CAL CODE HELP CLICK HERE
click on the file description for more information

51007: TgJ Ju

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:01 וְקָם בָתַר אְבִימַלַך לְמִפרַק יָת יִשׂרָאֵל תֹולָע בַר פֻואָה בַר דֹודֹו/אחבוהי#3#/ גֻברָא מִשִבטָא דְבֵית יִשָׂשׂכָר וְהֻוא יָתֵיב בְשָמִיר בְטֻורָא דְבֵית אַפרָיִם׃
(1) 20:01 וְדָן יָת יִשׂרָאֵל עַסרִין וֻתלָת שְנִין וֻמִית וְאִתקְבַר בְשָמִיר׃
(1) 30:01 וְקָם בָתְרֹוהִי יָאִיר גִלעְדָאָה וְדָן יָת יִשׂרָאֵל עַסרִין וְתַרתֵין שְנִין׃
(1) 40:01 וַהְוָה לֵיה תְלָתִין בְנִין רְכִיבִין עַל תְלָתִין עִלִין וֻתלָתִין קִרוִין/עִלִין#3#/ לְהֹון לְהֹון קָרַן כַפרָנֵי יָאִיר עַד יֹומָא הָדֵין דִבאְרַע גִלעָד׃
(1) 50:01 וֻמִית יָאִיר וְאִתקְבַר בְקָמֹון׃
(1) 60:01 וְאֹוסִיפֻו בְנֵי יִשׂרָאֵל לְמַעְבַד דְבִיש קֳדָם יְיָ וֻפלַחֻו יָת בְעָלַיָא וְיָת עַשתְרָתָא וְיָת טָעְוָת אְרָם וְיָת טָעְוָת צִידֹון וְיָת טָעְוָת מֹואָב וְיָת טָעְוָת בְנֵי עַמֹון וְיָת טָעְוָת פְלִשתָאֵי וֻשבַקֻו יָת פֻלחָנָא דַיְיָ וְלָא פְלַחֻו קֳדָמֹוהִי׃
(1) 70:01 וֻתקֵיף רֻגזָא דַיְיָ בְיִשׂרָאֵל וֻמסַרִנֻון בְיַד פְלִשתָאֵי וֻביַד בְנֵי עַמֹון׃
(1) 80:01 וֻדחַקֻו וְשַעְבִידֻו יָת בְנֵי יִשׂרָאֵל בְשַתָא הַהִיא תַמנַא עַסרֵי שְנִין יָת כָל בְנֵי יִשׂרָאֵל <דחיקו#3#> דִבעִברָא דְיַרדְנָא בַאְרַע אְמֹורָאָה דִבגִלעָד׃
(1) 90:01 וַעְבַרֻו בְנֵי עַמֹון יָת יַרדְנָא \לְאָגָחָא קְרָבָא /"להלחם"#3#/ אַף/גם#3#/ בִדבֵית יְהֻודָה וֻבִדבֵית בִניָמִין וֻבִדבֵית אַפרָיִם וְעַקַת לְיִשׂרָאֵל לַחדָא׃
(1) 01:01 וֻזעִיקֻו בְנֵי יִשׂרָאֵל קֳדָם יְיָ לְמֵימַר חַבנָא קֳדָמָך וַאְרֵי שְבַקנָא יָת פֻלחָנָא דַאְלָהַנָא/דייי אלהנא#3#/ וֻפלַחנָא יָת בְעָלַיָא׃
(1) 11:01 וַאְמַר יְיָ לִבנֵי יִשׂרָאֵל הְלָא מִמִצרַיִם וֻמִן אְמֹורָאָה וֻמִן בְנֵי עַמֹון וֻמִן פְלִשתָאֵי׃
(1) 21:01 וְצִידֹונָאֵי וַעְמָלְקָאֵי וַאְנָש מָעֹון דְחַקֻו יָתְכֹון וֻבעֵיתֹון מִן קֳדָמַי וֻפרַקִית יָתְכֹון מִיַדהֹון׃
(1) 31:01 וְאַתֻון שְבַקתֻון יָת/#2#/ פֻלחָנִי וֻפלַחתֻון לְטָעְוָת עַמְמַיָא בְכֵין לָא אֹוסֵיף לְמִפרַק יָתְכֹון׃
(1) 41:01 אִיזִילֻו וֻבעֹו מִן טָעְוָתָא דְאִתרְעִיתֻון בְהֹון הַאִם יִכְלָן לְמִפרַקכֹון בְעִדָן עָקַתכֹון׃
(1) 51:01 וַאְמַרֻו בְנֵי יִשׂרָאֵל קֳדָם יְיָ חַבנָא עְבֵיד אַתְ לַנָא כְכָל דְתָקֵין קֳדָמָך/בעינך#3#/ בְרַם שֵיזֵיבנָא כְעַן יֹומָא הָדֵין׃
(1) 61:01 וְאַעדִיאֻו יָת טָעְוָת עַמְמַיָא מִבֵינֵיהֹון וֻפלַחֻו קֳדָם יְיָ \וַתִקצַר "נַפשֹו" בַעְמַל יִשׂרָאֵל / ועקת נפשיה בעמל ישׂראל#3#/ואיתגלגלו רחמוהי בצערא דישׂראל#3#/׃
(1) 71:01 וְאִתכְנִישֻו בְנֵי עַמֹון וֻשרֹו בְגִלעָד וְאִתכְנִישֻו/וצעיקו#3#/ בְנֵי יִשׂרָאֵל וֻשרֹו בְמִצפְיָא׃
(1) 81:01 וַאְמַרֻו עַמָא רַברְבֵי גִלעָד גְבַר לְחַברֵיה מַן גֻברָא דִישָרֵי לְאָגָחָא קְרָבָא בִבנֵי עַמֹון יְהֵי לְרֵיש לְכֹל יָתְבֵי גִלעָד׃

next chapter