← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


11:01 )1( [ai]וַהוָת כֹל אַרעָא לִישָן חַד וֻמַמלַל חַד׃
11:02 )1( [ai]וַהֲוָה בְמִיטַלהוֹן בְקַדמֵיתָא/ממדינחא#3#/ וְאַשכַחוּ בִקעֲתָא בארעא דְבָבַל וִיתִיבוּ תַמָן׃
11:03 )1( [ai]וַאֲמַרוּ גְבַר לְחַברֵיה הַבוּ נִרמֵי לִבנִין וְנִשׂרוֹפִינוּן/וְנוֹקֵידִינוּן#3#/ בְנוּרָא/יוֹקֵידתָא#3#/ וַהוָת לְהוֹן לְבֵנְתָא לְאַבנָא וְחֵימָרָא הֲוָה לְהוֹן לִשיָע׃
11:04 )1( [ai]וַאֲמַרוּ הַבוּ נִבנֵי לַנָא קַרתָא וֻמַגדְלָא וְרֵישֵיה מָטֵי עַד צֵית שְמַיָא וְנַעֲבֵיד לַנָא שוֹם דִלמָא נִתבַדַר עַל אַפֵי כֹל אַרעָא׃
11:05 )1( [ai]וְאִתגְלִי יוי <לְאִתפְרָעָא#3#> עַל עוֹבָד קַרתָא וֻמִגדְלָא/ועל מגדלא#3#/וית מגדלא#3#/ דִבנוֹ בְנֵי אֲנָשָא׃
11:06 )1( [ai]וַאֲמַר יוי הָא עַמָא חַד וְלִישָן חַד לְכוּלְהוֹן וְדֵין דְשָרִיוּ לְמַעֲבַד וֻכעַן לָא יִתְמנַע מִינְהוֹן כֹל דְחַשִיבוּ/דְשָרִיאוּ#3#/ לְמַעֲבַד׃
11:07 )1( [ai]הַבוּ נִתגְלֵי וֻנבַלבֵיל תַמָן לִישָנְהוֹן דְלָא יִשמְעוּן אֲנָש/גְבַר#3#/ לִישָן חַברֵיה׃
11:08 )1( [ai]וֻבַדַר יוי יָתְהוֹן מִתַמָן עַל אַפֵי כֹל ארעא וְאִתמְנַעוּ מִלְמִבנֵי קַרתָא׃
11:09 )1( [ai]עַל כֵין קְרָא שְמַה בָבַל אֲרֵי תַמָן בַלבֵל יוי לִישָן כֹל אַרעָא וֻמִיתַמָן בַדרִינוּן יוי עַל אַפֵי כֹל אַרעָא׃
11:10 )1( [ai]אִלֵין תוֹלְדָת שֵם שֵם בַר מְאָה שְנִין וְאוֹלֵיד יָת אַרפַכשַד תַרתֵין שְנִן בָתַר טוֹפָנָא׃
11:11 )1( [ai]וַחיָא שֵם בָתַר דְאוֹלֵיד יָת אַרפַכשַד חַמֵיש מְאָה שְנִין וְאוֹלֵיד בְנִין וֻבנָן׃
11:12 )1( [ai]וְאַרפַכשַד חֲיָא תְלָתִין וְחַמֵיש שְנִין וְאוֹלֵיד יָת שָלַח׃
11:13 )1( [ai]וַחיָא אַרפַכשַד בָתַר דְאוֹלֵיד יָת שַלַח אַרבַע מְאָה וֻתלָת/ותלתין#3#/ שְנִין וְאוֹלֵיד בְנִין וֻבנָן׃
11:14 )1( [ai]וְשַלַח חֲיָה תְלָתִין שְנִין וְאוֹלֵיד יָת עֵבַר׃
11:15 )1( [ai]וַחיָא שַלַח בָתַר דְאוֹלֵיד יָת עֵבַר אַרבַע מְאָה וֻתלָת שְנִין וְאוֹלֵיד בְנִין וֻבנָן׃
11:16 )1( [ai]וַחיָא עֵבַר תְלָתִין וְאַרבָע שְנִין וְאוֹלֵיד יָת פָלַג׃
11:17 )1( [ai]וַחיָא עֵבַר בָתַר דְאוֹלֵיד יָת פַלַג אַרבַע מְאָה וֻתלָתִין שְנִין וְאוֹלֵיד בְנִין וֻבנָן׃
11:18 )1( [ai]וַחיָא פַלַג תְלָתִין שְנִין וְאוֹלֵיד יָת רְעוּ׃
11:19 )1( [ai]וַחיָא פַלַג בָתַר דְאוֹלֵיד יָת רְעוּ מָאתַן וֻתשעַ/וְתִשעִין#3#/ שְנִין וְאוֹלֵיד בְנִין וֻבנָן׃
11:20 )1( [ai]וַחיָא רְעוּ תְלָתִין וְתַרתֵין שְנִין וְאוֹלֵיד יָת שְרוּג׃
11:21 )1( [ai]וַחיָא רְעוּ בָתַר דְאוֹלֵיד יָת שְרוּג מָאתַן וֻשבַע שְנִין וְאוֹלֵיד בְנִין וֻבנָן׃
11:22 )1( [ai]וַחיָא שְרוּג תְלָתִין שְנִין וְאוֹלֵיד יָת נָחוֹר׃
11:23 )1( [ai]וַחיָא שְרוּג בָתַר דְאוֹלֵיד יָת נָחוֹר מָאתַן שְנִין וְאוֹלֵיד בְנִין וֻבנָן׃
11:24 )1( [ai]וַחיָא נָחוֹר עַסרִין וְתִישַע שְנִין וְאוֹלֵיד יָת תָרַח׃
11:25 )1( [ai]וַחיָא נָחוֹר בָתַר דְאוֹלֵיד יָת תַרַח מְאָה וְתִישַע עַסרֵי שְנִין וְאוֹלֵיד בְנִין וֻבנָן׃
11:26 )1( [ai]וַחיָא תַרַח שִבעִין שְנִין וְאוֹלֵיד יָת אַברָם יָת נָחוֹר וְיָת הָרָן׃
11:27 )1( [ai]וְאִלֵין תוֹלְדָת תַרַח תַרַח אוֹלֵיד יָת אַברָם יָת נָחוֹר וְיָת הָרָן וְהָרָן אוֹלֵיד יָת לוֹט׃
11:28 )1( [ai]וֻמִית הָרָן עַל אַפֵי/בחיי#3#/ תַרַח אֲבוּהִי בַאֲרָע יַלָדוּתֵיה בְאוּר דְכַסדָאֵי׃
11:29 )1( [ai]וֻנסֵיב אַברָם וְנָחוֹר לְהוֹן נְשִין שֵם אִיתַת אַברָם שָׂרָי וְשֵם אִיתַת נָחוֹר מִלכָה בַת הָרָן אֲבוּהָא דְמִלכָה וַאֲבוּהָא דְיִסכָה׃
11:30 )1( [ai]וַהוָת שָׂרַי עַקרָא לֵית לַה וְלַד/בנין#3#/׃
11:31 )1( [ai]וֻדבַר תַרַח יָת אַברָם בְרֵיה וְיָת לוֹט בַר הָרָן בַר בְרֵיה וְיָת שָׂרַי כַלְתֵיה אִיתַת אַברָם בְרֵיה וֻנפַקוּ עִמְהוֹן מֵיאוּר דְכַסדָאֵי לְמֵיזַל לארעא דִכנָעַן וַאֲתוֹ עַד חָרָן וִיתִיבוּ תַמָן׃
11:32 )1( [ai]וַהווֹ יוֹמֵי תַרַח מָאתַן וְחַמֵיש שְנִין וֻמִית תַרַח בְחָרָן׃

next chapter