The Comprehensive Aramaic Lexicon

20:01	[٠٠٠ ٠]א[٠ ٠٠٠
20:02	[٠٠]ל[ ٠٠٠] כמ֗ה֗ ש֗ל֗ם֗ ושפיר֗ לה צלם אנפיהא וכמא
20:03	\[٠٠٠٠٠] /[נ]עים וכמא רקיק#2#/ לה שער ראישה כמא יאין להון לה עיניהא ומא רגג הוא לה אנפהא וכול נץ
20:04	א֗נפיה֗א מ֗א֗ [٠٠٠] כמא יאא לה חדיה וכמא שפיר לה כול לבנהא דרעיהא מא שפירן וידיהא כמא
20:05	כ֗לילן \ומ֗א֗ [٠٠٠] /וחמיד#2#/ כול מחזה יד֗י֗הא כמא יאין כפיה ומא אריכן וקטינן כול אצבעת ידיהא רגליהא
20:06	כמא שפירן וכמא שלמא להן לה שקיהא וכל בתולן וכלאן די יעלן לגנון לא ישפרן מנהא ועל כול
20:07	נשין שופר שפר֗ת֗ ועליא שפרהא לעלא מן כולהן ועם כול שפרא דן חכמא שגיא עמהא \ודל ידיהא /ודלידיהא#2#/
20:08	יאא וכדי שמע מלכא מלי חרקנוש ומלי תרין חברוהי די פם חד תלתהון ממללין שגי רחמה ושלח
20:09	לעובע דברהא וחזהא ואתמה על כול שפרהא ונסבהא לה לאנתא ובעא למקטלני ואמרת שרי
20:10	למלכא דאחי הוא כדי הוית מתגר על דילהא ושביקת אנה אברם בדילהא ולא קטילת ובכית אנה
20:11	אברם בכי תקיף אנה ולוט בר אחי עמי בליליא כדי דבירת מני שרי באונס ###
20:12	בליליא דן צלית ובעית ואתחננת ואמרת באתעצבא ודמעי נחתן בריך אנתה אל עליון מרי לכול
20:13	עלמים די אנתה מרה ושליט על כולא ובכול מלכי ארעא אנתה שליט למעבד בכולהון דין וכען
20:14	קבלתך מרי על פרעו צען מלך מצרין די דברת אנתתי מני בתוקף עבד לי דין מנה ואחזי ידך רבתא
20:15	בה ובכול ביתה ואל ישלט בליליא דן לטמיא אנתתי מני וי^נ^דעוך מרי די אנתה מרה לכול מלכי
20:16	ארעא ובכית וחשית בליליא דן שלח לה אל עליון רוח מכדש למכתשה ולכול אנש ביתה רוח
20:17	באישא והואת כתשא לה ולכול אנש ביתה ולא יכל למקרב בהא ואף לא ידעהא והוא עמה
20:18	תרתין שנין ולסוף תרתין שנין תקפו וגברו עלוהי מכתשיא ונגדיא ועל כול אנש ביתה ושלח
20:19	קרא לכול ח֗[כ]י֗מ֗[י] מצרין ולכול אשפיא עם כול אסי מצרין הן יכולון לאסיותה מן מכתשא דן ולאנש
20:20	ביתה ולא יכלו כול אסיא ואשפיא וכול חכימיא למקם לאסיותה ארו הוא רוחא כתש לכולהון
20:21	וערקו ### באדין אתה עלי חרקנוש ובעא מני די אתה ואצלה על
20:22	מלכא ואסמוך ידי עלוהי ויחה ארו ב[ח]לם \חז[א ٠٠٠] /חז[ני]#2#/ ואמר לה לוט לא יכול אברם דדי לצליא על
20:23	מלכא ושרי אנתתה עמה וכען אזל אמר למלכא וישלח אנתתה מנה לבעלהא ויצלה עלוהי ויחה
20:24	### וכדי שמע חרקנוש מלי לוט אזל אמר למלכא כול מכתשיא ונגדיא
20:25	אלן די מתכתש ומתנגד מרי מלכא בדיל שרי אנתת אברם א֗ת֗יבו/י֗ת֗יבו#2#/ נה לשרי לא֗ב֗רם בעלה
20:26	ויתוך מנכה מכתשא דן ורוח שחלניא וקר֗א \לי֗ א֗ל֗ו /[מ]ל[כ]א לי#2#/ ו֗אמר לי מא עבדתה לי בדיל \[מא] ה֗וית אמר /[שר]י תאמר#2#/
20:27	לי די אחתי היא והיא הואת אנתתך ונסבתהא לי לאנתה הא אנתתך ד[٠٠٠٠٠]/דברה#2#/ אזל ועדי לך מן
20:28	כול מדינת מצרין וכען צלי עלי ועל ביתי ותתגער מננה רוחא דא באישתא וצ֗לית֗ \על[וה]י֗ על [מר]דפא /על [ד]י [ית]רפא#2#/
20:29	חי וסמכת ידי על ר֗א֗י֗שה ואתפלי מנה מכתשא ואתגערת מ֗נ֗ה֗ [רו]ח֗א֗ באישתא ו֗ח֗י֗ וקם [٠٠٠]/ויהב#2#/
20:30	לי מלכא ב֗[٠٠٠]א֗ מנתנ[ן] ש֗גיא֗ן וימא לי מלכא במומה די לא֗ \[٠٠٠٠٠] לי /٠٠٠[٠٠٠]הא ואתיב לי#2#/
20:31	לשר֗י ויהב לה מלכא [٠٠٠ וד]הב ש֗גיא ולבוש שגי די בוץ וארגו֗א֗ן \די [٠٠٠] /ו[٠٠٠]#2#/
20:32	קודמיהא ואף להגר וא[ש]למהא֗ לי ומני עמי אנוש די ינפקו֗נ֗נ֗י֗ \מ֗ן֗ [ג]ו֗ [٠٠٠٠٠] /ול٠٠٠ מן מצרין ###/#2#
20:33	### ואזלת אנה אברם בנכסין שגיאין לחדא ואף בכסף ודהב וסלקת מ֗ן֗ מ֗[צ]ר֗[י]ן֗ [ו]ל[וט
20:34	בר אחי עמי ואף לוט קנה לה נכסין שגיאין ונסב לה אנתה מן ב֗נ֗ת֗ מ֗צ֗ר֗י֗ן והוית שרה֗ [٠٠٠

next column