The Comprehensive Aramaic Lexicon

17:01 )1( [ai]	וַהֲוָה אַברָם בַר תִשעִין וְתִישַע שְנִין וְאִתגְלִי יוי לְאַברָם וַאֲמַר לֵיה אֲנָא אֵל שַדַי פְלַח קְדָמַי וִהוִי שְלִים׃
17:02 )1( [ai]	וְאִיתֵין קְיָמִי \בֵין מֵימְרִי /ביני#3#/ וֻבֵינָך וְאַסגֵי יָתָך לַחדָא לַחדָא׃
17:03 )1( [ai]	וֻנפַל אַברָם עַל אַפוֹהִי וֻמַלֵיל עִמֵיה יוי לְמֵימַר׃
17:04 )1( [ai]	אֲנָא הָא גָזַר קִיָמִי עִמָך וֻתהֵי לְאַב סְגֵי עַמְמִין׃
17:05 )1( [ai]	וְלָא יִתקְרֵי עוֹד יָת שְמָך אַברָם וִיהֵי שְמָך אַברָהָם אֲרֵי לְאַב/אב#3#/ סְגֵי עַמְמִין יְהַבתָך׃
17:06 )1( [ai]	וְאַפֵיש יָתָך לַחדָא לַחדָא וְאִיתְנִינָך לְכִנשָן וֻמַלכִין דְשָלְטִין/שלטין#3#/ בְעַמְמַיָא מִינָך יִפְקוּן׃
17:07 )1( [ai]	וַאֲקֵים יָת קְיָמִי בֵין מֵימְרִי וֻבֵינָך וֻבֵין בְנָך בָתְרָך לְדָרֵיהוֹן לִקיָם עָלַם לְמִהוֵי לָך לַאֲלָה וְלִבנָך בָתְרָך׃
17:08 )1( [ai]	וְאִיתֵין לָך וְלִבנָך בָתְרָך יָת אֲרַע תוֹתָבוּתָך יָת כֹל אַרעָא דִכנַעַן לְאַחסָנַת עָלַם וְאִהוֵי/וְאַהוֵי#3#/ לְהוֹן לַאֲלָה׃
17:09 )1( [ai]	וַאֲמַר יוי לְאַברָהָם וְאַת יָת קְיָמִי תִטַר אַת וֻבנָך בָתְרָך לְדָרֵיהוֹן׃
17:10 )1( [ai]	דֵין/דא#3#/ קְיָמִי דְתִיטְרוּן בֵין מֵימְרִי וֻבֵינֵיכוֹן וֻבֵין בְנָך בָתְרָך לְמִגזַר/איתגזר#3#/ לְכוֹן כֹל דְכוּרָא׃
17:11 )1( [ai]	וְתִגזְרוּן יָת בִסרָא דְעוּרלַתכוֹן וִיהֵי לְאָת קְיָם בֵין מֵימְרִי וֻבֵינֵיכוֹן׃
17:12 )1( [ai]	וֻבַר תְמָניָה יוֹמִין יִגזַר/יתגזר#3#/ לְכוֹן כֹל דְכוּרָא לְדָרֵיכוֹן יְלִידֵי בֵיתָא וֻזבִין כַספָא מִכֹל/מן#3#/ בַר עַמְמִין דְלָא מִבְנָך הוּא׃
17:13 )1( [ai]	\מִגזָר יִגזַר /איתגזרא יתגזרון#3#/ יְלִיד בֵיתָך וֻזבִין כַספָך וִיהֵי קְיָמִי בִבסַרכוֹן לִקיָם עָלַם׃
17:14 )1( [ai]	וַעֲרַל דְכוּרָא דְלָא יִגזַר יָת בִסרָא דְעוּרלְתֵיה וְיִשתֵיצֵי אֲנָשָא הַהוּא מֵעַמֵיה יָת קִיָמִי אַשנִי׃
17:15 )1( [ai]	וַאֲמַר יוי לְאַברָהָם שָׂרַי אִיתְתָך לָא תִקרֵי יָת שְמַה שָׂרָי אֲרֵי שָׂרָה שְמַה׃
17:16 )1( [ai]	וַאֲבָרֵיך יָתַה וְאַף אַתֵין/יהבית#3#/ מִנַה לָך בַר וַאֲבָרְכִינַך וֻתהֵי לְכִנשָן מַלכִין דְשָלְטִין/שליטין#3#/ בְעַמְמַיָא מִינַה יְהוֹן׃
17:17 )1( [ai]	וֻנפַל אַברָהָם עַל אַפוֹהִי וַחדִי וַאֲמַר בְלִבֵיה הַלְבַר מְאָה שְנִין \יְהֵי וְלַד /יתיליד#3#/ <לי#3#> וְאִם שָׂרָה הֲבַת תִשעִין שְנִין תְלִיד׃
17:18 )1( [ai]	וַאֲמַר אַברָהָם קדם יוי לְוֵי יִשמָעֵאל יִתקַיַים קְדָמָך׃
17:19 )1( [ai]	וַאֲמַר יוי בְקוּשטָא שָׂרָה אִיתְתָך תְלִיד לָך בַר וְתִקרֵי יָת שְמֵיה יִצחָק וַאֲקֵים יָת קִיָמִי עִימֵיה לִקיָם עָלַם לִבנוֹהִי בָתְרוֹהִי׃
17:20 )1( [ai]	\וְעַל יִשמָעֵאל /ולישמעאל#3#/ קַבֵילִית צְלוֹתָך הָא בָרֵיכִית יָתֵיה וְאַפֵישִית יָתֵיה וְאַסגִיתִי יָתֵיה לַחדָא לַחדָא תְרֵי עֲסַר רַברְבִין יוֹלִיד וְאִתְנִינֵיה לְעַם סַגִי׃
17:21 )1( [ai]	וְיָת קְיָמִי אֲקִים עִים/ית#3#/ יִצחָק דִתלִיד לָך שָׂרָה לְזִמנָא הָדֵין/הדא#3#/ בְשַתָא אוּחרָנְתָא׃
17:22 )1( [ai]	וְשֵיצִי לְמַלָלָא עִמֵיה וְאִסתַלַק יְקָרָא דַיוי מֵעִלָוֹהִי דְאַברָהָם׃
17:23 )1( [ai]	וֻדבַר אַברָהָם יָת יִשמָעֵאל בְרֵיה וְיָת כֹל יְלִידֵי בֵיתֵיה וְיָת כֹל זְבִינֵי כַספֵיה כֹל דְכוּרָא בַאֲנָשֵי בֵית אַברָהָם וֻגזַר יָת בִסרָא דְעוּרלַתהוֹן בִכרַן יוֹמָא הָדֵין כְמָא \דְמַלֵיל עִימֵיה /דפקיד יתיה#3#/ יוי׃
17:24 )1( [ai]	וְאַברָהָם בַר תִשעִין וְתִישַע שְנִין \כַד גְזַר /במיגזריה#3#/ בִסרָא דְעוּרלְתֵיה׃
17:25 )1( [ai]	וְיִשמָעֵאל בְרֵיה בַר תְלָת עַסרֵי שְנִין כַד גְזַר יָת בִסרָא דְעוּרלְתֵיה׃
17:26 )1( [ai]	בִכרַן יוֹמָא הָדֵין אִתגְזַר אַברָהָם וְיִשמָעֵאל בְרֵיה׃
17:27 )1( [ai]	וְכֹל אֲנָשֵי בֵיתֵיה יְלִידֵי בֵיתָא וֻזבִינֵי כַספָא מִן בְנֵי עַמְמַיָא גְזַרוּ/אִתגְזַרוּ#3#/ עִמֵיה׃

next chapter