← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


25:01 )1( [ai]וְאוֹסֵיף אברהם וֻנסֵיב אִיתְתָא וֻשמַה קְטוּרָה׃
25:02 )1( [ai]וִילֵידַת לֵיה יָת זִמרָן וְיָת יָקשָן וְיָת מְדָן וְיָת מִדיָן וְיָת מִשבָק וְיָת שוּחַ׃
25:03 )1( [ai]וְיָקשָן אוֹלֵיד יָת שְבָא וְיָת דְדָן וֻבנֵי דְדָן הֲווֹ לְמַשִריָן וְלִשכוּנִין וְלִנגָוָן׃
25:04 )1( [ai]וֻבנֵי מִדיָן עֵיפָא וְעֵיפַר וַחֲנוֹך וַאֲבִידָע וְאַלדָעָה כָל אִלֵין בְנֵי קְטוּרָה׃
25:05 )1( [ai]וִיהַב אברהם יָת כֹל דְלֵיה לְיִצחָק׃
25:06 )1( [ai]וְלִבנֵי לְחֵינָתָא דִלאברהם יְהַב אַברָהָם מַתְנָן וְשַלְחִינוּן מֵעַל יִצחָק בְרֵיה עַד/בְעוֹד#3#/ דְהוּא קַיָם לְקִדוּמָא לַאֲרַע מַדִנחָא׃
25:07 )1( [ai]וְאִלֵין יוֹמֵי שְנֵי חַיֵי אברהם דַחיָא מְאָה וְשִבעִין וְחַמֵיש שְנִין׃
25:08 )1( [ai]וְאִתנְגִיִד וֻמִית אַברָהָם בְסֵיבוּ טָבָא סִיב וֻסבַע <יוֹמִין#3#> וְאִתכְנֵיש לְעַמֵיה׃
25:09 )1( [ai]וֻקבַרוּ יָתֵיה יִצחָק וְיִשמָעֵאל בְנוֹהִי בִמעָרַת כָפֵילתָא דְבַחקַל עַפרוֹן בַר צֹחַר חִיתָאָה דְעַל אַפֵי מַמרֵא׃
25:10 )1( [ai]חַקלָא דִזבַן אברהם מִן בְנֵי חִתָאָה תַמָן אִתקְבַר אברהם וְשָׂרָה אִיתְתֵיה׃
25:11 )1( [ai]וַהֲוָה בָתַר דְמִית אברהם וֻבָרֵיך יוי יָת יצחק בְרֵיה וִיתֵיב יצחק עִם בֵירָא דְמַלאַך קַייָמָא אִתַחזִי עֲלַה׃
25:12 )1( [ai]וְאִלֵין תוֹלְדָת יִשמָעֵאל בַר אַברָהָם דִילֵידַת הָגָר מִצרֵיתָא אַמתָא דְשָׂרָה לְאַברָהָם׃
25:13 )1( [ai]וְאִלֵין שְמָהָת בְנֵי ישמעאל בִשמָהָתְהוֹן לְתוֹלְדָתְהוֹן בוּכרָא דישמעאל נְבָיוֹת וְקֵדָר וְאַדבְאֵל וֻמִבשָם׃
25:14 )1( [ai]וֻמִשמָע וְדוּמָה וֻמַשָא׃
25:15 )1( [ai]חֲדַד וְתֵימָא יְטוּר נָפִיש וָקֵדמָה׃
25:16 )1( [ai]אִלֵין אִנוּן בְנֵי ישמעאל וְאִלֵין שְמָהָתְהוֹן בָפַצחֵיהוֹן וֻבכַרכֵיהוֹן תְרֵי עֲסַר רַברְבִין לְאוּמֵיהוֹן׃
25:17 )1( [ai]וְאִלֵין שְנֵי חַיֵי ישמעאל מְאָה וֻתלָתִין וֻשבַע שְנִין וְאִתנְגִיד וְמִית וְאִתכְנֵיש לְעַמֵיה׃
25:18 )1( [ai]וֻשרוֹ מֵחֲוִילָה עַד חַגרָא דְעַל אַפֵי מצרים \מָטֵי לְאַתוּר /למטי אתור#3#/ עַל אַפֵי כֹל אֲחוֹהִי שְרָא׃
25:19 )1( [ai]וְאִלֵין תוֹלְדָת יִצחָק בַר אברהם אברהם אוֹלֵיד יָת יִצחָק׃
25:20 )1( [ai]וַהֲוָה יִצחָק בַר אַרבְעִין שְנִין כַד נְסֵיב יָת רִבקָה בַת בְתוּאֵל אֲרַמָאָה מִפַדַן דַאֲרָם אֲחָתֵיה דְלָבָן אֲרַמָאָה לֵיה לְאִיתוּ/לאנתו#3#/׃
25:21 )1( [ai]וְצַלִי יִצחָק קדם יוי לִקבֵיל אִיתְתֵיה אֲרֵי עַקרָא הִיא וְקַבֵיל \יוי צְלוֹתֵיה /צלותיה יוי#3#/ וְעַדִיאַת רִבקָה אִיתְתֵיה׃
25:22 )1( [ai]וְדָחֲקִין בְנַיָא בְמעַהָא וַאֲמַרַת אִם כֵין לְמָא דְנָן אֲנָא וַאֲזַלַת לְמִתבַע אוּלפָן מִן קדם יוי׃
25:23 )1( [ai]וַאֲמַר יוי לַה תְרֵין עַמְמִין בְמעַכִי וְתַרתֵין מַלכְוָן מִמְעַכִי יִתפָרְשָן וֻמַלכוּ מִמַלכוּ תִתַקַף וְרַבָא יִשתַעֲבַד לִזעֵירָא׃
25:24 )1( [ai]ושלִימוּ יוֹמַהָא לְמֵילַד וְהָא תִיוֹמִין בִמעַהָא׃
25:25 )1( [ai]וֻנפַק קַדמָאָה סִמוֹק כוּלֵיה כָכְלָן/כִגלִים#3#/ דִסעַר וֻקרוֹ שְמֵיה עֵשָׂו׃
25:26 )1( [ai]וֻבָתַר כֵין נְפַק אֲחוּהִי וִידֵיה אֲחִידָא בְעִקבָא דְעֵשָׂו וֻקרָא שְמֵיה יַעֲקֹב וְיִצחָק בַר שִתִין שְנִין כַד יְלֵידַת יָתְהוֹן׃
25:27 )1( [ai]וֻרבִיוּ עוּלֵימַיָא וַהֲוָה עֵשָׂו גְבַר נְחַשִירכָן גְבַר נָפֵיק חֲקַל וְיַעֲקֹב גְבַר שְלִים מְשַמֵיש בֵית אוּלפָנָא׃
25:28 )1( [ai]וֻרחֵים יצחק יָת עֵשָׂו אֲרֵי מִצֵידֵיה הֲוָה אָכֵיל וְרִבקָה רְחֵמַת יָת יַעֲקֹב׃
25:29 )1( [ai]וֻבַשֵיל יַעֲקֹב תַבשִילָא וְעָל/ואתא#3#/ עֵשָׂו מִן חַקלָא וְהוּא מְשַלהֵי׃
25:30 )1( [ai]וַאֲמַר עֵשָׂו לְיַעֲקֹב אַטעֵימנִי כְעַן מִן סִמוֹקָא סָמְקָא הָדֵין אֲרֵי מְשַלהֵי אֲנָא עַל כֵין קְרָא שְמֵיה אֲדוֹם׃
25:31 )1( [ai]וַאֲמַר יַעֲקֹב זַבֵין <כען#3#/לי#3#/> כְיוֹם דִלהֵי יָת בְכֵירוּתָך לִי׃
25:32 )1( [ai]וַאֲמַר עֵשָׂו הָא אֲנָא אָזֵיל לִמָמָת וֻלמָא דְנָן לִי בְכוֹרוּתָא׃
25:33 )1( [ai]וַאֲמַר יעקב קַיָים לִי כְיוֹם דִלהֵי וְקַיֵים לֵיה וְזַבֵין יָת בְכֵירוּתֵיה לְיַעֲקֹב׃
25:34 )1( [ai]וְיַעֲקֹב יְהַב לְעֵשָׂו לְחֵים וְתַבשִיל דִטלוֹפְחִין וַאֲכַל וֻשתִי וְקָם וַאֲזַל וְשָט עֵשָׂו יָת בְכֵירוּתָא׃

next chapter