CAL CODE HELP CLICK HERE
click on the file description for more information

51002: TgO Ex

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:23 וַחזָא עַמָא אְרֵי אֹוחַר מֹשַה לְמֵיחַת מִן טֻורָא וְאִתכְנֵיש עַמָא עַל אַהְרֹן וַאְמַרֻו לֵיה קֻום עִיבֵיד לַנָא דַחלָן דִיהָכָן/דִיהָכֻון#3#/ קְדָמַנָא אְרֵי דֵין מֹשַה גֻברָא דְאַסְקַנָא מארעא דמצרים לָא יְדַענָא מָא הְוָה לֵיה׃
(1) 20:23 וַאְמַר לְהֹון אהרן פָרִיקֻו קְדָשֵי דְדַהבָא דִבאֻודנֵי נְשֵיכֹון בְנֵיכֹון וְאֵיתֹו/ואייתיאו#3#/ לִי/לְוָתִי#3#/׃
(1) 30:23 וֻפָרִיקֻו/ואתפריקו#3#/ כֹל עַמָא יָת קְדָשֵי דְדַהבָא דִבאֻודנֵיהֹון וְאֵיתִיֻו לְאַהְרֹן׃
(1) 40:23 ונסֵיב מִיַדהֹון וְצָר יָתֵיה בְזֵיפָא/בְזִיפָא#3#/ וְעַבדֵיה עֵיגַל מַתְכָא וַאְמַרֻו אִלֵין דַחלָתָך ישראל דְאַסְקֻוך מארעא דמצרים׃
(1) 50:23 וַחזָא אהרן וֻבנָא מַדבְחָא קְדָמֹוהִי וֻקרָא/וכרז#3#/ אהרן וַאְמַר חַגָא קדם יוי מְחַר׃
(1) 60:23 וְאַקדִימֻו בְיֹומָא דְבָתְרֹוהִי וְאַסִיקֻו עְלָוָן וְקָרִיבֻו נִכסָן/ניכסין#3#/ וְאַסחַר/ואסתחר#3#/ עַמָא לְמֵיכַל וֻלמִשתֵי וְקָמֻו לְחַיָיכָא׃
(1) 70:23 וֻמַלֵיל יוי עִם מֹשַה אִיזֵיל חֹות אְרֵי חַבֵיל עַמָך דְאַסֵיקתָא מארעא דמצרים׃
(1) 80:23 סְטֹו בִפרִיַע מִן אֹורחָא דְפַקֵידתִינֻון עְבַדֻו לְהֹון עֵיגַל/עְגַל#3#/ מַתְכָא וֻסגִידֻו לֵיה וְדַבַחֻו לֵיה וַאְמַרֻו אִלֵין דַחלָתָך ישראל דְאַסְקֻוך מארעא דמצרים׃
(1) 90:23 וַאְמַר יוי לְמֹשַה גְלֵי קְדָמַי עַמָא הָדֵין וְהָא עַם קְשֵי קְדָל הֻוא׃
(1) 01:23 וֻכעַן אָנַח בָעֻותָך מִן קְדָמַי וְיִתקַף/ויתקוף#3#/ רֻוגזִי בְהֹון וַאְשֵיצֵינֻון וְאַעְבֵיד יָתָך לְעַם סַגִי׃
(1) 11:23 וְצַלִי מֹשַה קדם יוי אְלָהֵיה וַאְמַר לְמָא יוי יִתקַף/יתקוף#3#/ רֻוגזָך בְעַמָך דְאַפֵיקתָא מארעא דמצרים בְחֵיל רַב וֻביַד תַקִיפָא׃
(1) 21:23 לְמָא יֵימְרֻון מִצרָאֵי לְמֵימַר בְבִישָא אַפֵיקִינֻון לְקַטָלָא יָתְהֹון בֵינֵי/בגו#3#/ טֻורַיָא וֻלשֵיצָיֻותְהֹון מֵעַל אַפֵי ארעא תֻוב מִתְקֹוף רֻוגזָך וְאָתֵיב/וַאְתֵיב#3#/ מִן בִשתָא דְמַלֵילתָא/דחשיבתא#3#/ לְמַעְבַד לְעַמָך׃
(1) 31:23 אִידְכַר/הוי דכיר#3#/ לאברהם ליצחק וֻליִשרָאֵל עַבדָך דְקַיֵימתָא לְהֹון בְמֵימְרָך וֻמַלֵילתָא עִמְהֹון אַסגֵי יָת בְנֵיכֹון כְכֹוכְבֵי שְמַיָא וְכֹל ארעא הָדָא דַאְמַרִית אַתֵין לִבנֵיכֹון וְיַחסְנֻון לְעָלַם׃
(1) 41:23 וְתָב יוי מִן בִשתָא דְמַלֵיל/דחשיב#3#/ לְמַעְבַד לְעַמֵיה׃
(1) 51:23 וְאִתפְנִי וֻנחַת משה מִן טֻורָא וֻתרֵין לֻוחֵי סָהְדֻותָא בִידֵיה לֻוחֵי כְתִיבִין מִתְרֵין עַברֵיהֹון/סיטריהון#3#/ מִיכָא וֻמִיכָא אִינֻון כְתִיבִין׃
(1) 61:23 וְלֻוחַיָא עֻובָדָא דַיוי אִנֻון/אִנִין#3#/ וֻכתָבָא כְתָבָא דַיוי הֻוא מְפָרַש/רשֻם#3#/ עַל לֻוחַיָא׃
(1) 71:23 וֻשמַע יְהֹושֻעַ יָת קָל עַמָא כַד מְיַבְבִין וַאְמַר לְמֹשַה קָל קְרָבָא בְמַשרִיתָא׃
(1) 81:23 וַאְמַר לָא קָל גִיבָרִין דְנָצְחִין בִקרָבָא וְאַף לָא קָל חַלָשִין דְמִתַברִין קָל דִמחָיְכִין אְנָא שָמַע׃
(1) 91:23 וַהְוָה כַד קְרֵיב לְמַשרִיתָא וַחזָא יָת עִגלָא וְחִנגִין וֻתקֵיף רֻוגזָא דְמֹשַה וֻרמָא מִיְדֹוהִי יָת לֻוחַיָא וְתַבַר יָתְהֹון בְשִפֹולֵי טֻורָא׃
(1) 02:23 וֻנסֵיב יָת עִגלָא דַעְבַדֻו וְאֹוקֵיד בְנֻורָא וְשָף עַד דַהוָה דַקִיק וֻרמָא/וֻדרָא#3#/וזרא#3#/ עַל אַפֵי מַיָא וְאַשקִי יָת בְנֵי ישראל׃
(1) 12:23 וַאְמַר מֹשַה לאהרן מָא עְבַד לָך עַמָא הָדֵין אְרֵי אֵיתִיתָא/אייתיתא#3#/ עְלֹוהי חֹובָא רַבָא׃
(1) 22:23 וַאְמַר אהרן לָא יִתקַף/יתקוף#3#/ רֻוגזָא דְרִיבֹונִי אַת יָדַעת/יְדַעת#3#/ יָת עַמָא אְרֵי בְבִיש הֻוא׃
(1) 32:23 וַאְמַרֻו לִי עִיבֵיד לַנָא דַחלָן דִיהָכָן קְדָמַנָא אְרֵי דֵין מֹשַה גֻברָא דְאַסקַנָא מארעא דמצרים לָא יְדַענָא מָא הְוָה לֵיה׃
(1) 42:23 וַאְמַרִית לְהֹון לְמַן דַהבָא פָרִיקֻו/איתפריקו#3#/ וִיהַבֻו לִי וֻרמֵיתֵיה בְנֻורָא וֻנפַק עִגלָא הָדֵין׃
(1) 52:23 וַחזָא מֹשַה יָת עַמָא אְרֵי בְטִיל הֻוא אְרֵי בַטֵילִינֻון אַהְרֹן לְאָסָבֻותְהֹון/לאפקא#3#/ שֻום/שֹום#3#/ בִיש לְדָרֵיהֹון/לדרתיהון#3#/׃
(1) 62:23 וְקָם מֹשַה בִתרַע מַשרִיתָא/משכנא#3#/ וַאְמַר מַן דָחְלַיָא/דחיליא#3#/ דַיוי יֵיתֹון לְוָתִי וְאִתכְנִישֻו לְוָתֵיה כָל בְנֵי לֵוִי׃
(1) 72:23 וַאְמַר לְהֹון כִדנָן אְמַר יוי אְלָהָא דְישראל שַוֹו גְבַר חַרבֵיה עַל יִרכֵיה עֵיבַרֻו וְתֻובֻו מִתְרַע לִתרַע בְמַשרִיתָא וֻקטֻולֻו גְבַר יָת אְחֻוהִי וֻגבַר יָת חַברֵיה וַאְנָש/וגבר#3#/ יָת קָרִיבֵיה׃
(1) 82:23 וַעְבַדֻו בְנֵי לֵוִי כְפִתגָמָא דְמֹשַה וֻנפַל מִן עַמָא בְיֹומָא הַהֻוא כִתלָתָא אַלפִין גֻברָא׃
(1) 92:23 וַאְמַר מֹשַה קָרִיבָא יְדֵיכֹון יֹומָא דֵין קֻורבָנָא קדם יוי אְרֵי גְבַר בִברֵיה וֻבאְחֻוהִי וֻלאֵיתָאָה/ולמיתן#3#/ עְלֵיכֹון יֹומָא דֵין בִרכָן׃
(1) 03:23 וַהְוָה בְיֹומָא דְבָתְרֹוהִי וַאְמַר מֹשַה לְעַמָא אַתֻון חַבתֻון חֹובָא רַבָא וֻכעַן אִיסַק לִקדָם/קדם#3#/ יוי מָא אִם אְכַפַר/יתכפר#3#/ עַל חֹובֵיכֹון׃
(1) 13:23 וְתָב מֹשַה לִקדָם/קדם#3#/ יוי וַאְמַר בְבָעֻו חָב עַמָא הָדֵין חֹובָא רַבָא וַעְבַדֻו לְהֹון דַחלָן דִדהַב׃
(1) 23:23 וֻכעַן אִם שְבַקת לְחֹובֵיהֹון וְאִם לָא מְחֵינִי כְעַן מִסִפרָך דִכתַבתָא׃
(1) 33:23 וַאְמַר יוי למשה מַן דְחָב קְדָמַי אִמחֵינֵיה מִסִפרִי׃
(1) 43:23 וֻכעַן אִיזֵיל דַבַר/דְבַר#3#/ יָת עַמָא לַאְתַר/לְאַתַר#3#/ דְמַלֵילִית לָך הָא מַלאְכִי יְהָך קְדָמָך וֻביֹום אַסעָרֻותִי וְאַסעַר עְלֵיהֹון חֹובֵיהֹון׃
(1) 53:23 וֻמחָא יוי יָת עַמָא עַל דְאִשתַעְבַדֻו לְעִגלָא דַעְבַד אהרן׃

next chapter