמִידֻו לְהֹון רַברְבַיָא דְמִן עָלְמָא יְהוִיָן כֹל אִלֵין לְרֵישָא דְיֹוסֵף גַברָא פְרִישָא דַאֲחֹוהִי׃
(1) 72:94	בִניָמִן בְאַרעֵיה תִשרֵי שְכִינְתָא וֻבאַחסָנְתֵיה יִתבְנֵי מַקדְשָא בְצַפרָא וֻבפַניָא יְהֹון מְקָרְבִין כְהֲנַיָא קֻורבָנָא וֻלעִדָן רַמשָא יְהֹון מְפַלְגִין מֹותַר חֻולְקְהֹון מִשְאָר קֻודשַיָא׃
(1) 82:94	כֹל אִלֵין שִבטַיָא דישראל תְרֵי עֲסַר וְדָא דְמַלֵיל לְהֹון/עמהון#3#/ אֲבֻוהֹון וֻבָרֵיך יָתְהֹון גְבַר/אינש#3#/ <די#3#> כְבִרכְתֵיה בָרֵיך יָתְהֹון׃
(1) 92:94	וֻפַקֵיד יָתְהֹון וַאֲמַר לְהֹון אֲנָא מִתכְנֵיש לְעַמִי קְבַרֻו יָתִי לְוָת/עם#3#/ אֲבָהָתִי בִמעָרְתָא דְבַחקַל עַפרֹון חִתָאָה׃
(1) 03:94	בִמעָרְתָא דְבַחקַל כָפֵילתָא דְעַל אַפֵי מַמרֵי בארעא דִכנָעַן דִזבַן אַברָהָם יָת חַקלָא מִן עַפרֹון חִתָאָה לְאַחסָנַת קְבֻורָא׃
(1) 13:94	תַמָן קְבַרֻו יָת אַברָהָם וְיָת שָׂרָה אִיתְתֵיה תַמָן קְבַרֻו יָת יִצחָק וְיָת רִבקָה אִיתְתֵיה וְתַמָן קְבַרִית יָת לֵאָה׃
(1) 23:94	זְבִינֵי חַקלָא וֻמעָרְתָא דְבֵיה מִן בְנֵי חִתָאָה׃
(1) 33:94	וְשֵיצִי יַעֲקֹב לְפַקָדָא יָת בְנֹוהִי וֻכנַש רַגלֹוהִי לְעַרסָא וְאִתנְגִיד וְאִתכְנֵיש לְעַמֵיה׃

next chapter