← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
55423: LN conclusion

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

LNconc:35a ܘܥܠ ܗܠܝܠܘܝܐ܃ ܢܗܪܗ ܕܡܪܐ ܐܬܿܡܠܝܬ ܡܝܢ܃ ܚܘܪܝ܃ ܬܠܡܗ ܐܪܘܝܬ ܘܐܣܓܝܬ ܝܬܿܗܘܢ ܠܦܝܪܗ܃ ܘܝܩܪܐ ܠܗ ܡܢ ܒܣܘܪܗ ܕܡܬܿܘܣ܃ ܐܛܠܒ ܐܠܚܕ ܐܠܬܐܣܥ ܡܢ ܡܬܘܣ ܒܥܕ ܐܠܥܢܨܪܗ܃ ܘܟܕ ܫܠܡ ܒܣܘܪܐ ܝܡܘܪ ܡܫܡܫܢܐ ܨܠܘܬܐ܃ ܘܟܗܢܐ ܪܒܐ ܝܡܘܪ ܗܕܝܢ ܨܠܘܬܐ ܥܠ ܣܝܦܠܐ ܕܡܝܐ܃
LNconc:35b ܐܘ̈ ܦܣܩܝܢܐ ܕܡܝܐ܃ ܘܐܧ̈ܝܗ ܠܡܕܢܚܐ܃ ܬܫܒܘܚܬܗ ܠܐܠܗܐ ܒܡܪܘܡܝܐ ܘܥܠ ܐܪܥܐ ܫܝܠܡܐ ܒܒܢܝܢ̈ܫܐ ܨܒܝܘܢܟ܃ ܡܪܐ ܣܝܦܘܐܬܿܝ ܐܬ ܦܬܚܬ ܘܦܘܡܝ ܡܬܢܐ ܬܫܒܘܚܬܿܟ܃ ܐܬܿܡܠܝ ܦܘܡܝ ܬܫܒܘܚܐ ܗܝܟ ܕܝܫܝܪ ܬܫܒܘܚܬܟ ܟܘܠܗ ܝܘܡܐ ܪܘܒܝܐ ܕܫܘܦܪܟ̈ ܘܟܗ̄ ܝܡܘܪ ܨܠܘܬܐ ܗܕܐ ## ܐܘ ܡܪܘܝܐ ܕܟܘܠܐ ܛܐܒܬܐ ܡܪܐ ܕܨܝܕ ܟܘܠܐ܃ ܐܠܗܐ ܕܟܘܠ ܬܿܢܚܘܡܝܐ܃ ܗܕܝܢ ܕܫܪܝܪ ܫܘܡܝܐ ܒܼܒܘܢܢܘܬܿܗ܃ ܘܟܠܝܠ ܝܬܿܗܘܢ ܒܐܬܩܢܘܬܿܗܘܢ ܕܟܘܟܒܝܐ܃ ܘܐܫܝܫ ܠܐܪܥܐ ܥܠ ܡܝܢ܃ ܘܨܝܕ ܝܬܿܗ ܒܢܨܝܢܝܢ܃ ܘܢܨܒ ܦܘܪܕܝܣܐ ܒܥܕܝܢ܃
LNconc:36a ܘܥܒܕ ܒܗ ܩܝܣ ܕܚܝܝܢ܃ ܗܕܝܢ ܕܡܬܿܚ ܝܡܐ ܘܣܓܪ ܝܬܿܗ ܒܚܠܐ܃ ܘܦܩܕ ܕܝܒܥ ܡܢ ܥܝܢܐ ܚܕܐ ܐܪܒܥܐ ܢܗܪܝܢ܃ ܘܐܣܝܡܬ ܫܝܡܘܐ̈ܬܐ ܕܝܠܗܘܢ ܡܬܿܝܕܥܝܢ ܒܗ ܒܥܡܘܪܬܐ܃ ܘܐܫܘܝܬ ܠܟܘܠ ܚܕ ܡܢܗܘܢ܃ ܘܐܘܪܚܬܐ ܕܫܦܝܪܐ ܠܗ܃ ܩܡܝܐ ܕܒܗܘܢ ܦܝܗܘܢ ܕܚܓܠ ܒܐܪܥܐ ܕܠܘܛ ܕܝܢ ܕܗܘ ܠܩܘܒܘܠ ܨܒܘܢܐ̈ ܘܐܝܕܓܠܗ ܘܦܘܪܬܿ܃ ܘܦܩܕܬ ܝܬܿܗܘܢ ܕܝܬܦܪܫܘܢ ܒܡܨܥܬܿܗ ܕܐܪܥܐ܃ ܘܗܕܝܢ ܢܝܠܐ ܦܩܕ ܝܬܿܗ ܕܝܫܦܘܥ ܘܝܫܬܦܟ ܘܝܓܘܕ ܥܠ ܕܢܣܘ̈ܐܬܐ ܘܐܬܿܪܝܐ܃ ܕܣܛܪܝܢ ܕܡܬܿܝܩ‍{‍ܕ‍}‍‍<‍ܪ‍>‍ܐ ܘܬܚܘܡܝܐ ܕܟܘܫܐܝܢ ܘܝܫܩܝ ܝܬܿܗ ܠܟܘܠܗܿ ܐܪܥܐ ܕܡܨܪܝܢ܃ ܘܝܪܘܝ ܝܬܿܗ ܕܝܬܐܬܝܪ ܙܪܥܗ ܘܝܣܓܝ ܦܝܪܗ܃
LNconc:36b ܝܨܝܦܐܝܬܿ ܘܕܒܝܪܐ ܠܡܚܝܢܘܬܐ ܕܗܠܝܢ ܕܥܡܪܝܢ ܒܗ܃ ܗܝܟܕܝܢ ܟܕܘ ܡܩܪܒܝܢ ܠܟ ܡܢ ܒܟܝܪܐ ܕܡܣܘܩܝ̈ܬܗ܃ ܢܝܗܠܝܠ ܘܢܝܫܪ ܒܬܫܒܘܚܐ܃ ܘܫܐܝܠ ܘܒܥܝ̈ܢ ܡܢܟ ܕܐܬ ܗܘ ܬܿܚܢܘܢܝܐ ܘܪܚܡܝܐ ܕܬܿܥܒܕ ܪܘܡܡܘܬܿܗ ܒܫܝܠܡܐ ܘܕܝܣܬܠܩ ܒܚܙܕܟ ܠܘܬܿ ܬܿܚܘܡܝܐ ܕܡܫܘܚܗ ܕܝܠܗ܃ ܩܗܠܐ ܐܡܪ܃ ܐܡܝܢ܃ ܡܫܡ̄ ܝܡܘܪ ܛܐܣ ܟܐܦܠܐܣ ܝܡܘܢ܃ ܟܗ̄ ܝܡܘܪ܃ ܫܟܝܢ ܠܐܪܥܐ ܒܪܟܬܟ ܕܐܬ ܗܘ ܛܐܒܐ܃ ܒܡܝܢ ܕܢܗܪܐ ܕܢܝܠܘܣ܃ ܐܣܓܝ ܦܝܪܝܐ ܕܐܪܥܐ ܕܡܨܪܝܢ܃ ܥܠ ܛܒ ܨܘܪܟܝ ܕܩܗܠܟ ܕܐܬ ܗܘ ܡܒܘܥܐ ܕܛܒܬܐ ܘܬܐܘܡܝܐ ܕܒܪܟܬܐ܃ ܕܟܘܠ ܡܘܗܒܬܐ ܛܒܐ̈ܬܐ ܕܡܢ ܠܘܬܿܟ ܗܝ܃
LNconc:37a ܠܒܕܝܠ ܟܝܢ ܐܢܝ̈ܢ ܒܥܝ̈ܢ ܡܢܟ ܒܪܘܝܐ ܕܟܘܠܐ܃ ܕܬܝܒܪܝܟ ܡܝ̈ܐܢ ܕܢܗܪܐ ܕܢܝܠܐ܃ ܒܗܕܝܢ ܡܝ̈ܐ ܕܡܬܣܝܡ ܐܣܓܝ ܡܝ̈ܐ ܕܢܗܪܐ ܕܢܝܠܘܣ܃ ܕܝܗܒܐ ܐܪܥܐ ܦܝܪܗ܃ ܕܩܝܘܡܝܢܝܢ ܥܠ ܗܕܝܢ ܡܝ̈ܐ ܕܡܬܣܝܡܢ ܛܘܦܣܐ ܘܕܝܡܘܐ̈ܬܐ ܥܒܕܢܝܢ ܝܬܿܗ ܪܘܫܡ ܠܡܝ̈ܢ ܕܢܗܪܝܢ ܕܢܝܠܘܣ܃ ܘܐܢ̈ܝܢ ܕܝ ܟܕܘ ܒܥܝ̈ܢ ܡܢܟ ܘܫܐܝܠܝܢ ܘܡܧ̈ܝܣܝܢ ܠܘܬܿܟ ܡܪܐ܃ ܕܬܿܝܫܠܝܚ ܒܪܟܬܿܟ ܥܠ ܡܝ̈ܢ ܕܢܗܪܐ ܕܢܝܠܐ ܘܗܝܟ ܡܝ̈ܐܢ ܕܡܫܬܝܢ ܡܢܗ ܝܥܒܕ ܠܓܪܡܝܐ ܚܝ̈ܝܐ ܘܫܘܪܪܐ܃ ܗܟܕܝܢ ܝܥܒܕ ܠܟܪܣܝܗܘܢ ܕܐܪܥܐ ܚܝܠܐ ܕܥܠܝܐܬܐ ܕܡܢ ܠܘܬܿܟ ܡܬܿܡܠܝܐ ܘܡܫܠܡܐ ܕܬܿܨܡܚ ܙܪܥܐ ܗܕܝܢ ܕܢܒܥ ܡܢ ܐܪܥܐ܃
LNconc:38a ܘܠܒܕܝܠ ܟܕܝܢ ܐܢܝܢ ܕܝ ܒܥܝ̈ܢ ܡܢܟ ܡܪܐ ܕܣܓܝ ܬܿܚܢܘܢܝܐ ܘܪܚܡ ܒܢܝܢܫܐ ܕܬܿܝܪܘܡܡ ܡܝ̈ܐ ܕܢܗܪܐ ܕܢܝܠܐ ܥܠ ܪܡܐ ܫܠܘܡܗ ܕܬܿܚܘܡܗܿ ܕܡܝ̈ܐ ܕܝܬܿܡܠܝ ܐܘ ܡܪܘܝܐ ܢܗܪܗ ܕܐܠܗܐ ܡܝ̈ܐ ܕܢܝܠܐ܃ ܐܚܕܬܿ ܕܝ ܠܩܗܠܟ ܡܢܗ ܡܙܘܢܐ ܗܝܟܕܝܢ ܗܝ ܥܬܘܕܐ ܦܩܕ ܝܬܿܗ ܠܐܪܥܐ ܒܡܝ̈ܢ ܕܢܗܪܐ ܕܢܝܠܘܣ ܘܐܪܘܝ ܝܬܿܗ܃ ܐܣܓܝ ܕܠܐ ܡܢܝܢ ܡܝ̈ܐ ܘܡܒܘܥܝܐ ܕܝܠܗ܃ ܐܪܘܝ ܠܟܘܠܗܘܢ ܢܚܠܝܐ ܘܡܝܫܪܐ ܘܚܩܠܝܢ ܘܠܡܢܝܬܐ ܕܝܠܗ܃ ܐܣܓܝ ܠܦܝܪܝܐ ܕܝܠܗ܃ ܕܬܬܿܚܕܐ ܐܪܥܐ ܡܨܡܚܐ ܒܦܝܪܝܐ ܛܒܬܐ ܘܡܬܿܒܣܡܐ ܒܥܢܘܒܝܐ ܫܦܝܪܬܐ ܘܙܗܝܐ܃ ܘܢܨܢܝܐ ܕܟܝܐ܃ ܥܠ ܛܒ ܡܝ̈ܢ ܕܢܝܠܘܣ܃ ܡܒܪܝܟ ܐܬ ܟܠܝܠܐ ܕܫܬܐ ܕܒܣܝܡܘܬܿܟ ܘܡܝܫܪܟ ܝܬܿܡܠܘܢ ܫܘܡܝܢ܃ ܘܬܿܝܫܠܡ ܒܗܿ ܐܪܥܐ ܕܡܨܪܝܢ܃ ܥܠ ܛܒ ܡܝܢ ܕܢܗܪܐ ܕܢܝܠܘܣ܃
LNconc:38b ܘܚܕܘܐ ܬܿܠܠܝܐ ܝܐܣܪܘܢ ܘܢܚܠܝܐ ܝܣܓܘܢ ܚܛܝܢ ܝܨܝܚ̈ܘܢ ܩܝܓ̈ܪ ܘܝܫܝܪܘܢ܃ ܥܠ ܛܒ ܨܘܪܟܗܿ ܕܩܗܠܝܟ܃ ܘܒܪܟ ܝܬܿܢ ܐܢ̈ܝܢ ܕܝ ܬܘܒܢ܃ ܡܪܐܢ ܕܝ ܘܐܠܗܐܢ ܘܥܒܕ ܝܬܿܢ ܫܐܘܝܢ ܕܢܝܬܿܝ ܘܢܬܿܝܗܒ ܘܢܥܒܕ ܦܝܪܝܢ ܛܒܝܢ ܪܘܚܢܝܬܐ ܒܣܝܡܐ ܘܠܟ ܫܦܝܪܐ ܘܨܒܝܐ ܚܕ ܡܐܐ ܘܚܕ ܫܬܢ ܘܚܕ ܬܿܠܬܿܝܢ܃ ܘܫܒܘܩ ܣܝܟܠܬܢ܃ ܘܡܚܘܩ ܥܒܪܢܝܡܘܣܝܢܝܢ܃ ܠܒܕܝܠ ܕܫܝܡܟ ܡܒܪܟܐ ܘܡܠܟܘܬܿܟ ܡܬܿܩܠܝܣܐ ܘܪܒܘܬܿܟ ܡܫܬܒܚܐ܃ ܐܒܐ ܘܒܪܐ ܘܪܘܚܐ ܕܩܘܕܫܐ܃ ܟܕܘ ܠܥܠܡ ܥܠܡܝܢ ܐܡܝܢ܃ ܚܘܪܝ ܨܠܘܐܬ܃ ܐܬ ܐܠܗܐ ܕܒܫܠܘܡܝܗܘܢ ܕܩܝܪܘܣܝܐ ܫܪܝܬܝ ܚܒܠܝܐ ܕܡܘܠܕܗ ܕܥܩܪܬܐ ܘܝܗܒܬ ܫܝܡ ܕܝܬܢܐ ܒܟܘܠ ܕܪܝܢ܃
LNconc:39a ܕܡܢܗ ܥܛܦܬ ܐܠܗܘܬܟ ܨܘܪܬܐ ܕܒܪܢܫܘܬܐ ܫܡܘܥ ܒܩܠ ܨܠܘܬܿܗ ܘܒܥܘܬܿܗ ܕܩܗܠܟ܃ ܒܗ ܒܗܕܝܢ ܝܘܡܐ ܕܩܪܝܢ ܝܬܿܟ ܫܓܪ ܩܨܨܬܿܟ ܥܠ ܐܪܥܐ ܘܝܣܘܩ ܢܗܪܗ ܕܢܝܠܘܣ ܘܝܫܬܦܟ ܘܝܫܩܝ ܟܘܠܗ ܐܪܥܐ ܕܡܨܪܝܢ ܗܕܝܢ ܕܒܢܝ ܫܘܡܝܐ ܡܣܘܩܝܬܿܗ ܗܕܝܢ ܕܗܘ ܨܪܝܟ ܡܒܪܟܝܐ ܝܬܿܥܛܦܘܢ ܐܧ̈ܝܗܘܢ ܕܐܪܥܐ ܘܝܬܿܪܘܡܝܡ ܢܗܪܐ ܕܢܝܠܘܣ ܕܨܒܝܘܢ ܠܟܘܠܗ ܐܪܥܗ ܘܬܨܡܚ ܥܣܒܐ ܠܟܘܠ ܗܠܝܢ ܕܥܡܪܝܢ ܒܗ ܘܬܬܝܠ ܦܝܪܝܐ ܠܙܪܥܐ ܘܠܚܝܡ ܠܡܝܟ̈ܘܠܬܐ܃ ܘܝܟܘܠܘܢ ܩܗܠܝܐ ܘܝܣܒܥܘܢ ܘܝܫܬܘܕܘܢ ܠܫܝܡܗܿ ܕܐܠܗܘܬܿܟ ܕܠܝܬܿ ܐܠܗܝܢ ܐܘܚܪܝܢ ܠܒܪ ܡܢܟ܃ ‍{‍ܫܘܡܝܐ ܗܘܝܬܿ ܚܬܝܡܝܢ ܘܐܪܥܐ ܗܘܬܿ ܘܦܪܐ ܣܓܝ ܡܕܝܢܝܢ܃
LNconc:39b ܘܥܡܘܪܝܗܘܢ ܐܬܿܥܒܕܘ ܠܗܠܝܢ ܥܒܪ ܒܕܪܝܐ ܩܡܐܝܢ ܠܓܠܝܠ ܥܒܪܢܝܡܘܣܗ ܕܗܘܬܿ ܣܠܩ ܡܢܗܘܢ ‍}‍܃ ܐܬ ܕܝ ܗܝܟ ܣܘܓܝܐ ܕܪܚܡܝܟ ܪܥܝܬ ܒܝܢ ܐܪܥܗ ܠܫܘܡܝܐ ܘܥܒܕܬ ܫܝܠܡܐ ܒܝܢ ܬܿܪܝܗܘܢ ܒܡܐ ܕܩܐܡ ܟܢܘܫܐ ܕܡܠܐܟܝܟ ܩܕܝܫܝܐ ܒܥܕܝܢ ܨܦܪܐ ܡܕܢܚ ܢܗܘܪܐ ܡܫܝܪܝܢ ܠܟ ܥܡܗܘܢ ܘܐܡܪܝܢ܃ ܬܫܒܘܚܬܗ ܠܐܠܗܐ ܒܡܪܘܡܝܐ ܘܥܠ ܐܪܥܐ ܫܝܠܡܐ ܘܒܝܢ ܒܢܝܢܫܐ ܨܒܝܘܢܟ܃ ܝܬܿܗ ܫܝܠܡܐ ܗܒ ܠܢ܃ ܘܟܘܠ ܩܗܠܝܐ ܕܩܐܝܡܝܢ ܩܘܕܡܝܟ܃ ܒܗ ܩܕܝܫܐ܃ ܘܦܬܿܘܚ ܐܘܨܪܝ ܕܒܪܟܬܟ ܒܣܝܡܝܐ ܒܢܗܪܐ ܕܢܝܠܘܣ ܘܬܫܦܘܟ ܝܬܿܗܘܢ ܥܠ ܐܧ̈ܗܿ ܕܐܪܥܗ܃
LNconc:40a ܘܬܨܡܚ ܥܣܒܐ ܘܦܝܪܝܢ ܠܟܘܠ ܗܠܝܢ ܕܥܡܪܝܢ ܒܗ܃ ܝܬܿܚܕܘܢ ܐܝܠܢܝܐ ܘܝܣܓܘܢ ܦܝܪܝܐ ܘܝܟ̈ܠܘܢ ܩܗܠܝܐ ܘܝܣܒܥܘܢ ܘܝܫܬܘܕܘܢ ܠܫܝܡܟ܃ ܕܐܬ ܗܘ ܐܧ̈ܘܗܘܢ ܕܒܓܘ ܫܘܡܝܐ܃ ܘܐܢ̈ܝܢ ܩܐܝ̈ܡܝܢ ܩܘܕܡܝܟ ܘܒܥܝ̈ܢ ܝܬܿܗ ܠܪܚܡܝܟ܃ ܥܒܕ ܝܬܿܢ ܫܘ̈ܝܢ ܕܒܚܫܒܝܢ ܦܫܝܛܝܢ ܘܫܐܘ̈ܝܢ ܕܐܠܗܘܬܿܟ ܢܝܩܪܒ ܘܢܝܫܠܡ ܦܠܓܝܢ ܠܦܠܝܓ ܒܫܘܠܡ ܩܕܝܫ ܗܝܟ ܡܐ ܕܐܬܿܡܣܪ ܠܢ ܡܢ ܫܠܝܚܟ ܩܕܝܫܝܐ ܡܒܪܟܝܐ ܗܠܝܢ ܕܫܦܪܘ ܠܟ ܘܥܒܕܘ ܨܒܝܘܢܟ܃ ܒܧ̈ܣܘܬܿܗ ܕܩܕܝܫܬܐ ܕܟܝܬܐ ܡܒܪܟܬܐ ܝܠܕܬܗ ܕܐܠܗܐ܃ ܘܒܬܿܘܠܐ ܟܬܪܬ ܡܪܬܝ ܡܪܝܡ܃ ܘܒܨܠܘܬܿܗ ܕܡܪܝ ܝܘܚܢܐ ܡܩܕܡܢܐ ܘܡܣܒܥܢܐ܃
LNconc:40b ܘܡܪܝܢܝܢ ܫܠܝܚܝܐ ܩܕܝܫܝܐ ܘܐܒܗܬܢ ܝܫܝܪܝܐ ܘܪܝܫܗܘܢ ܕܟܗܢܝܐ ܡܒܪܟܝܐ ܘܣܗܕܝܐ ܡܫܒܚܝܐ܃ ܦܫܘܛ ܝܡܝܢܟ ܘܒܪܝܟ ܠܥܒܝܕܟ ܒܟܘܠ ܒܪܟܐ ܪܘܚ ܒܫܘܡܝܐ ܘܒܐܪܥܐ܃ ܘܠܟ ܬܫܒܘܚܬܐ ܘܐܝܩܪܐ ܘܣܓܘܕܬܐ ܘܐܫܬܘܕܝܘܬܐ ܐܢ̈ܝܢ ܡܣܩܝܢ ܠܟ܃ ܠܐܒܐ ܘܠܒܪܐ ܘܠܪܘܚܐ ܕܩܘܕܫܐ ܟܕܘ ܘܗܘܝ ܘܠܥܠܡ ܥܠܡܝܢ ܐܡܝܢ܃ ܘܒܬܿܪܟܝܢ ܟܗܢܐ ܝܣܒ ܨܠܒܐ܃ ܘܡܬܢܝܢ ܠܟܘܠܗܿ ܫܥܢܘ̈ܢܝܐ ܕܗܘܬܿ ܩܡܝܐ ܕܨܠܘܬܐ܃ "ܬܿܡ ܝܥܝܕܘ ܪܘܘܣ ܐܠܡܙܐܡܝܪܝ ܐܠܕܝ ܦܝ ܐܘܠ ܐܨܠܐܗ܃" ܘܡܓܝܒܝܢ ܠܗ ܩܗܠܝܐ ܗܝܟܡܐ ܕܗܘ ܡܬܿܟܐܬܿܒ܃ ܘܬܫܒܘܚܐ ܘܡܢ ܥܠܡ܃
LNconc:41a ܘܝܡܪܝܢ ܩܗܠܐ ܟܕܝܢ܃ ܘܡܢ ܒܬܿܪܟܝܢ܃ ܟܗܢܐ ܡܨܒܥ ܠܨܠܒܐ ܡܝܩܪܐ܃ ܓ̄܃ ܙܒܢܝܢ܃ ܘܝܡܘܪ܃ ܒܫܝܡܗ ܕܐܒܐ ܘܕܒܪܐ ܘܪܘܚܐ ܕܩܘܕܫܐ ܠܥܠܡ ܥܠܡܝܢ ܐܡܝܢ܃ ܘܝܡܘܪ ܥܡܐ܃ ܐܡܝܢ܃ ܘܡܫܬܢ ܟܘܠܗܿ ܩܗܠܐ ܡܢ ܡܝܐ ܡܩܕܫܐ܃ ܘܝܡܘܪ ܡܫ̄܃ ܪܒܐ܃ ܐܬܿܪܚܡ ܥܠܝܢܝܢ ܐܠܗܐ ܗܝܟ ܣܘܓܐ܃ ܘܟܗ̄ ܬܠܐ܃ ܡܝܛܘܠ ܕܐܠܗܐ ܡܪܚܡܢܐ܃ ܥܡܐ ܐܡܪ܃ ܐܡܝܢ܃ ܡܫ̄ ܝܡܘܪ܃ ܨܘܦܝܐ܃ ܥܡܐ ܐܡܪ܃ ܐܧ̈ܠܘܓܝܬܐ ܐܓܝܐ܃ ܟܗ̄ ܝܡܘܪ܃ ܛܘܢ ܐܧ̈ܠܐܓܝܛܘܢ܃ ܥܡܐ ܝܡܘܪ܃ ܐܡܝܢ "ܣܬܐܪܐܘܘܣ ܐܝܐܬܐܘܣ"̈ ܟܗ̄ ܡܚܬܿܡ܃ ܠܡܠܘ ܕܡܢܟ ܘܠܘܬܿܟ ܐܢ̈ܝܢ ܥܪܩܝܢ ܘܡܢܟ
LNconc:41b ܡܬܿܩܕܫܝܢ ܘܠܟ ܡܩܪܒܝܢ ܐܫܬܘܕܝܘܬܐ ܘܬܫܒܘܚܬܐ ܠܐܒܐ ܘܠܒܪܐ ܘܠܪܘܚܐ ܕܩܘܕܫܐ ܠܥܠܡ ܥܠܡܝܢ ܐܡܝܢ܃ ܫܠܡ܃ ܐܫܬܠܡ ܐܬܩܢܘܬܐ ܕܢܝܠܘܣ ܡܒܪܟܐ ܒܣܥܕܘܢܗ ܕܐܠܗܐ ܚܝܐ ܘܚܝܘܠܐ܃ ܐܡܝܢ ܐܡܝܢ ܐܡܝܢ܃