The Comprehensive Aramaic Lexicon

(1) 10:40	וְאֹוסִיפֻו בְנֵי יִשׂרָאֵל לְמַעְבַד דְבִיש קֳדָם יְיָ וְאֵהֻוד מִית׃
(1) 20:40	וֻמסַרִנֻון יְיָ בְיַד יָבִין מַלכָא דִכנַעַן דִמלַך בְחָצֹור וְרַב חֵילֵיה סִיסְרָא וְהֻוא יָתֵיב בִתקֹוף כַרכֵי עַמְמַיָא׃
(1) 30:40	וֻצעִיקֻו בְנֵי יִשׂרָאֵל קֳדָם יְיָ אְרֵי תְשַע מְאָה רְתִכִין דְבַרזְלָא לֵיה וְהֻוא דְחַק יָת בְנֵי יִשׂרָאֵל בְתֻקפָא עַסרִין שְנִין׃
(1) 40:40	וֻדבֹורָה אִתְתָא נְבִיאְתָא אִתַת לַפִידֹות הִיא דָיְנָא יָת יִשׂרָאֵל בְעִדָנָא הַהֻוא׃
(1) 50:40	וְהִיא יָתְבָא בְקַרתָא בְעַטרֹות דְבֹורָה \מִתפַרנְסָא מִן דִילַה לַה דִקלִין בִירִיחֹו פַרדֵיסִין בְרָמְתָא זֵיתִין עָבְדִין מְשַח בְבִקעְתָא בֵית שִקיָא בְבֵית אֵל עְפַר חִיוָר בְטֻור מַלכָא /בין "הרמה" ובין ביתאל בטורא דבית אפרים#3#/ וְסָלְקִין לְוָתַה בְנֵי/בית#3#/ יִשׂרָאֵל לְדִינָא׃
(1) 60:40	וֻשלַחַת וֻקרָת לְבָרָק בַר אְבִינֹעַם מִקַדַש דְבֵית נַפתָלִי וַאְמַרַת לֵיה הְלָא פַקֵיד יְיָ אְלָהָא דְיִשׂרָאֵל אִיזֵיל וְתִתנְגֵיד בְטֻורָא דְתָבֹור וְתִדבַר עִמָך עַסרָא אַלפִין גֻברָא מִבְנֵי נַפתָלִי וֻמִבְנֵי זְבֻולֻון׃
(1) 70:40	וַאְתָבֵיב עַל יְדָך לְנַחלָא דְקִישֹון יָת סִיסְרָא רַב חֵילָא דְיָבִין וְיָת רְתִכֹוהִי וְיָת מַשרְיָתֵיה וְאַמסְרִנֵיה בִידָך׃
(1) 80:40	וַאְמַר לַה בָרָק אִם תֵיזְלִין עִמִי וְאֵיזֵיל וְאִם לָא תֵזְלִין עִמִי לָא אֵיזֵיל׃
(1) 90:40	וַאְמַרַת מֵיזָל אֵיזֵיל עִמָך לְחֹוד אְרֵי לָא תְהֵי תֻשבַחתָך עַל אֹורחָא דְאַתְ אָזֵיל <בַה#3#> אְרֵי בְיַד אִתְתָא יִמסַר יְיָ יָת סִיסְרָא וְקַמַת דְבֹורָה וַאְזַלַת עִם בָרָק לְקַדַש׃
(1) 01:40	וֻכנַש בָרָק יָת שֵיבַט זְבֻולֻון וְיָת שֵיבַט נַפתָלִי לְקַדַש וֻסלִיקֻו עִמֵיה עַסרָא אַלפִין גֻברָא וֻסלֵיקַת עִמֵיה דְבֹורָה׃
(1) 11:40	וְחַבַר שָלְמָאָה אִתפָרַש מִשָלְמָאֵי מִבְנֵי חֹובָב חְמֻוהִי דְמֹשַה וֻפַרסֵיה לְמַשכְנֵיה עַד/עם#3#/ מֵישַר אַגָנַיָא דְעִם קַדַש׃
(1) 21:40	וְחַוִיאֻו לְסִיסְרָא אְרֵי סְלֵיק בָרָק בַר/בַן#3#/ אְבִינֹעַם לְטֻור תָבֹור׃
(1) 31:40	וֻכנַש סִיסְרָא יָת כָל רְתִכֵיה תְשַע מְאָה רְתִכִין דְבַרזְלָא וְיָת כָל עַמָא דְעִמֵיה מִתְקֹוף כַרכֵי עַמְמַיָא לְנַחלָא דְקִישֹון׃
(1) 41:40	וַאְמַרַת דְבֹורָה לְבָרָק קֻום אְרֵי דֵין יֹומָא דִמסַר יְיָ יָת סִיסְרָא בִידָך הְלָא מַלאְכָא דַיְיָ נְפַק לְאַצלָחָא קֳדָמָך וֻנחַת בָרָק מִטֻורָא דְתָבֹור וְעַסרָא אַלפִין גֻברָא בָתְרֹוהִי/עמיה#3#/׃
(1) 51:40	וְתַבַר יְיָ יָת סִיסְרָא וְיָת כָל רְתִכַיָא וְיָת כָל מַשרִיתָא לְפִתגָם דְחַרַב קֳדָם בָרָק וֻנחַת סִיסְרָא מֵעַל רְתִכָא/מרכבא#3#/ וַאְפַך בְרַגלֹוהִי׃
(1) 61:40	וֻבָרָק רְדַף בָתַר רְתִיכָא וֻבָתַר מַשרִיתָא עַד תְקֹוף כַרכֵי עַמְמַיָא וְאִתקְטֵילַת כָל מַשרְיָת סִיסְרָא לְפִתגָם דְחַרַב לָא אִשתְאַר <בהון#3#> עַד חַד׃
(1) 71:40	וְסִיסְרָא אְפַך בְרַגלֹוהִי לְמַשכְנָא דְיָעֵל אִתַת חַבַר שָלְמָאָה אְרֵי שְלָמָא בֵין יָבִין מַלכָא דְחָצֹור וֻבֵין בֵית חַבַר שָלְמָאָה׃
(1) 81:40	וֻנפַקַת יָעֵל לְקַדָמֻות סִיסְרָא וַאְמַרַת <לֵיה#3#> זֻור רִבֹונִי זֻור לְוָתִי לָא תִדחַל וְזָר לְוָתַה לְמַשכְנָא וְכַסִיתֵיה בְגֹונַכָא/בגונבא#3#/׃
(1) 91:40	וַאְמַר לַה אַשקִינִי כְעַן זְעֵיר מַיָא אְרֵי צָהֵי/צחי#3#/ אְנָא לְמִשתֵי וֻפתַחַת יָת נֹודָא/זיקא#3#/זרנוקא#3#/ דְחָלָבָא וְאַשקִיתֵיה וְכַסִיתֵיה׃
(1) 02:40	וַאְמַר לַה קֻומִי בִתרַע מַשכְנָא וִיהֵי אִם אְנָש יֵיתֵי וְיִשאְלִנִיך וְיֵימַר הַאִית כָא גֻברָא וְתֵימְרִין לָא/לית#3#/׃
(1) 12:40	וֻנסֵיבַת יָעֵל אִתַת חַבַר <שלמאה#3#> יָת סִכַת מַשכְנָא וְשַוִיאַת יָת אַרזַפתָא בִידַה וְעַלַת לְוָתֵיה בְרָז וֻנקַשַת/וקשת#3#/ יָת סִכְתָא בְצִדעֵיה וֻנעַצַת בְאַרעָא וְהֻוא דָמֻוך וְאִשתַלהִי וֻמִית׃
(1) 22:40	וְהָא בָרָק רָדֵיף יָת סִיסְרָא וֻנפַקַת יָעֵל לְקַדָמֻותֵיה וַאְמַרַת לֵיה אֵיתַא/איזל#3#/ וְאַחזֵינָך יָת גֻברָא דְאַתְ בָעֵי וְעָל/ואזל#3#/ לְוָתַה וְהָא סִיסְרָא טְרִיף רְמִי מִית וְסִכְתָא נְעִיצָא בְצִדעֵיה׃
(1) 32:40	וְתַבַר יְיָ בְיֹומָא הַהֻוא יָת יָבִין מַלכָא דִכנָעַן קֳדָמ/מן קדם#3#/ בְנֵי יִשׂרָאֵל׃
(1) 42:40	וַאְזַלַת <מחת#3#> יַד בְנֵי יִשׂרָאֵל אָזְלָא וְתָקְפָא עַל יָבִין מַלכָא דִכנָעַן עַד דְשֵיצִיאֻו יָת יָבִין מַלכָא דִכנָעַן׃

next chapter