CAL CODE HELP CLICK HERE
click on the file description for more information

51007: TgJ Ju

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:61 וַאְזַל שִמשֹון לְעַזָת וַחְזָא תַמָן אִתְתָא פֻנדְקֵיתָא וְעָל לְוָתַה׃
(1) 20:61 לְעַזָתָאֵי אִתחַוַה לְמֵימַר אְתָא שִמשֹון הָלְכָא וְאַסחַרֻו וֻכמַנֻו לֵיה כָל לֵיליָא בְמַעְלַנָא דִתרַע קַרתָא וֻשתִיקֻו <ליה#3#> כָל לֵיליָא לְמֵימַר עַד מֵיהַר/ניהור#3#/מהוי#3#/מיסק מינהר#3#/ צַפרָא וְנִקטְלִנֵיה׃
(1) 30:61 וֻשכֵיב שִמשֹון עַד פַלגֻות לֵיליָא וְקָם בְפַלגֻות לֵיליָא וַאְחַד בְדַשֵי תְרַע קַרתָא וֻבִתרֵין סִפַיָא וֻנטַלִנֻון עִם עָבְרָא וְשַוִי עַל כַתפֹוהִי וְאַסֵיקִנֻון לְרֵיש טֻורָא דְעַל אַפֵי חַברֹון׃
(1) 40:61 וַהְוָה בָתַר כֵין וֻרחֵים אִתְתָא בְנַחלָא דְסֹורֵק וֻשמַה דְלִילָה׃
(1) 50:61 וֻסלִיקֻו לְוָתַה טֻרנֵי פְלִשתָאֵי וַאְמַרֻו לַה שַדִילִי יָתֵיה וַחזִי בְמָא חֵילֵיה סַגִי/רבא#3#/ וֻבמָא נִכֹול לֵיה וְנֵיסְרִנֵיה לְעַנָיֻותֵיה וַאְנַחנָא נִתֵין לִיך לִגבַר אַלַף וֻמאָה סִלעִין דִכסַף׃
(1) 60:61 וַאְמַרַת דְלִילָה לְשִמשֹון חַוִי כְעַן לִי בְמָא חֵילָך סַגִי וֻבמָא תִתאְסַר לְעַנָיֻותָך׃
(1) 70:61 וַאְמַר לַה שִמשֹון אִם יֵיסְרֻונַנִי בְשִבעָה יַתרִין/אטונין#3#/ רַטִיבִין דְלָא יְבִישֻו וְאַחלֻוש וְאַהְוֵי כְחַד מִבְנֵי אְנָשָא׃
(1) 80:61 וְאַסִיקֻו לַה טֻרנֵי פְלִשתָאֵי שִבעָה יַתרִין רַטִיבִין דְלָא יְבִישֻו וַאְסַרתֵיה בְהֹון׃
(1) 90:61 וְכָמְנָא יָתֵיב לַה בְאִדְרֹון בֵית מִשכְבָא וַאְמַרַת לֵיה פְלִשתָאֵי אְתֹו עְלָך שִמשֹון וֻפַסֵיק יָת יַתרַיָא כְמָא דְמִתפְסֵיק חֻוטָא דְכִתָנָא דְאָרַח בֵיה נֻורָא וְלָא אִתיְדַע חֵילֵיה׃
(1) 01:61 וַאְמַרַת דְלִילָה לְשִמשֹון הָא שַקַרתְ בִי וֻמַלֵילתְ עִמִי כַדבִין כְעַן חַוִי כְעַן לִי בְמָא תִתאְסַר׃
(1) 11:61 וַאְמַר לַה אִם מֵיסָר יֵיסְרֻונַנִי בִגדִילָן חְדַתָן דְלָא אִתעְבֵידַת בְהֹון עְבִידְתָא וְאַחלֹוש וְאַהְוֵי כְחַד מִבְנֵי אְנָשָא׃
(1) 21:61 וֻנסֵיבַת דְלִילָה גְדִילָן חְדַתָן וַאְסַרתֵיה בְהֹון וַאְמַרַת לֵיה פְלִשתָאֵי אְתֹו עְלָך שִמשֹון וֻכָמְנָא יָתֵיב בְאִדְרֹון בֵית מִשכְבָא וֻפסַקִנֻון מֵעַל דְרָעֹוהִי כְחֻוטָא׃
(1) 31:61 וַאְמַרַת דְלִילָה לְשִמשֹון עַד הָכָא שַקַרתְ בִי וֻמַלֵילתְ עִמִי כַדבִין חַוִי <כען#3#> לִי בְמָא תִתאְסַר וַאְמַר לַה אִם תִשתַן/תמחן#3#/ יָת שְבַע גְדִילָת רֵישִי עִם אַכסָנָא בְמַשתִיתָא׃
(1) 41:61 וֻנקַשַת בְסִכְתָא וַאְמַרַת לֵיה פְלִשתָאֵי אְתֹו עְלָך שִמשֹון וְאִתְעַר מִשִנתֵיה וֻנטַל יָת אַכסָן/סיכתא#3#/ דְגַרדְיָאִין וְיָת מַשתִיתָא׃
(1) 51:61 וַאְמַרַת לֵיה אֵיכְדֵין תֵימַר רְחֵימתִיך וְלִבָך לִית עִמִי דְנָן תְלָת זִמנִין שַקַרתְ בִי וְלָא חַוִית לִי בְמָא חֵילָך סַגִי/רבא#3#/׃
(1) 61:61 וַהְוָה כַד אַעֵיקַת לֵיה בְפִתגָמַהָא כָל יֹומַיָא וֻדחַקתֵיה וְעַקַת נַפשֵיה לִמְמָת׃
(4) 61:61 ואישתמיטת מתחותוהי בעידן תשמישותיה ודחקתיה
(1) 71:61 וְחַוִי לַה יָת כָל לִבֵיה וַאְמַר לַה מִספַר לָא עְדָא/סליק#3#/ עַל רֵישִי אְרֵי נְזִירָא דַיְיָ אְנָא מִבַטנָא דְאִמִי אִם אְגַלַח וְיִעדֵי מִנִי חֵילִי וְאַחלֹוש וְאַהְוֵי כְכָל/ככל כחד מן בני#3#/ככל בני#3#/ אְנָשָא׃
(1) 81:61 וַחְזָת דְלִילָה אְרֵי חַוִי לַה יָת כָל לִבֵיה וֻשלַחַת וֻקרָת לְטֻרנֵי פְלִשתָאֵי לְמֵימַר סַקֻו <ברם#3#> זִמנָא הָדָא אְרֵי חַוִי לִי יָת כָל לִבֵיה וֻסלִיקֻו לְוָתַה טֻורנֵי פְלִשתָאֵי וְאַסִיקֻו כַספָא בְיַדהֹון׃
(1) 91:61 וְאַשכֵיבתֵיה עַל בִרכַהָא וֻקרָת לְגֻברָא וֻגדַעַת/וֻגרַעַת#3#/ יָת שְבַע גְדִילָת רֵישֵיה וְשָרִיאַת לְעַנָיֻותֵיה \וַעְדָא חֵילֵיה /ותש חיליה#3#/ מִנֵיה׃
(1) 02:61 וַאְמַרַת פְלִשתָאֵי אְתֹו עְלָך שִמשֹון וְאִתְעַר מִשִנתֵיה וַאְמַר אַפֹוק כִזמַן בִזמַן וְאַתגַבַר וְהֻוא לָא יְדַע אְרֵי גְבֻורְתָא דַיְיָ עְדָת מִנֵיה׃
(1) 12:61 וְאַחדֻוהִי פְלִשתָאֵי וְנַקַרֻו/וסנוורו#3#/ יָת עֵינֹוהִי וְאַחִיתֻו יָתֵיה לְעַזָת וְאַסרֻוהִי בְשֵישְלָן דִנחָש וַהְוָה טָחֵין רִחיָא בְבֵית אְסִירֵי׃
(4) 12:61 משמש ערסן בנשי פלישתאי בבית אסירי
(1) 22:61 וְשָרִי סְעַר רֵישֵיה לְצַמָחָא בָתַר דְאִתגַלַח׃
(1) 32:61 וְטֻורנֵי פְלִשתָאֵי אִתכְנִישֻו לְדַבָחָא דֵיבַח רַב לְדָגֹון טָעֻותְהֹון וֻלחַדוָא וַאְמַרֻו מְסַרַת דַחלַתנָא בִידַנָא יָת שִמשֹון בְעֵיל דְבָבַנָא׃
(1) 42:61 וַחְזֹו יָתֵיה עַמָא וְשַבַחֻו יָת טָעֻותְהֹון אְרֵי אְמַרֻו מְסַרַת דַחלַתנָא בִידַנָא יָת בְעֵיל דְבָבַנָא וְיָת מַחרֵיב אַרעַנָא וֻדאַסגִי יָת קְטִילַנָא׃
(1) 52:61 וַהְוָה כַד שְפַר/טָב#3#/ לִבְהֹון וַאְמַרֻו קְרֹו לְשִמשֹון וִיחָיֵך לַנָא וֻקרֹו לְשִמשֹון מִבֵית אְסִירַיָא וְחָיֵיך קֳדָמֵיהֹון וַאְקִימֻו יָתֵיה בֵין עַמֻודַיָא׃
(1) 62:61 וַאְמַר שִמשֹון לְעֻולֵימָא דְמַתקֵיף בִידֵיה שְבֹוק מִנִי וַאְמֵישנִי יָת עַמֻודַיָא דְבֵיתָא מְתֻקַן עְלֵיהֹון וְאַסתְמֵיך עְלֵיהֹון׃
(1) 72:61 וֻבֵיתָא מְלֵי גֻברַיָא וֻנשַיָא וְתַמָן כֹל טֻורנֵי פְלִשתָאֵי וְעַל אִיגָרָא כִתלָתָה אַלפִין גְבַר וְאִתָא דְחָזַן בְחֹוכָא דְשִמשֹון׃
(1) 82:61 וְצַלִי שִמשֹון קֳדָם יְיָ וַאְמַר יְיָ אְלֹהִים יֵיעֹול דֻכרָנִי <כען#3#> קֳדָמָך וְתַקֵיפנִי כְעַן בְרַם זִמנָא הָדָא יְיָ וְאַתפְרָע פֹורעָנֻו חְדָא מִתַרתֵין עֵינַי דְנַקַרֻו <לי#3#> פְלִשתָאֵי׃
(1) 92:61 וַאְחַד שִמשֹון יָת תְרֵין עַמֻודַיָא מְצִיעָאֵי דְבֵיתָא מְתֻקַן עְלֵיהֹון וְאִסתְמֵיך עְלֵיהֹון חַד בְיַמִינֵיה וְחַד בִסמָלֵיה׃
(1) 03:61 וַאְמַר שִמשֹון תְמֻות נַפשִי עִם פְלִשתָאֵי וֻנגַד בְחֵילָא וֻנפַל בֵיתָא עַל טֻורנַיָא וְעַל כָל עַמָא דְבֵיה וַהְוֹו קְטִילַיָא/מִיתַיָא#3#/ דִקטַל בְמֹותֵיה סַגִיאִין מִדִקטַל בְחַיֹוהִי׃
(1) 13:61 וֻנחַתֻו אְחֹוהִי וְכָל בֵית אְבֻוהִי וֻנטַלֻו יָתֵיה וֻסלִיקֻו וֻקבַרֻו יָתֵיה בֵין צָרעָה וֻבֵין אַשתָאֹול בְקַברָא דְמָנֹוחַ אְבֻוהִי וְהֻוא דָן יָת יִשׂרָאֵל עַסרִין שְנִין׃

next chapter