← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


20:01 )1( [ai]וֻנטַל מִתַמָן אַברָהָם לַאֲרַע דָרוֹמָא וִיתֵיב בֵין רְקַם וֻבֵין חַגרָא וְאִתוֹתַב בִגרָר׃
20:02 )1( [ai]וַאֲמַר אַברָהָם \עַל שָׂרָה /לְשָׂרָה#3#/ אִיתְתֵיה אֲחָת הִיא וֻשלַח אֲבִימַלַך מַלכָא דִגרָר וֻדבַר יָת שָׂרָה׃
20:03 )1( [ai]וַאֲתָא מֵימַר מִן קדם יוי לְוָת אֲבִימַלַך בְחַלמָא/בחיזוא#3#/ דְלֵיליָא וַאְמַר לֵיה \הָא אַת /הַאַת#3#/ מָאִית עַל עֵיסַק אִיתְתָא דְדבַרתָא/די נסיבתא#3#/ וְהִיא אִיתַת גְבַר׃
20:04 )1( [ai]וַאֲבִימַלַך לָא קְרֵיב לְוָתַה וַאֲמַר יוי הֲעַם אַף זַכַי תִקטוּל׃
20:05 )1( [ai]הֲלָא הוּא אֲמַר לִי אֲחָת הִיא וְהִיא אַף הִיא אֲמַרַת אַחִי/דאחי#3#/ הוּא בְקַשִיטוּת לִבִי וֻבזַכָאוּת יֲדַי עֲבַדִית דָא׃
20:06 )1( [ai]וַאֲמַר לֵיה יוי בְחַלמָא אַף קְדָמַי גְלֵי אֲרֵי בְקַשִיטוּת לִיבָך עֲבַדת דָא וֻמנַעִית אַף אֲנָא יָתָך מִלְמִחטֵי קְדָמַי עַל כֵין לָא שְבַקתָך לְמִקרַב לְוָתַה׃
20:07 )1( [ai]וֻכעַן אֲתֵיב אִיתַת גְבַר אֲרֵי נְבִיַיא הוּא וִיצַלֵי עֲלָך וְתֵיחֵי וְאִם לָיְתָך מְתִיב דַע אֲרֵי מְמָת תְמוּת אַת וְכֹל דְלָך׃
20:08 )1( [ai]וְאַקדֵים אֲבִימַלַך בְצַפרָא וֻקרָא לְכָל עַבדוֹהִי וֻמַלֵיל יָת כֹל פִתגָמַיָא הֲאִלֵין קְדָמֵיהוֹן/באודניהון#3#/ וֻדחִילוּ גֻברַיָא לַחדָא׃
20:09 )1( [ai]וֻקרָא אֲבִימַלַך לְאַברָהָם וַאֲמַר לֵיה מָא עֲבַדת לַנָא וֻמָא חֲטֵית/חבית#3#/ לָך אֲרֵי אֵיתִיתָא עֲלַי וְעַל מַלכוּתִי חוֹבָא רַבָא עוּבָדִין דְלָא כָשְרִין לְאִתעֲבָדָא עֲבַדת עִמִי׃
20:10 )1( [ai]וַאֲמַר אֲבִימַלַך לאברהם מָא חֲזֵיתָא אֲרֵי עֲבַדתָא יָת פִתגָמָא הָדֵין׃
20:11 )1( [ai]וַאֲמַר אַברָהָם אֲרֵי אֲמַרִית לְחוֹד לֵית דַחלְתָא דַיוי בְאַתרָא/בארעא#3#/ הָדֵין וְיִקטלוּנַנִי עַל עֵיסַק אִיתְתִי׃
20:12 )1( [ai]וֻברַם בְקוּשטָא/קושטא#3#/ אֲחָתִי בַת/בר#3#/ אַבָא הִיא בְרַם לָא בַת אִימָא וַהוָת לִי לְאִיתוּ/לאנתו#3#/׃
20:13 )1( [ai]וַהֲוָה כַד טְעוֹ/תעו#3#/ עַמְמַיָא בָתַר עוּבָדֵי יְדֵיהוֹן וְיָתִי קָרֵיב יוי לְדַחלְתֵיה מִבֵית אַבָא וַאֲמַרִית לַה דָא/דֵין#3#/ טֵיבוּתִיך דְתַעבְדִין עִמִי לְכֹל/בכל#3#/ אֲתַר דִנהָך/דניעול#3#/ לְתַמָן אֵימַרִי עֲלַי אֲחִי הוּא׃
20:14 )1( [ai]וֻדבַר/ונסיב#3#/ אֲבִימַלַך עָן וְתוֹרִין וְעַבדִין וְאַמהָן וִיהַב לְאַברָהָם וַאֲתֵיב לֵיה יָת שָׂרָה אִיתְתֵיה׃
20:15 )1( [ai]וַאֲמַר אֲבִימַלַך הָא אַרעִי קְדָמָך בִדתָקֵין/בדשפיר#3#/ בְעֵינָך תִיב׃
20:16 )1( [ai]וֻלשָׂרָה אֲמַר הָא יְהַבִית אַלַף סִלעִין דִכסַף לַאְחוּיִיך הָא הוּא לִיך כְסוּת דִיקָר <עינין#3#> חֲלָף דִשלַחִית דְבַרתִיך וַחזֵית יָתִיך וְיָת כֹל דְעִמִיך וְעַל/ועם#3#/וית#3#/ כֹל מָא דַאֲמַרת אִתוֹכָחַת׃
20:17 )1( [ai]וְצַלִי אברהם קְדָם יוי וְאַסִי יוי יָת אֲבִימַלַך וְיָת אִיתְתֵיה וְאַמהָתֵיה וְאִתרְוַחוּ׃
20:18 )1( [ai]אֲרֵי מֵיחַד אֲחַד יוי בְאַפֵי כֹל פָתַח וַלדָא לְבֵית אֲבִימַלַך עַל עֵיסַק שָׂרָה אִיתַת אַברָהָם׃

next chapter