← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


14:01 )1( [ai]וַהֲוָה בְיוֹמֵי אַמרָפַל מַלכָא דְבָבַל אַריוֹך מַלכָא דְאַלָסָר כְדָר לָעֹמַר מַלכָא דְעֵילָם וְתִדעָל מַלכָא דְעַמְמֵי׃
14:02 )1( [ai]עֲבַדוּ/סַדַרוּ#3#/ קְרָבָא עִם בַרַע מַלכָא דִסדוֹם וְעִם בִרשַע מַלכָא דְעֲמֹרָה שִנאָב מַלכָא דְאַדמָה וְשַמאֵבַר מַלכָא דְצבוֹיִים וֻמַלכָא דְבַלַע הִיא צוֹעַר׃
14:03 )1( [ai]כֹל אִילֵין אִתכַנַשוּ לְמֵישַר חַקלַיָא הוּא אֲתַר יַמָא דְמִלחָא׃
14:04 )1( [ai]תַרתַא עַסרֵי שְנִין פְלַחוּ יָת כְדָר לַעֹמַר וֻתלָת עַסרֵי שְנִין מְרַדוּ׃
14:05 )1( [ai]וֻבאַרבַע עַסרֵי שְנִין אֲתָא כְדָר לָעֹמַר וֻמַלכַיָא דְעִמֵיה וֻמחוֹ יָת גִיבָרַיָא דִבעַשתְרוֹת קַרנַיִם וְיָת תַקִיפַיָא/חושבני#3#/ דִבהָמְתָא/דבהם#3#/ וְיָת אֵימְתָנֵי דִבשָוֵיה קִריָתָיִם׃
14:06 )1( [ai]וְיָת חוֹרָאֵי דִבטוּרַיָא דִסֵעִיר עַד מֵישַר פָארָן דִסמִיך עַל מַדבְרָא׃
14:07 )1( [ai]וְתָבוּ וַאֲתוֹ לְמֵישַר פִילוּג/פילוך#3#/ דִינָא עַד/הִיא#3#/ רְקַם וֻמחוֹ יָת כֹל חַקלֵי עֲמָלְקָאָה וְאַף יָת אֲמוֹרָאָה דְיָתֵיב בְעֵין גַדִי׃
14:08 )1( [ai]וֻנפַקוּ מַלכָא דִסדוֹם וֻמַלכָא דַעֲמֹרָה וֻמַלכָא דְאַדמָה וֻמַלכָא דִצבוֹיִם וֻמַלכָא דְבַלַע הִיא צֹעַר וְסַדַרוּ עִמְהוֹן קְרָבָא בְמֵישַר חַקלַיָא׃
14:09 )1( [ai]עִם/יָת#3#/ כְדָר לָעֹמַר מַלכָא דְעֵילָם וְתִדעָל מַלכָא דְעַמְמֵי וְאַמרָפַל מַלכָא דְבָבַל וְאַריוֹך מַלכָא דְאַלָסָר אַרבְעָה מַלכִין לִקבֵיל חַמשָה׃
14:10 )1( [ai]וֻמֵישַר חַקלַיָא בֵירָן בֵירָן מַסְקָן חֵימָרָא וַעֲרַקוּ מַלכָא דִסדוֹם וַעֲמוֹרָה וֻנפַלוּ תַמָן וֻדאִשתְאַרוּ לְטוּרָא עֲרַקוּ׃
14:11 )1( [ai]וֻשבוֹ יָת כֹל קִניָנָא דִסדֹם וַעֲמֹרָה וְיָת כֹל מֵיכַלהוֹן וַאֲזַלוּ׃
14:12 )1( [ai]וֻשבוֹ יָת לוֹט וְיָת כֹל קִניָנֵיה בַר אֲחוּהִי דְאַברָם וַאֲזַלוּ וְהוּא יָתֵיב בִסדוֹם׃
14:13 )1( [ai]וַאֲתָא מְשֵיזְבָא וְחַוֵי לְאַברָם עִברָאָה וְהוּא שְרֵי בְמֵישְרֵי מַמרֵא אֲמוֹרָאָה אֲחוּהִי דְאַשכֹל וַאֲחוּהִי דְעָנֵר וְאִינוּן אֲנָש/אינשי#3#/מארי#3#/ קְיָמֵיה דְאַברָם׃
14:14 )1( [ai]וֻשמַע אַברָם אֲרֵי אִשתְבִי אֲחוּהִי/בר אֲחוּהִי#3#/ וְזָרֵיז יָת עוּלֵימוֹהִי יְלִידֵי בֵיתֵיה תְלָת מְאָה וֻתמָנַת עֲסַר וֻרדַף עַד דָן׃
14:15 )1( [ai]וְאִתפְלַג עֲלֵיהוֹן בְלֵיליָא הוּא וְעַבדוֹהִי וֻמחָנוּן וֻרדַפִינוּן עַד חוֹבָה דְמִצִיפוּנָא לְדָמָשַק׃
14:16 )1( [ai]וַאֲתֵיב יָת כֹל קִניָנָא וְאַף יָת לוֹט אֲחוּהִי/בר אֲחוּהִי#3#/ וְקִניָנֵיה אֲתֵיב וְאַף יָת נְשַיָא וְיָת עַמָא׃
14:17 )1( [ai]וֻנפַק מַלכָא דִסדֹם לְקַדָמוּתֵיה בָתַר דְתָב מִלְמִמחֵי יָת כְדָר לָעֹמַר וְיָת מַלכַיָא דְעִימֵיה לְמֵישַר מְפַנַא/מפנק#3#/ הוּא <אתר#3#> בֵית רֵיסָא דְמַלכָא׃
14:18 )1( [ai]וֻמַלכִי צַדַק מַלכָא דִירוּשלַם אַפֵיק לְחֵים וַחמַר וְהוּא מְשַמֵיש קֳדָם אֵל עִילָאָה׃
14:19 )1( [ai]וֻבָרְכֵיה וַאֲמַר בְרִיך אַברָם לְאֵל/קדם אל#3#/ עִילָאָה דְקִניָנֵיה שְמַיָא וארעא׃
14:20 )1( [ai]וֻברִיך אֵל עִילָאָה דִמסַר סָנֲאָך בִידָך וִיהַב לֵיה חַד מִן עַסרָא מִכוֹלָא׃
14:21 )1( [ai]וַאֲמַר מַלכָא דִסדוֹם לְאַברָם הַב לִי נַפשָתָא וְקִניָנָא סַב/דבר#3#/ לָך׃
14:22 )1( [ai]וַאֲמַר אַברָם לְמַלכָא דִסדוֹם אֲרֵימִית יְדִי בִצלוֹ/בשבועה#3#/ קדם יוי אֵל עִילָאָה דְקִניָנֵיה שְמַיָא וארעא׃
14:23 )1( [ai]אִם מִחוּטָא וְעַד עַרקַת מְסָנָא וְאִם אִסַב מִכֹל דְלָך וְלָא תֵימַר אֲנָא עַתַרִית יָת אַברָם׃
14:24 )1( [ai]בָר מִדאַכַלוּ עוּלֵימַיָא וְחוּלָק גֻברַיָא דַאֲזַלוּ עִמִי עָנֵר אַשכֹל וֻמַמרֵי אִינוּן יְקַבְלוּן חוּלָקְהוֹן׃

next chapter