← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


08:01 )1( [ai]וֻדכִיר יוי יָת נֹחַ וְיָת כֹל חַיתָא וְיָת כֹל בְעִירָא דְעִימֵיה בְתֵיבוֹתָא וְאַעֲבַר יוי רוּחָא עַל אַרעָא וְנַחוּ מַיָא׃
08:02 )1( [ai]וְאִסתַכַרוּ מַבוּעֵי תְהוֹמָא וְכַוֵי דִשמַיָא וְאִתכְלִי מִטרָא מִן שְמַיָא׃
08:03 )1( [ai]וְתָבוּ מַיָא מֵעַל ארעא אָזְלִין וְתָיְבִין וַחסַרוּ מַיָא מִסוֹף מְאָה וְחַמשִין יוֹמִין׃
08:04 )1( [ai]וְנַחַת תֵיבוֹתָא בְיַרחָא שְבִיעָאָה בְשִבעָת עַסרָא יוֹמָא לְיַרחָא עַל טוּרֵי קַרדוּ׃
08:05 )1( [ai]וֻמַיָא הֲווֹ אָזְלִין וְחָסְרִין עַד יַרחָא עֲסִירָאָה בַעסִירָאָה בְחַד לְיַרחָא אִיתַחזִיוּ רֵישֵי טוּרַיָא׃
08:06 )1( [ai]וַהֲוָה מִסוֹף אַרבְעִין יוֹמִין/יממין#3#/ וֻפתַח נֹחַ יָת כַוַת תֵיבוֹתָא דַעֲבַד׃
08:07 )1( [ai]וְשַלַח יָת עוֹרְבָא וְנָפֵיק מִיפַק וְתָאִיב/וְתָאֵיב#3#/ עַד דִיבִישוּ מַיָא מֵעַל ארעא׃
08:08 )1( [ai]וְשַלַח יָת יוֹנָה מִלְוָתֵיה לְמִחזֵי \אִם קַלוּ /הקלו#3#/ מַיָא מֵעַל אַפֵי ארעא׃
08:09 )1( [ai]וְלָא אַשכַחַת יוֹנָה מְנָח לְפַרסַת רַגלַה וְתַבַת לְוָתֵיה לְתֵיבוֹתָא אְרֵי מַיָא עַל אַפֵי כֹל ארעא וְאוֹשֵיט יְדֵיה וְנִסבַת וַאְעֵיל יָתַה לְוָתֵיה לְתֵיבוֹתָא׃
08:10 )1( [ai]וְאוֹרֵיך/ושרי#3#/ עוֹד שִבעָה יוֹמִין אוּחרָנִין וְאוֹסֵיף שַלַח/למשלח#3#/ יָת יוֹנָה מִן תֵיבוֹתָא׃
08:11 )1( [ai]וַאֲתַת/ועלת#3#/ לְוָתֵיה יוֹנָה לְעִידָן רַמשָא וְהָא טְרַף זֵיתָא תְבִיר מַחַת/נחית#3#/ בְפוּמַה וִידַע נֹחַ אֲרֵי קַלוּ מַיָא מֵעַל ארעא׃
08:12 )1( [ai]וְאוֹרֵיך עוֹד שִבעָה יוֹמִין אוּחרָנִין וְשַלַח יָת יוֹנָה וְלָא אוֹסֵיפַת לִמתָב לְוָתֵיה עוֹד׃
08:13 )1( [ai]וַהֲוָה בְשֵית מְאָה וֻחדַא שְנִין בְקַדמָאָה/בקדמיתא#3#/ בְחַד לְיַרחָא נְגוּבוּ מַיָא מֵעַל ארעא וְאָעֲדִי/ועדי#3#/ נֹחַ יָת חוּפָאָה דְתֵיבוֹתָא וַחזָא וְהָא נְגוּבוּ אַפֵי ארעא׃
08:14 )1( [ai]וֻביַרחָא תִניָנָא בְעַסרִין וְשִבעָה יוֹמָא לְיַרחָא יְבֵישַת אַרעָא׃
08:15 )1( [ai]וֻמַלֵיל יוי עִם נֹחַ לְמֵימַר׃
08:16 )1( [ai]פוֹק מִן תֵיבוֹתָא אַת וְאִיתְתָך וֻבנָך וֻנשֵי בְנָך עִימָך׃
08:17 )1( [ai]כֹל חַיתָא דְעִמָך מִכֹל בִסרָא בְעוֹפָא וֻבִבעִירָא וֻבכָל רִחשָא דְרָחֵיש עַל ארעא אַפֵיק עִימָך וְיִתיַלְדוּן בארעא וְיִפְשוּן וְיִסגוֹן עַל ארעא׃
08:18 )1( [ai]וֻנפַק נֹחַ וֻבנוֹהִי וְאִיתְתֵיה וֻנשֵי בְנוֹהִי עִימֵיה׃
08:19 )1( [ai]כֹל חַיתָא כֹל רִחשָא וְכֹל עוֹפָא כֹל דרָחֵיש עַל ארעא לְזַרעֲיָתְהוֹן נְפַקוּ מִן תֵיבוֹתָא׃
08:20 )1( [ai]וֻבנָא נֹחַ מַדבְחָא קדם יוי וֻנסֵיב מִכֹל בְעִירָא דַכיָא וֻמִכֹל עוֹפָא דַכיָא וְאַסֵיק עֲלָוָן \עַל מַדבְחָא /במדבחא#3#/׃
08:21 )1( [ai]וְקַבֵיל יוי בְרַעֲוָא יָת קוּרבָנֵיה וַאֲמַר יוי בְמֵימְרֵיה לָא אוֹסֵיף לִמלָט עוֹד יָת ארעא בְדִיל חוֹבֵי אֲנָשָא אֲרֵי יִצרָא לִבָא דַאֲנָשָא בִיש מִיזְעוּרֵיה/מעולימוהי#3#/מזעורוהי#3#/ לָא אוֹסֵיף עוֹד לְמִמחֵי יָת כֹל דְחַי/חיא#3#/ כְמָא דַעֲבַדִית׃
08:22 )1( [ai]עוֹד כֹל יוֹמֵי ארעא זְרוּעָא וֻחצָדָא וְקוּרָא וְחוֹמָא וְקֵיטָא וְסִתוָא וְיֵמָם וְלֵילֵי לָא יִבטְלוּן׃

next chapter