CAL CODE HELP CLICK HERE
click on the file description for more information

51007: TgJ Ju

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:30 וֻאִלֵין עַמְמַיָא דִשבַק יְיָ לְנַסָאָה בְהֹון יָת יִשׂרָאֵל יָת כָל דְלָא הְוֹו יָדְעִין יָת כָל קְרָבֵי כְנָעַן׃
(1) 20:30 לְחֹוד בְדִיל דְיִדְעֻון דָרַיָא דִבנֵי יִשׂרָאֵל לְאַלָפֻותְהֹון קְרָבָא לְחֹוד דְמִלְקַדמִין לָא הְוֹו יָדְעִין <להון#3#>׃
(1) 30:30 חַמשָה טֻרנֵי פְלִשתָאֵי וְכָל כְנַעְנָאֵי וְצִידֹונָאֵי וְחִוָאֵי יָתְבֵי טֻורָא דְלִבנָן מִטֻור מֵישַר חַרמֹון עַד מַעְלַנָא דַחְמָת׃
(1) 40:30 וַהְוֹו לְנַסָאָה בְהֹון יָת יִשׂרָאֵל לְמִדַע הַיְקַבְלֻון יָת פִקֹודַיָא דַיְיָ דְפַקֵיד יָת אְבָהַתהֹון בִידָא דְמֹשַה׃
(1) 50:30 וֻבנֵי יִשׂרָאֵל יְתִיבֻו בְגֹו כְנַעְנָאֵי חִתָאֵי וַאְמֹורָאֵי וֻפרִזָאֵי וְחִוָאֵי וִיבֻוסָאֵי׃
(1) 60:30 וֻנסִיבֻו יָת בְנָתְהֹון לְהֹון לִנשִין וְיָת בְנָתְהֹון יְהַבֻו לִבנֵיהֹון וֻפלַחֻו יָת טָעְוָתְהֹון׃
(1) 70:30 וַעְבַדֻו בְנֵי יִשׂרָאֵל יָת דְבִיש קֳדָם יְיָ וְאִתנְשִיאֻו יָת פֻלחָנָא דַיְיָ אְלָהְהֹון וֻפלַחֻו לִבעָלַיָא/ית בעליא#3#/ וְלַאְשֵירָתָא/וית אשירתא#3#/׃
(1) 80:30 וֻתקֵיף רֻגזָא דַיְיָ בְיִשׂרָאֵל וֻמסַרִנֻון בְיַד כֻושַן חַיָבָא מַלכָא דַאְרָם דְעַל פְרָת וֻפלַחֻו בְנֵי יִשׂרָאֵל יָת כֻושַן חַיָבָא תַמנֵי שְנִין׃
(1) 90:30 וֻזעִיקֻו בְנֵי יִשׂרָאֵל קֳדָם יְיָ וַאְקֵים יְיָ פָרִיק לִבנֵי יִשׂרָאֵל וֻפרַקִנֻון יָת עָתנִיאֵל בַר קְנַז אְחֻוהִי דְכָלֵב דִזעֵיר מִנֵיה׃
(1) 01:30 וֻשרָת עְלֹוהִי רֻוחַ נְבֻואָה/גבורא#3#/ מִן קֳדָם יְיָ וְדָן יָת יִשׂרָאֵל וֻנפַק לְאָגָחָא קְרָבָא וֻמסַר יְיָ בִידֵיה יָת כֻושַן חַיָבָא מַלכָא דַאְרָם <די על פרת#3#> וֻתקֵיפַת יְדֵיה עַל כֻושַן חַיָבָא׃
(1) 11:30 וֻשדֹוכַת אַרעָא דְיִשׂרָאֵל אַרבְעִין שְנִין וֻמִית עָתנִיאֵל בַר קְנַז׃
(1) 21:30 וְאֹוסִיפֻו בְנֵי יִשׂרָאֵל לְמַעְבַד דְבִיש קֳדָם יְיָ וְתַקֵיף יְיָ יָת עַגלֹון מַלכָא דְמֹואָב עַל יִשׂרָאֵל עַל דַעְבַדֻו יָת דְבִיש קֳדָם יְיָ׃
(1) 31:30 וֻכנַש לְוָתֵיה יָת בְנֵי עַמֹון וַעְמָלֵק וַאְזַל וֻמחָא יָת יִשׂרָאֵל וִירִיתֻו יָת קַרתָא <דדקליא#3#> יְרִיחֹו׃
(1) 41:30 וֻפלַחֻו בְנֵי יִשׂרָאֵל יָת עַגלֹון מַלכָא דְמֹואָב תְמָנַא עַסרֵי שְנִין׃
(1) 51:30 וֻזעִיקֻו בְנֵי יִשׂרָאֵל קֳדָם יְיָ וַאְקֵים יְיָ לְהֹון פָרִיק יָת אֵהֻוד בַר גֵרָא בַר שֵיבַט בִניָמִין גֻברָא גְמִיד בִידֵיה דְיַמִינָא וְשַדַרֻו בְנֵי יִשׂרָאֵל בִידֵיה תִקרֻבתָא לְעַגלֹון מַלכָא דְמֹואָב׃
(1) 61:30 וַעְבַד לֵיה אֵהֻוד חַרבָא וְלַה תְרֵין פֻומִין גַרמִידָא אֻרכַה וְזָרֵיז יָתַה מִלְרַע לִלבֻושֹוהִי עַל יִרכֵיה דְיַמִינָא׃
(1) 71:30 וְקָרֵיב יָת תִקרֻבתָא לְעַגלֹון מַלכָא דְמֹואָב וְעַגלֹון גְבַר פַטִים לַחדָא׃
(1) 81:30 וַהְוָה כַד שֵיצִי לְקָרָבָא יָת תִקרֻבתָא וְשַלַח יָת עַמָא נָטְלֵי תִקרֻבתָא׃
(1) 91:30 וְהֻוא תָב מִן מַחצְבַיָא/גשריא#3#/ דְעִם גִלגָלָא וַאְמַר פִתגָמָא דְסִתרָא אִית לִי לְמַלָלָא עִמָך מַלכָא וַאְמַר סַלֵיק וֻנפַקֻו מֵעִלָוֹוהִי כָל דְקָיְמִין עְלֹוהִי׃
(1) 02:30 וְאֵהֻוד עָל לְוָתֵיה וְהֻוא יָתֵיב בַעְלִיַת/באידרון#3#/ בֵית קֵיטָא דִילֵיה בִלחֹודֹוהִי וַאְמַר אֵהֻוד פִתגָמָא דַיְיָ אִית לִי לְמַלָלָא עִמָך וְקָם מֵעַל כֻרסְיָא׃
(1) 12:30 וְאֹושֵיט/וֻשלַח#3#/ אֵהֻוד יָת יַד סְמָאלֵיה וֻנסֵיב יָת חַרבָא מֵעַל יִרכֵיה דְיַמִינָא וְקַבעַה בִמעֹוהִי׃
(1) 22:30 וְעָל אַף דַסתְקָא בָתַר שַנְנָא וְטַמטֵם שֻומנָא בְאַפֵי/בתר#3#/ שַנְנָא אְרֵי לָא שְלֵיף חַרבָא מִמְעֹוהִי וֻנפַק אֻכלֵיה שְפִיך׃
(1) 32:30 וֻנפַק אֵהֻוד לְאַכסַדרָא וַאְחַד בְדַשֵי עִלִיתָא בְאַפֵיה וַאְגַף׃
(1) 42:30 וְהֻוא נְפַק וְעַבדֹוהִי עָלֻו/אתו#3#/ וַחְזֹו וְהָא דַשֵי עִלִיתָא אְחִידָן וַאְמַרֻו בְרַם עָבֵיד הֻוא יָת צֻורכֵיה בְאִדְרֹון בֵית קֵיטָא׃
(1) 52:30 וְאֹורִיכֻו עַד סַגִי וְהָא לָיְתֹוהִי פָתַח דַשֵי עִלִיתָא וֻנסִיבֻו יָת מַפתְחָא וֻפתַחֻו וְהָא רִבֹונְהֹון טְרִיף רְמִי עַל אַרעָא מִית׃
(1) 62:30 וְאֵהֻוד אִשתֵיזַב עַד אִתעַכֹובֵיהֹון וְהֻוא עְבַר יָת מַחצְבַיָא/גשריא#3#/ וְאִשתֵיזַב לִסעִירָת׃
(1) 72:30 וַהְוָה בְמֵיתֹוהִי וֻתקַע בְשֹופָרָא בְטֻורָא דְבֵית אַפרָיִם וֻנחַתֻו עִמֵיה בְנֵי יִשׂרָאֵל מִן טֻורָא וְהֻוא קֳדָמֵיהֹון׃
(1) 82:30 וַאְמַר לְהֹון רְדֻופֻו בָתְרַי אְרֵי מְסַר יְיָ יָת בַעְלֵי דְבָבֵיכֹון יָת מֹואְבָאֵי בְיַדכֹון וֻנחַתֻו בָתְרֹוהִי וַאְחַדֻו יָת מְגָזָת <עבראי#3#> יַרדְנָא עַל מֹואָב וְלָא שְבַקֻו אְנָש לְמִעבַר׃
(1) 92:30 וֻקטַלֻו יָת מֹואְבָאֵי בְעִדָנָא הַהֻוא כְעַסרָא אַלפִין גֻברָא כָל אֵימְתָן וְכָל גְבַר גִיבָר <חילא#3#> וְלָא אִשתֵיזַב אְנָש׃
(1) 03:30 וְאִתְבַרֻו מֹואְבָאֵי בְיֹומָא הַהֻוא תְחֹות יַד אְנָש יִשׂרָאֵל וֻשדֹוכַת אַרעָא דְיִשׂרָאֵל <מלמעבד קרבא#3#> תְמָנַן שְנִין׃
(1) 13:30 וֻבָתְרֹוהִי הְוָה שַמגַר בַר עְנָת וֻמחָא/וקטל#3#/ יָת פְלִשתָאֵי שֵית מְאָה גֻברָא \בְפָרַש תֹורַיָא /במסאסא דתורי#3#/ וֻפרַק אַף הֻוא יָת יִשׂרָאֵל׃

next chapter