The Comprehensive Aramaic Lexicon

22:01 )1( [ai]	וַהֲוָה בָתַר פִתגָמַיָא הָאִילֵין וַיוי נַסִי יָת אַברָהָם וַאֲמַר לֵיה אברהם וַאֲמַר הָאֲנָא׃
22:02 )1( [ai]	וַאֲמַר דְבַר כְעַן יָת בְרָך יָת יְחִידָך דִרחֵימתָא יָת יִצחָק וְאִיזֵיל לָך לַאֲרַע פֻלחָנָא וְאַסֵיקהִי קְדָמַי תַמָן לְעֲלָתָא עַל חַד מִן טוּרַיָא דְאֵימַר לָך׃
22:03 )1( [ai]	וְאַקדֵים אברהם בְצַפרָא וְזָרֵיז יָת חֲמָרֵיה וֻדבַר יָת תְרֵין עוּלֵימוֹהִי עִמֵיה וְיָת יִצחָק בריה וְצַלַח אָעֵי לַעֲלָתָא/דעלתא#3#/עלתא#3#/ וְקָם וַאֲזַל לְאַתרָא דַאֲמַר לֵיה יוי׃
22:04 )1( [ai]	בְיוֹמָא תְלִתָאָה וֻזקַף אברהם יָת עֵינוֹהִי וַחזָא יָת אַתרָא מֵרַחִיק׃
22:05 )1( [ai]	וַאֲמַר אַברָהָם לְעוּלֵימוֹהִי אוֹרִיכוּ <כען#3#> לְכוֹן הָכָא עִים חֲמָרָא וַאֲנָא וְעוּלֵימָא נִתמְטֵי עַד כָא וְנִסגוֹד וֻנתוּב לְוָתְכוֹן׃
22:06 )1( [ai]	וֻנסֵיב אברהם יָת אָעֵי דַעֲלָתָא וְשַוִי עַל יִצחָק בְרֵיה וֻנסֵיב בִידֵיה יָת אִישָתָא וְיָת סַכִינָא וַאֲזַלוּ תַרוֵיהוֹן כַחדָא׃
22:07 )1( [ai]	וַאֲמַר יִצחָק לאברהם אֲבוּהִי וַאֲמַר אַבָא וַאֲמַר הָאֲנָא בְרִי וַאֲמַר הָא אִישָתָא וְאָעַיָא וְאָן אִימְרָא לְעֲלָתָא׃
22:08 )1( [ai]	וַאֲמַר אַברָהָם קְדָם יוי גְלִי/אתגלי#3#/ <ליה#3#> אִימְרָא <ליה#3#> לַעֲלָתָא בְרִי וַאֲזַלוּ תַרוֵיהוֹן כַחדָא׃
22:09 )1( [ai]	וַאֲתוֹ לְאַתרָא דַאֲמַר לֵיה יוי וֻבנָא תַמָן אברהם יָת מַדבְחָא וְסַדַר יָת אָעַיָא וְעַקַד/וַעקַד#2#/ יָת יִצחָק בְרֵיה וְשַוִי יָתֵיה עַל מַדבְחָא \עֵיל מִן אָעַיָא /מעל לאעיא#3#/׃
22:10 )1( [ai]	וְאוֹשִיט/וְאוֹשֵיט#3#/ אברהם יָת יְדֵיה וֻנסֵיב יָת סַכִינָא לְמִכַס יָת בְרֵיה׃
22:11 )1( [ai]	וֻקרָא לֵיה מַלאֲכָא דַיוי מִן שְמַיָא וַאֲמַר אברהם אברהם וַאֲמַר הָאֲנָא׃
22:12 )1( [ai]	וַאֲמַר לָא תוֹשִיט/תוֹשֵיט#3#/ יְדָך בְעוּלֵימָא/לעולימא#3#/ וְלָא תַעֲבֵיד לֵיה מִדָעַם אֲרֵי כְעַן יָדַעִית אֲרֵי דָחֲלָא דַיוי אַת וְלָא מְנַעתָא יָת בְרָך יָת יְחִידָך מִנִי׃
22:13 )1( [ai]	וֻזקַף אברהם יָת עֵינוֹהִי בָתַר אִלֵין וַחזָא וְהָא דִכרָא <בתר#3#/חדא#3#/> אֲחִיד/דאיתחד#3#/ בְאִילָנָא בְקַרנוֹהִי וַאֲזַל אברהם וֻנסֵיב יָת דִכרָא וְאַסְקֵיה לַעֲלָתָא חֲלָף בְרֵיה׃
22:14 )1( [ai]	\וֻפלַח וְצַלִי /וצלי ופלח#3#/ אברהם תַמָן בְאַתרָא הַהוּא אֲמַר קדם יוי הָכָא יְהוֹן פָלְחִין דָרַיָא בְכֵין יִתאֲמַר כְיוֹמָא/ביומא#3#/ הָדֵין/ההוא#3#/ בְטוּרָא הָדֵין אַברָהָם קדם יוי פְלַח׃
22:15 )1( [ai]	וֻקרָא מַלאֲכָא דַיוי לאברהם תִיניָנוּת מִן שְמַיָא׃
22:16 )1( [ai]	וַאֲמַר בְמֵימְרִי קַיֵימִית אֲמַר יוי אֲרֵי חֲלָף דַעֲבַדתָא יָת פִתגָמָא הָדֵין וְלָא מְנַעתָע יָת בְרָך יָת יְחִידָך׃
22:17 )1( [ai]	אֲרֵי בָרָכָא אֲבָרְכִינָך וְאַסגָאָה אַסגֵי יָת בְנָך כְכוֹכְבֵי שְמַיא וֻכחָלָא דְעַל כֵיף יַמָא וְיֵירְתוּן בְנָך יָת קִרוֵי סָנְאֵיהוֹן׃
22:18 )1( [ai]	וְיִתבָרכוּן בְדִיל בְנָך כֹל עַמְמֵי ארעא חֲלָף דְקַבֵילתָא לְמֵימְרִי/במימרי#3#/׃
22:19 )1( [ai]	וְתָב אברהם \לְוָת עוּלֵימֹהִי /לעולימוהי#3#/ וְקָמוּ וַאֲזַלוּ כַחדָא לִבאֵר שָבַע וִיתֵיב אַברָהָם בִבאֵר שָבַע׃
22:20 )1( [ai]	וַהֲוָה בָתַר פִתגָמַיָא הָאִלֵין וְאִתחַוַה לאברהם לְמֵימַר הָא יְלֵידַת מִלכָה אַף הִיא בְנִין לְנָחוֹר אֲחוּך׃
22:21 )1( [ai]	יָת עוץ בֻכרֵיה וְיָת בוּז אֲחוּהִי וְיָת קְמוּאֵל אֲבוּהִי דַאֲרָם׃
22:22 )1( [ai]	וְיָת כַשַד וְיָת חֲזוֹ וְיָת פִלדָש וְיָת יִדלָף וְיָת בְתוּאֵל׃
22:23 )1( [ai]	וֻבתוּאֵל אוֹלֵיד יָת רִבקָה תְמָניָה אִלֵין יְלֵידַת מלכָה לְנָחוֹר אֲחוּהִי דאברהם׃
22:24 )1( [ai]	וֻלחֵינְתֵיה וֻשמַה רְאוּמָה וִילֵידַת אַף הִיא יָת טַבַח וְיָת גַחַם וְיָת תַחַש וְיָת מַעֲכָה׃

next chapter