← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


23:01 )1( [ai]וַהווֹ חַיֵי שָׂרָה מְאָה וְעַשרִין וֻשבַע שְנִין שְנֵי חַיֵי שָׂרָה׃
23:02 )1( [ai]וֻמֵיתַת שָׂרָה בְקִריַת אַרבַע הִיא חַברוֹן בארעא דִכנָעַן וַאֲתָא אברהם לְמִספְדַה דְשָׂרָה/לשׂרה#3#/ וֻלמִבכַה׃
23:03 )1( [ai]וְקָם אברהם מֵעַל אַפֵי מִיתֵיה וֻמַלֵיל עִם בְנֵי חִיתָאָה לְמֵימַר׃
23:04 )1( [ai]דַייָר וְתוֹתָב אֲנָא עִימְכוֹן הַבוּ לִי אַחסָנַת קְבוּרָא עִמְכוֹן וְאִקבַר מִיתִי מִן קְדָמָי׃
23:05 )1( [ai]וַאֲתִיבוּ בְנֵי חִתָאָה יָת אברהם לְמֵימַר לֵיה׃
23:06 )1( [ai]קַבֵיל מִינַנָא רִבוֹנַנָא רָב קְדָם יוי אַת בֵינַנָא בִשפַר קַברַנָא קְבַר יָת מִיתָך אֲנָש מִינַנָא יָת קִברֵיה לָא יכלי/ימנע#3#/ מִינָך מִלְמִקבַר מִיתָך׃
23:07 )1( [ai]וְקָם אברהם וֻסגֵיד לְעַמָא דארעא לִבנֵי חִיתָאָה׃
23:08 )1( [ai]וֻמַלֵיל עִמְהוֹן לְמֵימַר אִם <אִית#3#> רַעֲוָא <עם#3#> נַפשְכוֹן/בנפשכון#3#/לנפשכון#3#/ לְמִקבַר יָת מִיתִי מִן קְדָמַי קַבִילוּ מִנִי וֻבעוֹ לִי \מִן עַפרוֹן/בעפרון#3#/ בַר צֹחַר׃
23:09 )1( [ai]וְיִתַן/ויהב#3#/ לִי יָת מְעָרַת כָפֵילתָא דְלֵיה דְבִסטַר חַקלֵיה בִכסַף שְלִים יִתְנַה לִי בֵינֵיכוֹן לְאַחסָנַת קְבוּרָא׃
23:10 )1( [ai]וְעַפרוֹן יָתֵיב בְגוֹ בְנֵי חִיתָאָה וַאֲתיב עַפרוֹן חִיתָאָה יָת אברהם קְדָם בְנֵי חִיתָאָה לְכֹל עָלֵי/עליל#3#/ תְרַע קַרתֵיה לְמֵימַר׃
23:11 )1( [ai]לָא רִיבוֹנִי קַבֵיל מִנִי חַקלָא יְהַבִית לָך וֻמעָרְתָא דְבֵיה לָך יְהַבִיתַה לְעֵינֵי בְנֵי עַמִי יְהַבתַה לָך קְבַר מִיתָך׃
23:12 )1( [ai]וֻסגֵיד אברהם קְדָם עַמָא דארעא׃
23:13 )1( [ai]וֻמַלֵיל עִים עַפרוֹן קְדָם עַמָא דארעא לְמֵימַר בְרַם אִם <את#3#> עֲבַדת לִי טֵיבוּ קַבֵיל מִנִי איתין <דמי#3#> כַספָא דְמֵי חַקלָא סַב/קביל#3#/ מִנִי וְאַקבַר יָת מִיתִי תַמָן/לתמן#3#/׃
23:14 )1( [ai]וְאָתֵיב עַפרוֹן יָת אברהם לְמֵימַר לֵיה׃
23:15 )1( [ai]רִיבוֹנִי קַבֵיל מִנִי אֲרַע שָויָא אַרבַע מְאָה סִלעִין דִכסַף בֵינַא וֻבֵינָך מָא הִיא וְיָת מִיתָך קְבַר׃
23:16 )1( [ai]וְקַבֵיל/וֻשמַע#3#/ אברהם מִן עַפרוֹן וֻתקַל אברהם לְעַפרוֹן יָת כַספָא דְמַלֵיל קְדָם בְנֵי חִיתָאָה אַרבַע מְאָה סִלעִין דִכסַף מִתקַבַל/דמתקבל#3#/ סְחוֹרָא/בסחורתא#3#/ בְכָל מְדִינָא׃
23:17 )1( [ai]וְקָם חֲקַל עַפרוֹן דִבכָפֵילתָא דִקדָם מַמרֵא חַקלָא וֻמעָרְתָא דְבֵיה וְכָל אִילָנֵי דִבחַקלָא דִבכָל תְחוּמֵיה סְחוֹר סְחוֹר׃
23:18 )1( [ai]לאברהם לִזבִינוֹהִי לְעֵינֵי בְנֵי חִתָאָה בְכֹל/לכל#3#/ עָלֵי/עליל#3#/ תְרַע קַרתֵיה׃
23:19 )1( [ai]וֻבָתַר כֵין קְבַר אברהם יָת שָׂרָה אִיתְתֵיה בִמעָרַת/לִמעָרַת#3#/ חֲקַל כָפֵילתָא עַל אַפֵי מַמרֵא הִיא חַברוֹן בְאַרעָא דִכנָעַן׃
23:20 )1( [ai]וְקָם חַקלָא וֻמעָרְתָא דְבֵיה לְאַברָהָם לְאַחסָנַת קְבוּרָא מִן בְנֵי חִתָאָה׃

next chapter