The Comprehensive Aramaic Lexicon

(1) 10:02	וֻנפַקֻו כָל בְנֵי יִשׂרָאֵל וְאִתכְנֵישַת כְנִשתָא כְגֻברָא חַד לְמִדָן וְעַד בְאֵר שַבַע וַאְרַע גִלעָד לִקדָם יְיָ לְמִצפְיָא׃
(1) 20:02	וְאִתעַתַדֻו רֵישֵי כָל עַמָא כָל שִבטַיָא דְיִשׂרָאֵל בִקהַל עַמָא דַיְיָ אַרבָע מְאָה אַלפִין גְבַר רַגלַי שָלְפֵי סֵיפָא׃
(1) 30:02	וֻשמַעֻו בְנֵי בִניָמִין אְרֵי סְלִיקֻו בְנֵי יִשׂרָאֵל לְמִצפְיָא וַאְמַרֻו בְנֵי יִשׂרָאֵל מַלִילֻו אֵיכְדֵין הְוָת בִשתָא הָדָא׃
(1) 40:02	וַאְתֵיב גֻברָא לֵיוָאָה בַעלַה דְאִתְתָא קְטִילְתָא וַאְמַר לְגִבעְתָא דִלשֵיבַט בִניָמִין עַלִית אְנָא ולחֵינְתִי לִמבָת׃
(1) 50:02	וְקָמו עְלַי יָתְבֵי/בעלי#3#/ גִבעְתָא וְאַקִיפו עְלַי/לי#3#/ יָת בֵיתָא בְלֵיליָא עְלַי חַשִיבו לְמִקטַל וְיָת לְחֵינְתִי עַנְיֻוהָא וֻמֵיתַת׃
(1) 60:02	וַאְחַדִית בִלחֵינְתִי וְהַדֵמתַה וְשַלַחתַה בְכָל תְחֻום אַחסָנַת אַרעָא דְיִשׂרָאֵל אְרֵי עְבַדֻו עֵיצַת חְטִין \וֻדלָא כָשַר /וֻקלָנָא#3#/ בְיִשׂרָאֵל׃
(1) 70:02	הָא כֻלְכֹון בְנֵי יִשׂרָאֵל הַבֻו לְכֹון פִתגָם וְעֵיצָה הָלְכָא׃
(1) 80:02	וְקָם כָל עַמָא כְגֻברָא חַד לְמֵימַר לָא נֵיזֵיל גְבַר לְמַשכְנֵיה וְלָא נְזֻור גְבַר לְבֵיתֵיה׃
(1) 90:02	וֻכעַן דֵין פִתגָמָא דְנַעְבֵיד לְגִבעְתָא נִתמְנֵי/נִתפְלַג#3#/ עְלַה בְעַדבָא׃
(1) 01:02	וְנִדבַר עַסרָא גֻברִין לִמאָה לְכֹל שִבטַיָא דְיִשׂרָאֵל וֻמאָה לְאַלפָא וְאַלפָא לְרִבֹותָא לְמִסַב זְוָדִין לְעַמָא לְמַעְבַד לְאֵיתָיֻותְהֹון לְגִבעְתָא דְבֵית/דבני#3#/ בִניָמִין כְכָל קְלָנָא דְאִתעְבֵיד בְיִשׂרָאֵל׃
(1) 11:02	וְאִתכְנֵיש כָל אְנָש יִשׂרָאֵל לְקַרתָא כְגֻברָא חַד שָוַן׃
(1) 21:02	וֻשלַחֻו שִבטַיָא דְיִשׂרָאֵל גֻברִין בְכָל שִבטֵי בִניָמִין לְמֵימַר מָא בִשתָא הָדָא דַהְוָת בְכֹון׃
(1) 31:02	וֻכעַן אֵיתֹו/הַבֻו#3#/הבו אתו#3#/ יָת גֻברַיָא בְנֵי רִשעָא דִבגִבעְתָא וֻנקַטֵילִנֻון וֻנפַלֵי עָבְדֵי בִשתָא מִיִשׂרָאֵל וְלָא אְבֹו בְנֵי בִניָמִין לְקַבָלָא לְמֵימַר אְחֵיהֹון בְנֵי יִשׂרָאֵל׃
(1) 41:02	וְאִתכְנִישֻו בְנֵי בִניָמִין מִן קִרוַיָא לְגִבעְתָא לְמִפַק לְאָגָחָא קְרָבָא עִם בְנֵי יִשׂרָאֵל׃
(1) 51:02	וְאִתמְנִיאֻו בְנֵי בִניָמִין בְיֹומָא הַהֻוא מִקִרוַיָא עַסרִין וְשִתָא אַלפִין גֻברָא שָלְפֵי סֵיפָא בָר גִבעְתָא אִתמְנִיאֻו שְבַע מְאָה גְבַר עֹולֵים׃
(1) 61:02	מִכֹל עַמָא הָדֵין שְבַע מְאָה גְבַר עֹולֵים גֻברָא גְמִיד בִידֵיה דְיַמִינָא כָל אִלֵין דְשָדַן אַבנָא בְקִלעָא וֻמדַמַן בְבִינַת סַעְרָא וְלָא מְשַנַן׃
(4) 61:02	פי׳ בבינת סערא כמא דגרס׳ כמשחל בינתא מחלבא
(1) 71:02	וַאְנָש/וגבר#3#/ יִשׂרָאֵל אִתמְנִיאֻו בָר בִניָמִן אַרבַע מְאָה אַלפִין גֻברָא שָלְפֵי סֵיפָא כָל אִלֵין גֻברֵי עָבְדֵי קְרָבָא׃
(1) 81:02	וְקָמֻו וֻסלִיקֻו לְבֵית אֵל וֻשאִילֻו בְמֵימְרָא דַיְיָ וַאְמַרֻו בְנֵי יִשׂרָאֵל מַן יִסַק לַנָא בְקַדמֵיתָא <וישרי#3#> לְאָגָחָא קְרָבָא עִם בְנֵי בִניָמִין וַאְמַר יְיָ יְהֻודָה בְקַדמֵיתָא׃
(1) 91:02	וְקָמֻו בְנֵי יִשׂרָאֵל בְצַפרָא וֻשרֹו עַל גִבעְתָא׃
(1) 02:02	וֻנפַק אְנָש יִשׂרָאֵל לְאָגָחָא קְרָבָא עִם דְבֵית/בני#3#/ בִניָמִן וְסַדַרֻו עִמְהֹון אְנָש יִשׂרָאֵל קְרָבָא עַל גִבעְתָא׃
(1) 12:02	וֻנפַקֻו בְנֵי בִניָמִין מִן גִבעְתָא וְחַבִילֻו בְיִשׂרָאֵל בְיֹומָא הַהֻוא עַסרִין וֻתרֵין אַלפִין גֻברָא קְטִילִין רְמַן לְאַרעָא׃
(1) 22:02	וְאִתַקַף עַמָא אְנָש יִשׂרָאֵל וְאֹוסִיפֻו לְסַדָרָא קְרָבָא בְאַתרָא דְסַדַרֻו <קרבא#3#> תַמָן בְיֹומָא קַדמָאָה׃
(1) 32:02	וֻסלִיקֻו בְנֵי יִשׂרָאֵל וֻבכֹו <לפני#3#> קֳדָם יְיָ עַד רַמשָא וֻשאִילֻו בְמֵימְרָא דַיְיָ לְמֵימַר הַאֹוסֵיף לְמִקרַב לְאָגָחָא קְרָבָא עִם בְנֵי בִניָמִין אְחִי וַאְמַר יְיָ סַקֻו עְלֵיהֹון׃
(1) 42:02	וֻקרִיבֻו בְנֵי יִשׂרָאֵל לְוָת בְנֵי בִניָמִן בְיֹומָא תִניָנָא׃
(1) 52:02	וֻנפַקֻו דְבֵית/בני#3#/ בִניָמִן לְקַדָמֻותְהֹון מִן גִבעְתָא בְיֹומָא תִניָנָא וְחַבִילֻו בִבנֵי יִשׂרָאֵל עֹוד/ביומא ההוא#3#/ תְמָנַת עַסַר אַלפִין גֻברָא קְטִילִין רְמַן לְאַרעָא כָל אִלֵין שָלְפֵי סֵיפָא׃
(1) 62:02	וֻסלִיקֻו כָל בְנֵי יִשׂרָאֵל וְכָל עַמָא וַאְתֹו לְבֵית אֵל וֻבכֹו וִיתִיבֻו תַמָן קֳדָם יְיָ וְצָמֻו בְיֹומָא הַהֻוא עַד רַמשָא וְאַסִיקֻו עְלָוָן וְנִכסַת קֻדשִין קֳדָם יְיָ׃
(1) 72:02	וֻשאִילֻו בְנֵי יִשׂרָאֵל בְמֵימְרָא דַיְיָ וְתַמָן אְרֹון קְיָמָא דַיְיָ בְיֹומַיָא הָאִנֻון׃
(1) 82:02	וֻפִינְחָס בַר אַלעָזָר <כהנא#3#> בַר אַהְרֹן קָאֵים קֳדָמֹוהִי בְיֹומַיָא הָאִנֻון לְמֵימַר הַאֹוסֵיף עֹוד לְמִפַק לְאָגָחָא קְרָבָא עִם בְנֵי בִניָמִן אְחִי אִם אַתמְנַע וַאְמַר יְיָ סַקֻו אְרֵי מְחַר אַמסְרִנֻון בִידָך׃
(1) 92:02	וְשַוִי יִשׂרָאֵל כָמְנִין עַל גִבעְתָא סְחֹור סְחֹור׃
(1) 03:02	וֻסלִיקֻו בְנֵי יִשׂרָאֵל לְוָת בְנֵי בִניָמִין בְיֹומָא תְלִיתָאָה וְסַדַרֻו קְרָבָא עַל גִבעְתָא כִזמַן בִזמַן׃
(1) 13:02	וֻנפַקֻו בְנֵי בִניָמִין לְקַדָמֻות עַמָא אִתנְגִידֻו מִן קַרתָא וְשָרִיאֻו לְקַטָלָא מִן עַמָא קְטִילִין כִזמַן בִזמַן בְכֵיבַש אֹורחָתָא דַחְדָא סָלְקָא לְבֵית אֵל וַחְדָא לְגִבעְתָא בְחַקלָא כִתלָתִין גֻברָא בְיִשׂרָאֵל׃
(1) 23:02	וַאְמַרֻו בְנֵי בִניָמִן תְבִירִין אִנֻון קֳדָמַנָא כַד בְקַדמֵיתָא וֻבנֵי יִשׂרָאֵל אְמַרֻו נֵיפֹוך וְנֵיגֹודִנֻון מִן קַרתָא לְכִבשַיָא׃
(1) 33:02	וְכָל אְנָש יִשׂרָאֵל קָמֻו מֵאַתרְהֹון וְסַדַרֻו קְרָבָא בְמֵישְרֵי יְרִיחֹו וְכָמְנָא יִשׂרָאֵל מְגִיחַ מֵאַתרֵיה מִמֵישַר גִבעְתָא׃
(1) 43:02	וַאְתֹו מִדָרֹום לְגִבעְתָא עַסרָא אַלפִין גְבַר עֹולֵים מִכָל יִשׂרָאֵל וְעָבְדֵי קְרָבָא תְקִיפֻו וְאִנֻון לָא יָדְעִין אְרֵי קְרֵיבַת דְתֵיתֵי לְהֹון/עְלֵיהון#3#/ בִשתָא׃
(1) 53:02	וְתַבַר יְיָ יָת דְבֵית בִניָמִן קֳדָם <בני#3#> יִשׂרָאֵל וְחַבִילֻו בְנֵי יִשׂרָאֵל בִדבֵית בִניָמִן בְיֹומָא הַהֻוא עַסרִין וְחַמשָה אַלפִין וֻמאָה גֻברָא כָל אִלֵין שָלְפֵי סֵיפָא׃
(1) 63:02	וַחְזֹו בְנֵי בִניָמִן אְרֵי אִתְבַרֻו וִיהַבֻו אְנָש/בני#3#/ יִשׂרָאֵל אַתרָא לִדבֵית בִניָמִין אְרֵי אִתרְחִיצֻו עַל כָמְנָא דְשַוִיאֻו עַל גִבעְתָא׃
(1) 73:02	וְכָמְנָא אֹוחִי וְאִתנְגִידֻו עַל גִבעְתָא וְאִתנְגֵיד כָמְנָא וֻמחָא יָת כָל קַרתָא לְפִתגָם דְחָרַב׃
(1) 83:02	וְזִמנָא הְוָה מְתֻקַן לַאְנָש יִשׂרָאֵל עִם כָמְנָא דְיַסגֹון לְאַסָקָא יְטֻור דְתָנַן מִן קַרתָא׃
(1) 93:02	וְאִתחְזַר אְנָש יִשׂרָאֵל בִקרָבָא וֻדבֵית בִניָמִין שָרִיאֻו לְקַטָלָא קְטִילִין בַאְנָש יִשׂרָאֵל כִתלָתִין גֻברָא אְרֵי אַמרֻו בְרַם מִתבָר תְבִירִין אִנֻון קֳדָמַנָא כִקרָבָא קַדמָאָה׃
(1) 04:02	וְכָמְנָא שָרִי לְאַסָקָא מִן קַרתָא יְטֻור דְתָנַן וְאִתפנִיאֻו דְבֵית בִניָמִן לַאְחֹורֵיהֹון/בתריהון#3#/ וְהָא סְלֵיק תַנְנָא דְקַרתָא לְצֵית שְמַיָא׃
(1) 14:02	וַאְנָש יִשׂרָאֵל אִתחְזַר/אִתהְפֵיך#3#/ וְאִתבְהֵיל אְנָש בִניָמִין אְרֵי חְזָא אְרֵי קְרֵיבַת דְתֵיתֵי לֵיה בִשתָא׃
(1) 24:02	וְאִתפְנִיאֻו קֳדָם אְנָש יִשׂרָאֵל לְאֹורַח מַדבְרָא וְעָבְדֵי קְרָבָא אַדבִיקֻונֻון וַאְנָש כָמְנָא קָמֻו מִקִרוֵיהֹון קָטְלִין בְהֹון מִכָא וֻמִכָא׃
(1) 34:02	טַלטִילֻו/אסחרו#3#/ יָת דְבֵית בִניָמִין רְדַפֻונֻון מִבֵית נְיָחְהֹון טְרַדֻונֻון עַד לָקֳבֵיל גִבעְתָא מִמַדנַח שִמשָא׃
(1) 44:02	וְאִתקְטַלֻו מִדְבֵית בִניָמִן תְמָנַת עְסַר אַלפִין גֻברָא יָת כָל אִלֵין גֻברֵי עָבְדֵי קְרָבָא׃
(1) 54:02	וְאִתפְנִיאֻו וַאְפַכֻו לְמַדבְרָא לְכֵיף רִמֹון וְאִטְמַרֻו/ואסטמרו#3#/ בְכִבשַיָא חַמשָא אַלפִין גֻברָא וְאַדבִיקֻו בָתְרֵיהֹון עַד גִדעֹום וֻקטַלֻו מִנְהֹון תְרֵין אַלפִין גֻברָא׃
(1) 64:02	וַהְוֹו כָל דְאִתקְטַלֻו מִדְבֵית בִניָמִין עַסרִין וְחַמשָא אַלפִין גֻברָא שָלְפֵי סֵיפָא בְיֹומָא הַהֻוא יָת כָל אִלֵין גֻברֵי עָבְדֵי קְרָבָא׃
(1) 74:02	וְאִתפְנִיאֻו וַאְפַכֻו לְמַדבְרָא לְכֵיף רִמֹון שֵית מְאָה גֻברָא וִיתִיבֻו בְכֵיף רִמֹון אַרבְעָה יַרחִין׃
(1) 84:02	וַאְנָש יִשׂרָאֵל תָבֻו לְוָת בְנֵי בִניָמִין וֻמחֹונֻון לְפִתגָם דְחַרַב מִקִרוֵיהֹון גַמַרֻונֻון עַד בְעִירָא עַד כָל דְאִשתְכַח אַף כָל קִרוַיָא דְאִשתְכַחָא אֹוקִידֻו בְנֻורָא׃

next chapter