CAL CODE HELP CLICK HERE
click on the file description for more information

51007: TgJ Ju

Click on a word for lexical analysis.
Click on a red-colored coordinate for comments and/or translations of the line

previous chapter


(1) 10:91 וַהְוָה בְיֹומַיָא הָאִנֻון וֻמַלכָא לֵית בְיִשׂרָאֵל וַהְוָה גֻברָא לֵיוָאָה דָר בִסיָפֵי טֻורָא דְבֵית אַפרַיִם וֻנסֵיב לֵיה אִתְתָא לְחֵינְתָא מִבֵית לַחַם דְבֵית יְהֻודָה׃
(1) 20:91 וֻבַסַרַת עְלֹוהִי לְחֵינְתֵיה וַאְזַלַת מִלְוָתֵיה לְבֵית/לְוָת#3#/ אְבֻוהָא לְבֵית לַחַם דְבֵית יְהֻודָה וַהְוָת תַמָן יֹומִין אַרבְעָה יַרחִין׃
(1) 30:91 וְקָם בַעלַה וַאְזַל בָתְרַהָא לְמַלָלָא עַל לִבַה לְאָתָבֻותַה וְעֻולֵימֵיה עִמֵיה וְזֹוג חְמָרִין וַאְעֵילתֵיה לְבֵית אְבֻוהָא וַחְזָהִי אְבֻוהָא דְעֻולֵימְתָא וַחְדִי לְקַדָמֻותֵיה׃
(1) 40:91 וְאַתקֵיף בֵיה חְמֻוהִי אְבֻוהָא דְעֻולֵימְתָא וִיתֵיב עִמֵיה תְלָתָה יֹומִין וַאְכַלֻו וֻשתִיאֻו וֻבָתֻו תַמָן׃
(1) 50:91 וַהְוָה בְיֹומָא רְבִיעָאָה וְאַקדִימֻו בְצַפרָא וְקָם לְמֵיזַל וַאְמַר אְבֻוהָא דְעֻולֵימְתָא לַחְתָנֵיה סְעֹוד לִבָך פִתָא דְלַחמָא וֻבָתַר כֵן תֵיזְלֻון׃
(1) 60:91 וְאַסחַרֻו/ותבו#3#/ וַאְכַלֻו תַרוֵיהֹון כַחדָא וֻשתִיאֻו וַאְמַר אְבֻוהָא דְעֻולֵימְתָא לְגֻברָא/לְחַתנֵיה#3#/ שָרִי כְעַן וֻבִית וְיִשפַר לִבָך׃
(1) 70:91 וְקָם גֻברָא לְמֵיזַל וְאַתקֵיף בֵיה חְמֻוהִי וְתָב וֻבָת תַמָן׃
(1) 80:91 וְאַקדֵים בְצַפרָא בְיֹומָא חְמִישָאָה לְמֵיזַל וַאְמַר אְבֻוהָא דְעֻולֵימְתָא סְעֹוד כְעַן לִבָך וְאִתעַכַבֻו עַד מִפנֵי יֹומָא וַאְכַלֻו תַרוֵיהֹון׃
(1) 90:91 וְקָם גֻברָא לְמֵיזַל הֻוא וֻלחֵינְתֵיה וְעֻולֵימֵיה וַאְמַר לֵיה חְמֻוהִי אְבֻוהָא דְעֻולֵימְתָא הָא כְעַן פְנָא יֹומָא <דין#3#> לְמִערַב בִיתֻו כְעַן הָכָא/הָא#3#/ לְחֹוד/לחוד נְחַת#3#/לחוד ברם#3#/ יֹומָא <דין#3#> בִית כָא/הָכָא#2#/ וְיִשפַר לִבָך וְתַקדְמֻון מְחַר לְאֹורַחכֹון וֻתהָך לְקִרוָך׃
(1) 01:91 וְלָא אְבָא גֻברָא לִמבָת וְקָם וַאְזַל וַאְתָא עַד לָקֳבֵיל יְבֻוס הִיא יְרֻושלַם וְעִמֵיה זֹוג חְמָרִין חַשִיקִין וֻלחֵינְתֵיה עִמֵיה׃
(1) 11:91 אִנֻון עִם יְבֻוס וְיֹומא מְאַך לַחדָא וַאְמַר עֻולֵימָא לְרִבֹונֵיה אֵיתַא כְעַן וֻנזֻור לְקַרתָא דִיבֻוסָאָה הָדָא וֻנבִית בַה׃
(1) 21:91 וַאְמַר לֵיה רִבֹונֵיה לָא נְזֻור לְקִריַת בְנֵי עַמְמַיָא דְלָא מִבְנֵי יִשׂרָאֵל אִנֻון וְנִתמְטֵי עַד גִבעְתָא׃
(1) 31:91 וַאְמַר לְעֻולֵימֵיה אֵיתַא וְנִתקְרַב \בְחַד מִן אַתרַיָא /בחדא מן קירויא#3#/ וֻנבִית בְגִבעְתָא אֹו בְרָמְתָא׃
(1) 41:91 וַעְבַרֻו וַאְזַלֻו וְעַלַת לְהֹון שִמשָא בִסטַר גִבעְתָא דִלשֵיבַט בִניָמִין׃
(1) 51:91 וְזָרֻו לְתַמָן לְמֵיעַל לִמבָת בְגִבעְתָא וַאְתָא וִיתֵיב בִרחֹובָא דְקַרתָא וְלֵית אְנָש דְכָנֵיש יָתְהֹון/להון#3#/ לְבֵיתָא לִמבָת׃
(1) 61:91 וְהָא גֻברָא סָבָא אְתָא מִן עְבִידְתֵיה מִן חַקלָא בְרַמשָא וְגֻברָא מִטֻורָא דְבֵית אַפרַיִם וְהֻוא דָאַר בְגִבעְתָא וַאְנָשֵי אַתרָא בְנֵי/מן#3#/ שִבטָא דְבֵית בִניָמִין׃
(1) 71:91 וֻזקַף עֵינֹוהִי וַחְזָא יָת גֻברָא דְאָרַח בִרחֹובָא דְקַרתָא וַאְמַר גֻברָא סָבָא לְאָן אַתְ אָזֵיל וֻמנָן/וֻלאָן#3#/ אַתְ אָתֵי׃
(1) 81:91 וַאְמַר לֵיה עָבְרִין אְנַחנָא מִבֵית לַחַם דְבֵית יְהֻודָה עַד סְיָפֵי טֻורָא דְבֵית אַפרַיִם מִתַמָן אְנָא וַאְזַלִית עַד בֵית לַחַם דְבֵית יְהֻודָה וֻלבֵית מַקדְשָא דַיְיָ אְנָא אָזֵיל וְלֵית אְנָש/גברא#3#/ דְכָנֵיש יָתִי לְבֵיתָא׃
(1) 91:91 וְאַף תִבנָא אַף כִסְתָא אִית לַחְמָרַנָא וְאַף לְחֵים וַחְמַר/ויין#3#/ אִית לִי וֻלאַמתָך וֻלעֻולֵימָא דְעִם עַבדָך לֵית חֻסרָן כָל מִדָעַם׃
(1) 02:91 וַאְמַר גֻברָא סָבָא שְלָם לָך לְחֹוד כָל חֻסרָנָך עְלָי לְחֹוד בִרחֹובָא לָא תְבִית׃
(1) 12:91 וְאַעְלֵיה לְבֵיתֵיה וֻרמָא כִסְתָא לַחְמָרַיָא וְאַסחִיאֻו רַגלֵיהֹון וַאְכַלֻו וֻשתִיאֻו׃
(1) 22:91 אִנֻון מֵיטִיבִין יָת לִבְהֹון וְהָא אְנָשֵי קַרתָא גֻברֵי בְנֵי רִשעָא אַקִיפֻו/דָחְקִין#3#/ יָת/על#3#/ בֵיתָא דָחְקִין לְמִתבַר דַשָא וַאְמַרֻו לְגֻברָא מָרֵיה דְבֵיתָא סָבָא לְמֵימַר אַפֵיק יָת גֻברָא דְעָל לְבֵיתָך וְנִדְעִנֵיה׃
(1) 32:91 וֻנפַק לְוָתְהֹון גֻברָא מָרֵיה דְבֵיתָא וַאְמַר לְהֹון בְבָעֻו <כען#3#> אַחַי לָא תַבאְשֻון כְעַן בָתַר דְעָל גֻברָא הָדֵין לְבֵיתִי לָא תַעבְדֻון יָת קְלָנָא הָדֵין׃
(1) 42:91 הָא בְרַתִי בְתֻולְתָא וֻלחֵינְתֵיה אַפֵיק כְעַן יָתְהֹון וְעַנֹו יָתְהֹון וַעְבִידֻו לְהֹון דְתָקֵין בְעֵינֵיכֹון וֻלגֻברָא הָדֵין לָא תַעבְדֻון עֵיסַק קְלָנָא הָדֵין׃
(1) 52:91 וְלָא אְבֹו גֻברַיָא לְקַבָלָא מִנֵיה וְאַתקֵיף גֻברָא בִלחֵינְתֵיה וְאַפֵיק לְוָתְהֹון לְבָרָא וִידַעֻו יָתַה וְאִתלָעַבֻו בַה כָל לֵיליָא עַד צַפרָא וְשַלַחֻוהָא כְמִסַק צַפרָא׃
(1) 62:91 וַאְתָת אִתְתָא לְמִפנֵי צַפרָא וֻנפַלַת בִתרַע בֵית גֻברָא דְרִבֹונַה תַמָן עַד דִנהַר׃
(1) 72:91 וְקָם רִבֹונַה בְצַפרָא וֻפתַח דַשֵי בֵיתָא וֻנפַק לְמֵיזַל לְאֹורחֵיה וְהָא אִתְתָא לְחֵינְתֵיה רָמיָא בִתרָע בֵיתָא וִידַהָא מַחְתָן עַל סִפָא׃
(1) 82:91 וַאְמַר לַה קֻומִי וְנֵיזֵיל וְלָא/לית#3#/ מְתִיבָא וְנַסבַה עַל חְמָרָא וְקָם גֻברָא וַאְזַל לְאַתרֵיה׃
(1) 92:91 וַאְתָא לְבֵיתֵיה וֻנסֵיב יָת סַכִינָא וְאַתקֵיף/וַאְחַד#3#/ בִלחֵינְתֵיה וְהַדְמַה לְאַברַהָא לִתרֵי עְסַר אַברִין וְשַלְחַה בְכָל תְחֻום אַרעָא דְיִשׂרָאֵל׃
(1) 03:91 וַהְוָה כָל דְחָזֵי לַה וַאְמַר לָא הְוָת וְלָא אִתַחזִיאַת כְהָדָא לְמִיֹומָא דִסלִיקֻו/דִנפַקֻו#3#/ בְנֵי יִשׂרָאֵל מֵאַרעָא דְמִצרַיִם עַד יֹומָא הָדֵין שַוֹו לִבְכֹון עְלַה אִתיְעִיצֻו וֻמַלִילֻו׃

next chapter